ዋሐንሳ 21
21
የሱሳ ላፑን ፋ ታማሩንስ ቆንጭዳ
1ይንፓ ሱባ፥ የሱሳ ጽባርዮሳ አባ ካለ ፋ ታማሩንስ ማህ ቆንጭዳ። ኤ ኡንትስ Ꮉንፓ ካሊ የዘ Ꮉኖትር ቆንጭዳ። 2ስሞን ጴጥሮሳ፥ ዲዲሞሳ ጋእንትዘ ቶማሳ፥ ቃና ጋልላፓ ይእደ ናትናኤላ፥ ዛብዶሳ ናኡንን የሱሳ ታማሩንፓ መለ ላምኡን ዎላ የነ።
3ስሞን ጴጥሮሳ ኡንታጎ፥ «ታ ሞሎ አይኮደስ ቅታነ» ያጋይዳ።#ሉቃ. 5:5
ኡን፥ «ኑንን ኔራ Ꮉማዳ» ያጋእ፥ ጎንገ ግዳ ገልዳ። የዝን ኡን ይና ቃምተ አኮ ሞሎን አይክካያ።
4ዎንታ ጎዳ ጻልቀ ኬሳዳንፓ ቲኖ፥ የሱሳ አባ ጋጻ ኤቅዳ፥ የዝን ኤ ታማሩን የሱሳ ማቅዳኖ ኤርካያ። 5የሱሳ ኡንታጎ፥ «ናኡን፥ አኮ ሙእዘ ባዝ የነ?» ጋይዳ።
ኡን ማህ፥ «አኮን ባያ» ያጋይዳ።
6ኤ ማህ፥ «ይን ሞሎ አይክዘ ግተ ጎንግዘፓ ምዛቅ ዛላራ ኦሎተ፤ ሞሎ ይን አይኮዳ» ያጋይዳ። ይኒ ግሾ፥ ሞሎ አይክዘ ግቶ ምዛቅ ዛላራ ኦልዳ። ሞሎ ገሊ ኩምደ ግሾ ጎቺ ኬሶደስ ጋምዳ።#ሉቃ. 5:6
7የሱሳ ካዽዘ ታማርዘ ጴጥሮሳጎ፥ «Ꮉይኒ ላ!» ያጋይዳ። ስሞን ጴጥሮሳ ኤ ላ ማቅዳኖ ስእደ ዎደ ጋሪ ጋድደ ፋ ማእቶ ማእ አባ ግዳ ዶሊ ገልዳ። 8የዝን ጎንግተ አትደ Ꮉንኮ ታማሩን ሞሎ ኩምደ ግቶ ጎቺ፥ አባፓ ጋጻ ከዝዳ። ኡን አባፓ ላምእ ጼት Ꮉ ፋና Ꮉክዳ። 9ኡን አባፓ ጋጻ ከዝደ ዎደ ኬንቼሎ ታማ ቃቃ፥ ሞሎን ቦራን ብእዳ።
10የሱሳ ኡንታጎ፥ «Ꮉተ ይን አይክደ ሞልትፓ አነ ታስ ኮኦተ» ያጋይዳ።
11ስሞን ጴጥሮሳ ጎንግተ ገሊ፥ ጼት እችንታም Ꮉይ ዳማ ሞሎ አይክደ ግቶ ጎቺ አባፓ ጋጻ ከስዳ። ሞልታ ይኒ ጋር ጋማ ማቅኮን ሞሎ አይክደ ግቶ ፈርእካያ።
12የሱሳ ኡንታጎ፥ «Ꮉንካ ይእ ዳይጸ ሞኦተ» ያጋይዳ። ኤ ላ ማቅዳኖ ኡን ኤርደ ግሾ ኤ ታማሩንፓ ፈትን፥ «ነ ኦደ?» ጋእ ኤዛ ኦጮደስ ሚንግደ ባያ። 13የሱሳ ይእ፥ ቦራ ኤኪ ኡንትስ እንግዳ፤ ሞሎፓን ይኒ ጋራ እንግዳ።
14የሱሳ Ꮉይቆፓ ደንዲ ፋ ታማሩንስ በንትደ Ꮉንራ Ꮉይን።
የሱሳን ጴጥሮሳን
15ኡን ዳይጽቶ ሙእዳንፓ ሱባ፥ የሱሳ ስሞን ጴጥሮሳጎ፥ «ዮና#21:15 ዮና፦ ግርኬ ዶናራ ዮና ጋዘ ሱንታ ዋሐንሳ ጋዘ ሱንትስ ሳቅን ሱን። ናአ ስሞና፥ ታና Ꮉንሳፓ አ ካነ?» ያጋይዳ።
