Luqasa 3
3
Xammaqize Wahannisa sibkkete
(Maato. 3:1-12; Mar. 1:1-8; Waha. 1:19-28)
1Kaati Xibaaryoosa Roome gade ka7itin, taphpho ichchintsa bere, Phenxe Philaaxoosa Yihuda ahize wode Heroodisa Galila ahize wode E ishe Filphoosa Ixuuriyasan Xirakkonddoosa ahize wode Lisaniyoosa Ablaanisa ahize wode 2Haannaran Qayyaafara kahinunts hyalaqa maaqqii yezin, Xoozze qaala Zakkariyaasa na7a Wahannisago akko baayze ganasa yi7ida. 3Wahannisa, «Yin nagarttippa maaqqii xammaqinttote. Xoozii yin nagartto atto ga7oda» yaga7i tamaarssite Yorddaanosa borkka gaxara yeze sa7a ubba qitida. 4Yinnan nabe Isayaasa fa maxaafite,#Isa. 40:3-5
«Akko baayze ganasa gidda fa qaaltto dhoqi yiizi,
uukkize atstse qaaltta,
‹Laatstse ogito giigizote,
worogiton luulizote.
5Doochii ubba kumoda,
deren dhoqqa bessin ziqqi gawuda.
Wobbo ogita luuloda,
giigoose horogita giigoda.
6As kochchi ubba,
Xoozze atotitsito be7ada› »
ga7i xaafidanifanna hyanida.
7Wahannisa, fa kushite xammaqinttodes yi7ide gaama asuntsago, «Hyantsi, shooshi na7untso yo7odes yeze hyanqoppa attode gaar yinttana zoride oode?#Maato. 12:34; 23:33 8Yikke, yin maarinttes beezze lo77o oocha oochchote, yin wozintte, ‹Nuus, nu aday Abrahama yene ga7i ceeqinttippete.› Hyankka si7ote, hyantsi shuchchuntsappa Xoozii Abrahamas na7a kessodes dandda7ane.#Waha. 8:33 9Hyatte, gandde minxa xapho yene. Yikke, lo77o aafe aafoosse minxa ubba gachchinttii tama ollinttoda» yagayda.#Maato. 7:19
10Asuntsi, «Yeezin nuunii akko oochchode?» yaga7i oocida.
11Wahannisa mahi, «Lam77i afula yeze asi baayzes shago. Katstsa yeze baayzes shago» yagayda.
12Qaraxe gachchizuntsii xammaqinttodes yi7i, «Asttamaarizayo, nuunii akko oochchode?» yagayda.#Luqa. 7:29
13E mahi, «Yin gachchisades beezanippa aatsii ekkippete» yagayda. 14Mahi wottaddaruntsi yi7i, «Nuunii akko oochchode» yaga7i oocida.
Wahannisa, «Obazin wolqqara dafii ekkippete, ooden worddora mootippete, yin damoozita yinttis maaqqada» yagayda.
15Asuntsi Kiristtoosa ufayssara naagii yeze gisho Wahannisa, «E Kiristtoosa maaqqane?» yaga7i fa wozintte qoppida. 16Wahannisa ubbuntsis mahi, «Taanii yinttana hyaatsara xammaqane, yezin taappa aadhii miinggize ye7oda. Taanii E caamma gadito billodes beezoosse asi. E yinttana Geeshi Ayyaanaran tamara xammaqoda. 17Uduma yeze katstsa geeshodes fitstse E kushite yene. Geeshi katstsa fa fachite gussoda; buurtto dhaboose tamar michchoda» yagayda.
18Mahi Wahannisa asuntsana gaama zorii Wonggele#3:18 Wonggele: Girike doonara Wonggele gaaze qaalize gaama ufayssize ohe woy misiraachcho ga7e. Yinna misiraachchitan Kiristtoosa as kochchi ubba medhina firddappa ashshodes kiitinttii yi7ide damma ufayssi (Luqa. 1:19; 2:10) ohida.
