Jenɛɛsë 21
21
'Sɩrɩ Isaakë ‑glooroa'
1Yawe nya 'pa Sara 'nɩ, 'ɔnya nʋ wiili 'ɔ ‑gbala käa' 'ɔɔn. 2'Taɩnlɩ Nyɔsʋa 'daa käa' jräa' 'lɩ nɩ, Sara nya bä nʋgbla 'lɩ, 'ɔnya ‑gu nyɩbɛjʋ 'ɔnya ‑nyɩ Abraamë 'ɔa 'klɩbɩabɩakʋ 'lɩ#21.2 Ebröönyüü 11.11.. 3Nyɩbɛjʋlɔ Sara ‑gua' 'ɔ ‑nyɩa' Abraamë nɩ, Abraamë nya 'dara 'ɔɔn Isaakë#21.3 Isaakë: Ebrööwii 'lɩ, 'ia ‑gbaa bä: 'Ɔ si (‑glasu).. 4Isaakëa jrüü ‑uuntää Abraamë nya 'bö 'ɔɔn 'sɩrɩ Nyɔsʋa ‑gbala kä 'ɔɔn#21.4 Jenɛɛsë 17.12; Akëtë 7.8.. 5Abraamë kä ‑sɩa ‑glʋɩgböö (100) 'ɔnya ‑gu 'ɔa 'jʋ Isaakë. 6Sara ‑nëma: «Nyɔsʋa nrörö 'mɩ sisiŋlʋʋ 'lɩ; nyüülü kä 'fɩɔ 'mäa' ‑taa wiili 'wli 'nu, 'ünya sia.» 7'Ɔ ‑nëma 'sɔɔwʋ: «Nyɔɔ 'plɛɛ 'mrɛɛ ɩ ɔ ‑gbala Abraamë ‑maa: Sara nya ‑srɩɩ 'jü 'nyaa le? ‑Jää 'ii kʋ ‑pɩ 'nyaa 'ɔɔn nyɩbɛjʋ ‑nyɩ 'ɔa 'klɩbɩabɩakʋ 'lɩ!»
8Isaakë 'bʋaa' nɩ, Sara nya 'ba 'ɔɔn nyɩtɩ mlɩ. ‑Srɩlɩ kä 'mlɩ 'ɔ 'wʋa' nyɩtɩ mlɩ nɩ, Abraamë nʋ ‑glɩsɩglɩsɩ kpaki.
Abraamë prɛa' Agaa nyra 'ɔa 'jʋ Isëmaɛɛlë
9Jrüü 'doo 'lɩ, Sara nya 'jä Ejiipëtëŋlʋʋ Agaaa 'jʋlɔ 'ɔ ‑gua', 'ɔ ‑nyɩa' Abraamë, ‑bɛ 'jʋlɔ ‑srörö 'ɔa nɔ. 10'Ɔnya ‑gbala Abraamë ‑maa: «Prɛ ‑geeiŋlʋʋlɔ nyra 'ɔa nyɩbɛjʋ, 'be ‑geeiŋlʋʋa 'jʋ nyra 'na 'jʋ Isaakë ‑nëmä ‑jaaa ‑a ‑pä 'plɔʋ#21.10 Galaatënyüü 4.29-30.!» 11Wiili Sara 'paa' 'i pa Abraamë ‑gba ‑gböösa, 'be 'ɔa 'jʋ bɩa bäsaa. 12Nyɔsʋa nya ‑gbala Abraamë: «Wiili 'ɔ 'paa' 'jʋlɔ nyra ‑geeiŋlʋʋa ‑gʋ 'nyɩ pa ‑mɩ ‑gba. Nʋ wiili kä 'fɩɔ Sara ‑gbalaa' ‑mɩ! 'Be Isaakëa 'jü 'ü nëmä ‑na 'tasɩrɩa 'jüa 'jü bä#21.12 Rɔmënyüü 9.7; Ebröönyüü 11.18..» 13‑Maa ‑geeiŋlʋʋa 'jʋlɔ nɩ, 'nyaa 'ɔɔn ‑glügbü kälɩ jaraa, 'be ‑na 'jʋ 'ɔ bä bɩa.
