Luke 7
7
1ႁိုဝ်ႉၸဝ်ႈရေႃးလဝ်မႂဵင်ႁႆႉဢၢမ်းၵိူဝ်ၻီးၵႆပရိၵ်ႈသၢတ်ႈယဝ်ႉ ၸွင်ႇၵွႆၵုတ်ႇလၼ်တုဝဵင်ၵပိူဝ်ႇၼေႇဢုမ်ႇဢေႃႈ။ 2တုဝဵင်ဢၼ်ၻီး ၶႃႈတပ်မူးဢၼ်တႃႉႁိုဝ်ႉရၵ်ႇၿၢႆးဢၼ်ၻီးႁွၵ်း ပဵၼ်းၵိၼ်းၿၢႆးရႄ ထတ်းငႃးယမ်ဢေႃႈ။ 3တပ်မူးဢၼ်ၻီး မိူဝ်းဢၼ်ငႂ်း(ရ်)လွင်ၸဝ်ႈယေႇသုၼေ ႁိုဝ်ႉပလွႆးၸႂ်ႇဢီႉဢၼ်ပိူဝ်(ရ်)ဢၢႆႉဢီႉမဵဝ်းၵျူးဢၼ်ၻီး လၼ်တေႃးႁိုဝ်ႉၸဝ်ႈဢႄးတွင်းပၢၼ်ႁိုဝ်ႉၸဝ်ႈ ဢႄးႁိုဝ်ႉၸဝ်ႈတြူးဢႄးၵတ်းငင်ၶျၢမ်းသႃတေႃးၶႃႈႁိုဝ်ႉဢၼ်ၻီးဢေႃႈ။ 4ၵိူဝ်ႇၽရႅဝ်းတြူးတေႃးၸဝ်ႈယေႇသုႁေ တွင်းပၢၼ်ၿၢႆးလူင်းလၢင်းရႄၻႃး တပ်မူးဢၼ်ၻီးၼႄႇ ဢၼ်ထိူၵ်းၶၢမ်တင်ႇဢၼ်ၸဝ်ႈဢေႉၸီႇၵေးၸူးဢႄးၿူဝ်ႇဢေႃႈ။ 5လွင်ႁိုဝ်ႉသမ်း ႁိုဝ်ႉၼႄႇဢီႉဢၼ်ရၵ်ႇတိူဝ်(ရ်)ယွင်ဢီႉမဵဝ်းဢေႉရႄ ငႃးၸီႇၸရွပ်ရေႃးတြႃးတႃႇဢေႉမူၵ်ႇယဝ်ႉ ၻႃးၸိုၼ်ၼီဢေႃႈ။ 6ၸဝ်ႈယေႇသုၵေႃႇ လၼ်တွႆးတင်ႇၵိူဝ်ႇဢေႃႈ။ မိူဝ်းဢၼ်ႁိုဝ်ႉၸဝ်ႈၽရႅဝ်းလၼ်တေႃးဢၼ်ၼမ်ပေႃယၢၼ်တင်ႇၵၢင်တပ်မူးဢၼ်ၻီးၼေ တပ်မူးပလွႆးၸႂ်ႇၿူဝ်ႉရႅၼ်ၵူးဝၼ်းမႆႁိုဝ်ႉလၼ်ရႄ ဢႄးၿွၼ်းလဝ်ရႄၻႃး ၸဝ်ႈဢေႉယၵ်ႇဢႄးၵရိူၵ်ၽွမ်းၸဝ်ႈဢေႉသေၵမ်း ၻႃးၸိုၼ်ၼီ ဢူဝ်ႉၼမ်ထိူၵ်းၼမ်တၢၼ်တင်ႇဢၼ်ၸဝ်ႈဢေႉငႃးတြူးၵုတ်ႇတုဢိူပ်းၵၢင်ဢူဝ်ႉဢၼ်ၼီ။ 7ဢူဝ်ႉထၢင်ႇဢူဝ်ႉဢၼ်ၼီပဵၼ်းဢီႉဢၼ်ၼမ်ထိူၵ်းၼမ်တၢၼ်ဢႄးၿွၼ်းၽရႅဝ်းတြူးတေႃးၸဝ်ႈဢေႉဢၼ်ၼီ။ ၿိူၵ်ႇၸဝ်ႈဢေႉမၢင်ဢမိင်ႉသိူဝ်ၶေႃၵိူၺ်းၵေႃႇ ဢီႉၵီးယႄႉဢူဝ်ႉငႃးၿွၼ်းၵတ်းငင်ၶျၢမ်းသႃၿူဝ်ႇဢေႃႈ။ 8ဢူဝ်ႉဢၼ်ၼီသင်းၻႃးပဵၼ်းၶႃႈတုၵိူတ်းၶုၼ်းသေၵေႃႇ ဢူဝ်ႉၿွၼ်းဢုပ်းပိူင်ဢီႉသိုၵ်းႁႆႉဢၢမ်းရႄ ၿိူၵ်ႇဢူဝ်ႉလဝ်ၵႆဢီႉသိုၵ်းႁွၵ်းဢၼ်ၻီးၻႃးလၼ်ရႄ ၻႃးၸိုၼ်ၼီၵေႃႇ ႁိုဝ်ႉၿွၼ်းလၼ်ဢေႃႈ။ ၿိူၵ်ႇတႃးတြူးရႄၻႃးၸိုၼ်ၼီၵေႃႇ ႁိုဝ်ႉတြူးဢေႃႈ။ ၵႆဢီႉၸႂ်ႇဢူဝ်ႉၵေႃႇ ၿိူၵ်ႇၻႃးၸီႇဢၼ်ၼီရႄ ၻႃးၸိုၼ်ၼီၵေႃႇၸီႇဢေႃႈ။ ၻႃးၸိုၼ်ၼီဢေႃႈ။ 9ၸဝ်ႈယေႇသုဢၼ်ၻီး မိူဝ်းဢၼ်ငႂ်း(ရ်)မႂဵင်ဢၼ်ၻီးၼေ သင်းၿၢႆးရႄ ဝၢႆးယွတ်ႈၵိူဝ်ႇၸိူဝ်းဢၼ်တွႆးထႃးပူတ်းႁိုဝ်ႉၸဝ်ႈႁႆႉဢၢမ်းႁေလဝ်ၻႃး ဢူဝ်ႉၻႃးသမ်းရိူင်ႇၻဵင်းယုမ်မၢတ်ႈဢၼ်မေႃႇထၢၼ်ၼီ တုၸိူဝ်ၶိူဝ်းဢိသရေးၼီ ဢူဝ်ႉၼမ်ဢေႃး(လ်)သိူဝ်ပွၵ်ႇၻႃးၸိုၼ်ၼီဢေႃႈ။ 10ၵိူဝ်ႇၸိူဝ်းဢၼ်တပ်မူးပလွႆးၸႂ်ႇတြူးႁႆႉဢၢမ်းၵိူဝ်ၻီး မိူဝ်းဢၼ်ၵိူဝ်ႇမေ(လ်)ဝဵင်ၽရႅဝ်းလွင်ၵၢင်ၼေ ၵိူဝ်ႇဝဵင်ဢေႃး(လ်)ၶႃႈဢၼ်တၵ်းရိူင်ႇၻဵင်းပဵၼ်းဢၼ်ၻီးဝႃမူဝ်ႇရၵ်ႇယဝ်ႉဢေႃႈ။ 11ထႅင်းသိူဝ်သိူဝ်ငိ ႁိုဝ်ႉၸဝ်ႈလၼ်တေႃးဝဵင်ဢၼ်ၿွၼ်းရၢၵ်ႇမူႇ(သျ်)ၼႃႇဢိၼႃႉဢၼ်ၻီးရႄ တပႄးၸဝ်ႈႁႆႉဢၢမ်းတင်ႇဢီႉၸုဢီႉတုမ်ႁိူင်းၿၢႆးတွႆးထႃးပူတ်းႁိုဝ်ႉၸဝ်ႈလၼ်ဢေႃႈ။ 12မိူဝ်းဢၼ်ၽရႅဝ်းထတ်းရိမ်းၵိူဝ်(ရ်)ဝႃႇဝဵင်ဢၼ်ၻီးၼေ ဢီႉလေႇဢီႉယမ်ႁွၵ်းဢၼ်ပဵၼ်းၵူးဝၼ်းၵိူဝ်ႇ(ရ်)မေႇယႃႇၵိူဝ်မႆး ဢၼ်ႁိုဝ်ႉမၢင်တေႃႁွၵ်း ဢၼ်ၻီးလႄတြူးရႄ ဢီႉဝဵင်ႁိူင်းၿၢႆးၵေႃႇတွႆးတြူးဢေႃႈ။ 13မိူဝ်းႁိုဝ်ႉၸဝ်ႈဢေႃး(လ်)ၵိူၼ်ၺႃႇဢၼ်ၻီးၼေ မၢင်ၽွမ်းဢၼ်တိူဝ်(ရ်)ယွင်ၿၢႆးရႄလဝ်ၻႃး ယၵ်ႇရၢၵ်ႇယၵ်ႇယၢမ်ၻႃးၸိုၼ်ၼီယဝ်ႉ၊ 14ႁိုဝ်ႉၸဝ်ႈၼူဝ်(ရ်)လၼ်ထတ်းထတ်းႁေ လေႇတိတိူဝ်သပ်းတိူၼ်လွင်းဢေႃႈ။ ၵိူဝ်ႇၸိူဝ်းဢၼ်ၵလမ်းတိူၼ်လွင်းၵိူဝ်ၻီးၵေႃႇ တိူၵ်းလူတ်ႈဢေႃႈ။ ၸဝ်ႈယေႇသုၵေႃႇလဝ်ရႄၻႃး ၵူးဝၼ်းဢီႉဢၼ်ၼီဢိူၺ်း၊ ရွႆရႄ၊ ဢူဝ်ႉမၢင်ဢမိင်ႉတေႃးမီႇဢေႃႈ။ 15ဢီႉယမ်ဢၼ်ၻီး ရွႆးၵၻေးဢုပ်းတြူးလူတ်ႇဢေႃႈ။ ၸဝ်ႈယေႇသုၸင်လေႇဢၢပ်းဢႄးတေႃးမႃႇၵိူဝ်ႇမေ(လ်)ဢေႃႈ။ 16ဢီႉႁႆႉဢၢမ်းတိူဝ်ႇ(ရ်)ဢၢႆႉၻႄႉၻူဝ်းငၢတ်ႇၿၢႆးရႄ တိူဝ်ႇ(ရ်)ဢၢႆႉၻႄႉယွင်ၽရေႃးၽြႃးပဵၼ်ၸဝ်ႈရႄၻႃး ပရေႃးၽႅတ်ႈဢၼ်မေႃႇပေႃတြူးတုဢေႉယဝ်ႉ။ ၽြႃးပဵၼ်ၸဝ်ႈတြူးၻွမ်းတြူးယွတ်ႈဢီႉမဵဝ်းႁိုဝ်ႉၸဝ်ႈယဝ်ႉ ၻႃးၸိုၼ်ၼီဢေႃႈ။ 17ရိူဝ်ဢူၺ်းႁိုဝ်ႉၸဝ်ႈ သီး(လ်)တူဝ်ႇလၼ်တဵမ်းပရီႇယုတႃႉတင်ႇရိပ်ရၢပ်ၵလေႃႉတီႇဢေႃႈ။ 18တပႄးယူဝ်းႁၢၼ်ႇႁႆႉဢၢမ်း လွၵ်ႇလဝ်လွင်ၵိူဝ်ၻီးႁႆႉဢၢမ်းတေႃးသြႃႇၵိူဝ်ႇဢေႃႈ။ 19ယူဝ်းႁၢၼ်ႇၵေႃႇ ရၢၵ်ႇလေႇတပႄးႁိုဝ်ႉၵဢႃး(ရ်)ႁေ ၸင်ပလွႆးၸႂ်ႇလၼ်ၸူတေႃးၸဝ်ႈယေႇသုရႄ ဢႄးၵိူဝ်ႇပလၢၵ်းမၢႆးႁိုဝ်ႉၸဝ်ႈၻႃး ၸဝ်ႈဢေႉၼႄႇ ၸဝ်ႈဢၼ်တြူးဢၼ်ၻီးႁိုဝ်ႉ ၼမ်ဢၼ်းၵေႃႇ ဢေႉၿွၼ်းပႂ်ထႅင်းတၢင်သူတၢင်ပႃးႁိုဝ်း ၻႃးၸိုၼ်ၼီဢေႃႈ။ 20ၵိူဝ်ႇၵိူဝ်ၻီးၵေႃႇ ၽရႅဝ်းတြူးတေႃးႁိုဝ်ႉၸဝ်ႈႁေလဝ်ရႄၻႃး ယူဝ်းႁၢၼ်ႇဢၼ်ဢႄးပပ်ႉတိၸၢမ်ႇမင်ႇၵလႃႇငိူပ်ႈဢူမ်းဢၼ်ၻီး ပလွႆးၸႂ်ႇဢေႉတြူးဢႄးၿွၼ်းပလၢၵ်းမၢႆးၻႃး ၸဝ်ႈဢေႉၼႄႇၸဝ်ႈဢၼ်တြူးဢၼ်ၻီးႁိုဝ်ႉ ၼမ်ဢၼ်းၵေႃႇ ၿွၼ်းမင်ထႅင်းတၢင်ႁွၵ်းလူးၵွၼ်ႇႁိုဝ်း ၻႃးၸိုၼ်ၼီဢေႃႈ။ 21မိူဝ်းၶိင်ၼႃႇရီႇဢၼ်ၻီး ၸဝ်ႈယေႇသုဢႄးဢီႉႁိူင်းၿၢႆးၵၢင်းလွတ်ႈထႃးရိူင်ႇၻဵင်းပဵၼ်းတင်ႇဢၼ်ၽီးရၢႆၵုတ်ႇဢၼ်ၻီးဢေႃႈ။ တေႃးၵိူဝ်ႇၸိူဝ်းဢၼ်ငၢႆလပ်းၵိူဝ်ၻီးၵေႃႇ ႁိုဝ်ႉၸဝ်ႈၸီႇဢႄးငၢႆၵိူဝ်ႇဢေႃး(လ်)တြူးဢေႃႈ။ 22မိူဝ်းၻီး ၸဝ်ႈယေႇသုမေ(လ်)လဝ်ၵိူဝ်ႇၵိူဝ်ၻီးရႄၻႃး ပေႉလၼ်ရႄလဝ်တေႃးယူဝ်းႁၢၼ်ႇၵႃႈဢၼ်ပေႉၿွၼ်းငႂ်း(ရ်) ၵႃႈဢၼ်ပေႉၿွၼ်းဢေႃး(လ်)ၵိူဝ်ၼီရႄ။ ၵိူဝ်ႇၸိူဝ်းဢၼ်ငၢႆလပ်းၵိူဝ်ၻီးၿွၼ်းဢေႃး(လ်)တြူးဢေႃႈ။ ၵိူဝ်ႇၸိူဝ်းဢၼ်ၸွင်ႇလူႇၵိူဝ်ၻီးၿွၼ်းၼူဝ်(ရ်)ရိူင်ႇၻဵင်းလၼ်ဢေႃႈ။ ဢီႉတုတ်ႇၵိူၺ်ၵေႃႇၿီး(လ်)ၵဵၼ်ယဝ်ႉဢေႃႈ။ ဢီႉၵတဵၵ်းလုတ်းၵိူၺ်ၵေႃႇ ၿွၼ်းငႂ်း(ရ်)မေ(လ်)ယဝ်ႉဢေႃႈ။ ဢီႉၽၢၼ်းၵိူၺ်ၵေႃႇ ၿွၼ်းငႂ်း(ရ်)ရိူဝ်ဢူၺ်းသိူဝ်းပျေႃယဝ်ႉ။ 23ၵိူဝ်ႇၸိူဝ်းပဵၼ်းတုတ်ႇၵိူဝ်ၻီးၿီး(လ်)ဢေႃႈ။ ၵိူဝ်ႇၸိူဝ်းဢၼ်ၵတႅၵ်းလုတ်းၵိူဝ်ၻီးၿွၼ်းငႂ်း(ရ်)တြူးဢေႃႈ။ ၵိူဝ်ႇၸိူဝ်းဢၼ်ယမ်ၵိူဝ်ၻီးၿွၼ်း ရွႆဢိမ်းမိူဝ်ရႄဢေႃႈ။ ၵိူဝ်ႇၸိူဝ်းဢၼ်ၽၢၼ်းၵိူဝ်ၻီးၵေႃႇ ၿွၼ်းငႂ်း(ရ်)ရိူဝ်ဢူၺ်းသိူဝ်းပျေႃဢေႃႈ။ ၵွပ်ပိူဝ်ဢူဝ်ႉရႄ ဢီႉဢၼ်ၽွမ်းၼမ်လူႇဢၼ်ၻီး မၢင်မင်ႇၵလႃႇဢေႃႈ ၻႃးၸိုၼ်ၼီဢေႃႈ။ 24ထႃးပူတ်းၵိူဝ်ႇၸိူဝ်းဢၼ်ယူဝ်းႁၢၼ်ႇပလွႆးဢီႉၽူႉရိူဝ်ဢူၺ်းတြူးဢၼ်ၻီးမေ(လ်)ဝဵင်လၼ်ၼေ ၸဝ်ႈယေႇသုလေႇလွင်ယူဝ်းႁၢၼ်ႇလဝ်တေႃးဢီႉတင်ႇႁိူင်းရႄၻႃး ပေႉလႄလၼ်ထႃးတုရုၵ်ႇပလၢင်းၵလႆးတုၺ်ဢႄးၿွၼ်းယွတ်ႈလွင်ၸိုၼ်ၼႄ။ လႄလၼ်ဢႄးၿွၼ်းယွတ်ႈတိူဝ်ႇ(ရ်)လေႃဢၼ်ၵူး(လ်)ထူဝ်းၵိူဝ်ၻီးႁိုဝ်း။ 25ၼမ်ဢၼ်းၵေႃႇ ဢႄးၿွၼ်းယွတ်ႈလွင်ၸိုၼ်ၼႄ ဢႄးၿွၼ်းယွတ်ႈၵိူဝ်ႇၸိူဝ်းဢၼ်ၵပ်ႇၵရိူင်ဢၼ်လႅပ်ဢၼ်ၻီးႁိုဝ်း။ ၵိူဝ်ႇၸိူဝ်းဢၼ်ၵပ်ႇၵရိူင်ဢၼ်ဢၢတ်းရႄ သူးဝမ်းဢၼ်ရၵ်ႇဢၼ်လႅပ်ၵိူဝ်ၻီး ၸၢင်မူဝ်ႇတုၵၢင်ၶုၼ်းဢေႃႈ။ 26ၼမ်ဢၼ်းၸိုၼ်ၻီးၵေႃႇ ပေႉလႄလၼ်ဢႄးၿွၼ်းယွတ်ႈလွင်ၸိုၼ်ၼႄ။ လႄလၼ်ဢႄးၿွၼ်းယွတ်ႈလွင်မဵဝ်းၸိုၼ်ၼႄ။ လႄလၼ်ဢႄးၿွၼ်းယွတ်ႈပရေႃးၽႅတ်ႈႁိုဝ်း။ ဢၼ်းယဝ်ႉ ဢူဝ်ႉၻႃးႁိုဝ်ႉၼႄႇဢီႉဢၼ်မေႃႇဢၼ်မျၢတ်ႈၿၢႆးလွၵ်ႇပရေႃးၽႅတ်ႈဢေႃႈ။ 27ဢၼ်တြူးတုၵျၢမ်းလိၵ်တႅမ်းမၢင်မူၵ်ႇၻႃးသမ်း ယွတ်ႈလူး ဢူဝ်ႉငႃးပလွႆးၸႂ်ႇတမၢၼ်ဢူဝ်ႉထႃးငၢႆမီႇဢၼ်မိူဝ်ရႄရႅၼ်းသဵၼ်းရိူင်ႇၻဵင်းမီႇၵိူဝ်ၻီးဢေႃႈ ၻႃးၸိုၼ်ၼီဢၼ်ၻီး သုၼ်းၻႃးဢီႉဢၼ်ၼီယဝ်ႉ။ 28ဢူဝ်ႉၻႃးသမ်း တုၵိူဝ်ႇၸိူဝ်းဢၼ်ၵိူတ်ႇၻမ်းတြူးတုၵိူၼ်ၺႃႇႁႆႉဢၢမ်းၵိူဝ်ၻီး ပရေႃးၽႅတ်ႈဢၼ်မေႃႇမျၢတ်ႈၿၢႆးလွၵ်ႇယူဝ်းႁၢၼ်ႇဢၼ်ၻီး ၼမ်မၢင်သိူဝ်ႁွၵ်းႁွၵ်း။ ၻႃးၸိုၼ်ၼီသေၵေႃႇ ဢီႉဢၼ်ၵီးယႄႉလွၵ်ႇဢီႉတုပရီႇၽြႃးပဵၼ်ၸဝ်ႈဢၼ်ၻီးၿၢႆးၶႅၼ်းမေႃႇမျၢတ်ႈၿၢႆး လွၵ်ႇဢၼ်ၻီးဢေႃႈ။ 29ဢီႉသိူတ်းၶွၼ်ႁႆႉဢၢမ်းတင်ႇဢီႉတင်ႇလူင်းၵိူဝ်ၻီး ဢၼ်ၵိူဝ်ႇၿွၼ်းၶၢမ်လေႇပပ်ႉတိၸၢမ်ႇမင်ႇၵလႃႇငိူပ်ႈဢူမ်းတေႃးသြႃႇယူဝ်းႁၢၼ်ႇရႄ တိူဝ်ႇ(ရ်)ဢၢႆႉၻႄႉရပ်ႇၶၢမ်ၽြႃးပဵၼ်ၸဝ်ႈၼႄႇတႃႉဢၼ်သိုဝ်တေႃဢေႃႈ။ 30ၽႃႇရိသႄးၿူဝ်ႇတင်ႇဢီႉသြႃႇမေႃးၵျၢမ်းဢၼ်ၼမ်ၶၢမ်လေႇမင်ႇၵလႃႇငိူပ်ႈဢူမ်းပပ်ႉတိၸၢမ်ႇယူဝ်းႁၢၼ်ႇၵိူဝ်ၻီးသမ်း တိူဝ်ႇ(ရ်)ဢၢႆႉၻႄႉ ပႄထဵင်းၵေးၸူးတြႃးၽြႃးပဵၼ်ၸဝ်ႈဢေႃႈ။ 31ၵမ်းၻီး ၸဝ်ႈယေႇသုလဝ်ထႅင်းၻႃး ဢူဝ်ႉငႃးၿွၼ်းလေႇဢီႉၵၢပ်ၸိုၼ်ၼီ တႅၵ်ႇတိူင်းတင်ႇၼႄႉၵိူဝ်ၻေးၸိုၼ်ၼႄၻႃးသမ်း။ 32ငႃးၻေးၸိုၼ်ဢၼ်ၼႄႇ ၻေးၸိုၼ်ၵူးဝၼ်းဢီႉၵိူၺ် ဢၼ်ၵၻေးၿူဝ်ႇတုတိူဝ်ႇ(ရ်)လႃႇ(သျ်)ႁေရႄ ႁွၵ်းၿူဝ်ႇႁွၵ်းတိူဝ်ႇ(ရ်)ရၢၵ်ႇသေႃးရႄၻႃး သင်းၻႃးဢေႉပုတ်းပီးပလႄးပေႉၵေႃႇ ပေႉၼမ်ၵႃး သင်းၻႃးဢေႉၵရိူၵ်ႇၽွမ်းရၢၵ်ႇယၢမ်သေၵေႃႇ ပေႉၼမ်ရၢၵ်ႇၼမ်ယၢမ်ၻႃးၸိုၼ်ၼီဢေႃႈ။ 33လွင်ႁိုဝ်ႉသမ်း ယူဝ်းႁၢၼ်ႇဢၼ်ဢႄးပပ်ႉတိၸၢမ်ႇဢၼ်ၻီး ႁိုဝ်ႉၼမ်သူးဝမ်းၵၢႆးမုၼ်းၼမ်တႅင်းဢူမ်းၸပိတ်ႉရႄပေႉၻႃး ႁိုဝ်ႉၼႄႇဢီႉဢၼ်ၽီးရၢႆၵုတ်ႇၻႃးၸိုၼ်ၼီဢိူဝ်ႈ။ 34မိူဝ်းဢၼ်ၵူးဝၼ်းဢီႉတြူးရႄ သူးဝမ်းၿူဝ်ႇသူတ်းၿူဝ်ႇဢၼ်ၻီး ပေႉသမ်းၻႃး ယွတ်ႈလူးဢီႉဢၼ်ၼီၼႄႇ ဢီႉဢၼ်သူးဝမ်းပိူၼ်သူးဝမ်းလိူဝ်း ဢီႉဢၼ်တႅင်းဢူမ်းၸပိတ်ႉလိူဝ်းပိူၼ် ဢီႉဢၼ်ၸီႇၿူဝ်ႉၸီႇရႅၼ်တိူဝ်ႇ(ရ်)တွႆးတင်ႇဢီႉသိူတ်းၶွၼ်ၿူဝ်ႇတင်ႇဢီႉ ဢၼ်မၢင်ဢႃပရႅတ်ႈၵိူၺ်ၵိူဝ်ၻီး ၻႃးၸိုၼ်ၼီၿူဝ်ႇ ၻႃးၸိုၼ်ၼီဢေႃႈ။ 35သင်းၻႃးၸိုၼ်ၻီးၵေႃႇ ပိင်ႇၺႃတြႃးၼႄႇဢၼ်သိုဝ်တေႃတုၵူးဝၼ်းႁိုဝ်ႉႁႆႉဢၢမ်းဢေႃႈ ၻႃးၸိုၼ်ၼီဢေႃႈ။ 36ၽႃႇရိသႄးႁွၵ်းရၢၵ်ႇပၢင်းႁိုဝ်ႉၸဝ်ႈ ဢႄးႁိုဝ်ႉၸဝ်ႈၿွၼ်းသူးဝမ်းရိူမ်ႇသူးဝမ်းတိူဝ်ႇ(ရ်)တွႆးတင်ႇႁိုဝ်ႉရႄ ႁိုဝ်ႉၸဝ်ႈၵေႃႇ ၵုတ်ႇလၼ်တုၵၢင်ၽႃႇရိသႄးဢၼ်ၻီးႁေယဝ်ႉ ၵၻေးၿူဝ်ႇရိမ်တေႃးၽိူၼ်းၵၢႆးဢေႃႈ။ 37တုဝဵင်ဢၼ်ၻီး မၢင်ၵိူၼ်ၺႃႇႁွၵ်းဢၼ်မၢင်ဢႃပရႅတ်ႈဢၼ်ၻီးဢေႃႈ။ မိူဝ်းႁိုဝ်ႉငႂ်း(ရ်)လွင်ၸဝ်ႈယေႇသုတြူးသူးဝမ်းၵၢႆးၿူဝ်း(ရ်)တုၵၢင်ဢီႉၵိူင်းၽႃႇရိသႄးဢၼ်ၻီးၼေ ႁိုဝ်ႉလေႇပၵ်းၼမ်မၼ်ႁွမ်ႁွၵ်းဢၼ်လင်းမေႃႇႁေ လၼ်ၸူတေႃးၻီးဢေႃႈ။ 38ၵိူၼ်ၺႃႇဢၼ်ၻီး ၸဵင်ၿူဝ်ႇထႃးပူတ်းရိမ်းၸွင်ႁိုဝ်ႉၸဝ်ႈႁေ ရၢၵ်ႇယၢမ်ရႄ ဢႄးဢူမ်းငၢႆႁိုဝ်ႉၵလႄးသပ်းလွင်ၵူဝ်(လ်)ၸွင်ႁိုဝ်ႉၸဝ်ႈဢေႃႈ။ ဝၢႆးဢၼ်ၻီး ႁိုဝ်ႉသမ်းလေႇႁုၵ်းၵိင်းဝတ်းၸွင်ႁိုဝ်ႉၸဝ်ႈႁေယဝ်ႉ ဢုၺ်းႁွမ်သုတ်ၸွင်ႁိုဝ်ႉၸဝ်ႈရႄ လေႇဢူမ်းႁွမ်ထုၵ်းဢႄးဢေႃႈ။ 39မိူဝ်းဢၼ်ၽႃႇရိသႄးဢၼ်ရၢၵ်ႇပၢင်းႁိုဝ်ႉၸဝ်ႈတြူးဢၼ်ၻီးဢေႃး(လ်)ၼေ ႁိုဝ်ႉထၢင်ႇတုၽွမ်းရႄၻႃး ၿိူၵ်ႇဢီႉဢၼ်ၼီ ၼႄႇပရေႃးၽႅတ်ႈၼေ ႁိုဝ်ႉရၵ်ႇသိူမ်မႃႇ(သျ်)လွင်ၵိူၼ်ၺႃႇဢၼ်တိူဝ်ၸွင်ႁိုဝ်ႉၸဝ်ႈၿူဝ်ႇဢၼ်ၻီးၼႄႇၵိူၼ်ၺႃႇမဵၼ်းၼႄဢၼ်ၻီးဢေႃႈ။ 40ၵမ်တီးၸဝ်ႈယေႇသုၵေႃႇမေ(လ်)လဝ်ရႄၻႃး သိမုၼ်ႇဢိူၺ်း ဢူဝ်ႉမၢင်သမ်လဝ်သိူဝ်မဵဝ်းတေႃးမီႇဢေႃႈ။ ႁေၵေႃႇ သိမုၼ်ႇမေ(လ်)လဝ်ရႄၻႃး တႃႉသြႃႇ၊ လဝ်သေၵမ်း။ 41ၸဝ်ႈယေႇသုလဝ်ၻႃး မၢင်ဢီႉၵိူဝ်ဢႃး(ရ်)ၶမ်းၼီတေႃးတႃႉပႅၵ်းႁွၵ်း။ ႁွၵ်းၶမ်းၼီတေႇၼႃႇရီႇႁၼ်းပိူဝ်(ရ်)ယႃၶလႅပ်းဢေႃႈ။ ထႅင်းႁွၵ်းသမ်း ၶမ်းတေႇၼႃႇရီႇႁၼ်းၵေႃး(လ်)ၶလႅပ်းဢေႃႈ။ 42ၵႃ(ရ်)ၼမ်မၢင်သိူမ်ၽရေႃးဢႄးၼီရႄ တႃႉပႅၵ်းၶႂၢင်းဢႄးၼီတေႃးၵႃ(ရ်)ၵိူဝ်ဢႃး(လ်)ဢေႃႈ။ ၿိူၵ်ႇၼႄႇၸိုၼ်ၻီးၼေ တုၵႃ(ရ်)ၵိူဝ်ဢႃး(လ်)ဢၼ်ၻီး ဢၼ်ၼႄႇငႃးရၵ်ႇတႃႉပႅၵ်းဢၼ်ၻီး။ 43သိမုၼ်ႇၵေႃႇလဝ်ရႄၻႃး ဢူဝ်ႉထၢင်ႇဢီႉဢၼ်ပလွႆးၶႂၢင်းဢႄးၼီႁိူင်းႁိူင်းဢၼ်ၻီးၿၢႆးရၵ်ႇဢေႃႈ။ ၸိုၼ်မီႇလဝ်ၼေဢၼ်းယဝ်ႉ ၸဝ်ႈယေႇသုလဝ်ၸိုၼ်ၼီဢေႃႈ။ 44ဝၢႆးဢၼ်ၻီး ၸဝ်ႈယေႇသုဝႆၢးၸူၵိူၼ်ၺႃႇဢၼ်ၻီးႁေ လဝ်တေႃးသိမုၼ်ႇရႄၻႃး မီႇဢေႃး(လ်)ၵိူၼ်ၺႃႇၼီႁိုဝ်း။ မိူဝ်းဢၼ်ဢူဝ်ႉၵုတ်ႇတြူးတုၵၢင်မီႇဢၼ်ၼီ မီႇၼမ်ဢႄးဢူမ်းၶေးၸွင်ဢူဝ်ႉ။ ၵိူၺ်းၻႃး