LUKAS 2
2
Kalaheranna Isa
2:1-7
(Mat. 1:18-25)
1Rihattu injo Kaisar Agustus appasulu'i se're parenta, lasuro dattarai sikuanna tau risibatu lino. 2Iamo inni pandattarang pakaramula rigeokang rihattunna Kirenius a'jari gubernur ri Siria. 3Injomo saba'na, a'lampa ngase'mu lasuro dattara kalenna, ri kota assala'na.
4Appakonjo todo'i Yusuf a'lampai battu ri kota Nazaret ri Galilea mange ri Yudea, ri kota Daud nuriareng injo Betlehem, – saba' ia assala'na battu ripinangka'na karaeng Daud – 5solanna ridattara todo'i surangi Maria bajuanna, tulamana' kale injomo.
6Ri riekinna ri injo larapi'mu hattunna Maria lamana', 7na ia mana'i se're ana' bura'ne, ana' lihuana, jari laroko'i karampue na lapatinro ri tampa' panganreang binantang, kanara geleinna nguppa tampa' ri sapo sehaang.
Pakalahaki
2:8-20
8Ri tampa' injo lohe pakalahaki ammari ri parang luara lajagai bakkalang binantanna ampa bangngi. 9Sikalinna rie' se're malaeka'na Karaeng Allataala ammenteng riampi'nai na kala'biranna Karaeng Allataala lasinari siappuna na sanna' mallakinna. 10Lakua malaeka' injo mange ri iyai, ”Ako malla', saba' sitoje'na kupappiissekangi mange ri kaui karannuang bakka' lamange risikuanna tau: 11Allo inni laheremu Pappasalama'mu, iamo intu Almase, Karaeng Allataala, ri kota Daud. 12Iamo inni tanrana ri kaui: Lanrumpa'ko se're ana' lolo riroko' karampue na tinro lalang ri tampa' panganreang binantang.” 13Sikalinna kajanjangangi assurang malaeka' injo sibakkalang bakka' tantara Suruga appakala'biri Allataala, lakua,
14”Kala'birang ri Allataala ri tampa' nukaminang la'biri,
na dame salehangang ri lino ritangngana rupatau ringai injo ri Ia.”
15Sungka'i malaeka' injo labokoi ngase' na muliangi mange ri suruga, assikeokimu pakalahaki injo, ”Maemoko a'lampaki konni-konnina mange ri Betlehem larijanjangi apa kajariang konjomange, assimpole nulapappissekiang injo Allataala mae ri ditte.” 16Jari a'nyara-nyaraimu a'lampa na larumpa'i Maria na Yusuf surang ana' lolo injo, attangnga tinro lalang ri panganreang binantang. 17Rihattu lajanjanginna Ana' injo, lapappiissekangimu numaeng injo ripau ri iyai passala'na Ana' injo. 18Lannasa ngase'i tau allangere risikonjo passala nulapau pakalahaki injo mange ri iyai. 19Mingka Maria lananro ngase'i passala injo lalang ri atina na lapia'-piamui. 20Maeng injo muliang ngase'mu pakalahaki injo ampai akkelong-kelongi surang lapakala'biri Allataala saba' sikonjo nulalangngere na nulajanjang, assituru' i numaeng ripauwang injo mange ri iyai.
Isa risunna' na ripassareangi mange ri Karaeng Allataala – Simeon na Hana
2:21-40
21 #
Im. 12:3; Luk. 1:31 Sungka'i ganna'mo karua allonna na Ia parallui risunna', Ia risarei areng Isa, iamo intu areng nulakuangang injo malaeka' riolo rigelenapa Ia ritianangang ri idonNa.
22 #
Im. 12:6-8
Jari rilarapi'na hattu appakatangkasa assituru' hukkung ri Musa, laerangimu Isa a'lampa ri Yerusalem lalapassareangi mange ri Karaeng Allataala, 23#Kel. 13:2, 12assimpole rie' ta'ukiri lalang rihukkunna Karaeng Allataala, ”Sikonjo ana' lihua bura'ne parallui ritangkasi ri Karaeng Allataala”, 24na assare koro'bang passidakka assituru' nulapau injo lalang rihukkunna Karaeng Allataala, iamo intu sikalabini bukkuru iyareka ruangkaju ana' bangkeng bodo. 25Ri Yerusalem rie' se're tau riareng Simeon. Ia se'rei tau naba na lambusu geo'na na attajangi panyihi-nyihi ri Israele, na Nyaha Tangkasa rie'i ri ia. 26Mange ri ia maeng ripappisa'biang ri Nyaha Tangkasa ma'nassana gele lamate ampa gelepai maeng lajanjang Almase, iamo intu Ia Turipile injo ri Karaeng Allataala. 27Ia mangei ri Sapo Allataala kanara ri Nyaha Tangkasa. Sungka'na Isa, Ana' injo rierang antama' ri tau toaNa lalageokangi mange ri Ia apa nulatantuang injo hukkung Tora', 28ia laruppai Ana' injo ampai laembang na lapakala'biri Allataala, lakua,
29”Konni-konnina, Karaeng Allataala, konjomu naung atamMu inni a'lampa
lalang dame salehangang, assituru' pauMu,
30saba' lajanjammu matangku kasalamakang battu injo ri Kau,
31numaeng Mupakasadiaang injo ri a'rakanna sikonjo rupatau,
32 #
Yes. 42:6, 49:6, 52:10 iamo intu sinara nulaappisa'bi ria'ra'Mu mange risikuanna tau maraeng
na laa'jari kala'birang mangeri umma'Mu Israele.”