ስሞን ጴጥሮሳ፥ «ዬ ላ፥ ታ ነና ካዛኖ ነ ኤራነ» ያጋይዳ።
የሱሳ ኤጎ፥ «ታ ንግዘ ዱሮ ናኡንና ዬንጎ» ያጋይዳ።
16የሱሳ ላምእን፥ «ዮና ናአ ስሞና፥ ታና ካነ?» ያጋይዳ።
ስሞን ጴጥሮሳ፥ «ዬ ላ፥ ታ ነና ካዛኖ ነ ኤራነ» ያጋይዳ።
የሱሳ፥ «ታ ዱሩንና ዬንጎ» ያጋይዳ።
17የሱሳ Ꮉይን፥ «ዮና ናአ ስሞና፥ ታና ካነ?» ያጋይዳ።
የሱሳ Ꮉይን ስሞን ጴጥሮሳጎ፥ «ታና ካነ?» ያጋእ ኦጭደ ግሾ ጴጥሮሳ አዛኒ፥ «ላ፥ ነ ኡባባዝቶ ኤራነ፤ ታ ነና ካዛኖ ነ ኤራነ» ያጋይዳ።
የሱሳ፥ «ታ ዱሩንና ዬንጎ። 18ታ ኔስ ቱሮ ቱሮ ጋነ፤ ነ ናአት የዘ ዎደ ነነስ ማእ፥ ነ ኮይዘ በሳ ቅታነ። የዝን ነ ጭንግደ ዎደ ነ ኩሽቶ ምጪ ቤሳዳ። መለ አስ ዳንጭሳዳ፤ ነ ካኦሰ በሳ ካንጎዳ» ያጋይዳ። 19የሱሳ ይኖ ጴጥሮሳ አኮ ጋር Ꮉይቆ Ꮉይቂ፥ ጾዛ ቦንችሳድ የዛኮ ቤሳደስ ጋይዳ። ይኖ ጋይዳንፓ ሱባ፥ የሱሳ ጴጥሮሳጎ፥ «ታና ካሎ» ያጋይዳ።
የሱሳን Ꮉንኮይ ታማርዛን
20ጴጥሮሳ ሱባ ማቂ፥ የሱሳ ካዽዘ ታማርዘ ፋፓ ሱባራ የእዛኖ ብእዳ። የ ታማርዘ፥ ካዎ ሙእዘ በሳ የሱሳጎ ሺቂ፥ «ላ፥ ነና አ እማደ ኦደ?» ጋይዳያ።#ዋሐ. 13:25 21ጴጥሮሳ የ ታማርዛ ብእ፥ «ላ፥ Ꮉይ አ ዋያደ?» ያጋእ የሱሳ ኦጭዳ።
22የሱሳ ኤጎ፥ «ታ የኦደ ዎንስ ኤ ሸምፖራ የሳደ ጋር ታ ኮይኮ፥ ነና አኮ ማ? ነ ታና ካሎ» ያጋይዳ።
23ይኒ ግሾ፥ የ ታማርዘ Ꮉይቆስ ጋዘ ኦሄ እሹንና ኡባ የልዳ። የዝን የሱሳ፥ «ታ የኦደ ዎንስ፥ ኤ ሸምፖራ የሳደ ጋር ታ ኮይኮ ነና አኮ ማ?» ጋይዳፕ አትን «Ꮉይቆስ» ጋይካያ።
24Ꮉና ኦህት ባዝ ማርክዳይን Ꮉኖ ጻፍደ የ ታማርዘ ኤዛ። ኤ ማርካትታን ቱሮ ማቅዳኖ ኑ ኤራነ።
25የሱሳ ኦችደ መለ ጋማ ባዝ የነ። ታ ቆፕን፥ ኡባ ባዝ ፈተ ፈተ ኦማራ ጻፍንትዛኮ፥ ጻፍንትዘ ማጻፍትስ አላመ ጋዶደስ በሲ ማቃዳ አዞስ።
Currently Selected:
ዋሐንሳ 21: OydaNTE
Highlight
Share
Copy
Want to have your highlights saved across all your devices? Sign up or sign in
The Word for the World Ethiopia
