Lukë 10

Nyüüa ‑glʋɩtää nyüü ‑pʋlü Jesu blɔa'

Matiö 9.37-38; 10.7-16; Marëkë 6.8-11; Lukë 9.3-5

1'Ia 'fɩɔ ‑sia' nɩ, 'Pläkänyɔɔ nya blɔ bɩa nyüüa ‑glʋɩtää nyüü ‑pʋ#10.1 nyüüa ‑glʋɩtää nyüü ‑pʋ: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: nyüüa ‑glʋɩtää nyüü ‑pʋ ‑bɛ 'sɔɔ. ‑mölöö, 'ɔnya blɔ 'üün 'sɔɔrɔ 'sɔɔ, ü ‑ta 'ɔɔn 'nyʋfɔ 'klɔɔtrʋ, ü mi bätä nyra ‑plɩɩlɩ kä 'fɩɔ 'ɔmäa' ‑srörö. 2'Ɔnya ‑gbala 'üün: «Putulu nëmäa' 'bölö 'bʋa, ‑maa 'ua 'böbönyüü 'nyɩ ‑sümlö ‑a ‑sümlö. 'Ii känyrɩ, 'ba bibie Nyɔsʋa ɔ bäa' putukänyɔɔ, 'ɔmä 'jrʋpafɛnyüü ‑mölöö ja, 'ümä ji 'ümä 'uun 'bö.

3«'Ba mi! Blɔ 'n blɔ 'amɩ ‑beere nyɔɔ blɔ ‑bablëëjü 'klʋɛɛa ‑fäa ‑tɔrʋpɩɔ. 4'Anyɩ fa pɔtëmɔnɛɛ, 'anyɩ fa sakɔsʋ, 'anyɩ fa 'sii ‑mɩdoo, 'anyɩ 'nyüglö 'anyɩ 'trɛɛ nyüü 'nyʋfɔ mlɩ. 5Nyuku o nyuku kä ‑wälɩ 'a nëmäa' pa nɩ, 'ba 'daa ‑kätɩ: ‹Abɩa plɛgälɩflɛrɛkʋ bä nyukulu kʋa' ‑pɩa ‑wälɩ!› 6Nyɔɔ ma bälɩ ɔma 'bata plɛgälɩflɛrɛkʋ nɩ, 'ana plɛgälɩflɛrɛkʋ nya 'ɔɔn 'lɩbäa. ‑Maa ima 'nyɩ 'iin bä ‑a bä nɩ, 'ana mlɩa wii nya 'amɩ bei 'wʋ dɛrɩblöa. 7‑Plɩɩlɩ 'ü tʋäa' 'amɩ nɩ, 'ii 'ba kʋ, 'ba ji dɛɛlɛ 'ü ‑nyɛɛa' 'amɩ, 'ba 'mla dɛɛlɛ 'ü ‑nyɛɛa' 'amɩ, 'be nyɔɔlɔ ‑fɛɛɛa' 'jrʋpa 'ɔ kä 'ɔmä 'pɛrɛ#10.7 Matiö 10.10; 1 Korɛɛntënyüü 9.14; 1 Timotee 5.18.. 'A 'nɩ ‑pi nyëka ‑wälɩ. 8Bätä o bätä 'a nëmäa' pala ‑bɛ 'ümäa' 'amɩ 'lɩkʋɛɛ nɩ, 'ba ji diili kä 'fɩɔ 'ümäa' 'amɩ ‑nyɩ. 9'Ba ‑futo ‑wusublanyüülü bäa' 'lɩ, 'kä 'a ‑gbala 'üün: ‹Nyɔsʋaa 'kamaplä 'a 'amɩ ‑gbajijrö.› 10‑Maa 'ama mi bätäa 'mlɩ, ‑bɛ üma 'nyɩ 'lɩ 'amɩ ‑a 'kʋɛɛ nɩ, 'ba mi 'äa 'nyifi mlɩ 'kä 'a nö: 11‹'Ana bätäa ‑tʋtʋlʋ bäa' 'nɩmɩ ana bei ‑gba a ‑gbɔpɔ 'uun#10.11 Lukë 9.5 nyra wiili ‑jɩjraa' ‑pɔɔkʋa bei ‑wälɩ.. ‑Maa 'ba jresaa: Nyɔsʋaa 'kamaplä 'a 'amɩ ‑gbajijrö.› 12‑Bɛ 'n ‑gbala 'amɩ, ‑srɩlɩ kä 'mlɩ Nyɔsʋa 'mäa' ‑gä ‑tʋ nɩ, Sodɔɔmëa#10.12 Sodɔɔmë: Sodɔɔmëbätä ‑dɛkɩ ‑plɩɩlɩ ‑balʋ ‑sierea' 'wli. 'Üa ‑balʋa ‑gʋ Nyɔsʋa 'ba kapu cɛlɩ 'ɔnya 'pütö bätälä. Jenɛɛsë 19.1-29. ni ‑nëmä dɛɛ ‑a bä 'kä 'ia në bätäläa ‑gʋ.

