Luke 13
13
1အွယ့်ခါ့အွယ့် ပလူးပိန်ပလားပလားဖုန်းဒီ့ လေးကာကိုယ်တော်ယေရှုဆောင့်ထွို့ လျှောက်ဒင်လိုကာ ခငြီးကောင်းအခိန်း ဂျေရုဆလင်ဝိန်းကု ကခံဘာဒါ ကျေ့စာမိုးစီ ဂါလိလဲကန်စာဖုန်း ခရာ။ "ပလူးအွယ့်ဟိုပူဇော်ကာတာ ဗိမာန်တော်ကုခိန်း ခွမ့်ခံပိလတ်အွယ့် မိန့်အာကျေးစာဖုန်းထွို့ အန်ချန်မိုးစီ့ ပလူးအွယ့်ဟိုဖုန်း" လျှောက်ကာနိန်းအွယ့်။ 2ထွို့မဲ့ ကိုယ်တော်အွယ့် " ပလူးအွယ့်ဟိုအွယ့် အပျက်ဒူထိုင် ဂါလိလဲကုကအိုဒါ ပလူးလငါ့ဖုန်းအွယ့်ကြားမဲ့ ပျန့်ကာဘာနိန်းအွယ့် နားက့ထင်ကာနိန်းအွယ့်နောဝ်။ 3နိန်းအွယ့် လီမေဟာ။ ငါးဘာသဒေါင့်နားက့ဒွို၊ နားက့ကားကအို မေခလကောင်း သံဝေဂအွယ့် အီကေ့လိုကာဘာတာ နောင်နိန်းအွယ့်။ 4ရှိလောင်တစင် လင်ပလုဲင်ခိန်း လင်တီလွော် ပလူးအစီ့စူးအွယ့်ကြားမဲ့ အာကာစီ့လိုကာဘာတာ။ ပလူးအွယ့်ဟိုအွယ့် အပျက်ဒူထိုင် ပလူးဂျေရုဆလင်ဝိန်းစာဖုန်း နားက့ထိုင်ကာနိန်းအွယ့်နောဝ်။ 5နိန်းအွယ့် လုံးဝလီမေဟာ။ ဒေါင့်မာလဲ့ ငါးအီဒေါင့်နားက့ဒွို။ နားက့မေလီလဟနောင်တအွယ့် နားကလဲ့ အီစီလိုကားဘာတာ နောင်နိန်းအွယ့်" မိန့်နိန်းအွယ့်။ 6ထွို့မဲ့ ကိုယ်တော်အွယ့် မိန့်အာတပည့်ဖုန်းပုံပြင်ဒွိုးဘာ။ "ပလူးအပလား စပျစ်ခြံကုအွယ့် စုစေးကန်း တယွူ့မွိုင်အိုအမွိုင်း။ အငြီးကုဒီ့ အာအွယ့် လေဟွိုင့်တယွူတာအွယ့်မွိုင်းလောင်လဲ့ လီသျှီဟ။ 7အွယ့်ကြားမဲ့ အာအွယ့် "တမွိုင် ဒွိုးမွိုင်းလောင် ထင်မာအီသျှီဘာတယွူ့တာထွို့ အိုပွိုင်းဟွိုင့်တာ လလိအန်တွမ့်နိန်း၊ လဲ့လီသျှီဟ အတာအမာ့မာ့။ ပေးကေ့ချန်း တမွိုင်ဒွိုးမွိုင်လုဲင်။ ကွက်တဟနာ ဖီအာအိုကန်းဒိုင့်ဘို့ဟန်ယာ" ဒေါင့်ပလူးမိုးဥယျာဉ်စာ။ 8ဒေါင့်မာလဲ့ ပလူးမိုးဥယျာဉ်စာအွယ့်ပလားအွယ့် "အန်းဒင်ဒါ တမွိုင်အွယ့်ဘာ ဒါအနိန်းအာ့မွန် ငါးအီဆွာ တမွိုင်ဒွိုးမွိုင်တီးထွို့ အီဆူကီဒါ့ဟန်ဩဇာ။ 9ဒါ့အနိန်း အသာသာဒါးဒါ့တုဲင်း။ အသာမေချန်းလီသာ ဟမဲ့ ပေမွန်" ဒေါင့်နိန်းအွယ့်" မိန်းနိန်းအွယ့်။ 10မွိုင်ငြီ့ဆောက်တေးတာ အငြီ့ကု ကိုယ်တော်အွယ့် အိုဟိုစွမ့်တာ ဓမ္မရုံအဘာကု။ 11အွယ့်ကုပါအွယ့် ပမွော်ခံဘာတလီခိုဟမိုးထွို့ ငင်ကောင်းတာ အိုလိ အစီ့စူးနိန်းအိုအပလား။ 12ကိုယ်တော်ယေရှုအွယ့် ထွိုင်သျှီထွို့ ပမွော်အွယ့်ပလားအွယ့် ဟောင့်အာထွို့ '' နားပမွော်၊ နားနုဲင့် တေးဒွိုးမမေငါ့ နားနုဲင့်ခိုချာလိနောင် ပကတိ'' မိန့်နိန်းအွယ့်ထွို့၊ 13အာထွိုင်ခင်း ပမွော်အွယ့်ပလားနောင်အာကျွော့်ထွို့ ပမွော်ပလားအွယ့် ငန်ဒိန့်တွို့ထန်စွူထွို့ အိုထွိုင်ထန်တာ ထွို့အမ်ဖရာထန်ဗွယ်ဖရာဂုဏ်တော်။ 1415ကိုယ်တော်အွယ့် "ဆူတော်ကောင်ယောင်ဆောင်စာဖုန်း။ မငြီးဆောက်တေးငြီးကု နားက့ဆောင့်ကအိုဒါ ပူဖုန်း၊သိဖုန်းအွယ့် နားကအိုပေါင်းကုဖီကြွထန်းထွို့ ဟောင့်လေအို့ကာသျှီ မေဟနောဝ်။ 16နိန်းအွယ့်မဲ့ ကခံပူဘာ နိန်းပေါင်းအာစီ့စူးနိန်းစာ ကပျန့်ဒါ အာဗြဟံဖုမွော် ပမွော်ဒွိုးပလားအွယ့်လဲ့ မငြီးဆောက်တေငြီ့ကုဒွို ဖီကြွထွိုက်တို တကအိုပူစေကန်းဒါကုမေဟနောဝ်" မိန့်ချာဒါ့နိန်းအွယ့်။ 17ကိုယ်တော်ငိုဖုန်းအွယ့် လကျိ့တွိုးပလူးကွင်ငိုင်းလငါ့ဒိုင့်စာ တကာတ့။ ဒေါင့်မာလဲ့ ကွပ်တထူဆန်ခရားအွယ့်ဘာမဲ့ လူထုပရိသတ်ကားကအိုဖုန်း ဟွမ်ခိုပျော်စွင်လိုကာ။ 18ထွို့မဲ့ ကိုယ်တော်အွယ့် "ဖရာသာသနာတော်ဒွို ဗွမ့်နောင်တဟနာ။ အီတိုက်တွိုင်နေ့ဘာနောင် တဟနာ။ 19တာအွယ့်ဘားအွယ့် ဗွမ့်နောင် ညောင်ကွော။ ပလူးပလားအွယ့် ချွော်ညောင်ကွောထွို့ အန်စုအာဥယျာဉ်ကု။ ညောင်ကွော့အွယ့် ဝေ့ကျွမ်းထန်နောင် အတိုင်းအလာဖုန်းမဲ့ ပျန့်ထန်းအမွိုင်ဒူထွို့ ထူဖုန်း မိုးဆို့ဒါတွို့ဟွူ့။ 20ထွို့မဲ့ ကိုယ်တော်အွယ့် "ဗွယ်ဖရာ သာသနာဒွို့ အီတိုက်တွိုင်ထိုင်ဘာဒါ့ နောင်တဟနာ။ 21တာအွယ့်ဘာအွယ့် ဗွမ့်နောင်ငြီ။ ပမွှော်ပလားအွယ့် ချွော်ငြီးထွို့ စူလင်းဂျုံဖွမ် အန်တွမ့်ပွမ်ကုမဲ့ ထွိုင်ရိုးခါ့ တအန်ဖုန်းတဖူထန်း" မိန့််နိန်းအွယ့်။ 22ထွို့မဲ့ ကိုယ်တော်ယေရှုအွယ့် ဟိုစွမ့်ဖီး လူထုပရိသတ်ဖုန်း ကအိုဒါ ကလေ့လေးလေ ဂျေရုဆလင် ဒုန့်စာဝိန်းစာဖုန်း။ 23ပလူးပလားအွယ့် "ဗွယ်၊ ပလူးအီခံဘာတကယ်အွယ့် အိုဆျန်ဟိုနောဝ်" တစီ့လျှောက်လေနိန်းအွယ့်။ 24ကိုယ်တော်အွယ့် "နားက့ကြိုစာနျူးကာ ကန်တင်ငွ့ာအျန်ကုလုဲင်။ ငါဒေါင့်နားက့ဒွို ပလူးဖုန်းဒွို ကြိုးစာလိုကာ ဖီကနျူးဒါ အွယ့်ကုတာ။ ဒေါင့်မာလဲ့ ပလူးအွယ့်ဟိုအွယ့် အီနျူးဒါ ကန်တင်းငွာ့ကု လီမေဟာ။ 25ယွမ်စာမေထွိုင်းထွို့ ထွိုင့်ကေ့ကန်တင်းအွယ့် နားက့အွယ့် အိုထွိုင်းဘာ ခုနောင့်ထွို့ "ယွမ်ဗွယ်၊ဗွမ့်ဖီကန်တင်း"အီးဒေါင့်ဘာနိန်းအွယ့်၊ ဒေါင့်မာလဲ့ ယွမ်းဗွယ်အွယ့် "နားက့အိုကမာရပ်လေး ငါးလီသိဟာ" အီဒေါင့်ချာနိန်းအွယ့်။ 26"က့ဒွို အန်အို့ကိုဖိုးနောင်ဗွယ်။ ဗွယ်ဒွို ဟိုစွမ်းဖီဖိုက့ အွိုက်က့ဝိန်းဒုန့်ကလေ့လောင်ကုဖုန်း" နားက့ဒေါင့်နိန်းအွယ့်လဲ့ 