19Yezin Wahannisa Heroodisa fa ishe machchito, Heroodiyada, ekkide gishon melle iita oochiti gisho kaccide wode#Maato. 14:3-4; Mar. 6:17-18 20Heroodisa kasenilla afa melle iita baz ubba gujjii Wahannisa woyne geltsida.
Yesuusa xammaqintte
(Maato. 1:1-17; 3:13-17; Mar. 1:9-11)
21Wahannisa accinttodanippa tiino as ubba xammaqii maaqqin, Yesuusan mahi xammaqinttida. E woossodera salo bugunttida. 22Geeshi Ayyaana wolle fana benttitera eella afa bettida. Saloppa «Ta kadhize na7ay nena; ne tana ufayssane yaga7ize» qaala yi7ida.#Medho 22:2; Maz. 2:7; Isa. 42:1; Maato. 3:17; Mar. 1:11; Luqa. 9:35
23Yesuusa tamaarse aykkize wode ees hyasttam bere maaqqadera, asuntsi eza Yoosefa na7a ga7i qoppida.
Yoosefa Eele na7a, 24Eele Maate na7a,
Maate Leewe na7a, Leewe Malkka na7a,
Malkka Yoona na7a, Yoona Yoosefa na7a,
25Yoosefa Mataate na7a, Mataate Amoxe na7a,
Amoxe Nahoome na7a, Nahoome Asiliime na7a,
Asiliime Naage na7a, 26Naage Ma7aate na7a,
Ma7aate Mataatiye na7a, Mataatiye Samaye na7a,
27Samaye Yoosefa na7a Yoosefa Yihuda na7a, Yihuda Yoonane na7a, Yoonane Rase na7a,
Rase Zerubaabela na7a, Zerubaabela Salatiyaale na7a,
Salatiyaale Neere na7a, 28Neere Miilkkii na7a,
Miilkkii Haade na7a, Haade Qoosame na7a,
Qoosame Elmodaane na7a, Elmodaane Eera na7a,
29Eera Yoose7e na7a, Yoose7e Alaazare na7a,
Alaazare Yoorame na7a, Yoorame Maate na7a,
Maate Leewe na7a, 30Leewe Simoona na7a,
Simoona Yihuda na7a, Yihuda Yoosefa na7a,
Yoosefa Yoonane na7a, Yoonane Eliyaaqeme na7a,
31Eliyaaqeme Maliyye na7a, Maliyye Maynaane na7a,
Maynaane Maate na7a, Maate Naatane na7a,
Naatane Dawute na7a, 32Dawute Issey na7a,
Issey Iyobeede na7a, Iyobeede Boo7eza na7a,
Boo7eza Salmoona na7a, Salmoona Na7asoona na7a,
33Na7asoona Aminaadabe na7a, Aminaadabe Raame na7a, Raame Arnne na7a,
Arnne Asroome na7a, 34Asroome Faarese na7a,
Faarese Yihuda na7a,
Yihuda Yayqooba na7a,
Yayqooba Yisaaqa na7a, Yisaaqa Abrahama na7a,
Abrahama Taara na7a, 35Taara Naakkore na7a,
Naakkore Saruuge na7a, Saruuge Rehu na7a,
Rehu Faaleqe na7a, Faaleqe Ebeera na7a,
Ebeera Seela na7a, 36Seela Qaynaane na7a,
Qaynaane Arfakisaada na7a, Arfakisaada Seeme na7a,
Seeme Nohe na7a, Nohe Laamehe na7a,
37Laamehe Matusaala na7a, Matusaala Heenoke na7a,
Heenoke Yaarede na7a, Yaarede Malaal77ela na7a,
Malaal77ela Qaynaane na7a, 38Qaynaane Heenosa na7a,
Heenosa Seeta na7a, Seete Addaama na7a,
Addaama Xooz na7a.
Currently Selected:
Luqasa 3: OydaNTL
Highlight
Share
Copy
Want to have your highlights saved across all your devices? Sign up or sign in
The word for the World Ethiopia
