Luke 22
22
1ᩅᩣ᩠ᨿᨶ᩠ᨶᩢᩢ ᨻᩭᨷᩈᨡᩣa ᩋ᩠ᨶᩢᩁ᩠ᩋᨦᩢᩅᩤ᩵ ᨲᨪᩮᨾᩯᩢᨻᩭᩉᩖᩅ᩠ᨦᨡᩮᩣᩢᩢᨾᩩᩁ ᨧᩣᩴᨳ᩠ᨦᩨᨾᩣᩓ᩠ᩅᩢ᪩ 2ᩉ᩠ᩅᩫᩉ᩠ᨶᩣᩢ ᨹᩪᩢᩉᩱ᩠ᨿ᩵ᨣ᩠ᨿᩪᨷᩁᩮᩣᩉ᩠ᨲᩥᨹᩪᩢᩉᩱ᩠ᨿ᩵ᨤ᩠ᨶᩫᩉᩖᩅ᩠ᨦᨴ᩠ᨦᩢᩉᩖᩣ᩠ᨿᩓᩢ ᩉ᩠ᨾᩳᨣᩕᩪᨩᩣ᩠ᨦ᩵ᨣᨾ᩠ᨻᩦᨡᩮᩣᩢᨩᩮ᩠ᩋᩨᨶ᩠ᨶᩢᩢ ᨣᩢᨠ᩠ᩅᩫᩁᩔᨯ᩠ᩋᩁᨤ᩠ᨶᩫ ᨾᩮ᩠ᨦᩨᨴ᩠ᨦᩢᩉᩖᩣ᩠ᨿᩀᩪ᩵ᩓ᩠ᩅᩢ᪩ ᨧᩢᩉᩣᩁᩮ᩠ᨦᩨ᩵ᨴᩤ᩠ᨦᨧᩢᨸ᩠ᩋᨦᨥᩣ᩵ᨴ᩠ᨶᩤ᩵ᨧᩮᩣᩢᩢᨿᩮ᩵ᨪᩩᨶ᩠ᨶᩢᩢ ᨲ᩠ᨿᨯᪧᩉᩣᩃᩣ᩠ᨿᨾ᩠ᨶᩢᩀᩪ᩵ᩓ᪩ 3ᩅᩣ᩠ᨿᨶ᩠ᨶᩢᩢ ᩈᩣᩅᨠᨧᩮᩣᩢᩢ ᩈ᩠ᨷᩥᩈ᩠ᩋᨦᨲ᩠ᨶᩫ ᨡᩮᩣᩢᩢᨻᩣᨩ᩠ᩋᨾ ᨿᩩᨴᨪᨠᩣᩁᩣ᩠ᨲᨶ᩠ᨶᩢᩢ ᨾᩦᨼ᩠ᨿᩣᨾᩣ᩠ᨶ ᨾᩣᨡᩮᩣᩢᩢᩉ᩠ᩅᩫᨧᩱᨾ᩠ᨶᩢᩈᩮᩓ᩠ᩅᩢ᪩ 4ᨯᩱᩢᨻᩱᨸ᩠ᨠᩨᩡᩈᩣᨠ᩠ᨷᩢᨯ᩠ᩅ᩠ᨿᩢᩉ᩠ᩅᩫᩉ᩠ᨶᩣᩢ ᨣ᩠ᨿᩪᨷᩁᩮᩣᩉ᩠ᨲᩥᨹᩪᩢᩉᩱ᩠ᨿ᩵ᨤ᩠ᨶᩫᩉᩖᩅ᩠ᨦᩓᩢ ᨧᩮᩣᩢᩢᩉ᩠ᨶᩣᩢᨴᩦ᩵ᩅᩥᨾᩣ᩠ᨶᨤᩣᩴᨡᩮᩣᩢ ᨻᩪ᩵ᩁᨧᩢᩐᩣᩢᨴ᩠ᨶᩤ᩵ᨧᩮᩣᩢᩢᨧᩮᩣᩢᩢᨿᩮ᩵ᨪᩩ ᨾ᩠ᩋᨷᩉᩨᩢᨶᩱᨾᩨᨡᩮᩣᩢᨶ᩠ᨶᩢᩢᩓ᪩ 5ᨡᩮᩣᩢᨩᩮ᩠ᩋᩨᨶ᩠ᨶᩢᩢ ᨣᩢᨿ᩠ᨶᩥᨯᩦᩈᩮᩓ᩠ᩅᩢ ᨲ᩠ᨠᩫᩃ᩠ᨦᩫᨸ᩠ᨶᩢᨦ᩠ᨶᩫᨴᩦ᩵ ᨿᩩᨴᩅᩤ᩵ᩋ᩠ᨶᩢᩢ᪩ 6ᨼᩰ᩠ᩋᩡᩅᩤ᩵ᨿᩩᨴᨯᩱᩢᨲ᩠ᨠᩫᩃ᩠ᨦᩫ ᨡᩮᩣᩢᩅᩱᩢᩓ᩠ᩅᩢᨾ᩠ᨶᩢᨣᩢᨯᩱᩢᨻᩱᩢ ᨴ᩠ᩅ᩠ᨿᩒᨠᩣ᩠ᩆᨻᩪ᩵ᩁᨧᩢ ᨧ᩠ᨷᩢᨿ᩠ᨷᩢᩐᩣᩢᨴ᩠ᨶᩤ᩵ᨧᩮᩣᩢᩢᨿᩮ᩵ᨪᩩ ᩅᩮᩃᩣᨾᩮ᩠ᩋᩨ᩵ ᨤ᩠ᨶᩫᨴ᩠ᨦᩢᩉᩖᩣ᩠ᨿ ᨷᩢᨾᩣᨩᩩᨲᩩᨾᨠ᩠ᨶᩢᨶ᩠ᨶᩢᩢᩓ᪩ 7ᩅᩣ᩠ᨿᨶ᩠ᨶᩢᩢᨻᩪᩁ᩵ᨴᩤ᩵ᨧ᩠ᨯᩢ ᨠᩣ᩠ᩁᩉᩮ᩠ᨯᨸᩣ᩠ᨦᨻᩭ ᨲᨪᩮᨾᩯᩢᨡᩮᩣᩢᩢᨾᩩᩁ ᩋ᩠ᨶᩢᩁ᩠ᩋᨦᩢᩅᩤ᩵ᨷᩈᨡᩣᨸᩣ᩠ᨦᨻᩭᨶ᩠ᨶᩢᩢ ᨧᩢᨳ᩠ᨦᩨᩅ᩠ᨶᩢᩋ᩠ᨶᩢᨷᩪᨩᩣᨪ᩠ᩅᩫᩋ᩠ᩋ᩵ᩁ ᨹᩯ᩠ᩅᨾᩣᩓ᩠ᩅᩢᩓ᪩ 8ᨼᩰ᩠ᩋᩡᩈ᩠ᨶᩢᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢᨿᩮ᩵ᨪᩩ ᨣᩢᨯᩱᩢᨷ᩠ᩋᨠᨠᩣ᩠ᩅ᩵ᨴᩦ᩵ ᨷᩮᨲᩁᩩᩓᩢᨿᩳᩉᩣ᩠ᨶ᩵ᩅᩤ᩵ “ᨻᩪ᩵ᩁᨴᩤ᩵ᨻᩱᨠ᩠ᨶᩥᨩ᩠ᩋᨾᨣᩪᨴᩦ᩵ ᨸᩣ᩠ᨦᨻᩭᨷᩈᨡᩣᨶ᩠ᨶᩢᩢ ᨡᩳᩉᩨᩢᩈᩪᨴ᩠ᨶᩤ᩵ᩁ᩠ᨦᩢᨯᩣᩅᩱᩢᩈᩮᨣᩣᩴᩓ” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢ᪩ 9ᨡᩮᩣᩢᨪᩣᩴᩢᩅᩤ᩵ “ᨴ᩠ᨶᩤ᩵ᨧᩮᩣᩢᩢᨡᩣᩢᨡᩮᩣᩢᨧᩢᨯᩱᩢᨻᩱᩢᩁ᩠ᨦᩢᨯᩣᩅᩱᩢᨴᩦ᩵ᩉᩱ᩠ᨶᩋ᩠ᨶᩢᨩᩣ” ᨳᩣ᩠ᨾᩅᩤ᩵ᩋ᩠ᨶᩢᩢ᪩ 10“ᨴ᩠ᨶᩤ᩵ᨧᩮᩣᩢᩢᩅᩤ᩵ ᨳᩣᩢᨡᩮᩣᩢᩢᨻᩱᨶᩱᩅ᩠ᨿᨦᨶ᩠ᨶᩢᩢ ᨾᩦᨤ᩠ᨶᩫᨣᩳᩢ ᪑ ᩉᩣ᩠ᨷᨶᩣᩴᩢᨾᩣᨾ᩠ᨶᩢᨧᩢᩁ᩠ᨷᩢᨲ᩠ᩋᩁᩢᩈᩪᨴ᩠ᨶᩤ᩵ᩈᩮ᪩ ᨧᩢᨯᩱᩢᨻᩱᨩ᩠ᩋᨾᩉᩖᨦᩢᨾ᩠ᨶᩢ ᨡᩮᩣᩢᩢᨻᩱᨴᩦ᩵ᨶᩱᩁᩮ᩠ᨶᩨ᪩ 11ᩓ᩠ᩅᩢ ᨧᩢᨯᩱᩢᨷ᩠ᩋᨠᨠᩣ᩠ᩅ᩵ᨴᩦ᩵ᨧᩮᩣᩢᩢᩁᩮ᩠ᨶᩨ ‘ᨣᩕᩪᩉᩯ᩠ᨦ᩵ᨡᩣᩢ ᩃᩪᨠᨶ᩠ᩋᨦᩢᨴ᩠ᨶᨧᩮᩣᩢᩢ ᨧᩢᨾᩣᨠ᩠ᨶᩥᩋᩣᩉᩣ᩠ᩁ ᨤᩣᩴ᩵ᨴᩦ᩵ᨸᩣ᩠ᨦᨻᩭᨷᩈᨡᩣᨴᩦ᩵ᩉ᩠ᨶᩦᨶ᩠ᨶᩢᩢ ᨧᩢᨯᩱᩢᨠ᩠ᨶᩥᨴᩦ᩵ᩉ᩠ᩋᨦᩢᩉᩱ᩠ᨶ’ ᨳᩣ᩠ᨾᩅᩤ᩵ᩋ᩠ᨶᩢᩢ᪩ 12ᨿᩣ᩠ᨾᨶ᩠ᨶᩢᩢᨧᩮᩣᩢᩢᩁᩮ᩠ᨶᩨ ᨧᩢᩁ᩠ᩋᨦᩢᩈᩪᨴ᩠ᨶᩤ᩵ᨡ᩠ᨶᩨᩢᨻᩱᨴᩦ᩵ ᩉᩮ᩠ᨶ᩠ᩋᩨᩁᩮ᩠ᨶᩨᩓ᩠ᩅᩢᨧᩢᩉᩯ᩠ᨶᩉ᩠ᩋᨦᩢ ᩉᩱ᩠ᨿ᩵ᩉᩖᩅ᩠ᨦᩉ᩠ᩋᨦᩢ ᪑ ᨧᩢᨯᩱᩢᨧ᩠ᨯᩢᨠᩣ᩠ᩁᩁ᩠ᨦᩢᨯᩣᨴᩦ᩵ᩉ᩠ᩋᨦᩢᨶ᩠ᨶᩢᩢ ᩈᩮᨣᩣᩴᩓ ᨸ᩠ᨦᩫᩋᩣᨩ᩠ᨬᩣ” ᩅᩤ᩵ᩋ᩠ᨶᩢᩢ᪩ 13ᩅᩣ᩠ᨿᨶ᩠ᨶᩢᩢ “ᨷᩮᨲᩁᩩᩓᩢᨿᩳᩉᩣ᩠ᨶ᩵ ᩋ᩠ᩋᨠᨻᩱᩓ᩠ᩅᩢ ᨣᩢᨯᩱᩢᩉ᩠ᨶᩢᨲᩣ᩠ᨾᨯ᩠ᨦᩢ᩵ᨴ᩠ᨶᩤ᩵ᨧᩮᩣᩢᩢ ᨷ᩠ᩋᨠᨠᩣ᩠ᩅ᩵ᨶ᩠ᨶᩢᩢᩈᩮ ᨣᩢᨯᩱᩢᩁ᩠ᨦᩢᨯᩣᨻᩪ᩵ᩁᨧᩢᨧ᩠ᨯᩢᩉᩮ᩠ᨯᨸᩣ᩠ᨦᨻᩭᨷᩈᨡᩣᨯᩦᪧ ᩅᩤ᩵ᩋ᩠ᨶᩢᩢᨯᩯ᩵”᪩ 14ᨳ᩠ᨦᩨᩅᩮᩃᩣᨾᩣᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᩓᩢᩃᩪᨠᨶ᩠ᩋᨦᩢ ᩈᩣᩅᨠᨴ᩠ᨦᩢᩉᩖᩣ᩠ᨿᨡᩮᩣᩢ ᨣᩢᨯᩱᩢᨶ᩠ᨦᩢ᩵ᩀᩪ᩵ᨴᩦ᩵ᨹᩮ᩠ᨶᩨᨠ᩠ᨶᩥᨡᩮᩣᩢᩢᩀᩪ᩵ᩉ᩠ᨶᩢᩢᩓ᪩ 15ᨴ᩠ᨶᩤ᩵ᨧᩮᩣᩢᩢᨷ᩠ᩋᨠᨠᩣ᩠ᩅ᩵ᩅᩤ᩵ “ᨣ᩠ᨶᩢᨣᩪᨷᩢᨯᩱᩢᩁ᩠ᨷᩢ ᨴᩕ᩠ᨦᩫᨴᩩᨠ᩠ᨡᩅᩮᨴᨶᩣᨶ᩠ᨶᩢᩢ ᨲ᩠ᩋᨦᩢᨠᩣ᩠ᩁᨠ᩠ᨶᩥᨡᩮᩣᩢᩢ ᨩ᩠ᩋᨾᩈᩪᨴ᩠ᨶᩤ᩵ᨴᩦ᩵ᨸᩣ᩠ᨦᨻᩭ ᨷᩈᨡᩣᨴᩦ᩵ᨶᩦᩢᨴᩯᩢᩓ᪩ 16ᨣᩪᨧᩢᨷ᩠ᩋᨠᨠᩣ᩠ᩅ᩵ᨸ᩠ᨶᩢᩉᩨᩢᩈᩪᨴ᩠ᨶᩤ᩵ ᨸᩣ᩠ᨦᨻᩭᨷᩈᨡᩣᨲ᩠ᨦᩢᩢᨸᩮ᩠ᨶᨾᩣᩓ᩠ᩅᩢ ᨲᩳ᩵ᨳ᩠ᨦᩨᨣᩣᩴᩃ᩠ᨶᩨᩈᩩᨯᨶ᩠ᨶᩢᩢ ᩈᩣᩈᨶᩣᨻᩕᨧᩮᩣᩢᩢᨷᩢᨸ᩠ᨠᩫᨤ᩠ᩋᨦᨯᩱᩢᨴ᩠ᨦᩢᩈ᩠ᨿᨦᩢᨶ᩠ᨶᩢᩢ ᨣᩪᨧᩢᨷᩢᨾᩣᨠ᩠ᨶᩥᨡᩮᩣᩢᩢᨻᩭᨷᩈᨡᩣᨳᩯ᩠ᨦᩢᩓ” ᨸ᩠ᨦᩫᩋᩣᨩ᩠ᨬᩣᩅᩤ᩵ᩋ᩠ᨶᩢᩢ᪩ 17ᩅᩣ᩠ᨿᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢ ᨣᩢᨯᩱᩢᨿ᩠ᨠᩫᩐᩣᩢᨠ᩠ᨠᩫᩈᩮ ᨿ᩠ᨠᩫᨿᩳᨣᩩᨱᨻᩕᨧᩮᩣᩢᩢᩓ᩠ᩅᩢ ᩉᩨᩢᩐᩣᩢᨠ᩠ᨠᩫᨹᩯᨷᩯ᩠ᨦ᩵ “ᨠ᩠ᨶᩢᨠ᩠ᨶᩥᨴᩩᨠᨣᩳᩢᩅᩤ᩵ᩋ᩠ᨶᩢᩢ᪩ 18ᨣᩪᨧᩢᨷ᩠ᩋᨠᩉᩯ᩠ᨶᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᩅᩤ᩵ ᨳᩣᩢᩈᩣᩈᨶᩣᨻᩕᨧᩮᩣᩢᩢ ᨷᩢᨹᩩᨯᩋ᩠ᩋᨠᨾᩣᨴᩮ᩠ᩋᩨ᩵ᨶ᩠ᨶᩢᩢ ᨣᩪᨧᩢᨷᩢᨠ᩠ᨶᩥᨶᩣᩴᩢᩉ᩠ᨾᩣ᩠ᨠᩋ᩠ᨯᩦᨳᩯ᩠ᨦᩢᩓ᩠ᩅᩢᩓ” ᨸ᩠ᨦᩫᩋᩣᨩ᩠ᨬᩣᩅᩤ᩵ᩋ᩠ᨶᩢᩢ᪩ 19ᨣᩢᩐᩣᩢᨡᩮᩣᩢᩢᨾᩩᩁᩓ᩠ᩅᩢ ᨿ᩠ᨠᩫᨿᩳᨣᩩᨱᨴ᩠ᨶᩤ᩵ᨧᩮᩣᩢᩢᩈᩮ ᩉ᩠ᩅᩥᨯᨡᩮᩣᩢᩢᨾᩩᩁ ᨸ᩠ᨶᩢᩃᩪᨠᨶ᩠ᩋᨦᩢᨴ᩠ᨦᩢᩉᩖᩣ᩠ᨿ “ᩅᩤ᩵ᨡᩮᩣᩢᩢᨾᩩᩁᨶᩦᩢ ᨸᩮ᩠ᨶᨻᩪ᩵ᩁᨴᩤ᩵ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ ᩉᩮ᩠ᨾᩨᩁᨯ᩠ᨦᩢ᩵ᨸ᩠ᨶᩢᨲ᩠ᩅᩫ ᨡᨶ᩠ᨵᩉᩯ᩠ᨦ᩵ᨣᩪᨶ᩠ᨶᩢᩢᨣᩭᩓᩢ᪩ ᩉᩨᩢᨡᩩᨠᨧᩱᨯᩱᩢᨣᩪᩈᩮᩓ᩠ᩅᩢ ᨩ᩠ᩅᩁᨠ᩠ᨶᩢᩉᩮ᩠ᨯᨻᩱᩈᩮᨣᩣᩴᩓ” ᨸ᩠ᨦᩫᩋᩣᨩ᩠ᨬᩣᩅᩤ᩵ᩋ᩠ᨶᩢᩢ᪩ 20ᩉᩮ᩠ᨾᩨᩁᨠ᩠ᨶᩢᨯ᩠ᨦᩢ᩵ᨠᩮᩣᩢ᩵ ᨠ᩠ᨶᩥᩋᩣᩉᩣ᩠ᩁᩓ᩠ᩅᩢᨴ᩠ᨶᩤ᩵ᨧᩮᩣᩢᩢ “ᨣᩢᨯᩱᩢᨠᩣᩴᩐᩣᩢᨠ᩠ᨠᩫᩅᩱᩢᩈᩮ᪩ ᨷᩪᨩᩣᨶᩣᩴᩢᩉ᩠ᨾᩣ᩠ᨠᩋ᩠ᨯᩦᨶᩦᩢᨸᩮ᩠ᨶᨻᩪ᩵ᩁᨴᩤ᩵ᨯᩱᩢᨣᩣᩴ ᨷᨭᩥᨬᩣ᩠ᨶᩋ᩠ᨶᩢᩉᩱ᩠ᨾ᩵ᩉᩯ᩠ᨦ᩵ᨻᩕᨧᩮᩣᩢᩢᨶ᩠ᨶᩢᩢ ᩉᩮ᩠ᨾᩨᩁᨣᩪᨧᩢᨯᩱᩢᩐᩣᩢᨶᩣᩴᩢᩃᩮ᩠ᨯᩨ ᨣᩪᨶᩦᩢᨳ᩠ᩋᨠᨸ᩠ᨶᩢᩈᩪᨴ᩠ᨶᩤ᩵ᨶ᩠ᨶᩢᩢᨣᩭᩓ᪩ 21ᨣᩭᨲᩯ᩵ᩅᩤ᩵ ᨤ᩠ᨶᩫᩋ᩠ᨶᩢᨧᩢᩐᩣᩢᨣᩪᨻᩱᨾ᩠ᩋᨷ ᩉᩨᩢᩈᨲᩕᩪᨶ᩠ᨶᩢᩢᨯᩱᩢ ᨠ᩠ᨶᩥᩋᩣᩉᩣ᩠ᩁᨾᩦᩀᩪ᩵ᨩ᩠ᩋᨾᨣᩪ ᨴᩦ᩵ᩉ᩠ᨶᩦᩀᩪ᩵ᩓ᪩ 22ᩃᩪᨠᨩᩣ᩠ᨿᨧᩮᩣᩢᩢᨶᩦᩢ ᨲᩣ᩠ᨾᨯ᩠ᨦᩢ᩵ᨻᩕᨧᩮᩣᩢᩢ ᨾᩦᨣ᩠ᩅᩣ᩠ᨾᨲ᩠ᩋᨦᩢᨠᩣ᩠ᩁ ᨧᩢᨯᩱᩢᨻᩱᩈᩮᨴᩤᩢ ᨣᩢᨤ᩠ᨶᩫᩋ᩠ᨶᩢᩃᩩᩈᨧ᩠ᨧᨴ᩠ᨶᩤ᩵ᨧᩮᩣᩢᩢᨶ᩠ᨶᩢᩢ ᨸᩮ᩠ᨶᨤ᩠ᨶᩫᩋ᩠ᨶᩢᩋᨾᨣᩘᩃᨶ᩠ᨶᩢᩢᨣᩭ ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᩓ”᪩ 23ᨿᩣ᩠ᨾᨶ᩠ᨶᩢᩢ ᩃᩪᨠᨶ᩠ᩋᨦᩢᨡᩮᩣᩢᨩᩮ᩠ᩋᩨᨶ᩠ᨶᩢᩢ ᨣᩢᩋᩪᩢᨧᩣᨠ᩠ᨶᩢᩅᩤ᩵ ᨾᩦᨹᩪᩢᨯᩱᨧᩢᨾᩣᩉᩮ᩠ᨯᨹᩯ᩠ᨶ ᨠᩣ᩠ᩁᩉᩨᩢᨴ᩠ᨶᩤ᩵ᨧᩮᩣᩢᩢᨣᩢᨷᩢᩁᩪᩢ ᨳᩣ᩠ᨾᨠ᩠ᨶᩢᩀᩪ᩵ᨯ᩠ᨦᩢ᩵ᨶᩦᩢ ᨣᩢᨾᩦᩅ᩠ᨶᩢᨶ᩠ᨶᩢᩢᩓ᪩
ᨠᩣ᩠ᩁᨳ᩠ᨿᨦᨠ᩠ᨶᩢᨯ᩠ᩅ᩠ᨿᩢᨹᩪᩢᨯᩱᨸᩮ᩠ᨶᨹᩪᩢᩋ᩠ᨶᩢ ᨷᩕᩈᩮ᩠ᨮᩨᩉᩮᩖᩨᩋᨻᩮ᩠ᨶᩨ᩵ 24ᩅᩣ᩠ᨿᨶ᩠ᨶᩢᩢᩃᩪᨠᨶ᩠ᩋᨦᩢ ᨴ᩠ᨶᩤ᩵ᨧᩮᩣᩢᩢᨴ᩠ᨦᩢᩉᩖᩣ᩠ᨿᨯᩱᩢᨳ᩠ᨿᨦ ᨠ᩠ᨶᩢᩅᩤ᩵ᨶᩱᩁᩮᩣᩢᨴ᩠ᨦᩢᩉᩖᩣ᩠ᨿᨩᩮ᩠ᩋᩨᨶᩦᩢ ᨾᩦᨹᩪᩢᨯᩱᨸᩮ᩠ᨶᨹᩪᩢᨷᩕᩈᩮ᩠ᨮᩨ ᩉᩮᩖᩨᩋᨻᩮ᩠ᨶᩨ᩵ᨶ᩠ᨶᩢᩢ᪩ 25ᨴ᩠ᨶᩤ᩵ᨧᩮᩣᩢᩢᨧ᩠ᨦᩥ᩵ᩅᩤ᩵ “ᨼ᩠ᨿᩣᨧᩮᩣᩢᩢᨾᩮ᩠ᨦᩥᨲᩣ᩠ᨦ᩵ᨾᩮ᩠ᨦᩨᨡᩮᩣᩢᨶ᩠ᨶᩢᩢ ᩐᩣᩢᩋᩣᩴᨶᩣᩴ᩠ᨧᩈᩮᨸ᩠ᨠᩫᨤ᩠ᩋᨦ ᩉᩮ᩠ᨶ᩠ᩋᩨ ᨤ᩠ᨶᩫᨷᩤ᩠ᨶᩢᨤ᩠ᨶᩫᨾᩮ᩠ᨦᩨᩈᩮᩓ᩠ᩅᩢ ᨪᩣᩴᩢᨤᩱ᩵ᩉᩨᩢᨤ᩠ᨶᩫᨾᩮ᩠ᨦᩨᩁ᩠ᩋᨦᩢᨡᩮᩣᩢᩅᩤ᩵ ᨸᩮ᩠ᨶᨹᩪᩢᨠᩣᩴ᩠ᨴᩉᩮ᩠ᨯᨷᩕᨿᩰ᩠ᨩ ᨸ᩠ᨶᩢᨤ᩠ᨶᩫᨾᩮ᩠ᨦᩨᩓᩢᩅᩤ᩵ ᨸᩮ᩠ᨶᨹᩪᩢᩋ᩠ᨶᩢᨷᩕᩈᩮ᩠ᨮᩨ ᨸᩮ᩠ᨶᩉ᩠ᩅᩫᩉ᩠ᨶᩣᩢᩋ᩠ᨶᩢᩢᩓ᪩ 26ᨣᩭᨲᩯ᩵ᩅᩤ᩵ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨶ᩠ᨶᩢᩢ ᨷᩢᩈ᩠ᨾᩫᨣ᩠ᩅᩁᨸᩮ᩠ᨶᨯ᩠ᨦᩢ᩵ᩋ᩠ᨶᩢᩢ᪩ ᨶᩱᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ ᨹᩪᩢᩋ᩠ᨶᩢᨡᩮᩣᩢᩢᨠᩣ᩠ᩁᩉᩮᩖᩨᩋᨻᩮ᩠ᨶᩨ᩵ᨶ᩠ᨶᩢᩢ ᩈ᩠ᨾᩫᨣ᩠ᩅᩁᨯᩦᩀᩪ᩵ ᨸᩮ᩠ᨶᩉᩮ᩠ᨾᩨᩁᨯ᩠ᨦᩢ᩵ᨹᩪᩢ ᨷᩢᨡᩮᩣᩢᩢᨠᩣ᩠ᩁᨶ᩠ᨶᩢᩢᩈᩮᩓ᩠ᩅᩢ ᨯ᩠ᨦᩢ᩵ᨹᩪᩢᩋ᩠ᨶᩢᨸᩮ᩠ᨶᩉ᩠ᩅᩫᩉ᩠ᨶᩣᩢᨶ᩠ᨶᩢᩢ ᨣᩢᩈ᩠ᨾᩫᨣ᩠ᩅᩁᨯᩦᩀᩪ᩵ ᩉᩮ᩠ᨾᩨᩁᨯ᩠ᨦᩢ᩵ᨤ᩠ᨶᩫᨩᩱᩢᨶ᩠ᨶᩢᩢᨣᩭᨯᩯ᩵᪩ 27ᨤ᩠ᨶᩫᩋ᩠ᨶᩢᨶ᩠ᨦᩢ᩵ᨻᩱᩢᨠ᩠ᨶᩥᨡᩮᩣᩢᩢᩀᩪ᩵ᨴᩦ᩵ᩁ᩠ᨾᩥᨹᩮ᩠ᨶᩨᩓᩢ ᨹᩪᩢᩋ᩠ᨶᩢᨯᩱᩢᩁ᩠ᨦᩢᨯᩣᨡᩮᩣᩢᨶ᩠ᨶᩢᩢ ᨹᩱᨸᩮ᩠ᨶᨹᩪᩢᨷᩕᩈᩮ᩠ᨮᩨᩉᩮᩖᩨᩋᨹᩱ᪩ ᨹᩪᩢᩋ᩠ᨶᩢᨻᩱᩢᩀᩪ᩵ᨴᩦ᩵ᩁ᩠ᨾᩥᨹᩮ᩠ᨶᩨᨶ᩠ᨶᩢᩢ ᨷᩕᩈᩮ᩠ᨮᩨᨠ᩠ᩅᩣ᩵ᨷᩢᨩᩱᩢᩌᩣᩢ᪩ ᨣᩭᨲᩯ᩵ᩅᩤ᩵ ᨣᩪᨶᩦᩢᩀᩪ᩵ᨴᩦ᩵ ᨣᩯ᩵ᨠᩣ᩠ᨦᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᩓ᩠ᩅᩢ ᨸᩮ᩠ᨶᨤ᩠ᨶᩫᩀ᩵ᩣ᩠ᨦᩋ᩠ᨶᩢᩁ᩠ᨦᩢᨯᩣᨴᩮᩤᩢ᩵ᨶ᩠ᨶᩢᩢᨣᩭᩓ᪩ 28ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨶᩦᩢ ᩅᩮᩃᩣᨾᩮ᩠ᩋᩨ᩵ᨣᩪᨯᩱᩢᨳᩪᨠ ᩉᩖᨠ᩠ᩋᩃ᩠ᩅᨦᨶ᩠ᨶᩢᩢ ᨣᩢᨯᩱᩀᩪ᩵ᨹᩣ᩠ᨿ᩵ᨣᩪᩀᩪ᩵᪩ 29ᩉᩮ᩠ᨾᩨᩁᨯ᩠ᨦᩢ᩵ᨻᩳ᩵ ᨣᩪᨾ᩠ᩋᨷᩉᩨᩢᩈᩣᩈᨶᩣᨣᩪᨸ᩠ᨠᩫᨤ᩠ᩋᨦᨶ᩠ᨶᩢᩢ ᨣᩪᨣᩢᩉᩨᩢᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ ᨸ᩠ᨠᩫᨤ᩠ᩋᨦᨶ᩠ᨶᩢᩢᨣᩭᩓ᪩ 30ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨶᩦᩢ ᩈᩣᩈᨶᩣᩀᩪ᩵ᨶᩱᨾᩮ᩠ᨦᩨᨣᩪᩈᩮᩓ᩠ᩅᩢ ᨠ᩠ᨶᩥᩉᩮ᩠ᨶ᩠ᩋᩨᨹᩮ᩠ᨶᩨᨣᩪᩓᩢ ᨶ᩠ᨦᩢ᩵ᩉᩮ᩠ᨶ᩠ᩋᩨᨷᩃᩖᩘᩉᩯ᩠ᨦ᩵ᨣᩪᩈᩮ᪩ ᨩᩣ᩠ᨦ᩵ᨯᩱᩢᨸ᩠ᨠᩫᨤ᩠ᩋᨦᩉᩮ᩠ᨶ᩠ᩋᩨᨩᩮ᩠ᩋᩨᩢᨤᩮ᩠ᩋᩨ ᨤ᩠ᨶᩫᩋᩥᨨᩁᩮᨣ᩠ᨿᩪᨡᩮᩣᩢᩈ᩠ᨷᩥᩈ᩠ᩋᨦ ᩉ᩠ᨾᩪ᩵ᨠ᩠ᩋ᩵ᩁᩅᩤ᩵ᩋ᩠ᨶᩢᩢᨯᩯ᩵᪩
ᨸ᩠ᨦᩫᩋᩣᨩ᩠ᨬᩣᩅᩱᩢᩃ᩠ᩅ᩵ᨦᩉ᩠ᨶᩣᩢᩁᩮ᩠ᨦᩨ᩵ ᨷᩮᨲᩁᩩᨲ᩠ᩋᨷᨳ᩠ᨿᨦᨤ᩠ᨶᩨ 31“ᨪᩥᨾᩩ᩵ᩁ᪨ ᨳ᩠ᩋ᩵ᨾᨼ᩠ᨦᩢᩐᩣᩢᩓ᪨ ᩉᩮ᩠ᨾᩨᩁᨯ᩠ᨦᩢ᩵ᨩᩣ᩠ᩅᨶᩣᨡᩮᩣᩢᨶᩦᩢ ᨹᩯᩅᩱᩢᨡᩮᩣᩢᩢ ᨸᩮ᩠ᨠᩨᩓᩢᨠᩯ᩠ᨷᨯ᩠ᨦᩢ᩵ᨶ᩠ᨶᩢᩢ ᨼ᩠ᨿᩣᨾᩣ᩠ᨶᨡᩮᩣᩢ ᨣᩢᩃ᩠ᩋᨦᨯᩪᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨸᩮ᩠ᨶᨣᩳᩢᨸᩮ᩠ᨶᨣᩳᩢᨶ᩠ᨶᩢᩢ ᩅᩮᩃᩣᨾ᩠ᨶᩢᨣᩢᨳ᩠ᨦᩨᨾᩣᩀᩪ᩵ᩓ᩠ᩅᩢᩓ᪩ 32ᨣᩭᨲᩯ᩵ᩅᩤ᩵ ᨣᩪᨧᩢᨷᩕᨳ᩠ᨶ᩻ᩣᩉᩨᩢᨣ᩠ᩅᩣ᩠ᨾ ᨿᩩ᩵ᨾᨿᩣᩴᨴ᩠ᨶᩤ᩵ᨶ᩠ᨶᩢᩢ ᩉᩨᩢᩉ᩠ᨾᩁᩢᩢᨠᩯ᩠ᨶ᩵ᩈᩮᨣᩣᩴ᪩ ᨳᩣᩢᩅᩤ᩵ᨣ᩠ᩅᩣ᩠ᨾᩁᩪᩢᨵᨾ᩠ᨾ᩼ᨯᩱᩢ ᨤ᩠ᨶᩨᨾᩣᩓ᩠ᩅᩢᨶ᩠ᨶᩢᩢ᪩ ᨡᩳᩉᩨᩢᨩᩭ᩵ᨻᩦ᩵ᨶ᩠ᩋᨦᩢᨴ᩠ᨶᩤ᩵ᨶᨴ᩠ᨦᩢᩉᩖᩣ᩠ᨿ ᩋ᩠ᨶᩢᨸᩮ᩠ᨶᩃᩪᨠᨶ᩠ᩋᨦᩢᨡᩮᩣᩢᨩᩮ᩠ᩋᩨᨶ᩠ᨶᩢᩢ ᩉᩨᩢᨣ᩠ᩅᩣ᩠ᨾᨿᩩ᩵ᨾᨿᩣᩴᨡᩮᩣᩢᩉ᩠ᨾᩢᩢᩁᨠᩯ᩠ᨶ᩵ᩈᩮᨣᩣᩴ” ᨸ᩠ᨦᩫᩋᩣᨩ᩠ᨬᩣᩅᩤ᩵ᩋ᩠ᨶᩢᩢᩓ᪩ 33ᨿᩣ᩠ᨾᨶ᩠ᨶᩢᩢ ᨷᩮᨲᩁᩩᨣᩢᩅᩤ᩵ ᨴ᩠ᨶᩤ᩵ᨧᩮᩣᩢᩢ᪨ ᨴ᩠ᨶᩤ᩵ᨧᩮᩣᩢᩢᨷᩢᩅᩤ᩵ᩀᩪ᩵ᨶᩱᨤ᩠ᩋᨠᨣᩢᨯᩦ ᨴᩦ᩵ᨷᩤ᩠ᨶᩢᨲᩣ᩠ᨿᨶ᩠ᨶᩢᩢ ᨣᩢᨯᩦᨼ᩠ᩋᩢᨾᨲᩣ᩠ᨾᨴ᩠ᨶᩤ᩵ᨧᩮᩣᩢᩢᩀᩪ᩵ ᨴᩩᨠᩅᩮᩃᩣᨡᩣᩢᩓ ᩉᩱ᩠ᩅᩢᩈᩣᩅᩤ᩵ᨯ᩠ᨦᩢ᩵ᨶᩦᩢ᪩ 34ᨴ᩠ᨶᩤ᩵ᨧᩮᩣᩢᩢᨠᩣ᩠ᩅ᩵ᩅᩤ᩵ “ᨷᩮᨲᩁᩩ ᨣᩪᨧᩢᨷ᩠ᩋᨠᨠᩣ᩠ᩅ᩵ᩉᩨᩢᨾ᩠ᨦᩨ᪩ ᨶᩱᩅ᩠ᨶᩢᨾᩮ᩠ᩋᩨ᩵ᨶᩦᩢ ᨠ᩠ᩋᩁ᩵ᨷᩢᨳ᩠ᨦᩨᩅᩮᩃᩣᨠᩱ᩵ᨡ᩠ᨶᩢᨶ᩠ᨶᩢᩢ ᨴ᩠ᨶᩤ᩵ᨶᩦᩢᨷᩢᩁᩪᩢᨧ᩠ᨠᩢᨣᩪᩓ ᨧᩢᨯᩱᩢᨲ᩠ᩋᨷᨳ᩠ᨿᨳᩈᩣ᩠ᨾᨻ᩠ᩋᨠ” ᨸ᩠ᨦᩫᩋᩣᨩ᩠ᨬᩣᩅᩤ᩵ᩋ᩠ᨶᩢᩢᨯᩯ᩵᪩
ᨳ᩠ᨦᩫᨦ᩠ᨶᩫ᪨ ᨳ᩠ᨦᩫᨲ᩠ᩅᩦᩢᩓᩢᩃᩯ᩠ᩅ 35ᩅᩣ᩠ᨿᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢᩅᩤ᩵ “ᩉᩨᩢᩃᩪᨠᨶ᩠ᩋᨦᩢ ᩅᩮᩃᩣᨣᩪᨧᩢᨸ᩵ᩭᩉᩨᩢᩈᩪᨴ᩠ᨶᩤ᩵ᨻᩱᨶ᩠ᨶᩢᩢ ᨷᩢᩉᩨᩢᩐᩣᩢᨦ᩠ᨶᩫ ᨳ᩠ᨦᩫᨲ᩠ᩅᩦᩢᩓᩢ᪩ ᨡᩮ᩠ᨷᨻᩣᨻᩱᨯ᩠ᩅ᩠ᨿᩢ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨧᩢᨾᩦ ᩋ᩠ᨶᩢᨡᩣ᩠ᨯᨲ᩠ᨠᩫᩉ᩠ᨾᩫᨠᨿ᩠ᩋᨾᩀᩪ᩵ᩌᩣᩢ” ᨳᩣ᩠ᨾᩅᩤ᩵ᩋ᩠ᨶᩢᩢ᪩