27အာအွယ့် "ငါးဒေါင့် နားက့ဒွို။အိုငါးဆောင့် စစွာ့ထန်ကာချန်းဒိ။ နားက့နုဲင့် ပျန့််ပလူးမိုက်ဖုန်းဟို့" ဒေါင့်နိန်းအွယ့်။ 28" ဗွယ်ဖရာ သာသနာကုဒွို ခွယ်လိုကာဘာ အာဗြဟံ၊ ဣဇက် နောင် အရိယာဆူတော်ကောင်ဖုန်းလဲ့ နားက့ခံဘာဝါစွာ့ထန်းခုနောင့်အွယ့်ကြားမဲ့ နားက့ဒွို အိမ်းမေထွို့ အီငွိုသပီကူလာကာဘာတာ။ 29ပလူးကအိုဒါ လကွမ်၊လပွူး၊လဝီ၊လထာ့ ရပ်ကုစာအွယ့် ဗွယ်ဖရာသာသနာတော်ကုဒွို့ အီအိုနန်းကိုကာဘာထွို့ အီအန်အိုကာဘာ တာအခိုစွက်။ 30အွယ့်ခါ့အွယ့် ပလူးအရေလီပါဟ ဒွိုးခါ့စာဖုန်းဒီ့ အီပျန့်ကာပလူးအရေဒူစွက်ဖုန်းထွို့ ဒွိုးခါ့ ကပျန့်ဒါ ပလူးအရေဒူစွက်စာဖုန်းဒွို အီပျန့်လိုကာ ပလူးအရေလီပါဟစွက်စာဖုန်း မှတ်ကာနိန်းအွယ့်လုဲင်" မိန့်နိန်းအွယ့်။ 31အွယ့်ခိန်းဒီ့ ဖာရိရှဲပိန်းပလားပလားအွယ့်တွိုလေးကိုယ်တော်ယေရှုဆောင့်ထွို့ "ဟေရုဒ်ဒီ ဘာသာမိုးစီ့နားအွယ့်ကြားမဲ့ အိုဒွိုးရပ်ကု စစွာ့ထန်ယားကေ့လုဲင်" လျှောက်ကာနိန်းအွယ့်။ 32ကိုယ်တော်အွယ့် "လေဒေါင့်ကာ ချွူဟန်အွယ့်ဘာလုဲင်။ငါးအီဝါစွာ့ လွှော်သေ့ဖုန်း ဟန်ငြီးနောင် မွိုင်ကိုညွော်မဲ့ အီမိုးတမာဖီ နာရောဂါဖုန်းထွို့ မေတွိုအန်တွမ်ငြီ့ကုအွယ့် ငါအီမိုးထွို့တိုတမိုး။ 33ဒေါင့်မာလဲ့ ဟန်ငြီး၊ မွိုင်ကိုးညွော်ထွို့ ဒါ့အငြီးကုအွယ့် ငါးအိုလူစစွာ့တုဲင်းကလေ့။ ကွက်တဟနာအွယ့် အရိယာဆူတော်ကောင်ဖုန်းဒွို လွို့ထွို့ ဂျေရုဆလင်ဝိန်းထွို့ လီစီ့ကာဟာလငါ့ရပ်ကု နိန်းအွယ့်လီအိုဟာ။" 34"ဂျေရုဆလင်၊ ဂျေရုဆလင်၊ နားနုဲင့် မိုးစီ့အရိယာဆူတော်ကောင်ဖုန်းထွို့ ဗွယ်ဖရာကကြွလင်ဒါ စေတမာန်ဖုန်းလဲ့ နက်လိုကာနောင်လုံ။ဗွမ့်နောင် စာ့မွိုဒွို အိုကုတ်ခိုဖီအာဖုဖုန်း အာကိုင်းလား ငါးဒွိုလဲ့ ကြိုစာအိုရေးဖီးနားဖုဖုန်း နောင်သအောင်ခမိန်းလိုင်လိုင်လဲ့ နားခွင်ဖီဟငါး။ 35နားဗိမာန်တော်ဒွို အီယင်တစ်ဆိုင်ခရိ နောင် ပလူးလီအိုဟကန္တာရ။ နားဒွို "ဗွယ် ကကြွလေးဒါနောင် ဗွယ်ဖရာနျန်းဒွို မင်္လာအိုငါး" တွိုတွို့ ခဒေါင့်ကောင်းငါးနိန်းအွယ့်ခါ နားလီသျှီဟာငါး ဒါ့အလိုင်ဟာ" မိန့်လေနိန်းအွယ့်။
Currently Selected:
Luke 13: ltpv-rv
Highlight
Share
Copy
Want to have your highlights saved across all your devices? Sign up or sign in
This translation of the Lahta Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
