ሉቃሳ 21
21
ቡዳንት ሙጻተ
(ማር. 12:41-44)
1ዱረ አስ ጾዘ ኬ ሙጻተ ሳጥንተ ኦሎደራ የሱሳ ቅ ጋእ አሱንና ብእዳ። 2ማህ ፈቲ ዳሃ ቡዳንታ ላምእ ስክና ኦሎደራ ብእ፥ 3«ታ ይንትስ ቱሮ ኦህነ፤ Ꮉና ዳሃ ቡዳንታ ኡባንፓ አ እንግዳ። 4አኮስ ጋይኮ፥ Ꮉን አሱን ኡባና ፋስ የዘ ባዛፓ እንግዳ፥ የዝን እዛ ፋ ፋጭትፓ፥ ፋስ የዘ የስቶ ሙሎ እንግዳ» ያጋይዳ።
ዉርሱ ዎደ ማላ
(ማቶ. 24:3-14፤ ማር. 13:3-23)
5የሱሳ ታማሩንፓ ፈተ ፈተ ጾዘ ኬታ ጋማ ሎእዘ ሹቻራን አስ ጾዝስ እንግደ እሞራ ሎእዳኖ ኦህንታነ። 6የዝን የሱሳ፥ «Ꮉና ይን በእዘ ባዝታ ኡባና ላንትካይዛራ፥ ሹች ሹቻላ አፋ ግምቢንትደ ፋና Ꮉንራ አቶሰ ዎደ የኦዳ» ያጋይዳ።
7ኡንትን፥ «አስታማርዛዮ፥ Ꮉና ኡባና Ꮉኖዳና አይደ? ማህ Ꮉና Ꮉኖዳንስ ማልታ አኮ?» ያጋእ ኦጭዳ።
8የሱሳ ያጋእ ኡንትስ ማሄ እንግዳ፦ «ባልንታመ ጋር ናግንቶተ። ጋሙን ፋና፥ ‹ታ ክርስቶሳ፥ ዎድታ ኡክዳ› ያጋእተ ታ ሱንተ የኦዳ፥ የዝን ይን ኡንታና ካልፐተ። 9ይን ኦላባዝን አስ ኢታት ስእዘ ዎደ ታንፐተ። ይና ቲን ይኦዳና አታመባዝ ማቃደ ግሾ ዎደ ዉርሱታ ኤልሲ የኦስ» ያጋይዳ።
10ካልን፥ «ዎርዣ ዎርዣላ አፋ፥ ካእቱሞ ካእቱሞላ አፋ ደንዶዳ። 11ዳማ ሳአ ኤንኤ Ꮉኖዳ፥ ጋዶ Ꮉርገ ናየ ባይኤን ዱማ ዱማ በሳ ጋማዳ፥ ዣሽዘባዝን ዳማ ማላ ሳሎፓ በንቶዳ። 12የዝን Ꮉና ኡባና Ꮉኖዳንፓ ቲኖ ታ ሱንት ግሾ ጋእ አስ ይንታና ባይዳ አይኮዳ። አይሁደ ዎሳ ኬ ፍርድ አች ኬ ይንታና ኦሎዳ። ካት ቲኖን ዎርዣ አህዙን ቲኖ ይንታና ካንጎዳ። 13ይናን ታ ባዝ ይን ኡንትስ ማርክደስ ሎኦ ኦገ ማቃዳ። 14ይኒ ግሾ፥ ይን ኦጭንትዘ ዎደ ዋጋእ ማሄ እማደ ጋእ ይን ዎዝንተ ኡንእንታመ ፋና ቆፖተ።#ሉቃ. 12:11-12 15አኮስ ጋይኮ፥ ይን ሞርኩን ይንታራ ኤቅንቶደስን ላሎደስ ዳንዳኦሰ ዶናን ጭንጫት ታ ይንትስ እንጎዳ። 16መለ አቶ የዝን፥ ይንታና የልዱን፥ ይን እሹን፥ ይን እግኑን ላጉን ይንታና አ እንጎዳ። ይን ግዳፓ ፈታ ፈታ ዎዳ። 17ታ ሱንት ግሾ አስ ኡባ ቲንተ ይን እጽንትዱንና ማቃዳ። 18የዝን መለ አቶ የዝን፥ ይን ኦማ እስንትፓ ፈተን ቦስ። 19ምን ዳንዳአራ ይን፥ ይን ሸምፕቶ አሾዳ።»
የሩሳላመ በ ባዝ