13«Busukʋ jrä 'amɩ ‑gälɩ Korasɛɛnyüü 'amɩ! Busukʋ jrä 'amɩ ‑gälɩ Bɛtësaidaanyüü 'amɩ! ‑Saragbili nröröa' 'ana bätä, 'ima 'daa Tiirë nyra Sidɔɔn#10.13 Tiirë nyra Sidɔɔn: Nyüüa 'fɩɔ jre 'iin 'sɩrɩ 'cɩcasa 'nyɩa' 'ia bätëlëa 'mlɩ bä. 'i nrörö kä nɩ, 'ia nyüü 'a 'kä ‑balʋ ‑wälɩ 'cɛrɛ; 'ü 'a 'kä ‑bɛjʋ 'sroo 'ümä 'dugu 'lɩ pa, 'kä 'ünya 'pʋpʋ 'lɩ 'käwawla#10.13 Juifëa 'brea ‑dɔ bäsaa. 'Asɩ 'ü pa 'dugu 'lɩ, 'asɩ 'ü 'cie 'üa nyüfë 'wʋ, 'asɩ 'ü toro 'lɩ ‑balʋ ‑gälɩ.. 14'A 'ia ‑gʋ, jrüülü kä 'mlɩ Nyɔsʋa 'mäa' ‑gä ‑tʋ nɩ, Tiirë nyra Sidɔɔn a ‑gä ‑nëmä dɛɛ ‑a bä 'kä 'ana näa ‑gʋ, 15nyra 'amɔ, Kapɛrënaumëa nyüü 'amɩ, ɔ 'jraraa' cɛlɩ, ‑nya 'wʋciecie 'kä ‑nya 'kuaabre 'tɔ!

16«Nyɔɔ ma po 'amɩ 'nyakli nɩ, 'mɔɔ 'ɔ ponyakli. Nyɔɔ ma jrara 'amɩ 'nyüamlɩ nɩ, 'mɔɔ 'ɔ jraranyüamlɩ. ‑Bɛ nyɔɔlɔ jraraa' 'mɩ 'nyüamlɩ nɩ, nyɔɔlɔ blɔa' 'mɩ 'ɔ jraranyüamlɩ.»

17'Taɩn 'lɩ 'üa nyüüa ‑glʋɩtää ‑bɛ ‑pʋlʋ#10.17 ‑glʋɩtää ‑bɛ ‑pʋ: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: ‑glʋɩtää ‑bɛ ‑pʋ ‑bɛ 'sɔɔ. 'blööa' ‑bɛ 'ü jia' nɩ, dɔrʋ 'blaa 'ümɩ. 'Ü ‑nëma: «'Pläkänyɔɔ, ama 'pala ‑na 'nyrɩklɩ wii nɩ, ‑kä domüü ‑träärälɩ wiili a 'daaa'!» 18'Ɔnya ‑gbala 'üün: «'N 'jä Sataan ‑bɛ 'ɔ sɔ cɛlɩ 'ɔ blö ‑beere ‑mamɛɛ. 19'Ba ponyakli 'cɩcasa: 'N ‑nyɩ 'amɩ 'klü 'amä 'trii nyra ‑gbätë ‑gälɩ 'nyɛ; 'nyaa ‑nyɩ 'amɩ 'klü 'amä ‑Gbakäklɛnyɔɔ#10.19 ‑Gbakäklɛnyɔɔ: Sataan bäsaa. du, 'kä dɛɛ 'dee ‑nëmä 'amɩ bʋblɔ. 20‑Maa, dɔrʋ 'nyɩ 'bla 'amɩ dɛɛlɛ kä ‑gʋ ‑sisi nöa' wiili 'a 'daaa'; ‑maa 'ana 'nyrɩlɩ ‑jɩjraa' cɛlɩ nɩ, abɩa 'ia dɔrʋ 'blaa' 'amɩ.»

Jesu 'bʋala Nyɔsʋaa 'nyrɩ

Matiö 11.25-27; 13.16-17

21'A 'ia 'taɩn 'lɩ dotro dɔrʋ 'si Jesu 'klɩ 'Nyüna ‑Susu 'lɩ#10.21 dɔrʋ 'si Jesu 'klɩ 'Nyüna ‑Susu 'lɩ: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: «dɔrʋ 'si 'ɔɔn 'klɩ ‑Susu 'lɩ.» 'ɔ ‑nëma: «Tʋ, cɛ nyra ‑tʋtʋa 'Pläkänyɔɔ, 'n 'trɛɛ ‑mɩ 'sɩrɩ nʋa' ‑bɛ ‑sisrea' wiili 'lɩglanyüü nyra ‑pɔɔkɩjrenyüü ‑gba, ‑bɛ ‑sraraa' 'iin 'jütɛtɛɛ. ‑Yɛɛ, Tʋ, 'a wiili käa' ‑mɩ 'tʋ, 'ii nʋ! 22'Na Tʋ ‑nyɩ 'mɩ diia 'fɩɔ kälɩ. Nyɔɔ 'nyɩ 'Jʋ ‑a jre, ima 'nyɩ Tʋ ‑a bä. Nyɔɔ 'nyɩ Tʋ ‑a jre, ima 'nyɩ 'Jʋ nyra nyɔɔlɔ 'Jʋ 'bataa' 'ia srarakʋ ‑a bä.» 23'Ɔnya ‑sie 'ɔa 'wʋnyɛrɛnyüüa 'dooa 'pɛlɩ kälɩ, 'ɔnya ‑gbala 'üün: «Abɩa dɔrʋ 'bla nyüülü 'jääa' diili 'a 'jääa' 'wʋ! 24'Amɔ 'n ‑gbala, nyɔsʋaamlɩpalanyüü 'kɔkɔmlɛ nyra 'kɩɩɩ 'bata kä i 'a 'jääa' a 'jäjäkʋ, ‑maa 'ünyɩ 'iin 'jä ‑a 'jä; 'ü 'bata wiili 'a 'nööa' 'wlia 'wlinunukʋ, ‑maa 'ünyɩ 'iin 'wli ‑a 'nu.»

‑Dɔlʋ ‑sia' 'wʋ

Matiö 22.34-40; Marëkë 12.28-34

25 ‑Dɔkpɩanyɔɔ 'doo 'bataa' Jesua bɔʋdɛrɩpapakʋ nɩ, 'ɔnya sɔwʋ 'ɔ ‑nëma: «'Kpɩkpɩanyɔɔ, ‑asɩ 'nyaa nʋ ‑bɛ 'nyaa 'klälä 'nyɩa' blöröfa kä 'jä le?» 26'Iibäa' Jesu nɩ: «Wii 'plɛɛ ‑jɩjra ‑Dɔa ‑pɔɔkʋa 'mlɩ le? ‑Ama ‑täsä 'uun wii 'plɛɛ ‑nööwli le?» 27'Iibäa' nyɔɔlɔ: «‑Kä ‑mä ‑na plɛa 'fɩɔ nʋ, ‑mä ‑na ‑susua 'fɩɔ nʋ, ‑mä ‑na 'klüa 'fɩɔ nyra ‑na bobowlia 'fɩɔ nʋ ‑mä ‑na 'Pläkänyɔɔ Nyɔsʋa ‑wa#10.27 Deteronɔɔmë 6.5., ‑bɛ 'sɩrɩ ‑waa' ‑na nyufa, ‑wa 'saa ‑na ‑moloo#10.27 Levitiikë 19.18..» 28'Iibäa' Jesu nɩ: «'Asɩ 'i bä. ‑Ama nʋ 'imɩ ‑nya 'klälä 'nyɩa' blöröfa kä 'jäa.»

