Jenɛɛsë 20

Abraamë nyra Abimɛlɛkë

1Abraamë nyra sɔwʋ 'ɔnya mi Nɛgɛvëa#20.1 Nɛgɛvë: 'Ia ‑gbaa bä: ‑aaga 'lɩ, 'ii bä bɩa mamatʋtʋ 'ä sɔrɔ Jerusalɛɛmëa 'jʋrʋa 'wʋsɔrɔfaa 'dupapɛlɩ ‑a fala Ejiipëtëa ‑aagaa 'pɛlɩ. ‑tʋtʋa 'pɛlɩ 'ɔnya kʋ Kadɛsë nyra Surëa ‑tɔrʋpɩɔ. 'Ɔnya ‑si jrüü Gelaabätä ‑beere nyɔtugbanyɔɔ. 2Abraamë ‑gbala nyüü ‑maa 'ɔa 'ŋlʋʋ Sara bä 'ɔa ‑wladia. Gelaaa 'kɩɩ Abimɛlɛkë nya fa Sara#20.2 Jenɛɛsë 12.13; 26.7.. 3‑Maa ‑gbiara, Nyɔsʋa nya 'tɔrɔ Abimɛlɛkë 'klɩ sanyü 'lɩ, 'ɔ ‑nëma: «‑Tre ‑na nyɩfa, 'titiŋlʋʋlɔ ‑jaa' 'ɔa ‑gʋ ‑nya jäa!» 4‑Bɛ Abimɛlɛkë ‑kaaŋlʋ 'ɔɔn ‑gbafɛ. 'Ɔ ‑nëma: «'Pläkänyɔɔ, 'kä ‑nya ‑glügbölä 'nyɩa' dɛɛ nʋ 'bla? 5'Ɔa dʋɔ 'ɔɔ 'daa: ‹'Na ‑wladia bäsaa.› 'Ŋlʋʋa 'mʋgbɛ ‑nëma: ‹'Na ‑wlajʋ bäsaa.› Wiili 'n nʋa' kälä 'lɩ, 'nyɩ ‑balʋ ‑a nʋ 'la!» 6Nyɔsʋa nya ‑gbala 'ɔɔn sanyü 'lɩ ‑maa: «'Na 'mʋgbɛ 'n jre 'iin 'sɩrɩ 'i käläa' 'lɩ ‑bɛ nʋa' 'iin. 'A 'mɔɔ ka ‑mɩ 'klɩ, 'nyraa ‑mɔɔ ‑pɩ wii kä. 'A 'ia ‑gʋ 'nyɩ 'nyie ‑mä 'ɔɔn ‑gbafɛ. 7'Ii känyrɩ, 'ba 'blöö 'ŋlʋʋlɔ 'ɔa dʋɔa ‑nyɛɛ dɛrɩ, 'be nyɔsʋamlɩpalanyɔɔ#20.7 nyɔsʋamlɩpalanyɔɔ: ‑Gögbiiwii 'ɔ 'ü 'daraa' Profɛtë. 'A nyɔɔlɔ Nyɔsʋa ‑gbalaa' wii, ‑bɛ ɔ ‑gbalaa' nyüü wiili Nyɔsʋa ‑gbalaa' 'ɔɔn. Nyɔsʋa ‑srörö 'üün kälɩ bɩa 'ünya 'salɩ wiili nëmäa' ‑srɩɩ 'lɩjrä. Abraham ‑kätɩ 'ü ma 'dara 'saa. 'ɔ bä. 'Ɔnya ‑na 'wli 'lɩ bibiea ‑mä 'pläwʋ bä. ‑Maa ‑ama 'nyɩ 'ɔa 'ŋlʋʋ ‑a fa ‑oo, jre 'saa 'cɩcasa ‑nya jäa, ‑mɔ nyra ‑na ‑gbööa 'fɩɔ!»

