Luke 14
14
1တုသိူဝ်သိူဝ်ငိၵမ်သိၼ်းသိူဝ်သိူဝ်ငိ ၸဝ်ႈယေႇသုလၼ်သူးဝမ်းၵၢႆးပူး(လ်)ဢတေႃးၵၢင်ဢီႉၸႃႉဢီႉၵိင်းၵိူင်းၽႃႇရိသႄးဢၼ်ၻီးႁွၵ်းရႄ ၵိူဝ်ႇတိူဝ်ႇ(ရ်)ဢၢႆႉၻႄႉပႂ်ၻွမ်းယွတ်ႈႁိုဝ်ႉၸဝ်ႈၿူဝ်ႇဢေႃႈ။ 2မိူဝ်းၻီး ဢီႉဢၼ်ပဵၼ်းဢတ်း(သျ်)ဢၼ်ၻီးႁွၵ်း တြူးၸူတေႃးႁိုဝ်ႉဢေႃႈ။ 3ႁိုဝ်ႉၸဝ်ႈၵေႃႇ မၢႆးသြႃႇမေႃးၵျၢမ်းၵိူဝ်ႇတင်ႇဢီႉၵိူင်းၽႃႇရိသႄးၵိူဝ်ၻီးရႄၻႃး ဢၼ်းၵျၢမ်းပိင်းၺၢပ်ႈတြႃးဢေႉဢႄးဢၶႂၢင်းဢၼ်ၸီႇဢႄးရိူင်ႇၻဵင်းရိူမ်ရိူင်ႇတဵင်းပဵၼ်းၿီး(လ်)တုသိူဝ်ငိၵမ်သိၼ်းႁႃႉ ၼမ်ဢႄးဢၶႂၢင်းႁႃႉ ၻႃးၸိုၼ်ၼီဢေႃႈ။ 4ၵိူဝ်ႇမူဝ်ႇပရတ်ႇ(သျ်)ပရတ်ႇ(သျ်)ၿူဝ်ႇဢေႃႈ ၸဝ်ႈယေႇသုလေႇဢီႉဢၼ်ၻီးရႄ ၸီႇဢႄးယေႃးၵႃႇႁိုဝ်ႉ ၵဵၼ်ၿီး(လ်)ႁေပလွႆးလၼ်ႁိုဝ်ႉဢေႃႈ။ 5ၵမ်းတီးႁိုဝ်ႉၵေႃႇမၢႆးၵိူဝ်ႇရႄၻႃး တုပေႉဢၼ်ၻီးသိူဝ်ႁွၵ်းႁွၵ်း ၿိူၵ်ႇၵူးဝၼ်းၵိူဝ်ႇ(ရ်)မေႇႁိုဝ်ႉ ၼမ်ဢၼ်းၵေႃႇ မိူၵ်းႁိုဝ်ႉဢၼ်ၻီး ၵလႄးဢူမ်းလူတုသိူဝ်ငိၵမ်သိၼ်းၼေ ႁိုဝ်ႉငႃးၼမ်လေႇလႄတုသိူဝ်ငိၵမ်းသိၼ်းၼေလူတ်ႇႁႃႉ ၻႃးၸိုၼ်ၼီဢေႃႈ။ 6ၵိူဝ်ႇၵိူဝ်ၻီး ၼမ်မေ(လ်)တွပ်းသိူဝ်တိသိူဝ်ၶေႃဢေႃႈ။ 7မိူဝ်းဢၼ်ၸဝ်ႈယေႇသုမႃႇ(သျ်)ဢေႃး(လ်)ဢၼ်ၵူးဝၼ်းမႆၶႅၵ်းတိူဝ်(ရ်)ၵႃရႃႇ(သျ်)တီႇဢႄးၿွၼ်းၵၻေးႁွင်ထႃးၵူဝ်(လ်)တုၺ်ၼေ ႁိုဝ်ႉၸဝ်ႈၵေႃႇ လေႇတင်ႇမႂဵင်ပုင်တႅၵ်ႈဢုပမႃႇလဝ်တေႃးၵိူဝ်ႇရႄၻႃး 