Luke 9
9
1နွို့ခေါင်း ကိုယ်တော်ယေရှုနောင်း သာဝကမာကျင်အဲဉ်ကွက်နွို့ ဟက်တွို့ထာ ဆောင့်အာစုယော့နောင်း ကနံဆို့မေ့မေ့နွို့နု့ ဒေါက်လေးနိုင်းအောင်န အ့်ကစုရောဂါနွို့နု့ ဘာ့ဗာပွန်နိုင်းမဲ့ တန်ခိုးန အခွင့်အာဏာနွို့နု့ အက်ပွို့ကြဘို့နွို့နဲ့။ 2နွို့ခေါင်း ကိုယ်တော်နောင်း ခွို့နွို့နု့ ခံမ့်ထာထနာတော်ဖြားနွို့ မင်ဟောဖြိုနွို့န လို့ဘာ့မန်းတူးကောဘို့ဘက်နွို့ အ့်ကု့သနွို့အောင် ပလွှတ်ကု့ဟောက်နွို့နဲ့။ 3ကိုယ်တော်နွို့ ခွိုနွို့နား “ပွို့နအနုဲင်နုဲင် ထန်မှလာ့အွေကု့န။ တွန်းတုတ်၊ အိပ်ခမ်းအွေကု့ခရီး၊ အစွေအငွမ်း၊ ပိုက်ဆံ၊ ခရိုန်းအ့်လိုလ့်လဲ လာ့အွေကု့န။ 4ပွို့နွို့နု့ ဆောင်လက်ခံကြိုဆိုဆောင်ညာ့ကွေကွေ တာ့လွက်နီးနား မလေးမချောင်း တာ့ညာ့နွို့စယ် မန်းကြဘို့နွို့နဲ့။ 5တာ့ကက်ကောလဲ ပွို့နွို့နု့ တာညာ့နွို့တကြိုဆိုကောနွို့နု့ တာ့လွက်နွို့နား ဆောင့်လေးပိုနောင်း ခွို့နွို့နု့ အပန်အာသတိန ကောက်ပွို့နွို့နု့ ကဖက်နွို့နု့ ခါကလိုကြဘို့a” နွို့ဖြိုမနနဲ့။ 6သာဝကဘို့ဘက်နွို့နောင်းလဲဉ်း တာ့ကိုယ်တော်နွို့မှ လေးပွန်တွို့ကြဘို့ထာ ဇာ့လွက်ဘာ့ဟိုနွို့ကု့တွို့ထာ ပနောင်မင်္ဂလာကတမ်းကလို့စ်ဖြားဘို့ဘက်နွို့ ဟောဖြိုတွို့ထာ လို့ဘာ့မန်းတူးကောနွို့လဲဉ်း အ့်ဗာပွန်ဟောက်နွို့နဲ့။ 7ချန်နွို့နု့ လို့အုပ်ချုပ် ဖြိုင်ဂါလိလဲ ဟေရုဒ်နောင်း ကိုယ်တော်ဇာ့ဘာ့ယို့နွို့နား ဆောင့်အွမ်နွို့နောင်း နွက်ဆုပ်ဆက်ပို့ကြဘို့နွို့နဲ့။ ရွားနွို့ပဒေကား လို့တောင်ခိုင့်နွို့နု့ “လို့အာအွူမင်္ဂလာဆာယာယောဟန် အ့်ထက်ပလုဲင်းဘက်ပိုတွို့” နွို့ဖြိုမနနဲ။ 8လို့တခြားနွို့နု့ “ပရောဖက်ဧလိယ ကြွပလောက်ဘက်ပိုတွို။” လို့တောင်ခိုင့်လဲဉ်း “ကစာ့နွို့ဘာ့ဟိုပို့မဲ့ ကောင်ပရောဖက်နွို့အာ့်ပါး အ့်ထက်ပလုဲင်းဘတ်ပွို့တွို” နွို့ဖြိုကြဘို့နွို့ခေါင်းနွို့နဲ့။ 9စနွိုနု့ ဟေရုဒ်နွို့ကား “ဇာ့ယို့ပို့ဘို့ဘက်နွို့ လို့ဘာ့ယို့မဲ့နွို့နောင်း အာအွူမင်္ဂဆာယာယောဟန်လာ့ကလုဲင်နိုင်ကော။ ရွားနွို့ပဒေကား အို့နောင်း စစ်သားအမ်ဘို့ဘက်နွို့ အာတွို့အမိန့်ထာ ကတောင်အမ်နောင်း အာဖြတ်တွို့နွို့နဲ့။ စနွို့လဲ အခွပ် လို့ဘာ့အံ့သြကတမ်းဇာ့နီးနား ကွား” နွို့ဖြိုတွို့ထာ မောင်းထွိကိုယ်တော်နွို့ ရက်ကြံလေမနနွို့နဲ့ 10သာဝကကိုယ်တော်ယေရှုဘို့ဘက် ဆောင့်လောက်ရန်းပွို့နွို့နောင်း ခွို့ဘာ့ယို့ပွို့ဘို့ဘက်နွို့ ကိုယ်တော်နား ဖြိုကြဘို့နွို့နဲ့။ နွို့ခေါင်း ကိုယ်တော်နောင်း ခွို့နအနုဲင်နုဲင် တဘိုဗက်ဇဲဒနွို့ ကြွကု့ကူးဟောက်နွို့နဲ့။ 11စနွို့လဲ ကိုယ်တော်န သာဝကဘို့ဘက် ဗဟိုမဲ့ဖက်မားနွို့နု့ လို့ဇာ့နွို့ဆောင်းငန်းနောင်း တာ့လွက်နွို့ကု့လွမ်းကြဘို့နွို့နဲ့။ ဆောင့်လောက်တာ့နွို့နု့ ကိုယ်တော်နားလဲဉ်း ခွို့နွို့နား ကြိုဆိုတွို့ထာ ခံမ့်ထာထနာတော်ဖြားဟောဖြိုယော့ လို့ဘာ့မန်တူးကောနွို့လဲဉ်း အ့်ဗာပွန်ဟောက်နွို့နဲ့။ 12ဆောင့်လောက်လောင်းဂို့နောင်း သာဝကမာကျင်အဲဉ်ကွက်နွို့နောင်း တာ့ကိုယ်တော်နွို့ လောက်ပိုကြပို့ထာ “ကိုယ်တော်၊ တာ့လွက်နီးနား ဗွေကန္တာရနွို့ခေါင်း ဖုန်လို့နီးနွို့ ဘာဟိုမဲ့အ့်တာ့မေနီး တာတောတဘိုနွို့နု့ ပလွှတ်ကု့စေး။ ခွို့နွို့နား ခမ်းမောင်းမန်းနအ့်စွေအ့်ငွမ်းနား လိုလ့်ဟောက်” နွို့လျှာက်တံကြဘို့နွို့နဲ့။ 13ကိုယ်တော်နား “အာစေ့လို့ဇာ့နွို့ ခမ်းစွေအမားမားနေ” နွို့ ခွို့နွို့နား ဆောင့်ဖြိုဝဲ့နွို့နု့ခွို့နွို့နား “တအေ့နီးနား ချိပေ့ဟို့ထွန်သန်းန ဟိုဖျောင်အဲဉ်ကွက်ဝဲ့။ လို့ဇာ့နီးမေ့မေ့နား တာ့မွီးနွို့နု့ အ့်စွေအ့်ငွမ်းဘို့ဘက် မင်ကု့ဝဲမ်းဟောက်” နွို့ဖြိုပို့နွို့နဲ့။ 14ရွားနွို့ပဒေကား ကဖြောက်ထွန်ထောင်နွို့ခေါင်းကိုးနဲ့။ချန်နွို့နု့ကိုယ်တော်နား “ဆိုကူထုစ်စေး လို့အစုနီး ထွန်ကျင်စီနေ” အမ်မိန့်ဖြို တပည့်တော်အမ်စနွို့။ 15တပည့်တော်နွို့လဲဉ်း ကိုယ်တော်ဖြိုနွို့အတွိုန်း ဆောင့်ဆောင်ရွက်နွို့နား လို့ဇာ့နွို့ အာကူထို့မနနွို့နဲ့။ 16နွို့ခေါင်း ကိုယ်တော် အွေတို့ပေါင်မုန့်ထိုလွန်န ဖျောင်အဲဉ်ကွက်နွို့ အွေတွို့ထာ ရေစ်တွို့တအောင်နွို့ထာ ချီးမွမ်းဆုတောင်တွို့ကျေးဇူးဖြားထာ တီ့အမ်န ပေါင်မုန့်နဖျောင်ဘို့ဘက်နွို့ ဖာ့တွို့ထာ တပည့်တော်အမ်နအာ့်ဆင့် အမ်ဆိုရပ်ဖရပ်လေအာမေ့လို့နွို့နဲ့။ 17လို့ဗင်ဖုံဖုံနွို ဗင်စွေထိထိလောက်စယ်မှကာ့ကော လို့ဘို့ဘတ်စာနို့ဆောင်စွေယား တပည့်တော်နွို့နု့ ရက်သန်ထမ်းနွို့နား ဗင်ချောင်ကုန်း မတ်ကျင်အဲဉ်ချောင်အပြဲန့်နွို့ကိုးနဲ့။ 18အ့်ရှိနွို့ ကိုယ်တော်ယေရှုအ်ာ့ပါးစယ် တန်းဘာ့ဆုတောင်းနွို့ တပည့်တော်ဘို့ဘက် လောက်ပိုကြဘို့နား ကိုယ်တော်နွို့ ခွို့နွို့နား “လို့နောင်း ဖြိုကြဘို့အို့ဇာ့မားကိုးဟား” နွို့မားကြဘို့နွို့နဲ့။ 19ခွို့နွို့နား “တောင်ခိုင့်နား ကိုယ်တော်နွို့ ဆာယာအာအွူမင်္ဂလာ ဆာယာယောဟန်နွို့လဲဉ်း ဖြိုကြဘို့နွို့နဲ့။ ဧလိယနွို့လဲဉ်း ဖြိုကြဘို့နွို့နဲ့။ ကစ့ာနို့ဘာ့ဟိုဘို့မဲ့ ပရောဖက်နွို့အာ့်ပါးနား အ့်ထက်ပလုဲင်းဘက်ပို့နွို့လဲဉ်း ဖြိုကြဘို့” နွို့ ဖြိုမဲ့ကြဘို့နွို့နဲ့။ 20ချန်နွို့နု့ ကိုယ်တော်နား “ပွို့နွို့ဖုန် ထုန်ကြဘို့အို့ဇာ့မား” နွို့မားဟောက်ခေါင်းပေတရုနား “ကိုယ်တော်နွို့ ဖြားဘာ့ပလွတ်ပိုမဲ့ မေရှိယကိုး” နွို့လျှောက်တံကြဘို့နွို့နဲ့။ 21ကိုယ်တော်နွို့လဲဉ်း အကြောင်အရာနီးနား ဆောင်ကွေမှ မှလာ့ဖြိုကောအောင် သေသေချာချာအာအမိန့်နွို့နဲ့။ 22နွို့ခေါင်း ကိုယ်တော်နား တပည့်တော်ဘို့ဘက်နား “ဘာ့ကလုဲင်ကွန်ဖြား အို့နောင်း ဒုက္ခဘာကုန်းနွို့မောင်းလိုလ့်ခံဟောက်နွို့ခေါင်း လို့မျိုးဂျူးအကုန်းအပေ့နွို့၊ ပုရောဟိတ်အကုန်းအပေ့နွို့န ဆာယာပါလိတ်ကျမ်းနား ဘာ့ညောင်းပယ်နွို့ မင်ခံလောက်ဟောက်။ လို့နောင်း အို့ဗင်ဗီခံယောနွို့နောင်း အို့နွို့ ဆောင့်လောက်အွီရှိမြောက်နွို့နား အ့်ထက်ပလုဲင်းဘက်လောက်ဟောက်” နွို့ဖြိုမနနဲ့။ 23နွို့ခေါင်း ကိုယ်တော်ယေရှုနား လို့ဖုန်ကုန်းနွို့နား “လို့ဘာ့ဆောင့်ကလုဲင် တပည့်လို့ကု့လွမ်းဘက်အို့နွို့နား သိုလ့်မို့သိုလ်မို့ညောင်းတွို့ထာ လက်ဝါးကပ်တိုင်သိုလ်မို့ ကွတ်ယော့ကိုယ်တိုင် ကွတ်တွို့စေ့ရှိထာ ဘတ်အို့နွို့ဗင်ကု့လွမ်းဟောက်နွို့နဲ့။ 24ရွားနွို့ပဒေကား လောကနီးနွို့ သိုလ်အမ်သိုလ်အမ် ဆောင်ကာကွယ်နွို့ ဆောင်ကွေကွေ နိစ္စထာဝရအထက်နွို့ ဗင်လောက်ဟောက်။ တာ့ကက်ကောနွို့လဲဉ်း တာအို့နာ့ လို့နွက်ဆောင်စွန်တောဝ်းအထက်တဟိုနွို့နု့ နိစ္စထာဝရအထက်နွို့ ဗင်လောက်ဟောက်။ 25ပွို့နွို့နား ကမ္ဘာကုန်းဗင်လွန်လွန်နွို့ ပစ္စည်းဥစ္စာဇာ့မို့ပိုင်ဟောက်နွို့လဲဉ်း ဘဝပွို့ဖျောက်တွို့ထာ အ့်ထက်တာဆန်းပါးနွို့နု့ အ့်ကျိုးဟိုတတ်ထား။ 26ပွို့နွို့ တာအို့နတာ့ရတာ့ကဆာ့မဲ့နွို့နု့ ကွန်ဖြားနားလဲဉ်း ဖုန်းတန်ခိုးတော်အဖဖြား၊ ဘာ့မြတ်မဲ့ ကနံကလို့နွို့နအနုဲင်နုဲင် ဆောင့်ကြွပိုနောင်းလဲဉ်း တာပွို့နွို့ ကဆာ့လောက်ဟောက်။ 27အို့တာဖြိုပွို့အ့်မှန်နွို့ပဒေကား လို့တောင်ခိုင့်ဘာ့မုဲင်ကြမဲ့ဘို့တာ့လွက်နီးနွို့နား ထာထနာတော်ဖြားနွို့နု့ မင်ရင်ကောနွို့နား လာ့မင်ဗီးကော” နွို့ဖြိုမနနဲ့။ 28ဆောင့်ဖြိုယော့နွို့နု့ ဆောင့်အ့်နို့အွီးတိုလ့်နွို့ ကိုယ်တော်ယေရှုနောင်း ပေတရု၊ ယောဟန်န ယာကုပ်နွို့နု့ ဟက်ကုတွို့ထာ မောင်းဆုတောင်းဟောက်နွို့ခေါင်း ဒက်ကု့ကွေဗွေနွို့နု့နဲ့။ 29ကိုယ်တော်တန်းဘာ့ဆုတောင်းနွို့နောင်း ကရက်အ့်ရောင်အမ်နွို့ ပပြောင်းကု့တွို့ထာ ခရိုန်းနွို့လဲဉ်း ပြောင်းကု့ဖွီးဖားနနွို့နဲ့။ 30 နွို့ခေါင်း ဘာ့ကလုဲင်ပရောဖက် မောရှေန ဧလိယနွို့နောင်း တရုတ်ရုတ်ပေါ်လေးတွို့ထာ ကိုယ်တော်နဖြိုကြမဲ့ဘို့ပနောင်နွို့နဲ့။ 30နွို့ခေါင်း ဘာ့ကလုဲင်ပရောဖက် မောရှေန ဧလိယနွို့နောင်း တရုတ်ရုတ်ပေါ်လေးတွို့ထာ ကိုယ်တော်နဖြိုကြမဲ့ဘို့ပနောင်နွို့နဲ့။ 31ခွိုနွို့နောင်း ဖုန်းတန်ခိုးတော်ဘို့ဘက် ဝေါင်းဝါတွို့ထာ အလိုတော်ဖြားအတွိုန်း မြိုဂျေရုဆလင်နွို့ ကနို့ကောဘာ့ကလုဲင်ပွို့မဲ့ ခံမ့်ကိုယ်တော်မောင်းခံဗီးနွို့ ဖြိုကြဘို့နွို့နဲ့။ 32ချန်နွို့နု့ ပေတရုန အခြားတပည့်တော်အဲဉ်ကွက်နွို့နား သီဗိမဲ့ဘို့နွို့နဲ့။ ခွို့ဆောင့်ခရုန်းငန်းပိုနောင်း အတိတွိုန်း ဖုန်းတန်ခိုးဘို့ဘက်နဘာ့ဗြောက်မဲ့ ကိုယ်တော်နွို့ မင်ရင်ကြဘို့နွို့နဲ့။ ခွို့နွို့နောင်း ကိုယ်တော်နအနုဲင်နုဲင် တန်းဖြိုမဲ့ပနောင်နွို့ ပရောဖက်အဲဉ်ပါးနွို့လဲဉ်း ထွိကြဘို့နွို့နဲ့။ 33နွို့ခေါင်း မောရှေနဧလိယနွို့ တန်းဘာ့လေးနွို့နု့ ပေတရုနား ကိုယ်တော်ယေရှုနွို့နု့ “ကိုယ်တော်၊ တာ့လွက်နီးနား နန်းဆောင်မန်းမန်းလွန်းကိုးလွက်နီးနား။ စနွို့နား တာ့ကိုယ်တော် ခွက်အ်ာ့ခွက်၊ တာဧလိယ ခွက်အာ့်ခွက်န တာမောရှေ ခွက်အ့်ာခွက်နွို့ အေ့ယိုအာလောက်ဟောက်” နွို့ဖြိုပို့နွို့နဲ့။ စနွို့လဲ အမ်နောင်း သိုလ်အမ်နသိုလ်အမ် ဖြိုတတ်ထားနွို့နား ငန်းကောနဲ့။ 34ပေတရု တန်းဘာ့ဖြိုပို့စနွို့နု့ ကလစ်အမ်အမာ့နောင်း တကွေခွို့နွို့ ဒုတ်အာတွို့ထာ သိဟိကလို့မဲ့နွို့ခေါင်း ခွို့နောင်း ရလွန်းဒိတ်ဒကြဘို့နွို့နဲ့။ 35ချန်နွို့နု့ တာကလစ်အမ်နွို့ “လို့နီးနောင်း အို့ဘာ့ရွီးပို့မဲ့ ကွန်ဖြားအို့ကိုးနွို့နဲ့။ ပနောင်အမ်နွို့နား ကမ်းကြဘို့” နွို့ ကရက်အမာ့လေးပိုနွို့နဲ့။ 36ကရက်ဖြားနွို့မှ ဆောင့်ဖြိုယော့နောင်း တပည့်တော်နွို့နောင်း ကိုယ်တော်ယေရှုအ်ာ့ပါးစယ်ထာ မင်ရင်ကြဘို့နွို့နဲ့။ ခွို့နွို့နောင်း ခွို့ဘာ့ရင်ပို့မဲ့ အကြောင်းအရာနွို့နု့ အချန်ကနိုတွို့အောင်မှ ဆောင့်ကွေကွေမှ ဖြိုကောပွို့နွို့နား မန်းကြဘို့သက်သက်နွို့နဲ့။ 37လောက်ဘက်အာ့်ရှိနွို့ ကိုယ်တော်ယေရှုန တပည်တော်အွီကွက်နွို့နောင်း ဘာ့စောင့်စန်းပိုမဲ့ကွေပွေနို့ လို့ဖုန်ကုန်းဘို့ဘက်နွို့နား ကိုယ်တော်နား ပို့ထွိကြဘို့နွို့နဲ့။ 38ကောင်လို့ဖုန်ကုန်းနွို့မှ လို့အာ့်ကွက်နား ကိုယ်တော်နွို့ ကလေစ်ဟက်တွို့ထာ “ကိုယ်တော်၊ ကွန်ဖြောက်အို့အ့်ကွက်နီးနွို့ မောင်းကူညီအာနွို့ခေါင်း ယို့အာစန်းအမာ့မာ့နွို့ တောင်ပန်မနနွို့ ဖြိုမနနဲ့။ 39အမ်နွို့ ကနံဆို့ကွက်ပူးနှိပ်စက်မနခေါင်း ကလေ့စ်မဲ့တရုတ်ရုတ်နွို့နဲ့။ နွို့ခေါင်း မင်သိုလ်သိုလ် ကဒိုက်တွို့ထာ ကောင်သုနွေအမ်နွို့ ညှင်းနွို့လဲဉ်း ဘာလေးဟောက်နွို့နဲ့။ ကနံဆို့နွို့နား အမ်နွို့ အ့်ပံန်တွို့ထာအ့်ကစုဟောက်နဲ့။ တာ့အမ်နွို့လဲဉ်း လေးရက်လွန်းဟောက်နွို့နဲ့။ 40အို့နား တပည့်တော်ကိုယ်တော်နွို့ တောင်းပန်တွို့ထာ ကနံဆို့နွို့ အာဒေါက်လေးဟောက်နွို့လဲဉ်း ခွို့ဒေါက်လေးကြကောဘို့” နွို့ဖြိုပို့နွို့နဲ့။ 41ချန်နွို့နု့ ကိုယ်တော်ယေရှုနား လို့တာ့နွို့ဘာဟိုမဲ့ဇာ့နွို့နား “အချန်နီးနား လို့ထက်ဘာ့ပလုဲင်းနွို့နား ပွို့နွို့နောင်း ဘာ့ယုံကြည်နွို့လဲဉ်း လာဟိုကော မောင်ဆက်လွဲမှားမဲ့ရေ့မားအောင်ဟား။ ယုံကြည်မှုဘာ့ဟိုကောပွို့နု့နွို့ အို့နောင်း မင်သည်းခံမယ့်ရေ့မားအောင်ဟားနွို့” ဟောဖြိုယော့ ပါလို့ပေ့နွို့နား “ကွန်ဖြောက်မို့နွို့ ဟက်ပို့တာလွက်နီး” နွို့ဖြိုမနနဲ့။ 42လို့ပေ့နွို့ တန်းဘာ့ပို့တာ့ကိုယ်တော်ယေရှုနွို့ အမ်နား ပေစ်ကလို့တွို့ ကွေကသေ့ထာ မင်သိုလ်သိုလ် ကဒိတ်ကဒမနနဲ့။ ကိုယ်တော်နောင်း ကနံဆို့နွို့နား တာ့လို့ပေ့နွို့ လေးပွန်အောင် အာအမိန့်နွို့နဲ့။ ကိုယ်တော်နောင်း လို့ပေ့နွို့ဆောင်ကုအာယော့နွို့ ဘာ့ကလုဲင်တာပါအမ်နွို့ ကု့အပ်ပလောက်အာနွို့နဲ့။ 43လို့မေ့မေ့နွို့နောင်းလဲဉ်း တန်ခိုးတော်ဘာ့ကုန်းမဲ့ဖြားနွို့ မင်ရင်ကြဘို့နား အံ့သြမုဲင့်မောကြဘို့နွို့နဲ့။ကိုယ်တော် ဘာ့ယို့ပို့နွို့မေ့မေ့နွို့ လို့မေမေနွို့နား တန်းဘာအံ့သြနွို့ ကိုယ်တော်နောင်း တပည့်တော်နွို့နား 44“ပွို့နွို့ အို့ဘာ့ဖြိုနွို့နု့ ကမ်းကြဘို့မြဲမြဲနွို့ကိုးနဲ့။ ဘာ့ကလုဲင်ကွန်ဖြားအို့နီးနောင်း အချန်ကနိုကော မင်ဖောက်တွိုသစ္စာထာ ကောင်တိလို့ဘာ့ဆို့မဲ့ လို့အာဏာဘာ့ဟိုနွို့ မင်အပ်ခံတွို့” နွို့ဖြိုမနနဲ့။ 45တပည့်တော်နွို့နား အနက်အဓိပ္ပာယ်ပနောင်နွို့ နားလည်နိုင်းကောအောင် မင်အွဉ်ပို့ခံနွို့ခေါင်း တပည့်တော်နွို့နောင်း လာ့ငါးလည်ရိတ်မာန့်ကောနား မာန်းကြဘို့နွို့နဲ့။ စနွို့လဲ မောင်းမားနွို့လဲဉ်း ခွို့နွို့နောင်း ရကြဘို့နွို့နဲ့။ 46နွို့ခေါင်း တပည့်တော်နွို့နောင်း ကောင်ခွို့နွို့ ကွားနောင်း ကလုဲင်ကုန်းမြတ်ထက်မေ့ဘေ့နွို့ ညောင်းကြဘို့နွို့နဲ့။ 47စနွိုလဲ ကိုယ်တော်ယေရှုနား ကောင်နွက်ခွို့နွို့တွေးမဲ့ဇာ့မွှားနွို့ ငန်းဟောက်နွို့ခေါင်း လို့ပေ့အ်ာ့ကွက်နွို့ တာ့ဇာ့အမ်နွို့နား အာမုဲင်မနနွို့နဲ့။ 48နွို့ခေါင်း ကိုယ်တော်နွို့ တပည့်တော်နွို့နား “ဆောင်ကွေကွေ မာတ်နာမအို့နွို့န နာ့လို့ပေ့နွို့ လို့ဘာ့လက်ခံအို့နွို့နု့ လို့လက်ခံအို့ကိုးနွို့နဲ့။ လို့ဘာ့လက်ခံအို့နွို့ပဒေလဲ ဘာ့ပလွှတ်ပို့မဲ့ အဖဖြားနွို့လို့လက်ခံကု့ဟောက်နွို့နဲ့။ ရွားနွို့ပဒေကား ကောင်ဗလပွို့နွို့မေ့မေ့နွို့ သိုလ်အမ်သိုလ်အမ် လို့ဘာ့နှိမ့်ချထက်ဘေ့နွို့နု့နား ငွမ်းဖြားနွို့နား လို့မြတ်ထက်မေ့ဘေ့ကိုး” နွို့ဟောဖြိုမနနဲ့။ 49နွို့ခေါင်း ယောဟန်နား “ကိုယ်တော်၊ မာတ်နာမကိုယ်တော်န လို့အာ့်ကွက်နားအမ်ထုံးတွို့ထာလဲ တာလို့နွို့နု့ ကနံဆို့နွို့နား လို့အာ့်ကွက်ဒေါက်လေးမနနား အေ့ရင်မာန့်ဟောက်။ အမ်နား အေ့နာ့အဖွဲတွိုန်းကက်ကောနွို့ခေါင်း ယို့ကောဇာ့နီးအောင် ခွို့တားကြဘို့” နွို့ဆောင့်ဖြိုနွို့န 50စနွို့လဲ ကိုယ်တော်ယေရှုနား “လတားကောယော့အမ်။ လို့ပဆန့်ကျင်ကားပွို့နွို့နား လို့ဘာ့ကူညီမို့နွို့ကိုး” နွို့ ဖြိုမနနဲ့။ 51နွို့ခေါင်း ကိုယ်တော်နောင်း ရွှေမြို့တော်နွို့ မောင်းဘာ့ဟက်ကု့နွို့နု့ အချန်တမေ့ပိုနွို့ခေါင်း ကိုယ်တော်နောင်း မြိုဂျေရုဆလင်နွို့ မောင်းကု့နွို့ ချဝဲ့ဆုံးဖြတ်ချက်အသေအချာနွို့နဲ့။ 52အမ်နောင်း ငွမ်းစေတမန်နွို့ကြိုတင်ကု့နွို့ ကောင်တပည့်နွို့မှ တောင်ခိုင့်နွို့ ဖြိုမနနွို့နဲ့။ ခွို့နွို့နောင်း ဘာ့ဟိုမဲ့တဘိုအ့်ဘို ရှမာရိနွို့ ဆောင့်လောက်ပွို့နွို့ ကိုယ်တော်နအခြားလို့တောင့်ခိုင့် ခမ်းမောင်းမာန်းနွို့ အ့်ဖျောင်အာကြပို့နွို့နဲ့။ 53စနွိုလဲ လို့ဘို့ဘက်နွို့နား ကိုယ်တော်န တပည့်တော်အမ်ဘိုဘက် တဘိုခွို့နွို့ မောင်းမန်းနွို့နား လက်ခံကောကြဘို့နွို့နဲ့။ ရွားနွို့ပဒေကား ခွို့နွို့နောင်း အမ်ဦးတည် ကု့တွိုသမြိုဂျေရုဆလင်နွို့ခေါင်းနွို့နဲ့။ 54ယာကုပ်နယောဟန်bစာနိုနား ဆောင်ရင်အဖြစ်ပျက်နီးနို့ “ကိုယ်တော်၊ အေ့နွို့နောင်း နာ့ပရောဖက်ဧလိယယို့နွို့ ဇာ့ကွေတအောင်နွို့ အ့်ကလို့တွို့ညွမ်ထာ ခွို့ဖျောက်ကုအောင်မောင်းယို့နွို့ ဇာ့တာဖြားနွို့ ဖြိုအာဝဲ့ဟား” နွို့ဆောင်ဖြိုနွို့ 55စနွိုလဲ ကိုယ်တော်နား လှည့်ဘတ်တွို့ဖက်ခွို့ထာ ဆုံးမမနနဲ့။ 56နွို့ခေါင်း ခွို့မေ့မေ့နောင်း တဘိုအခြားအ်ာ့တဘိုနွို့ လေးပွန်ကြဘို့နွို့နဲ့။ 57ကိုယ်တော်ယေရှုန