ၵိူၼ်ၺႃႇဢၼ်ၼီသမ်း လေႇဢူမ်းငၢႆႁိုဝ်ႉၵလႄးသပ်းၵႆၸွင်ဢူဝ်ႉရႄ လေႇရုၵ်းၵိင်းႁိုဝ်ႉဝတ်းဢႄးယဝ်ႉ။ 45မိူဝ်းဢူဝ်ႉတြူးၸူမီႇဢၼ်ၻီး မီႇၼမ်လေႇဢုၺ်းႁွမ်သၢႆးလေႇဢူဝ်ႉ။ ၵိူၺ်းၻႃး ထႃးမိူဝ်းဢူဝ်ႉၵုတ်ႇတြူးတုၵၢင်မီႇဢၼ်ၼီ ၵိူၼ်ၺႃႇဢၼ်ၼီဢုၺ်းႁွမ်ၸွင်ဢူဝ်ႉၼမ်ၻိူၵ်း။ 46မီႇသမ်း ၼမ်လေႇၼမ်မၼ်ႁွမ်ထုၵ်းၵိင်းဢူဝ်ႉ။ ၵိူၼ်ၺႃႇဢၼ်ၼီသမ်း လေႇၼမ်မၼ်ႁွမ်ၶေးဢႄးၸွင်ဢူဝ်ႉ။ 47ၵွပ်ၸိုၼ်ၼီရႄ ဢူဝ်ႉၻႃးသမ်း ၵိူၼ်ၺႃႇဢၼ်ၼီ ပလႄးရိူင်ႇၻဵင်းရၵ်ႇႁိူင်းၿၢႆး။ ႁေၵေႃႇ ဢႃပရႅတ်ႈၵိူၼ်ၺႃႇဢၼ်ၼီႁႆႉဢၢမ်း ဝႃၿွၼ်းပလွႆးလွတ်ႈယဝ်ႉ။ ဢူဝ်ႉၻႃးသမ်းႁိုဝ်ႉရၵ်ႇႁိူင်းၿၢႆးရႄ ႁိုဝ်ႉၵၢင်းလွတ်ႈတင်ႇဢႃပရႅတ်ႈႁိူင်းၿၢႆးဢိူဝ်ႈ။ ဢီႉဢၼ်ရၵ်ႇလႆဢၼ်ၻီးၵၢင်းလွတ်ႈတင်ႇဢႃပရႅတ်ႈလႆဢိူဝ်ႈ။ ၻႃးၸိုၼ်ၼီဢေႃႈ။ 48ၵႆၵိူၼ်ၺႃႇဢၼ်ၻီးၵေႃႇ ႁိုဝ်ႉၸဝ်ႈလဝ်ရႄၻႃး ဢႃပရႅတ်ႈမီႇဢဝႃပလွႆးလွတ်ႈယဝ်ႉ ၻႃးၸိုၼ်ၼီဢေႃႈ။ 49ၵိူဝ်ႇၸိူဝ်းဢၼ်ၵၻေးၿူဝ်ႇရိမ်ၸဝ်ႈယေႇသုဢၼ်ၻီး ၵိူဝ်ႇတိူဝ်ႇ(ရ်)ဢၢႆႉၻႄႉၻႃး ဢီႉဢၼ်ပလွႆးလွတ်ႈဢႃပရႅတ်ႈဢၼ်ၼီၼႄႇယႄႇ ၻႃးၸိုၼ်ၼီဢေႃႈ။ 50ႁိုဝ်ႉၸဝ်ႈၵေႃႇလဝ်ၵႆၵိူၼ်ၺႃႇဢၼ်ၻီးရႄၻႃး ရိူင်ႇၻဵင်းယုမ်မၢတ်ႈမီႇဝႃၵႄႇၶျွတ်ႈလေႇမီႇ၊ လၼ်ၼိမ်းၼိမ်းလႃႈ ၻႃးၸိုၼ်ၼီဢေႃႈ။
Currently Selected:
Luke 7: rtpv-rv
Highlight
Share
Copy
Want to have your highlights saved across all your devices? Sign up or sign in
This translation of the Riang Lai Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