8မိူဝ်းဢၼ်ဢီႉပၢင်းပေႉဢႄးၿွၼ်းၵုတ်ႇၽရႅဝ်းတေႃးပွႆးသွင်ႇမင်ႇၵလႃႇဢၼ်ၻီး ယၵ်ႇၵၻေးတီႇၵၻေးဢၼ်ရၵ်ႇဢၼ်ဢၢတ်းဢၼ်ၻီး ၵွပ်ၸိုၼ်ၼႄၻႃးသမ်း ၶႄးၸၢင်မၢင်ဢီႉဢၼ်မၢင်သရေငၢႆမေႃႇလၵ်ႇပေႉဢၼ်ၻီးၵေႃႇ ၿွၼ်းၶၢမ်တင်ႇဢၼ်ပၢင်းရႄ မိူဝ်းဢၼ်ၵိူဝ်ႇၽရႅဝ်းတြူးၼေ 9တႃႉၵၢင်ဢၼ်ပၢင်းရၢၵ်ႇတင်ႇပေႉတင်ႇႁိုဝ်ႉဢၼ်ၻီး တြူးတေႃးပေႉရႄလဝ်ၻႃး ဢႄးဢီႉဢၼ်ၼီၵၻေး ဢတေႃးၼီးရႄ ၻႃးၸိုၼ်ၼီမိူဝ်းၻီးပေႉတေငႃးၿွၼ်းၵိူဝ်သေႉရႄ ၵရၢႆၸူ(လ်)တြူးတေႃးတီႇၵၻေးဢၼ်တႄး(လ်)ယေႃၼေဢေႃႈ။ 10ၵွပ်ပိူဝ်ၸိုၼ်ၼီရႄ မိူဝ်းဢၼ်ဢီႉပၢင်းပေႉၼေလၼ်ၵၻေးတေႃးတီႇၵၻေး ဢၼ်တႄး(လ်)ယေႃတုၺ်ရႄ ၿိူၵ်ႇၸီႇၸိုၼ်ၻီးၼေ တႃႉၵၢင်ၼေတေတြူးရႄ လဝ်ၻႃးၿူဝ်ႉဢိူၺ်း တြူးၵၻေးဢတေႃးႁွင်ထႃးၵူဝ်(လ်)ဢၼ်ၼီရႄ ၻႃးၸိုၼ်ၼီ ၸီႇၸိုၼ်ၻီးပေႉတေၿွၼ်းမွၵ်ႇမႄ(လ်)ထႃးငၢႆၵူးဝၼ်းမႆၶႅၵ်းႁိူင်းၿၢႆးၼေဢေႃႈ။ 11ယႄႇသေၼမ်ၻႃး ဢီႉဢၼ်ၸေႃတူဝ်းၻႄႉၼေ တေၿွၼ်းၶၢမ်ဢၼ်ၶျႃးၵလႄးတီႇတႄး(လ်)ရႄ ဢီႉဢၼ်ၶျႃးတႄး(လ်)တူဝ်းၻႄႉၼေသမ်း တေၿွၼ်းၶၢမ်တင်ႇဢၼ်ၸေႃရေႃ ၻႃးၸိုၼ်ၼီဢေႃႈ။ 12မိူဝ်းၻီးႁိုဝ်ႉၸဝ်ႈသမ်း လဝ်တေႃးတႃႉၵၢင်ဢၼ်ပၢင်းႁိုဝ်ႉၸဝ်ႈၼေၻႃး မိူဝ်းဢၼ်မီႇၸႃႇၵႃႉၻမ်းလူႇၵၢႆးသိူၵ်ႇငီႇ ၼမ်ဢၼ်းၵေႃႇ ၵၢႆးပူဝ်း(ရ်)ၼေ ယၵ်ႇပၢင်းတေႃၿူဝ်ႉရႅၼ်မီႇ ၼမ်ဢၼ်းၵေႃႇ ၵူးဝၼ်းမႆမီႇ ၼမ်ဢၼ်းၵေႃႇ ၸိူဝ်ၶိူဝ်းမီႇ ဢီႉမၢၵ်ႇဢီႉမၢင်ဢၼ်တူမ်းမီႇၵိူဝ်ၻီးပၼ် ၵိူဝ်ႇၸၢင်မေ(လ်)ပၢင်းရၢၵ်ႇမီႇသေရႄ တွပ်းၽရေႃးဢႄးမေ(လ်)ၵေးၸူးမီႇဢေႃႈ။ 13မိူဝ်းဢၼ်မီႇၸႃႇၵႃႉၻမ်းလူႇၼေ ပၢင်းလေႇဢီႉၵွတ်းဢီႉၽၢၼ်း ဢီႉၸွင်ပုတ်းၸွင်ၵိူဝ်(လ်)ၻႅင်းၿူဝ်ႇတင်ႇဢီႉငၢႆလပ်းၵိူဝ်ၻီးရႄ။ 14ၿိူၵ်ႇမီႇၸီႇၸိုၼ်ၻီးၼေ မီႇတေမၢင်မင်ႇၵလႃႇၵွပ်ပိူဝ်ၵိူဝ်ႇၼမ်တၢတ်ၼိူင်ဢႄးၿွၼ်းတွပ်းၽရေႃးၵေးၸူးမီႇမေ(လ်)ၼေဢေႃႈ။ ၽြႃးပဵၼ်ၸဝ်ႈတေတွပ်းၽရေႃးဢႄးတုသိူဝ်ငိဢၼ်ဢီႉၵိူဝ်သင်းၵိူၺ်ရွႆမိူဝ်ရႄဢိမ်းၼေ ၻႃးၸိုၼ်ၼီဢေႃႈ။ 15တုၵိူဝ်ႇၸိူဝ်းဢၼ်ၵၻေးသူးဝမ်းၿူဝ်ႇတေႃးၽိူၼ်းသူးဝမ်းၵၢႆးၼေ ဢီႉႁွၵ်းငႂ်း(ရ်)ရႄ လဝ်ၻႃး ၵိူဝ်ႇၸိူဝ်းဢၼ်ၵိူဝ်ၻေးသူးဝမ်းတေႃၽိူၼ်းၵၢႆးဢတေႃးပွႆးပရီႇၽြႃးပဵၼ်ၸဝ်ႈၼေ မၢင်မင်ႇၵလႃႇဢေႃႈ ၻႃးၸိုၼ်ၼီဢေႃႈ။ 16ၸဝ်ႈယေႇသုၵေႃႇလဝ်တေႃးႁိုဝ်ႉရႄၻႃး မၢင်ဢီႉႁွၵ်းၸီႇပွႆးၶၢမ်ၶႅၵ်းလူင်းရႄ ပၢင်းၵူးဝၼ်းမႆၶႅၵ်းႁိူင်းၿၢႆးဢေႃႈ။ 17မိူဝ်းဢၼ်ၽရႅဝ်းၶိင်ၶၢမ်ပွႆးဢၼ်ၻီး ႁိုဝ်ႉပလွႆးၵူးဝၼ်းလဵင်ႁိုဝ်ႉလၼ်ရၢၵ်ႇၵူးဝၼ်းမႆၶႅၵ်းဢၼ်ပၢင်းမူၵ်ႇၼေၻႃးတြူးသေၵမ်းၶႃႈ ဢဝႃရႅၼ်းမူၵ်ႇၵလေႃႉၸိူဝ်ၵလေႃႉမဵဝ်းဢေႃႈ ၻႃးၸိုၼ်ၼီဢေႃႈ။ 18ၵိူၺ်းၻႃး ၵိူဝ်ႇၵိူဝ်ၻီး ၵလေႃႉဢီႉတွင်းပၢၼ်ဢႄးၶႂၢင်းလွတ်ႈတိူဝ်ႇ(ရ်)ၻေးၻႄႉ ႁွၵ်းၻႃးဢူဝ်ႉၿွၼ်းယႂ်(လ်)မူၵ်ႇၼႃသိူဝ်တူင်ယဝ်ႉ လူဝ်လၼ်ယွတ်ႈလူးၵွၼ်ဢေႃႈ ၶႂၢင်းလွတ်ႈဢႄးသေၵမ်းၶႃႈ ၻႃးၸိုၼ်ၼီတွင်းပၢၼ်တေႃးၵူးဝၼ်းလဵင်ၼေဢေႃႈ။ 19တၢင်ႁွၵ်းသမ်းၻႃး ဢူဝ်ႉၿွၼ်းယႂ်(လ်)မူၵ်ႇမိူၵ်ႇႁၼ်းၵူရႄ လူဝ်လၼ်ယွတ်ႈလူးၵွၼ်ဢေႃႈ ပလွႆးလွတ်ႈဢႄးသေၵမ်းၻႃးၸိုၼ်ၼီလၢႆ။ 20ထႅင်းႁွၵ်းသမ်းၻႃး ဢူဝ်ႉတၢမ်းဝႃလေႇယႃႇပၼ်ရႄ ၵွပ်ပိူဝ်ၸိုၼ်ၼီ ဢူဝ်ႉၼမ်တြူးၿွၼ်းၶႃႈ ၻႃးၸိုၼ်ၼီတွင်းပၢၼ်ဢေႃႈ။ 21ၵူးဝၼ်းလဵင်ႁိုဝ်ႉဢၼ်ၻီး မေ(လ်)တြူးရႄလဝ်ပလႄးလွင်ၵိူဝ်ၻီး တေႃးတႃႉပိူဝ်လဵင်ႁိုဝ်ႉဢေႃႈ တႃႉပွႆးဢၼ်ၻီးၽွမ်းၵႂတ်းသုၼ်းၸႃရႄလဝ်တေႃးၵူးဝၼ်းလဵင်ၻႄႉၼေရႄၻႃး လၼ်ဢတေႃးရိူင်ႇၻဵင်းလူႇင်းရိူင်ႇၻဵင်း ၵီးယႄႉၵလေႃႉပရွင်ၵလေႃႉသိူၵ်ႇဝဵတ်ႈ(သျ်)တုဝဵင်ၼေလီးလီးရႄ ရၢၵ်ႇလေႇဢီႉၵွတ်းဢီႉၽၢၼ်းဢီႉၸွင်ပုတ်းၸွင်ၵိူဝ်(လ်)ၻႅင်းၿူဝ်ႇတင်ႇဢီႉငၢႆလၵ်းၵိူဝ်ၻီးၼေတြူးရႄ ၻႃးၸိုၼ်ၼီဢေႃႈ။ 22ဝၢႆးဢၼ်ၻီး ၵူးဝၼ်းလဵင်ၼေမေ(လ်)လဝ်ၻႃး တႃႉဢေႉၸိုၼ်ဢၼ်တႃႉဢေႉၶရိုင်းၼေ ဢႃဝႃၸီႇဝႃဢေႃႈ ၵိူၺ်းတွၼ်ၻႃးတီႇၵၻေးယိုင် မၢင်ႁိူင်းၿူဝ်ႇလူးၵွၼ် ၻႃးၸိုၼ်ၼီဢေႃႈ။ 23တႃႉပွႆးသမ်းလဝ်တေႃးၵူးဝၼ်းလဵင်ႁိုဝ်ႉၼေရႄလဝ်ၻႃး လၼ်တွႆးရိူင်ႇၻဵင်းလၼ်မႃ(ရ်)လၼ်ၼႃ တိုၵ်းသူၼ်းရၢၵ်ႇလေႇဢီႉတၢင်ႁွၵ်းဢႄးတြူးထၼ်းပေႃၼိူၵ်ႇၵၢင်ဢူဝ်ႉလၼ် 24ဢူဝ်ႉၻႃးတေႃးပေႉသမ်း