14Abraamë nya sɔwʋ ‑suwla ‑ŋʋɩsɩɩ. 'Ɔnya dɔrɔ 'flɔɔɔ 'wʋ, 'ɔnya 'pa mlafikpalaa 'mlɩ 'nɩ, 'ɔnya ‑nyɩ 'iin Agaa, 'ɔnya 'pa 'ɔmɩ 'ään ‑pëkatu 'lɩ. 'Ɔnya ‑nyɩ 'ɔɔn 'jʋlɔ 'ɔnya ‑prɛ 'üün. 'Ɔ mimi 'ɔnya 'mɔlɔ Bɛɛsebaa ‑aaga 'lɩ. 15'Nɩlɩ bäa' mlafikpalaa 'mlɩ bɩaa' 'lɩ nɩ, 'ɔnya tɩ 'jʋlɔ tiijiea ‑wälɩ. 16'Ɔnya tʋŋlɔlɩ 'jʋlɔ dɛrɩ ‑beere prugbatia blöfla, 'ɔnya kʋwälɩ ‑bɛ 'ɔ bobo, 'ɔ ‑nëma: «'Nëmä 'na 'jʋa jäjädɛɛ ‑a 'jä!» ‑Bɛ 'ɔ 'wuö ‑gböösa. 17Nyɔsʋa nya 'nu 'jʋlɔa wii 'wli. Nyɔsʋaa 'aanjëlɔ bäa' cɛlɩ nya we Agaa: «Agaa, dɛplɛɛ le? Ŋalɛ 'nyɩ 'bla ‑mɩ; ‑plɩɩlɩ 'jʋlɔ bäa' Nyɔsʋa 'nu 'ɔa wii 'wli. 18Sɔwʋ! Dɔrɔ 'jʋlɔ 'wʋ, 'kä kpla 'ɔɔn 'cɩcasa, 'be 'nyaa 'ɔɔn 'jü ‑nyɩa 'kä 'ünya 'plä ‑susugbee bä.» 19Nyɔsʋa nya ‑jie 'ɔa 'nyü 'klɩ, 'ɔnya 'jä 'nɩbütügba. 'Ɔnya mi 'lɩ 'nɩ 'prerekalɩ, 'ɔnya 'sie mlafukpalalä 'nɩ 'klɩ, 'ɔnya ‑nyɩ 'ɔa 'jʋ 'nɩ 'ɔmä 'mla. 20Nyɔsʋa ‑glaara 'jʋlɔ ‑gälɩ. ‑Aaga 'lɩ 'ɔ kʋ, 'ɔnya bä ‑pruuu 'pa nyɔɔ. 21Paraan a ‑aaga 'lɩ 'ɔ kʋ, 'ɔa 'yio nya ‑nyɩ 'ɔɔn Ejiipëtëŋlʋʋ 'ɔmä 'ɔɔn kä.
Abraamë nyra Abimɛlɛkë 'paa' kuö
22'Ia 'taɩn 'lɩ Abimɛlɛkë nyra 'ɔa 'sʋgɩaa 'kamanyɔɔlɔ 'ü 'daraa' Fikɔlë nya ji Abraamë 'jäkalɩ. 'Iibäa' Abimɛlëkë nɩ: «Nyɔsʋa bä wiili kä 'fɩɔ ‑nöa' 'ia 'mlɩ#21.22 Jenɛɛsë 26.26.. 23'Ii känyrɩ, 'sɔrɩ Nyɔsʋaa 'nyrɩklɩ, ‑pɩ 'na 'klʋɩ, 'kä ‑mä 'mɩ ‑a ‑trɔɔrɔ, ‑nëmä 'na 'jü nyra 'üa 'jüa 'jü ‑a ‑trɔɔrɔ. 'Mʋfagbili 'n nʋa' ‑mɩ ‑gba nɩ, 'asɩ ‑nëmä bɩa nʋ 'na 'pɛlɩ nyra ‑taa 'blɩlɩ kä 'mlɩ bäa' nyɔtugbanyɔɔ ‑bɛ i kʋa'.» 24Abraamë ‑nëma: «'N 'sɔrɩ.» 25Abraamë ‑gbala Abimɛlɛkë 'sɩrɩ 'ɔɔ Abimelɛɛkëa jrʋpafɛnyüü dɔrɔa' 'nɩbütö 'döö 'wʋ 'klüsa. 26Abimɛlɛkë ‑nëma: «Nyɔɔlɔ nʋa' 'imɩ 'nyɩ 'ɔɔn jre ‑a jre. ‑Na 'mʋgbɛ ‑nyɩ 'mɩ 'iin ‑a ‑gbala, 'a 'saarɩ ‑plɩɩ 'n 'nu 'imɩ 'wli.» 27Abraamë nya 'balɩ ‑bablëë, mlaa nyra bruu 'ɔnya ‑nyɩ 'üün Abimɛlɛkë. 'Ünya 'pa kuö. 28Abraamë nya bere 'ɔa ‑bablëëgɔɩɩ ‑uunsɔɔ 'klɩ. 29Abimɛlɛkë nya 'bete 'ɔɔn, ‑maa: «‑Bablëëgɔɩɩ ‑uunsɔɔlü ‑berea' 'klɩ nɩ, dɛplɛɛ kä ‑gʋ le?» 30'Ɔ ‑nëma: «‑Bablëëgɔɩɩ ‑uunsɔɔlü nɩ, fa 'üün ‑mɔ kä 'üün. 'Mɔɔ ‑nyɩ ‑mɩ 'üün, 'üü 'nëmä nyüü srara 'sɩrɩ 'mɔɔ ‑goa' 'nɩbütügbalä.» 31'A 'ia ‑gʋ 'ü 'dara ‑plɩɩlɩ Bɛɛseba#21.28-31 Bɛɛseba: Ebrööwiilɩ Bɛɛseba 'nyrɩa ‑gbaa bä: ‑Uunsɔɔa 'nɩbütö'aiɛ Kuö nɩbütö.. 'A ‑plɩɩ 'üa 'sɔɔ 'sɔrɩ. 32'Asɩ 'ü 'pala 'üa kuö Bɛɛseba. 'Ü 'wlaraa' Abimɛlɛkë nyra 'ɔa 'sʋgɩaa 'kamanyɔɔ Fikɔlë nya 'blöö Filisëtënyüüa 'bre dɛrɩ. 33Abraamë nya pla ‑plɩɩ tamalisë tuu Bɛɛsebaa 'bre. 'A ‑plɩɩ 'ɔ ‑pʋplʋa Yawe, Nyɔsʋalɔ 'nyɩa' 'blöröfa kä. 34'I ‑sia' nɩ Abraamë ‑wlɛ Filisëtënyüüa 'bre.
Currently Selected:
Jenɛɛsë 21: Bakwé
Highlight
Share
Copy

Want to have your highlights saved across all your devices? Sign up or sign in
© Wycliffe Bible Translators, Inc.