တပည့်တော်နွို့ တာ့မြိုဂျေရုဆလင်နွို့ ဘာ့ကု့ကညွမ်းခရီး လို့အာ့်ကွက်နောင်း ဗွို့တွို့တကိုယ်တော်ထာ “ကိုယ်တော် အို့နောင်း ဆောင့်ကလုဲင်တပည့်တော်မိုနွို့ခေါင်း ကိုယ်တော်ဘာ့ကြွကုမဲ့စေ့လွက်နွို့ အို့ကု့လွမ်းလောက်ဟောက်” နွို့ဖြိုပို့တွို့ထာ 58ကိုယ်တော်ယေရှုနား “စို့အ့နား တာ့ကသု့ဟို့ မန်းကြဘို့ထာ စံနွို့နောင်းလဲဉ်း ညာ့ခမ်းသီဟိုဟောက်။ စနွို့လဲ ကွန်ဖြားနွို့ကား ညာ့ခမ်းသီခမ်းနားလာ့ဟိုကော” နွို့ဖြိုမနနဲ့။ 59နွို့ခေါင်း ကိုယ်တော်နား အခြားအာ့်ကွက်နွို့ “ပို့တွို့တာအို့ထာ ယို့တပည့်တော်အို့နွို့နေ” နွို့ဟောဖြိုမနနွို့နဲ့။ စနွို့နု့ လို့နွို့နား “ကိုယ်တော်၊ အို့နွို့ အရန်မိုးစေးအို့ညာ့နေ။ ပါအေ့နွို့ အာသင်္ဂြိုဟ်ယော့နွို့ထာ ကု့လွမ်းဘက် ကလုဲင်လောက်ဟောက် တပည့်ကိုယ်တော်” နွို့ဖြိုမနနဲ့။ 60စနွို့လဲ ကိုယ်တော်နား “လို့လိုက်နာလွမ်းကောဖြားနွို့နောင်း လို့ဗီးနကမွို့ဟောက်။ လို့ဗီးနွို့နား လို့ဗီးနွို့စယ် သင်္ဂြိုဟ်လောက်ဟောက်။ စနွို့လဲ မို့နွို့နောင်းကား ခံမ်ထာထနာတော်ဖြား ကု့တွို့တာလို့မေ့မေ့ထာ” ဟောဖြိုကြဘို့နွို့နဲ့။ 61လို့တခြားအာ့်ကွက်နားလဲဉ်း “ကိုယ်တော်၊ အို့နား တပည့်ကိုယ်တော်ဘို့ဘက် ကု့လွမ်းလောက်ဟောက်ဘက်ကိုယ်တော်။ စနွို့လဲ ရန်းတွို့ညာ့ထာ အ့်နှုတ်ဆက်အို့လို့ညာ့အေ့” နွို့ဖြိုမနနဲ။ 62စနွို့လဲ ကိုယ်တော်ယေရှုနား “ကုံန့်တွို့ ကောက်ထာဲထာ တာ့လှည့်ရေ့ဘက်နွို့နု့ အယို့လို့နွို့နောင်း အထုံးလာ့ကွက်ကော။ နာ့နွို့အတွိုန်း အာ့်ကွက်ကွက်နောင်း ဘက်အို့တာ့ယို့ကလုဲင်တပည့်အို့နွို့ တာ့တန်လွမ်းပိုနွို့လဲဉ်း တကွေအာ့်ခြားနွို့ အာရုံတာ့လွဲနွို့နု့ အမ်နောင်း ထာထနာတော်ဖြားနွို့ အထုံးဘာ့ကွက်အ့်ယို့ဘို့ဘက်နွို့ လာ့ယို့နိုင်းကော” နွို့ဟောဖြိုမနနဲ့။
Currently Selected:
Luke 9: dtpv-rv
Highlight
Share
Copy
Want to have your highlights saved across all your devices? Sign up or sign in
This translation of the Dannau Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