ၵိူဝ်ႇၸိူဝ်းဢၼ်ၿွၼ်းၶၢမ်ပၢင်းရၢၵ်ႇမူၵ်ႇၼေ တေၼမ်ၿွၼ်းၸိမ်ယွတ်ႈသိူဝ်တုၵၢႆးပွႆးဢူဝ်ႉဢၼ်ၼီသိူဝ်ႁွၵ်းႁွၵ်း ၻႃးၸိုၼ်ၼီ ၸဝ်ႈယေႇသုလဝ်ၻႃးမူၵ်ႇၸိုၼ်ၼီဢေႃႈ။ 25မၢင်သိူဝ်ၸုမ်းမူႇဢီႉႁိူင်းၿၢႆးၼူဝ်(ရ်)လၼ်တွႆးၸဝ်ႈယေႇသုၿူဝ်ႇရႄ ႁိုဝ်ႉဝၢႆးၸူႁေလဝ်တေႃးၵိူဝ်ႇရႄၻႃး 26ယႄႇသေၼမ်ၻႃး ဢီႉဢၼ်တြူးတေႃးဢူဝ်ႉၼေၿိူၵ်ႇႁိုဝ်ႉယင်ၼမ်ရၵ်ႇဢူဝ်ႉလၵ်ႇမႃႇပႃးႁိုဝ်ႉၵူးဝၼ်း ယႃႇႁိုဝ်ႉ ၵူးဝၼ်းမႆႁိုဝ်ႉ တင်ႇၵိူၼ်ၺႃႇၵိူဝ်ႇ(ရ်)မေႇၿူဝ်ႇတင်ႇဢသၢၵ်ႈႁိုဝ်ႉၼေတႄ ဢီႉဢၼ်ၻီးၼမ်ပဵၼ်းတပႄးဢူဝ်ႉၿွၼ်း 27ယႄႇသေၼမ်ၻႃး ၿိူၵ်ႇႁိုဝ်ႉၼမ်ၿႅၵ်းလၵ်းၵိူၼ်ရင်ၵလွင်းၵလႅင်းတူဝ်းၻႄႉရႄ တွႆးဢူဝ်ႉၼေဢီႉဢၼ်ၻီးၼမ်ပဵၼ်းတပႄးဢူဝ်ႉၿွၼ်း။ 28တုပေႉၼေၿိူၵ်ႇဢီႉသိူဝ်ႁွၵ်းႁွၵ်း ငႃးဢၢၼ်းတႄၸီႇၵိူၼ်ရင်လၢင်းၼေ ဢၢႆႉၻုတ်းၼေႁိုဝ်ႉၸင်ၵၻေးႁေယဝ်ႉ ၼပ်တွၵ်းၿႅၵ်းဢၼ်တေႁႆႉၼေ ဢႄးၿွၼ်းမႃႇ(သျ်)လွင်ဢၼ်ၿႅၵ်း ႁိုဝ်ႉတေၵုမ်းႁိုဝ်း ၼမ်ၵုမ်းႁိုဝ်ႉၼေဢေႃႈ။ 29ၿိူၵ်ႇၼမ်ဢၼ်းၸိုၼ်ၻီးႁိုဝ်ႉၵွင်းတိူင်းရဵတ်ႇ(သျ်)ၵိူၼ်ရင်လၢင်းသေရႄ ၼမ်ဝႃၼမ်တူဝ်ၿွၼ်းၼေဢီႉဢၼ်မႃႇ(သျ်)ဢၼ် ဢေႃး(လ်)တင်ႇႁိူင်း တေၸီႇၿိူၵ်ႇပျႅၵ်ႈငူတ်တေႃးႁိုဝ်ႉရႄၻႃး 30ဢီႉဢၼ်ၼီ သိူၼ်တိူင်းၸီႇၵၢၼ်းၵိူၺ်းရႄ ၼမ်ၸၢင်ၸီႇဢႄးၵၢၼ်းႁိုဝ်ႉဝႃတူဝ်ၿွၼ်း ၻႃးၸိုၼ်ၼီယဝ်ႉ 31သိူဝ်မဵဝ်းသမ်း