8Abimɛlɛkë sɔa' 'wʋ ‑suwla ŋʋɩsɩɩ nɩ, 'ɔnya we 'ɔa 'jrʋpafɛnyüüa 'fɩɔ, 'ɔnya ‑gbala 'üün wiili kä 'fɩɔ Nyɔsʋa ‑gbala 'ɔɔn. Ŋalɛ nya 'bla 'üün ‑gböösa. 9Abimɛlɛkë nya we bɩa Abraamë, 'ɔnya ‑gbala 'ɔɔn ‑maa: «Wii 'plɛɛ bäsaa i nʋ amɩ ‑gba le? ‑Balʋ 'plɛɛ 'n nʋ ‑mɩ ‑gba, ‑bɛ were 'na 'kamapläa ‑gälɩ 'ia 'samaa ‑balʋ kpaku le? Wiili nʋa' 'mɩ ‑gba, ‑nyɩ kä ‑a kä ‑mä ɩ 'saa 'mɩ nʋ!» 10Abimɛlɛkë nya ‑gbala 'sɔɔwʋ Abraamë: «Dɛplɛɛ kä ‑gʋ nʋ 'ia 'samaa ‑gbili le?» 11Abraamë ‑nëmä: «'Na plɛ, ‑tɛa nyüü 'nyɩ ɩ 'lɩ 'tasɩrɩ Nyɔsʋa ‑a ‑träärä, 'na plɛɛ 'ünya ɩ 'mɩ 'blaa 'na 'ŋlʋʋa ‑gʋ. 12‑Bɛ 'ɔ bä 'kasa 'na ‑wladia, 'na tʋa 'ŋlëkayria; ‑maa a 'nyɩa' 'yio 'lɩ sɔ nɩ, 'ɔnya bä 'na 'ŋlʋʋ. 13'Taɩn 'lɩ Nyɔsʋa 'ciea' 'mɩ 'na tʋa nyüköli, ‑bɛ 'n ‑piea' 'lɩklɩ nɩ, 'a ‑plɩɩ 'n ‑gbala 'na 'ŋlʋʋ ‑maa: ‹‑Jää ‑gbinanakʋlʋ kä 'doo 'n 'batraa' ‑mɩ kälɩ: ‑pɩɔa 'fɩɔ amäa' ‑srörö nɩ, 'daa ‑na ‑wlajʋ 'n bä.› »

14Abimɛlɛkë nya 'balɩ ‑bablëë, mlaa nyra bruu, ‑goounyɩberü nyra ‑goouŋlëgë, 'ɔnya ‑nyɩ Abraamë. 'Ɔnya 'blöö 'ɔɔn 'ɔa 'ŋlʋʋ Sara bei 'wʋ dɛrɩ.

15'Pɩrɩgälɩ nɩ, Abimɛlɛkë ‑nëma: «‑Jää 'na 'blɩa 'fɩɔ bä ‑na 'klɩ. ‑Plɩɩlɩ käa' ‑mɩ 'tʋ 'prɛrɛ 'lɩ ‑a kʋ 'lɩ.» 16'Ɔnya ‑gbala Sara ‑maa: «‑Jää 'n ‑nyɩ ‑na ‑wlajʋ 'seblaa#20.16 'sebla: 'Perubʋa 'dete bäsaa, 'ä ‑beere ‑sika ‑maa 'ä kä 'pɔlɔ 'nyü, 'iɛ mölii 'nyü. möliia ‑diisɔɔ ‑glʋɩpʋ (1 000), 'nya ‑gbapie ‑mɩ dɔʋ nyüülü kä 'fɩɔ nyra 'üün 'nyɛɛa', 'üa 'klɩ. Nyüüa 'fɩɔa 'klɩ ‑nyɩ dɛɛ ‑a nʋ.» 17Abraamë nya bibie Abimɛlɛkëa 'wli 'lɩ Nyɔsʋa nya 'pʋɔ 'ɔɔn, 'palɩ 'ɔa 'ŋlʋʋ nyra ‑goouŋlëgëlë ‑fɛɛrɛa' 'ɔa ‑nyɛɛ 'jrʋpa, Nyɔsʋa nya ‑nyɩ 'üün 'jü. 18'Be Yawe ka ɩ 'ŋlëgëlë kä 'fɩɔ ‑fɛɛrɛ ɩa' Abimɛlɛkëa nyüköli 'jrʋpa, 'üa ‑guguö 'klɩ, Abraamëa 'ŋlʋʋ Saraa ‑gʋ.

Currently Selected:

Jenɛɛsë 20: Bakwé

Highlight

Copy