29‑Bɛ 'ɔ 'bataa' 'ɔmäa' ‑gä kä nɩ, 'ɔnya 'bete Jesu: «‑Bɛ nyɔɔ 'plɛɛ bä 'na ‑moloo le?» 30Jesu nya 'paplawiiklɩ 'ɔnya ‑gbala 'ɔɔn ‑maa: «Nyɔɔ 'doo sɔ kä Jerusalɛɛmë, ‑bɛ 'ɔ mö kä Jerikoo. 'Jejienyüü nya 'kpla 'ɔɔn, 'ünya 'ba 'ɔmɩ 'ɔa diia 'fɩɔ kälɩ, 'ünya bɔtɔ 'ɔmɩ. 'Ɔnya blö 'kumulɩ, 'ünya tɩ ‑plɩɩ 'ɔɔn, 'ünya fɔ. 31'A 'nyʋfɔ 'doolʋ nɩ, 'uu ‑gbɔsapɛrɩnyɔɔ ja. 'Ɔmä 'saa nʋkalɩ mi nɩ, 'ɔ 'a nyɔɔlɔ 'jä. 'Ɔ ‑gölöa' 'lɩgälɩ 'ɔ ‑gaala, 'ɔnya ‑si. 32'Asɩ Leviitënyɔɔ#10.32 Leviitënyɔɔ: ‑Glügbölä 'ü 'daraa' Levii nɩ, 'üü bä ‑gbɔsapɛrɩnyüüa 'klɩtroronyüü. 'doo nʋ bɩa. 'Ɔ 'tɔa' nyɔɔlɔa ‑gba nɩ, 'lɩgälɩ 'ɔ ‑gaala. 33‑Maa Samariinyɔɔ 'doo mö ɩa' nyɔtugbabre nɩ, 'ɔ 'tɔa' nyɔɔlɔa ‑gba nɩ, 'ɔa nyatɛrɩ 'bla 'ɔɔn ‑gböösa. 34'Ɔnya jijrö 'ɔɔn ‑gba, 'ɔnya 'papa 'ɔa ‑fëa 'klɩ ‑duvɛɛn nyra 'kpɩ#10.34 ‑duvɛɛn nyra 'kpɩ: 'Üa 'taɩn 'lɩ nɩ, 'ii 'ü ma nö ‑bɛ 'ü 'kʋɛrɛ ‑fë. Tɛ Esaii 1.6. 'ɔnya ‑fifra 'üün dapɩa, 'ɔnya 'jrara 'ɔɔn 'ɔa 'mʋgbɛa ‑sʋbre ‑gälɩ. 'Ɔnya fa 'ɔɔn ‑sisinyüüa nyukua ‑wälɩ, 'ɔmä 'ɔɔn 'kʋɛrɛ. 35'Ia ‑srɩ paa' ‑bɛ 'ɔmäa' ‑si nɩ, 'ɔnya 'balɩ denie#10.35 denie: Denie 'dee bä 'üa 'brea jrüü 'dooa 'pɛpɛɛmölii. 'sɔɔ 'ɔnya ‑gbala nyɔɔlɔ käläa' nyukulua wii ‑gba ‑maa: ‹‑Futo 'ɔmɩ; möliili ‑nëmäa' 'lɩgälɩ 'saara nɩ, ama 'blöö 'na 'mʋgbɛ nya 'iin mlɩsaa.›

36«'Nɩnɩa nɩ, ‑na plɛklɩ nɩ, 'üa nyüü tääläa ‑tɔrʋpɩɔ; ‑mɔ 'plɛɛ 'kpla nyɔɔlɔ 'jejienyüü bɔtɔa' ‑beere 'ɔa ‑moloo le?» 37'Iibäa' ‑dɔkpɩanyɔɔlɔ nɩ: «Nyɔɔlɔ 'jäa' 'ɔa nyatɛrɩ.» Jesu nya ‑gbala 'ɔɔn: «Mi! ‑Ama mi nɩ, nʋ bɩa 'ɔa 'sa.»

Marëtë nyra Marii

38'A 'nyʋfɔ 'ü fa ‑bɛ 'ü mö ɩ, Jesu nya pala bätä 'dööa 'mlɩ. 'Ŋlʋʋ 'doo 'ü 'daraa' Marëtë nya fa 'ɔɔn 'ɔa ‑nyɛɛ. 39Marëtë kä ‑wladia 'doo 'ɔɔ 'ü 'dara Marii. Marii 'prɛrɛa' Jesua ‑gba ‑wälɩ 'ɔ kʋ; wiili 'ɔ 'saalɩ, 'ii 'ɔ ponyakli. 40‑Maa Marëtëlɔ 'nyɩ trarakä ‑a, nyɔtugbanyüüa ‑gä kla 'ɔɔn 'wʋ ‑gböösa. 'Ɔnya 'jrara Jesu 'klɩ 'ɔnya 'bete 'ɔɔn: «'Pläkänyɔɔ, 'inyɩ nʋ ‑mɩ dɛɛ ‑gba ‑a 'kä 'na ‑wladia 'mä 'na 'doo 'klɩtɛ 'mä 'jrʋpaa 'fɩɔ ‑fɛ; ‑gbala 'ɔɔn ɔ ji 'mɩ ‑gba.» 41Jesu#10.41 Jesu: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: «'Pläkänyɔɔ nya ‑gbala 'ɔɔn». nya ‑gbala 'ɔɔn: «Marëtë, Marëtë, ‑na plɛ ‑taaralɩ, ‑bɛ ‑fɛɛɛ 'jrʋpa 'kɔkɔmlɛ dii 'kɔkɔmlɛa ‑gʋ. 42‑Maa dɛɛ 'dee 'leee, 'ɛɛ bä 'mʋfadɛɛ, 'a 'mʋfadɛɛlɛ 'ɛɛ Marii 'balɩ; nyɔɔ 'nyɩ 'lɩ ‑a bɩa ɔ 'ba 'ɔmɩ 'ɛɛn kälɩ.»

Currently Selected:

Lukë 10: Bakwé

Highlight

Copy