ၿိူၵ်ႇၶုၼ်းႁေႃၶမ်းသိူဝ်ပႃးပႃးမၢင်ဢီႉသိုၵ်းသိူဝ်သွင်းတုမ်းသိုၵ်းလၼ်တိုၵ်းတင်ႇၶုၼ်းႁေႃၶမ်းတၢင်ပႃး ဢၼ်မၢင်ဢီႉသိုၵ်းဢႃး(ရ်) သွင်းၼေ ၶုၼ်းႁေႃၶမ်းဢၼ်ၻီး ဢၢႆႉၻုတ်းၼေႁိုဝ်ႉ ၸင်ၵၻေးတႂၵ်ႇယွတ်ႈႁေယဝ်ႉ တႅပ်းတတ်းလွင်ဢၼ်ၵိူမ်ရင်သိုၵ်းႁိုဝ်ႉ တေၶၢမ်ႁႃႉၼမ်ၶၢမ်ၿွၼ်းႁႃႉၼေဢေႃႈ။ 32ၿိူၵ်ႇႁိုဝ်ႉၼမ်ၶၢမ်ၿွၼ်းၼေၸူဝ်ဢၼ်သိုၵ်းယိုင် တိူဝ်ႇ(ရ်)ယၢၼ်ၻႄႉၿူဝ်ႇၼေ ႁိုဝ်ႉတေပလွႆးဢီႉတၢင်းတူဝ်းလၼ်ရႄ တွင်းပၢၼ်ဢႄးသိုၵ်းပရတ်ႇ(သျ်)လၼ်ဢေႃႈ။ 33ၻေးၸိုၼ်ၻီးလၢႆတုပေႉဢၼ်ၼီယႄႇသေၼမ်ၻႃး ၿိူၵ်ႇၼမ်ၸုၼ်းထဵင်းသိူဝ်ဢၼ်ႁိုဝ်ႉမၢင်ၵလေႃႉၸိူဝ်ၵလေႃႉမဵဝ်းၿွၼ်းၼေၼမ်ပဵၼ်းတပႄးဢူဝ်ႉ။ 34သူးဝၵ်းသမ်းရၵ်ႇဢေႃႈ။ ၵိူၺ်းၻႃး ၿိူၵ်ႇဢၼ်တၢပ်ႇႁိုဝ်ႉၿီး(လ်)ၼေ ၼမ်ၸၢင်မေ(လ်)လေႇဢၼ်တၢပ်ႇႁိုဝ်ႉထႅင်းလေ။ 35ၼမ်မၢင်ဢၵျူဝ်းတႃႇၵတေႉ ၸီႇမုၼ်ႇၵေႃႇၼမ်ၿွၼ်းယဝ်ႉရႄ တေၿွၼ်းထွၵ်းထဵင်းၵိူၺ်းဢေႃႈ။ ၿိူၵ်ႇမၢင်ၵတဵၵ်းဢၼ်ရၵ်ႇ ငႂ်း(ရ်)ၼေဢႄးငႂ်း(ရ်)သေၵမ်း ၻႃးၸိုၼ်ၼီဢေႃႈ။
Currently Selected:
Luke 14: rtpv-rv
Highlight
Share
Copy
Want to have your highlights saved across all your devices? Sign up or sign in
This translation of the Riang Lai Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