33Amma surang idonNa sanna' lannasa'na risikuanna nuripau ripassala'na Isa. 34Maeng injo Simeon labarakkaki ngase'i na appaui mange ri Maria, idonna Ana' injo, ”Sitoje'na Ana' inni ritantuangi laappadappe' iyareka laappakasalama' lohe tau ri Israele na laa'jarii tanra laammumbana pa'beserang 35solanna a'jari kaissekang pikkirang atina tau lohe injo. Mingka rie' se're hattu sallo' pa'dang lalatarrusui batemmu.”
36Ampa pole ri injo rie' todo'i Hana, se're nabbi bahine, ana' bahinena Fenuel battu ripinangka'na Asyer. Ia sarromu toana. Sungka'i maeng a'bura'ne ia tujuntaungi sallona assurangang bura'nenna, 37na konni-konnina balu-balumu na ummuru'na karuapulomu appa' taunna. Ia gele minang a'lampa battu ri Sapo Allataala na allo bangngi assambajang surang appuasa na ngera dowaang. 38Rihattu injo ia rie' todo'i ri injo na masa barakka'i mange ri Allataala na la'bisara passala'na Ana' injo mange risikuanna tau attajang kalappasang ri Yerusalem.
39 #
Mat. 2:23
Sungka'i maeng ngase'mo nuparallu injo rigeokang assituru' hukkung Tora', muliangimu mange ri kota pammarianna, iamo intu kota Nazaret ri Galilea. 40Pela' bakka'i Ana' injo na a'jari terasa nyahana, pela' sara'de'i na pangamaseanna Allataala rie'i ri Ia.
Isa ri ummuru'na sampulorua taung rie'i ri Sapo Allataala
2:41-52
41 #
Kel. 12:1-27; Ul. 16:1-8 Attaung-taungi tau toana Isa a'lampa mange ri Yerusalem ampa allo Pa'lappasang. 42Sungka'i sampulomo ruantaung ummuru'na Isa a'lampaimu isse' mange ri Yerusalem assimpole biasana ri allo passua'-suarang injo. 43Sungka'i lappasamo allo passua'-suarang injo, rihattu a'lingkainnamo muliang, attaang juapa Isa ri Yerusalem nagele laisse' tau toaNa. 44Saba' pa'ngare'nai ma'nassana Ia rie' juai ritangngana tau lohe urannai sipa'lingkaang, siallomu bujuru sallona a'lingkai, ampai laboja Isa ribija-bijanna surang ripassiissekanna. 45Kanara geleinna larumpaki Isa, jari muliangimu mange ri Yerusalem na tarrusui laboja Isa. 46Sungka'i tallungallomo labojai lauppaimu Isa rie'i lalang ri Sapo Allataala ritangnga-tangngana guru agama injo, na appilangngeri surang assare pakkuta'nang mange ri iyai. 47Sikuanna tau allangngere injo ri Ia sanna' lannasa'na rikasara'dekanNa surang risikonjo ta'ranNa appihali. 48Rihattu lajanjanna Isa tau toaNa, ta'bangkaimu, jari appaui idonNa, ”Ana'ku, ngura Kau anggeokang nuappakonjo mae ri kambe? Janjangi, ammamMu suranga sanna' bata-batakang a'boja ri Kau.” 49PappihalinNa mange ri iyai, ”Ngura Nakke muboja? Geleika muisse' ma'nassana Nakke parallu rie' ri Saponna AmmangKu?” 50Mingka gele lapahangi apa lakuangang Isa mange ri iyai. 51Jari muliamMu assurang ngase'i mange ri Nazaret; na tulusu tallasai lalang rikatuhonai. IdonNa lananro passala injo lalang ri atina.
52 #
1 Sam. 2:26; Ams. 3:4 Isa pela' bakka'i surang pela' sara'de'i, na pela' rikamaseangi ri Allataala surang ri rupatau.
Currently Selected:
LUKAS 2: LAI_SLY
Highlight
Share
Copy
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)