ᩃᩪᨠᨶ᩠ᩋᨦᩢᨴ᩠ᨶᩤ᩵ᨣᩢᨲ᩠ᩋᨷᩅᩤ᩵ “ᨷᩢᨾᩦᨡᩣᩢ” ᩉᩱ᩠ᩅᩢᩈᩣᨤ᩠ᨶᩨᨯ᩠ᨦᩢ᩵ᨶᩦᩢᩓ᪩ 36ᨿᩣ᩠ᨾᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢᨪᩣᩴᩢᩅᩤ᩵ “ᨯ᩠ᨿᩴᨶᩦᩢᨳᩣᩢᩅᩤ᩵ᨾᩦᨳ᩠ᨦᩫᨦ᩠ᨶᩫ ᨣᩢᩐᩣᩢᨾᩣ᪨ ᨾᩦᨳ᩠ᨦᩫᨲ᩠ᩅᩦᩢᨣᩢᩐᩣᩢᨾᩣ᪨ ᨳᩣᩢᩅᩤ᩵ᨴ᩠ᨶᩤ᩵ᨷᩢᨾᩦᩃᩯ᩠ᩅᨶ᩠ᨶᩢᩢ ᨣᩢᩉᩨᩢᩐᩣᩢᩈᩮ᩠ᩋᩨᩢᨹᩣᩢ ᨻᩱᨡᩣ᩠ᨿᩈᩮᩓ᩠ᩅᩢ ᨪᩨᩢᩃᩯ᩠ᩅᩓ”᪩ 37“ᨣᩪᨧᩢᨷ᩠ᩋᨠᨠᩣ᩠ᩅ᩵ᩉᩨᩢᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿ”᪩ ᩅ᩠ᨶᩢᨶ᩠ᨶᩢᩢᨧᩢᨯᩱᩢᨠᩣᩴᩉ᩠ᨶᩫᨯ ᩅᩤ᩵ᨸᩮ᩠ᨶᩅ᩠ᨶᩢᩁᩣᨩᩅ᩠ᨲᩢᩓ᩠ᩅᩢ᪩ “ᨲᩣ᩠ᨾᨯ᩠ᨦᩢ᩵ᨶᩱᨷ᩠ᨯᩫᩉ᩠ᨶᩢᨦᩈᩨᨣᨾ᩠ᨻᩦᩉ᩠ᨶᩢᨦᩈᩨ ᩉᩯ᩠ᨶᩅᩱᩢᩁᩮ᩠ᨦᩨ᩵ ᨣᩪᨶ᩠ᨶᩢᩢᨣᩢᨧᩢᨲᩮ᩠ᨾᨳ᩠ᩅᩁᩢᨾᩣᩓ” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢ᪩ 38ᨿᩣ᩠ᨾᨶ᩠ᨶᩢᩢ ᩃᩪᨠᨶ᩠ᩋᨦᩢᨴ᩠ᨦᩢᩉᩖᩣ᩠ᨿᨣᩢᩅᩤ᩵ “ᨴ᩠ᨶᩤ᩵ᨧᩮᩣᩢᩢᨴ᩠ᩅ᩠ᨿᨡᩣᩢᩓ᪩ ᨡᩣᩢᨡᩮᩣᩢᨾᩦᩃᩯ᩠ᩅᩈ᩠ᩋᨦᩋ᩠ᨶᩢᩓ᩠ᩅᩢ” ᩉᩱ᩠ᩅᩢᩈᩣᩅᩤ᩵ᩋ᩠ᨶᩢᩢ᪩ ᨴ᩠ᨶᩤ᩵ᨧᩮᩣᩢᩢᨣᩢᨲ᩠ᩋᨷᩅᩤ᩵ “ᨲᩮ᩠ᨾᨳ᩠ᩅᩁᩢᩓ᩠ᩅᩢ” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᨣᩢᨾᩦᩅ᩠ᨶᩢᨶ᩠ᨶᩢᩢᩓ᪩ 39ᩅᩣ᩠ᨿᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢᨶᩦᩢ ᨲᩣ᩠ᨾᨴᩦ᩵ᨣᩮ᩠ᨿᩨᨯᩱᩢᨠᩣᩴ᩠ᨴᨶ᩠ᨶᩢᩢ ᨣᩢᨯᩱᩢᨡ᩠ᨶᩨᩢᨻᩱᨴᩦ᩵ᨯᩭᨲᩣ᩠ᨶ᩵ᩃ᩠ᨶᩥ᩵ᩉ᩠ᨶᩢᩢᩓ ᩃᩪᨠᨶ᩠ᩋᨦᩢᨴ᩠ᨶᩤ᩵ᨧᩮᩣᩢᩢ ᨣᩢᨯᩱᩢᨻᩱᨩ᩠ᩋᨾᨴᩤ᩠ᨦᩉᩖᨦᩢᩀᩪ᩵᪩ 40ᩅᩮᩃᩣᨾᩮ᩠ᩋᩨ᩵ᨻᩱᨳ᩠ᨦᩨᨴᩦ᩵ᩉ᩠ᨶᩢᩢᩓ᩠ᩅᩢ ᨴ᩠ᨶᩤ᩵ᨧᩮᩣᩢᩢᨣᩢᩅᩤ᩵ᩉᩨᩢᨡᩮᩣᩢᩅᩤ᩵ “ᩈ᩠ᨶᩢᨯᩱᩓᩢᨧᩢᨷᩢᩉᩨᩢᨳᩪᨠ ᩉᩖᨠ᩠ᩋᩃ᩠ᩅᨦᨯᩱᩢᨶ᩠ᨶᩢᩢ ᨩ᩠ᩅᩁᨠ᩠ᨶᩢᨷᩕᨳ᩠ᨶ᩻ᩣᩓ” ᨹ᩠ᨯᩥᨴᩰ᩠ᩇ ᨸ᩠ᨦᩫᩋᩣᨩ᩠ᨬᩣᩅᩤ᩵ᩋ᩠ᨶᩢᩢ᪩ 41ᩅᩣ᩠ᨿᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢᨯᩱᩢ ᨷᩕᨳ᩠ᨶ᩻ᩣᨻᩱᩉ᩠ᨿᩣ᩠ᨶᨠᩱᨷᩕᨾᩣ᩠ᨠᨾ᩠ᩋᨠᨩ᩠ᩅᩫ᩵ᩉ᩠ᨾᩣ᩠ᨠᩉ᩠ᨶᩥᩅ᩠ᨯᩧᨳ᩠ᨦᩨᨶ᩠ᨶᩢᩢ ᨯᩱᩢᨤ᩠ᨷᩩᨡᩮᩣᩢ᩵ᩓ᩠ᩅᩢ᪩ 42“ᩋᩰ ᨻᩳ᩵ᨻᩕᨧᩮᩣᩢᩢᨾ᪩ ᨣ᩠ᨶᩢᨻᩳ᩵ᨻᩕᨧᩮᩣᩢᩢᨲ᩠ᩋᨦᩢᨠᩣ᩠ᩁ ᩁᩮ᩠ᨦᩨ᩵ᨸᩮ᩠ᨶᨾᩣᨠᩣ᩠ᩁᩉᩩᨠᩁᩣ᩠ᨿᩢᨴᩦ᩵ᨡᩣᩢᨶ᩠ᨶᩢᩢ ᩀ᩵ᩣᨯᩱᩢᨸᩮ᩠ᨶᩈᩮᨣᩣᩴ᪩ ᨲᩯ᩵ᩅᩤ᩵ ᩉᩨᩢᨸᩮ᩠ᨶᨯ᩠ᨦᩢ᩵ᨻᩳ᩵ᨻᩕᨧᩮᩣᩢᩢ ᨲ᩠ᩋᨦᩢᨠᩣ᩠ᩁᩈᩮᨣᩣᩴ᪩ ᩀ᩵ᩣᩉᩨᩢᨯᩱᩢᨸᩮ᩠ᨶ ᨯ᩠ᨦᩢ᩵ᨡᩣᩢᨲ᩠ᩋᨦᩢᨠᩣ᩠ᩁᩈᩮᨣᩣᩴ” ᨷᩕᩣᨳ᩠ᨶᩣ᩻ᩀᩪ᩵ᨯ᩠ᨦᩢ᩵ᨶᩦᩢᩓ᪩ 43ᨿᩣ᩠ᨾᨶ᩠ᨶᩢᩢ ᨴᩮᩅᨯᩣᨲ᩠ᨶᩫ ᪑ ᨾᩣᨧᩣ᩠ᨠᨴᩦ᩵ᩅ᩠ᨿᨦᨤᩣᩴᨧᩮᩣᩢᩢᩓ᩠ᩅᩢ ᨾᩣᨸ᩠ᨶᩢᨠᩣᩴ᩵ᩃ᩠ᨦᩢᨴ᩠ᨶᩤ᩵ᨧᩮᩣᩢᩢᩀᩪ᩵᪩ 44ᨴ᩠ᨶᩤ᩵ᨧᩮᩣᩢᩢᨣᩢᨯᩱᩢᩁ᩠ᨷᩢᨴᩕ᩠ᨦᩫᩅᩮᨴᨶᩣ ᨸᩮ᩠ᨶᩋ᩠ᨶᩢᩉ᩠ᨶᩢᨠᩉ᩠ᨶᩣᨾᩣ᩠ᨠᩉᩖᩣ᩠ᨿᩀᩪ᩵ᩈᩮᩓ᩠ᩅᩢ ᨧ᩠ᨦᩥ᩵ᩐᩣᩢᩋᩣᩁ᩠ᨾᩫᨸ᩠ᨠᩢᩅᩱᩢᨶᩱᩉ᩠ᩅᩫᨧᩱᩓ᩠ᩅᩢ᪩ ᨷᩕᩣᨳ᩠ᨶ᩻ᩣᨲᩳ᩵ᨻᩱᩀᩪ᩵ᨶ᩠ᨶᩢᩢ ᨲ᩠ᩋ᩵ᨾᨶᩣᩴᩢᩉᩮ᩠ᩋᩨ᩵ᨲ᩠ᨠᩫᩃ᩠ᨦᩫᨾᩣ ᨸᩮ᩠ᨶᨾᩣ᩠ᨠᨸᩮ᩠ᨶᩉᩖᩣ᩠ᨿᩉᩮ᩠ᨾᩨᩁᨲ᩠ᩋ᩵ᨾᨶᩣᩴᩢ ᩃᩮ᩠ᨯᩨᩉᩱᩖᨲ᩠ᨠᩫᩅᩱᩢ ᩉᩮ᩠ᨶᩨᩋᨯ᩠ᨶᩥᨣᩢᨾᩦᩓ᪩ 45ᨴ᩠ᨶᩤ᩵ᨧᩮᩣᩢᩢᨯᩱᩢᨷᩕᨳ᩠ᨶ᩻ᩣᩓ᩠ᩅᩢ ᨻ᩠ᩋᨠᨤ᩠ᨶᩨᨾᩣᩉᩣᨴᩦ᩵ ᩃᩪᨠᨶ᩠ᩋᨦᩢᨴ᩠ᨦᩢᩉᩖᩣ᩠ᨿᨡᩮᩣᩢᨶ᩠ᨶᩢᩢ ᨣᩢᨯᩱᩢᩉ᩠ᨶᩢᨡᩮᩣᩢᨸᩮ᩠ᨶᩋ᩠ᨶᩢ ᨧᩱᩃᩮ᩠ᨠᨧᩱᨶᩭᩢᩈᩮᩓ᩠ᩅᩢ ᨶ᩠ᩋᩁᩉᩖᩢᨷᨻᩱᩉ᩠ᨶᩢᩢᩓ᪩ 46ᨴ᩠ᨶᩤ᩵ᨧᩮᩣᩢᩢᨧ᩠ᨦᩥ᩵ᩅᩤ᩵ᩉᩨᩢᩃᩪᨠᨶ᩠ᩋᨦᩢᨡᩮᩣᩢ “ᩉᩮ᩠ᨲᩩᨯᩱᩓᩢᨯᩱᩢᨩ᩠ᩅᩁᨠ᩠ᨶᩢ ᨶ᩠ᩋᩁᩉᩖᩢᨷᨻᩱ ᨯ᩠ᨦᩢ᩵ᩋ᩠ᨶᩢᩢ ᨩ᩠ᩅᩁᨠ᩠ᨶᩢᩃᩩᨠᨡ᩠ᨶᩨᩢᨾᩣᩓ᩠ᩅᩢ ᨹ᩠ᨯᩥᨴᩰ᩠ᩇᩉᩨᩢᩃ᩠ᩋᨯᨻ᩠ᨶᩫᩢᨠᩣ᩠ᩁ ᨷᩕᨳ᩠ᨶ᩻ᩣᩉᩖ᩠ᩋᨠᩃ᩠ᩅᨦᩈᩮᨣᩣᩴ” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᨡᩣᩢᩓ᪩ 47ᩅᩮᩃᩣᨾᩮ᩠ᩋᩨ᩵ᨴ᩠ᨶᩤ᩵ᨧᩮᩣᩢᩢ ᨸ᩠ᨦᩫᩋᩣᨩ᩠ᨬᩣᩀᩪ᩵ᨶ᩠ᨶᩢᩢ ᨶᩱᩈᩣᩅᨠᩈ᩠ᨷᩥᩈ᩠ᩋᨦᨲ᩠ᨶᩫᨶ᩠ᨶᩢᩢ ᨾᩦᩈᩣᩅᨠᨲ᩠ᨶᩫ ᪑ ᨩᩨ᩵ᩅᩤ᩵ᨿᩩᨴᨶᩦᩢ ᩁ᩠ᩋᨦᩢᩐᩣᩢᨤ᩠ᨶᩫᨴ᩠ᨦᩢᩉᩖᩣ᩠ᨿᨾᩩᨠ ᪑ ᨻᩱᩉᩣᨴᩦ᩵ᨴ᩠ᨶᩤ᩵ᨧᩮᩣᩢᩢᩈᩮ ᨾ᩠ᨶᩢᨣᩢᨯᩱᩢᨡᩮᩣᩢᩢᨻᩱᨧᩣᩴᨴᩦ᩵ᨴ᩠ᨶᩤ᩵ᨧᩮᩣᩢᩢᩓ᩠ᩅᩢ ᨻᩱᨯ᩠ᨾᩫᩉ᩠ᨶ᩠ᩅᨾᨴ᩠ᨶᩤ᩵ᨧᩮᩣᩢᩢᩀᩪ᩵ᨶ᩠ᨶᩢᩢ᪩ 48ᨴ᩠ᨶᩤ᩵ᨧᩮᩣᩢᩢᨧ᩠ᨦᩥ᩵ᩅᩤ᩵ ᩉᩨᩢᨿᩩᨴᨾ᩠ᨶᩢ ᨠᩣ᩠ᩁᨾᩣᨯ᩠ᨾᩫᨶᩦᩢ “ᩉ᩠ᨠᩢᩉᩖᨦᩢᩃᩪᨠᨩᩣ᩠ᨿᨧᩮᩣᩢᩢᩌᩣᩢ” ᨳᩣ᩠ᨾᩅᩤ᩵ᩋ᩠ᨶᩢᩢ᪩ 49ᩃᩪᨠᨶ᩠ᩋᨦᩢᨴ᩠ᨶᩤ᩵ᨧᩮᩣᩢᩢᨤ᩠ᨶᩫ ᪑ ᨪᩣᩴᩢᩉ᩠ᨶᩢᩈᩮᩓ᩠ᩅᩢ “ᨴ᩠ᨶᩤ᩵ᨧᩮᩣᩢᩢ᪨ ᨴ᩠ᨶᩤ᩵ᨧᩮᩣᩢᩢ ᨡᩣᩢᨧᩢᨯᩱᩢᩐᩣᩢᩃᩯ᩠ᩅᨼ᩠ᨶᩢᨡᩮᩣᩢᩌᩣᩢ” ᩉᩱ᩠ᩅᩢᩈᩣᩅᩤ᩵ᩋ᩠ᨶᩢᩢ᪩ 50ᩅᩣ᩠ᨿᨶ᩠ᨶᩢᩢ ᨾ᩠ᨶᩢᨣᩢᨯᩱᩢᩐᩣᩢᩃᩯ᩠ᩅᨾ᩠ᨶᩢ ᨼ᩠ᨶᩢᩉᩪᩃᩪᨠᨶ᩠ᩋᨦᩢᩉ᩠ᩅᩫᩉ᩠ᨶᩣᩢᨷᩁᩮᩣᩉ᩠ᨲᩥᨣ᩠ᨿᩪᨤ᩠ᨶᩫ ᪑ ᨡᩣ᩠ᨯᨲ᩠ᨠᩫᨻᩱᩉ᩠ᨶᩢᩢᩓ᪩ 51ᨴ᩠ᨶᩤ᩵ᨧᩮᩣᩢᩢᨣᩢᩉᩣ᩠ᨾᩢᩅᩤ᩵ “ᨻᩳᩓ᩠ᩅᩢᨻᩳᩓ᩠ᩅᩢᨠ᩠ᨯᩧᩅᩱᩢᨴᩰ᩠ᩋᩡ” ᨸ᩠ᨦᩫᩋᩣᨩ᩠ᨬᩣᩅᩤ᩵ᨯ᩠ᨦᩢ᩵ᨶᩦᩢᩓ᩠ᩅᩢ ᨴ᩠ᨶᩤ᩵ᨧᩮᩣᩢᩢᨣᩢᩐᩣᩢᨾᩨᨻᩱᨴᩮ᩠ᩋᩨᩢ ᩉᩪᩋ᩠ᨶᩢᨡᩣ᩠ᨯᨲ᩠ᨠᩫᩃ᩠ᨦᩫᨶ᩠ᨶᩢᩢ ᨠᩣᩴ᩠ᨴᩉᩨᩢᩉᩪᨾ᩠ᨶᩢᩉᩮ᩠ᨾᩨᩁᨠᩮᩣᩢ᩵ᨤ᩠ᨶᩨᩓ᪩ 52ᩅᩣ᩠ᨿᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢ ᨣᩢᨷ᩠ᩋᨠᨠᩣ᩠ᩅ᩵ᩉᩨᩢᨡᩮᩣᩢ ᨩᩮ᩠ᩋᩨᩋ᩠ᨶᩢᨸᩮ᩠ᨶᩉ᩠ᩅᩫᩉ᩠ᨶᩣᩢᨣ᩠ᨿᩪᨷᩁᩮᩣᩉ᩠ᨲᩥᨹᩪᩢᩉᩱ᩠ᨿ᩵ᨤ᩠ᨶᩫᩉᩖᩅ᩠ᨦᨴ᩠ᨦᩢᩉᩖᩣ᩠ᨿ ᩃᩪᨠᩈ᩠ᨠᩧᩋ᩠ᨶᩢᨻᩱᩢᩅᩥᨾᩣ᩠ᨶᨤᩣᩴᩓᩢ᪩ ᩉ᩠ᩅᩫᩉ᩠ᨶᩣᩢᨣ᩠ᨿᩪᨹᩪᩢᩉᩱ᩠ᨿ᩵ᨤ᩠ᨶᩫᩉᩖᩅ᩠ᨦᨴ᩠ᨦᩢᩉᩖᩣ᩠ᨿᨡᩮᩣᩢ ᩋ᩠ᨶᩢᨧᩢᨾᩣᨦᩮ᩠ᨷᨾ᩠ᨶᩢᨶ᩠ᨶᩢᩢ “ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨶᩦᩢ ᨻᩣᨾ᩠ᨯᩦᨻᩣᩃᩯ᩠ᩅ ᨻᩣᨤ᩠ᩋᩁᩢᩈᩮᩉᩮ᩠ᨾᩨᩁ ᨧᩢᨾᩣᨦᩮ᩠ᨷᩐᩣᩢᨤ᩠ᨶᩫᩁᩣ᩠ᨿᩢ ᨤ᩠ᨶᩫᨧ᩠ᩅᩁᨯ᩠ᨦᩢ᩵ᨶᩦᩢᩓ᪩ 53ᩅᩮᩃᩣᨾᩮ᩠ᩋᩨ᩵ᨣᩪᨾᩦᩀᩪ᩵ᨴᩦ᩵ ᩅᩥᨾᩣ᩠ᨶᨤᩣᩴᨴᩩᨠᩅ᩠ᨶᩢᩀᩪ᩵ ᩉᩮ᩠ᨲᩩᨯᩱᩓᩢ ᩈᩪᨴ᩠ᨶᩤ᩵ᨷᩢᨾᩣᨦᩮ᩠ᨷᩐᩣᩢ ᨣᩪᨻᩱᩅᩤ᩵ᩋ᩠ᨶᩢᩢᩓ᩠ᩅᩢ”᪩ ᨴ᩠ᨶᩤ᩵ᨧᩮᩣᩢᩢᨪᩣᩴᩢᩅᩤ᩵ᨳᩯ᩠ᨦᩢ᪩ “ᨣᩭᨲᩯ᩵ᩅᩤ᩵ ᩅᩮᩃᩣᨶᩦᩢ ᨸᩮ᩠ᨶᩅᩮᩃᩣᩉᩯ᩠ᨦ᩵ᩈᩪᨴ᩠ᨶᩤ᩵ᩀᩪ᩵ ᨼ᩠ᨿᩣᨾᩣ᩠ᩁᨡᩮᩣᩢᨶ᩠ᨶᩢᩢ ᨣᩢᨸᩮ᩠ᨶᩅᩮᩃᩣᨠᩣᩴ᩠ᨴᩉᩮ᩠ᨯᩋ᩠ᨶᩢᨳᩭ᩵ᨩᩣᩢᩀᩪ᩵ᨶ᩠ᨶᩢᩢᨣᩭ” ᨸ᩠ᨦᩫᩋᩣᨩ᩠ᨬᩣᩅᩤ᩵ᩋ᩠ᨶᩢᩢᩓ᪩ 54ᩅᩣ᩠ᨿᨶ᩠ᨶᩢᩢᨾᩮ᩠ᩋᩨ᩵ ᨡᩮᩣᩢᨯᩱᩢᨦᩮ᩠ᨷᩐᩣᩢᨴ᩠ᨶᩤ᩵ᨧᩮᩣᩢᩢᩓ᩠ᩅᩢ ᩁ᩠ᩋᨦᩢᨻᩱᨴᩦ᩵ ᩁᩮ᩠ᨶᩨᩉ᩠ᩅᩫᩉ᩠ᨶᩣᩢᨷᩁᩮᩣᩉ᩠ᨲᩥᩀᩪ᩵ᨶ᩠ᨶᩢᩢ ᨷᩮᨲᩁᩩ ᨣᩢᩃ᩠ᨠᩢᩉᩖ᩠ᩋᨾᨩ᩠ᩋᨾᨻᩱ ᨴᩤ᩠ᨦᩉᩖᨦᩢᨡᩮᩣᩢᩓ᩠ᩅᩢ᪩ 55ᨤ᩠ᨶᩫᨩᩮ᩠ᩋᩨᨹ᩠ᩋ᩵ᨦᨡᩮᩣᩢᨯᩱᩢᨩ᩠ᩋᨾᨻᩱᩀᩪ᩵ ᨴᩦ᩵ᨶᩱᩈ᩠ᩅᩁᩉᩯ᩠ᨦ᩵ ᪑ ᨶ᩠ᨶᩢᩢ ᨷᩮᨲᩁᩩᨣᩢᨯᩱᩢᨡᩮᩣᩢᩢ ᨻᩱᨶ᩠ᨦᩢ᩵ᨩ᩠ᩋᨾᨡᩮᩣᩢ᪩ 56ᨾᩦᨹᩪᩢᨿ᩠ᨦᩥᨤ᩠ᨶᩫᨩᩱᩢᨣᩳᩢ ᪑ ᩉ᩠ᨶᩢ ᨷᩮᨲᩁᩩᨶ᩠ᨦᩢ᩵ᩀᩪ᩵ᨴᩦ᩵ᨶ᩠ᨶᩢᩢ ᨾ᩠ᨶᩢᨧ᩠ᨦᩥ᩵ᨩᩦᩢᨾᩨ ᩉᩯ᩠ᨶᩅᩤ᩵ “ᨤ᩠ᨶᩫᨣᩳᩢᨶᩦᩢᨸᩮ᩠ᨶᨤ᩠ᨶᩫᨿᩮ᩵ᨪᩩᩓ” ᩅᩤ᩵ᩋ᩠ᨶᩢᩢ᪩ 57ᨿᩣ᩠ᨾᨶ᩠ᨶᩢᩢ ᨷᩮᨲᩁᩩᨣᩢᩅᩤ᩵ ᨡᩣᩢᨷᩢᩁᩪᩢᨧ᩠ᨠᩢᨤ᩠ᨶᩫᨣᩳᩢᨶᩦᩢᩓ ᨳ᩠ᨿᨦᩅᩤ᩵ᩋ᩠ᨶᩢᩢ᪩ 58ᩀᩪ᩵ᨣᩣᩴ ᪑ ᨾᩦᨤ᩠ᨶᩫᨣᩳᩢ ᪑ ᩉ᩠ᨶᩢᨷᩮᨲᩁᩩᩓ᩠ᩅᩢ “ᨴ᩠ᨶᩤ᩵ᨶᩦᩢᨸᩮ᩠ᨶᨤ᩠ᨶᩫᨶᩱᨾᩩᨠᨡᩮᩣᩢ ᨷᩢᨩᩱ᩵ᩌᩣᩢ” ᩅᩤ᩵ᨯ᩠ᨦᩢ᩵ᩋ᩠ᨶᩢᩢ “ᨡᩣᩢᨷᩢᨩᩱ᩵ᨤ᩠ᨶᩫᨶᩱᨾᩩᨠᨡᩮᩣᩢ” ᨳ᩠ᨿᨦᨤ᩠ᨶᩨᩓ᩠ᩅᩢ᪩ 59ᨷᩢᨻᩳᩉ᩠ᨦᩨᨷᩕᨾᩣ᩠ᨱᨶ᩠ᨦᩨ᩵ᨩ᩠ᩅᩫ᩵ᨾᩰ᩠ᨦᨶ᩠ᨶᩢᩢ ᨪᩣᩴᩢᨾᩦᨳᩯ᩠ᨦᩢ ᨣᩳᩢ ᪑ ᨾᩣᩅᩤ᩵ ᨤ᩠ᨶᩫᨣᩳᩢᨶᩦᩢᨸᩮ᩠ᨶᨤ᩠ᨶᩫᨾᩮ᩠ᨦᩨᨣᩤᩃᩥᩃᩯᩓᩢ᪩ 60ᨣᩣᩴᨶ᩠ᨶᩢᩢ ᨷᩮᨲᩁᩩᨠᩣ᩠ᩅ᩵ᩅᩤ᩵ ᩈᩪᨴ᩠ᨦᩢᩉᩖᩣ᩠ᨿᩅᩤ᩵ᩈ᩠ᨦᩢᨣᩪᨷᩢᩁᩪᩢ ᨲ᩠ᩋᨷᨳ᩠ᨿᨦᨯ᩠ᨦᩢ᩵ᩋ᩠ᨶᩢᩢ ᨾᩮ᩠ᩋᩨ᩵ᩅᩮᩃᩣᨳ᩠ᨿᨦᨻ᩠ᨿᩢᩀᩪ᩵ᨶ᩠ᨶᩢᩢ ᩈ᩠ᨿᨦᨠᩱ᩵ᨡ᩠ᨶᩢᨾᩣᩓ “ᨷᩮᨲᩁᩩ ᨯᩱᩢᩀᩪ᩵ᨩ᩠ᩋᨾᨧᩮᩣᩢᩢᨿᩮ᩵ᨪᩩᨴᩯᩢᩓ” ᨸᩮ᩠ᨶᩋ᩠ᨶᩢᩉ᩠ᨾᩢᩢᩁᨠᩯ᩠ᨶᩢ᩵ᨴᩯᩢᩓ᪩ ᩅᩮᩃᩣᨣᩢᨳ᩠ᨦᩨᨧᩣᩴᨠᩱ᩵ᨡ᩠ᨶᩢᨶ᩠ᨶᩢᩢᩓ᩠ᩅᩢ᪩ 61ᨿᩣ᩠ᨾᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᨣᩢᨯᩱᩢᩉ᩠ᩅᩣ᩠ᨿ᩵ᩉ᩠ᨶᩣᩢᨴ᩠ᩅ᩠ᨿᨴᩦ᩵ ᨷᩮᨲᩁᩩᩀᩪ᩵ “ᨷᩮᨲᩁᩩᨧ᩠ᨦᩥ᩵ᨡᩩᨠᨧᩱᨯᩱᩢ ᩋ᩠ᨶᩢᨴ᩠ᨶᩤ᩵ᨧᩮᩣᩢᩢᩅᩤ᩵ ᩉᩨᩢᨾ᩠ᨶᩢᩅᩱᩢᨶ᩠ᨶᩢᩢ ᩅᩮᩃᩣᨧᩣᩴᨠᩱ᩵ᨧᩢᨡ᩠ᨶᩢ ᨾᩣᨾ᩠ᨶᩢᨧ᩠ᨦᩥ᩵ᩅᩤ᩵ ᨣᩪᨷᩢᩁᩪᩢᨧ᩠ᨠᩢᨴ᩠ᨶᩤ᩵ᩓ ᨲ᩠ᩋᨷᨳ᩠ᨿᨦᨤ᩠ᨶᩨᩈᩣ᩠ᨾᨻ᩠ᩋᨠ” ᩅᩤ᩵ᩋ᩠ᨶᩢᩢᩓ᩠ᩅᩢ᪩ 62ᨯᩱᩢᩋ᩠ᩋᨠᨻᩱᨴᩤ᩠ᨦᨶ᩠ᩋᨠᩈᩮᩁ᩠ᩋᨦᩢᩉᩱᩢ ᩋ᩠ᩋᨠᩈ᩠ᨿᨦᩁᩯ᩠ᨦᩀᩪ᩵ 63ᨤ᩠ᨶᩫᩋ᩠ᨶᩢᨻᩱᩢᨴ᩠ᩅ᩠ᨿ ᨴ᩠ᨶᩤ᩵ᨧᩮᩣᩢᩢᨡᩮᩣᩢᨩᩮ᩠ᩋᩨᨶ᩠ᨶᩢᩢ ᨣᩢᨯᩱᩢᩉ᩠ᨿ᩠ᩋᨠᨿᩰ᩠ᩋᩡᩉ᩠ᨿ᩠ᩋᨠᩉᩮᩖᩢᩁᨴ᩠ᨶᩤ᩵ᨧᩮᩣᩢᩢᩈᩮᩓᩢ ᨯᩱᩢᨷ᩠ᨷᩩᨲᩦ᪩ 64ᩐᩣᩢᨹᩣᩢᨻ᩠ᨠᩫᩉ᩠ᨶᩣᩢᨻ᩠ᨠᩫᨲᩣᩅᩱᩢᩈᩮᩓ᩠ᩅᩢᩅᩤ᩵ “ᨹᩪᩢᨯᩱᨷ᩠ᨷᩩᨲᩦᩋ᩠ᨶᩢᩅᩤ᩵ᨶ᩠ᨶᩢᩢ ᨴ᩠ᩅ᩠ᨿᩅᩤ᩵ᩓ” ᩅᩤ᩵ᩋ᩠ᨶᩢᩢ᪩ 65ᨠᩣᩴ᩠ᨴᨡ᩠ᨾᩫ᩵ᩉᩮ᩠ᨦᨲᩮ᩠ᨦᨲᩮ᩠ᨠ ᨷᩕᨾᩣ᩠ᨴᨴ᩠ᨶᩤ᩵ᨧᩮᩣᩢᩢᩀᩪ᩵ ᩅᩤ᩵ᩋ᩠ᨶᩢᩢᨯᩯ᩵᪩ 66ᩅᩮᩃᩣᨾᩮ᩠ᨦᩨᨧᩯ᩠ᨦᩢᨾᩣ ᩉ᩠ᩅᩫᩉ᩠ᨶᩣᩢᨷᩁᩮᩣᩉ᩠ᨲᩥᨹᩪᩢᩉᩱ᩠ᨿ᩵ᨤ᩠ᨶᩫᩉᩖᩅ᩠ᨦᨴ᩠ᨦᩢᩉᩖᩣ᩠ᨿ᪨ ᩉ᩠ᨾᩳᨣᩕᩪᨩᩣ᩠ᨦ᩵ᨣᨾ᩠ᨻᩦᨡᩮᩣᩢᨴ᩠ᨦᩢᩉᩖᩣ᩠ᨿᩓᩢ᪨ ᩉ᩠ᩅᩫᩉ᩠ᨶᩣᩢᨣ᩠ᨿᩪᨹᩪᩢᩉᩱ᩠ᨿ᩵ᨤ᩠ᨶᩫᩉᩖᩅ᩠ᨦᨴ᩠ᨦᩢᩉᩖᩣ᩠ᨿ ᨩᩯ᩠ᨯᨳᩣ᩠ᨾᨴ᩠ᨶᩤ᩵ᨧᩮᩣᩢᩢᨴᩦ᩵ᨶᩱ ᩈᨽᩣᨿᩩᨲ᩠ᨲᩥᨵᨾ᩠ᨾ᩼ᩉ᩠ᨶᩢᩢᩓ᪩ 67“ᨴ᩠ᨶᩤ᩵ᨶᩦᩢᨸᩮ᩠ᨶᨧᩮᩣᩢᩢᨲ᩠ᨶᩫᨷᩕᩰ᩠ᨯ ᨹᩪᩢᨹᩣ᩠ᨿᨷᩕᩰ᩠ᨯᨾᩮᩈᩥᨿᨶ᩠ᨶᩢᩢᨩᩱ᩵ᩌᩣᩢ”
ᨷᩢᨩᩱ᩵ᩌᩣᩢᩋ᩠ᨶᩢᩅᩤ᩵ᨶ᩠ᨶᩢᩢ ᨲ᩠ᩋᨷᨾᩣᩓ᪩ ᨿᩣ᩠ᨾᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢᨣᩢᩅᩤ᩵᪩ 68ᨣ᩠ᨶᩢᨣᩪᨳᩣ᩠ᨾᩈᩪ ᩈᩪᨣᩢᨧᩢᨷᩢᨲ᩠ᩋᨷ ᨳᩣᩢᩅᩤ᩵ᨣᩪᨷ᩠ᩋᨠᩉᩨᩢᩈᩪᨴ᩠ᨶᩤ᩵ᨶ᩠ᨶᩢᩢ ᩈᩪᨴ᩠ᨶᩤ᩵ᨣᩢᨷᩢᨿᩩ᩵ᨾᨿᩣᩴ᪩ 69ᨣᩭᨲᩯ᩵ᩅᩤ᩵ “ᨲ᩠ᨦᩢᩢᩐᩣᩢᩅᩮᩃᩣᨶᩦᩢᨻᩱ ᩃᩪᨠᨩᩣ᩠ᨿᨧᩮᩣᩢᩢᨶᩦᩢ ᨧᩢᨶ᩠ᨦᩢ᩵ᩀᩪ᩵ᨡᩣ᩠ᨦᩢᨻᩣ᩠ᨿᨠ᩠ᩅᩣ᩵ᩉᩯ᩠ᨦ᩵ᨻᩕᨧᩮᩣᩢᩢ ᨲ᩠ᨶᩫᩋ᩠ᨶᩢᨾᩦ ᩁᨴ᩠ᨵᩦᨧᩮᩣᩢᩢᩋᨶᨶᩣ᩠ᨲ ᨣᩩᨱ ᩋᨶᨶᩣ᩠ᨲ ᨲᩮ᩠ᨾᨳ᩠ᩅᩢᩁᩈᩮ ᨸᩮ᩠ᨶᨹᩪᩢᨸ᩠ᨠᩫᨤ᩠ᩋᨦᩀᩪ᩵ᩅᩤ᩵ᩋ᩠ᨶᩢᩢᩓ” ᨿᩣ᩠ᨾᨶ᩠ᨶᩢᩢᨡᩮᩣᩢᨪᩣᩴᩢ ᨳᩣ᩠ᨾᨳᩯ᩠ᨦᩢᩅᩤ᩵᪩ 70“ᨳᩣᩢᩅᩤ᩵ᩋ᩠ᨶᩢᩢ ᨴ᩠ᨶᩤ᩵ᨶᩦᩢᨸᩮ᩠ᨶᩃᩪᨠᨩᩣ᩠ᨿᩉᩯ᩠ᨦ᩵ᨻᩕᨧᩮᩣᩢᩢᩌᩣᩢ” ᨳᩣ᩠ᨾᩅᩤ᩵ᩋ᩠ᨶᩢᩢ᪩
ᨴ᩠ᨶᩤ᩵ᨧᩮᩣᩢᩢᨣᩢᨲ᩠ᩋᨷᩅᩤ᩵ “ᨸᩮ᩠ᨶᨲᩣ᩠ᨾᨯ᩠ᨦᩢ᩵ᩈᩪᨴ᩠ᨶᩤ᩵ ᨷ᩠ᩋᨠᨠᩣ᩠ᩅ᩵ᨶ᩠ᨶᩢᩢᨣᩭᩓ” ᨲ᩠ᩋᨷᩅᩤ᩵ᩋ᩠ᨶᩢᩢ᪩ 71ᨡᩮᩣᩢᨣᩢᩅᩤ᩵ “ᨾ᩠ᨶᩢᩅᩤ᩵ᨯ᩠ᨦᩢ᩵ᨶᩦᩢ ᩁᩮᩣᩢᨴ᩠ᨦᩢᩉᩖᩣ᩠ᨿᨣᩢᨯᩱᩢᨿ᩠ᨶᩥᨠ᩠ᨶᩢ ᨲᩣ᩠ᨾᨲ᩠ᩅᩫᩀᩪ᩵ᨹᩱᨾ᩠ᨶᩢᩓ᩠ᩅᩢ ᨷᩢᨾᩦᩈᨠ᩠ᨡᩥ ᨽᩥᨬᩣ᩠ᨶᩈ᩠ᨦᩢᨳᩯ᩠ᨦᩢᩓ᩠ᩅᩢ” ᩅᩤ᩵ᩋ᩠ᨶᩢᩢᨣᩢᨾᩦᩅ᩠ᨶᩢᨶ᩠ᨶᩢᩢᨯᩯ᩵᪩
Currently Selected:
Luke 22: ktpv-rv
Highlight
Share
Copy
Want to have your highlights saved across all your devices? Sign up or sign in
This translation of the Khun Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