20«የሩሳላመ ካታምታ አላጋ ዎታዳረራ ጋስንት በቴዝን ይን ብእኮ ኢስ በ ኡክዳኖ ኤሮተ። 21የ ዎደ ይሁዳ የዘ ኡባና ደረጎ ዎጺ ቦ፥ ካታምተ የዙን የይጋፓ ከዞ፥ ጋጻረ የዙን ካታማ ገልፐ። 22አኮስ ጋይኮ፥ Ꮉና ጻፍንትዳና ፎልንቶደ ጋር ይና ጾዘ ኩሸ ማህዘ ዎደ።#ሆሴ. 9:7 23ሳአላ አፋ ዳማ ማ የኦዳ፥ Ꮉነን አሳላ አፋ ጾዘ ባድ የኦዳ። ይኒ ግሾ፥ ዎዳ ማቹንናን ንዙንና ባደ። 24ኡን ማሻራ Ꮉይቆዳ፥ አስ ኡባና አላጋ ሳአ የሳዳ። አይሁደ ማቆሰ አሱን ዎድታ ፎልንቶደ ዎንስ የሩሳላመ ኡንታራ የዽንትዳኖ ማቃዳ።
አስ ናአይ ማህ ዮኦዳ
25«አዋን፥ አግናን፥ ጾልንቶላ አፋ ማላ በንቶዳ። አባፓን ዙሉንተ ኤንኤ ደንድዳንፓ ሳአ የዘ አስ ኡንእንቶዳ ይርጎዳ።#ኢሳ. 13:10፤ ሕዝ. 32:7፤ ኤር. 2:31፤ ቆን. 6:12 26ሳሎ ዎልቅታ ቡቁንቶደ ግሾ አስ ዣሽሞራን ሳአላ አፋ አኮ ይአድየሳ ጋእ ናጎራ ታኖዳ። 27የ ዎደ አስ ናአይ ዎልቃራን ዳማ ቦንቾራን ነራ የኦደራ ኡን በአዳ።#ዳነ. 7:13፤ ቆን. 1:7 28ይንታና አሽዘ ኡክደ ግሾ Ꮉና Ꮉንዛና ፎልንቶደስ አይክዘ ዎደ ጊግንቲ ኤቆተ፥ ይን ኦምቶ ቅ ዪዚ ቦኦተ» ያጋይዳ።
29ካልን፥ Ꮉንጋራ ጋእ አዝዘ ኦህዳ፦ «በለሰ ምንጻን መለ ምንጻ ኡባ ቦኦተ። 30ኡን አጭዘ ዎደ ቶርቼ ኡክዳኖ ይን ኤራነ። 31ይኒ ጋራ Ꮉና Ꮉንዛና ፎልንቶደራ ይን ብእኮ ጾዘ ካእቱሞ ኡክዳኖ ኤሮተ።
32«ታ ይንትስ ቱሮ ኦህነ፤ Ꮉና ኡባና ፎልንቶደ ዎንስ Ꮉና የለትታ አኦስ። 33ሳሎን ሳአን አዳ፥ የዝን ታ ቃልታ አኦስ።
34«ይኬ፥ ቦረ ባይዘ የሳራ፥ ኡሽ ጋንራ የስ ባዝስ ኡንእንተራ ይን ዎዝንታ አይክንታመ ጋራን ይና ቃምታ ቲርካይዝን ጽኬ ፋና ይንታና አይካመ ፋና ናግንቶተ። 35ይና ቃምታ ሳአ ኩሙተ የዘ ኡቡንላ አፋ የሎዳ። 36ይኒ ግሾ፥ የእዘ ባዝ ኡባፓ አቶደስን አስ ናአ ቲንተ ኤቆደስ ዳንዳእንቶደ ፋና ኡባ ዎደ ሚንግ ዎሶተ» ያጋይዳ።
37አዋራ አዋራ የሱሳ ጾዘ ኬተ ታማርስተ፥ ቃማ ቃማ ሻማሄ ደርዘላ አፋ ኬዚ አቃነ።#ሉቃ. 19:47 38አስ ኡባ ኤዛ ስኦደስ ዎንታ ጎዳ ኤጎ ጾዘ ኬ የእነ።
Currently Selected:
ሉቃሳ 21: OydaNTE
Highlight
Share
Copy
Want to have your highlights saved across all your devices? Sign up or sign in
The Word for the World Ethiopia
