Mark 11
11
Kulurtak a Jesu Jerusalem alut
(Mat 21:1-11; Lk 19:28-40; Jn 12:12-19)
1Anmani Jerusalem anheinai a, Bethphage le Bethany khopui modonna, Olive chingtang a anhong je. Jesu ning ama thiemroi inni ma aleitir 2hi-ang hin aleiti: <<Ninma kho-a se ru, son nintung ri Salungdai atute ning anluchong mak inkhat ankhit ninmu sik. Khawa kha heisut inlang hin heikei ru. 3Khan atumi inkhat ning, <Ang sik mi kha nintho e?> anahei ti inchu, Akupu#11:3 Akupu. ning a aneiman nomna aom, khan aheithak nok kalen sik tiru.>>
4Khana anmani ning anse-a lamsir-a Salungdai inkhat innkol anleikhit kha anleimu, Anmani ning ansut lai, 5khawa khan akingir alek ngaining anmanideng anleirakal, <<Angsik mo Salungdai ninsut e?>>
6Anmani ning anleimasang Jesu ning aleiminjet na ang a, khan alei kingir ngai khaning anlei minchoi je. 7Anmanining salungdai kha Jesu deng anhei roi-a, achunga anpon ngai salungdai chunga andap a, khan Jesu ning salungdai chunga aleichuong. 8Mi katamtak ngaining lampui a anpon anpha a, alek ngaining lei kolla thingbaak anwatuk a khan lampui-a anleipha pe. 9#Laa 118:25,26Khan amadonna akase le anuk kujui mingai khaning an-ong anleiphut, <<Pathien minpak ru! Puma riming a akahong amakha amachal atha! 10Akahong sik nipa Reng David rengram kha Pathien ning ralwantha pe rase. Pathien minpak ru!>>
11Jesu Jerusalem aheilut a, Bek-inn sunga alut a, khan amaning ang rikip a-en. Tak kholei ahongtung je jarra athiemroi somle-inni ngai le Bethany teng anleisuok je.
Jesu ning theichang kung ahakser
(Mat 21:18,19)
12Ajing kini-a, anmani ning Bethany ria anhong kir nok a, Jesu awon aleicham je. 13Akalaktak ria theichang kung abo kinbur inkhat aleimu, akara ngaikha a-om sik mi tia aka-en alei se. Tak amun atung karra, abo bei awamu je, ajarchu theichang ngai kinra pha lei imak. 14Jesu ning theichang kung deng khan aleiti, <<Nakara atute ning bak nok rang muru su!>>
Khan ama thiemroi ngaining achongril kha anlei jet.
Jesu Bek-inn aleise
(Mat 21:12-17; Lk 19:45-48; Jn 2:13-22)
15Anmani Jerusalem anheitung karra, Jesu Bek-inna aleise, Bek-inna neinak akajor le akaracho ngaiseng kha akaholsuok aleiphut jei. Amaning sumsan kuthul ngai le pharphili kajor ngai ankin-ongna ngai kha amalet pe je, 16khan Bek-inn sumpuk kutung khan neinak kuchoi atute inkhat num leiminlut mak je. 17#Is 56:7; Jer 7:11Jesu ning khawa so-a mingai deng aminchu je: <<Khachu hiwa anghin akinje khachu Pathien ning aleiti, <Kei bek-inn hi jat rikip ngai nina inn akinti sik e.> Tak nangni ning muruk kinthupna ninminchang je!>>
18Thiempu kolok ngai le Dan oja ngaining khawakha anjet je, khawa jarra ama that nasik a lampui aka-entok anphut jei. Anmani ning amakha anchi, ajarchu mipui ngai ning ama minchuna kha kinlak anleisak.
19Kholei aheitung a, Jesu le ama thiemroi ngai khopui kha anleimathaan jei.
Theichang kung ri-a kinchuna
(Mat 21:20-22)
20Jingteng ma, anmani lampui a anse lai, theichang kung kha anleimu. Khawakha arujung kutung a aleichar je. 21Peter ning omchen akosuok kha amindon na Jesu deng aleiti, <<Oja, Enro, nahakser theichang kung kha achar je!>>
22Jesu ning anmanideng aleimasang, <<Pathien taksen na nei ru. 23#Mat 17:20; 1 Cor 13:2Keining akidiktak kiniril pe e, atu-tu inum hiwa chingbung hi kinphuk inlang tui-ongpui lai-a tanasik chong ape a khan amulung kei-chi o na neilei-a, takkha aril na chung a asuok nger sik tia akataksen mi khadeng akintho sik e. 24Khawa jarra kini minjet e: nangni ning Pathien nina ninnei a angmikhat ninni karra, kinmu je tia taksen ru, khan ninni rikip ngaikha akinpe sik e. 25#Mat 6:14,15Khan ningir a Pathien deng nina ninnei karra, marwan na akaom Ninpa khaning nintho thel ngairikip ana rangai mindam nasik a, atumi inkhat chung a mulung hoimak na ninnei rikip kha rangai mindam ru.>>#11:25 Manuscripts alek a alam 26 akinchal: Milak ninrangai mindam mak inchu, marwan a akaom ninpa ning nangni thothel na ngai rangai mindam nape noning (Mat 6:15 a anri)
Jesu thotorna chungchang rakalna
(Mat 21:23-27; Lk 20:1-8)
27Anmani Jerusalem a woikhat anhong tung nok je. Khanna Jesu kha Bek-inn sunga aleilon lai, thiempu kolok, Dan oja ngai khan upa ngai amadenga anlei hong 28khan amadeng aleirakal, <<Hiwa ngai thotor nasik a ang ranak mo nanei? Hiwa thotorna hi atu ningmo anape e?>>
29Jesu ning anmanideng aleimasang, <<Keining chong inkhatbei narakal kate, khan nangning khawa kha nana masang inchu, keining ang thotorna ngai ningmo hiwa ngai hi kathotor e ti kini minjet sik. 30John ning baptized thotorna ranak anei kha khona ria mi, niti pe ru: Pathien ria a-imakli miring ria mi?>>
31Anmani inkhat le inkhat ankinkher phut je: <<Angmi niti sik? <Pathien ria e,> niti inle kha amaning, <Kha-inchu angsik mo John kha taksen lei nin e?> ati sik. 32Takkha miring ria niti inum>> (Anmani ning mipui ngai kha anlei chi, ajarchu mi rikip ning John kha chongkachoi pa e tia anlei.) 33Khawa jarra anmani ning Jesu deng aleimasang khachu, <<Keini jet mung.>>
Jesu ning anmanideng aleiti, <<Kha inchu, kisintho ngai hi ang thotorna ningmo katho e nangnideng niminjet noning.>>
Currently Selected:
Mark 11: MRK
Highlight
Share
Copy
Want to have your highlights saved across all your devices? Sign up or sign in
The copyright is jointly and equally held by:
© 2022 The Word for the World International
© 2022 North East Centre for Training and Research
All Rights Reserved
