Popular Bible Verses from Luqasa 3

Share

Wahannisa accinttodanippa tiino as ubba xammaqii maaqqin, Yesuusan mahi xammaqinttida. E woossodera salo bugunttida. Geeshi Ayyaana wolle fana benttitera eella afa bettida. Saloppa «Ta kadhize na7ay nena; ne tana ufayssane yaga7ize» qaala yi7ida.

Wahannisa ubbuntsis mahi, «Taanii yinttana hyaatsara xammaqane, yezin taappa aadhii miinggize ye7oda. Taanii E caamma gadito billodes beezoosse asi. E yinttana Geeshi Ayyaanaran tamara xammaqoda.

Yikke, yin maarinttes beezze lo77o oocha oochchote, yin wozintte, ‹Nuus, nu aday Abrahama yene ga7i ceeqinttippete.› Hyankka si7ote, hyantsi shuchchuntsappa Xoozii Abrahamas na7a kessodes dandda7ane.

Hyatte, gandde minxa xapho yene. Yikke, lo77o aafe aafoosse minxa ubba gachchinttii tama ollinttoda» yagayda.

Yinnan nabe Isayaasa fa maxaafite, «Akko baayze ganasa gidda fa qaaltto dhoqi yiizi, uukkize atstse qaaltta, ‹Laatstse ogito giigizote, worogiton luulizote. Doochii ubba kumoda, deren dhoqqa bessin ziqqi gawuda. Wobbo ogita luuloda, giigoose horogita giigoda. As kochchi ubba, Xoozze atotitsito be7ada› » ga7i xaafidanifanna hyanida.