Maatoosa 22
22
Boss xeessi aaziso
(Luq. 14:15-24)
1Yesuusa yhattekka asayis yhay garkk yeegii aaziso odeeza. 2«Salo kaatetithay fa na7ayis bossi makkeez kaata aaziza. 3Ye kaatay boss ye7oay garkk odeez asa xeegodayis fa ayllita azazeeza. Zin asay ye7odayis koyekkaya. 4Ma hara ayllita xeegii, xeegintteez asitayiko yhanigii, ‹Taanii ta sanggitannee modhdheez mehita shukkeeza; ubba baz giigeeza. Ta bossayiko ye7oytta yeegoytta› yeegii kiiteeza. 5Zin xeegintteezitay xeessa ixxii, fa yhanttas yhanttas qiteeza. Pettay fa wootas, yhankkay fa zal7es qiteeza. 6Yhankkitay ma kaatay ayllita aykkii, kawushshishi yhadhdhii wodheeza.
7«Kaatay iita shenitii, fa wotaaddarita dakkii shemppo wodhizita wodhiseeza, u katamitokka xuuggeeza. 8Yeypp guye, fa ayllitayiko, ‹bossay giigeeza, zin xeegintteezitay bossayis beeziza as baaya. 9Yey gishos, dammo goosa aykkii yhanigii, denggeez as ubbita bossa ye7od garkk xeegoytta› yeegeeza. 10Ayllitay ogel kezii fa denggeez as ubba lo77itannee iitita ki7ii bossa shaqara gelisii kuntheeza.
11«Zin kaatay muntta maadayis betteez asa be7adayis gelodar bossi afila ma77ekka pettii as denggeeza. 12Eziko, ‹Naat ne bossi afila ma77ekkazar wayizii yhaydda geleenee?› yeegeeza. Zin athay si77e atteeza.
13«Kaatay fa ayllitayiko, ‹Yha athayis kushannee toka accii, bale dhuma kessii olloytta. Ezayid ezisi yeefonnee achch coonchii maaqqada› yeegeeza.#Mat. 8:12; 25:30; Luq. 13:28
14«Yey garkk, Xooss kaatetithayis xeegintteezitay gaame zin dorintteezitay xiqqa» yeegeeza.
Giira gachcho bagga
(Mar. 12:13-17; Luq. 20:20-26)
15Yeypp guye, Ferisaawitay yhanigii, Yesuusa wayizii odar aykkodazako tobbeeza. 16Fa tamaaritannee Herodoosa baggitaypp petta petta azazeeza. Unttikka, «Asitamaarayyo, ne turo odizana nu eriza. Neenii asapp as shaakkii erooya, asii waagodee gi abikka oothii erooya, Xooss oge turora taamarissiza. 17An nuus odoba, nuunii Oroome Kaatayis giira giirodayis beezinennee beezoosa?» yeegeeza.
18Zin Yesuusa u iita qofa erii, «Yha cubbitayyo, tana abis paaccee? 19Giira giiriza miishito tana beezoytta» yeegeeza. Unttikka ezis Dinnare ki7ii beezeeza. 20E, «Yha sunthaynnee mallay o bazo?» yeegeeza.
21Unttii, «Roome Kaatayis» yeegeeza.
Yesuusa unttiko, «Yeezin, Kaatayis beezizana kaatayis, Xoossis beezizana Xoossis inggoytta» yeegeeza.
22U yeya si7ii mala bazi gi ashshii qiteeza.
Yhayiqopp denddo bagga
(Mar. 12:18-27; Luq. 20:27-40)
23Ye gallas yhayiqopp denddo baaya yeegiz Saduqaawitay Yesuusako yi7ii, yeegii eza oycceeza.#Haw. O. 23:8 24«Asitamaarayyo, ‹Muse, pettii asii machcho ekkii na7a yelekkazar yhayqqiko, ye yhayqqeezayis ishay e machchato ekkii, fa ishayis na7a yelo› yeegii azazeeza.#Nam7i. 25:5 25Nu eriza laappun ishitay yeza. Bayray machcho ekkii na7a yelekkazar yhayqqeeza. E machchato e kaalo ishay ekkeeza. 26Yey garkkekka, ye astto ekkeez nam7anthaykka, hayidzinthaykka, yhanigii laappunitay wurod gatho ubbitay yhayqqeeza. 27Ubbapp wurssithal ye asitakka yhayqqeeza. 28Yeezin, laappunitay ubbitay izo ekkeez gishos yhayiqopp denddiza gallas, ye astta laappunitaypp aayayis machcho maaqqadee?» yeegeeza.
29Yesuusa mahii, «Yi Xooss qaalay taamarsseez baz woy e wolqqa eroowa gishos balinttiza. 30Asay yhayiqoppe denddiza wode salo yez kiitanchchitay garkk maaqqodaypp attin ekkooyannee gelooya. 31Ma yhayqqeez asay yhayiqopp dendod baz Xooss yinttis odeezana yi nabbabekkasa? 32Xoossay, ‹Taanii Afraame Xooss, Isaaqa Xooss, Yayqqooba Xooss› yeegeeza. Yey gishos, Xoossay pathi yezitay Xoossapp attin yhayqqeezitay Xooss baaya»#22:32 Xoossay pathi yezitay Xoossapp attin yhayqqeezitay Xooss baaya: Yesuusa yha bessa odizay Xoossay yha yhayqqeez hayidzitay Xooss maaqqiko unttii pathi yeza yeeginttiza. yeegeeza.#Kes. 3:6
33Gaame asay yeya si7ii, e timirtta malabaz geeza.
Ubbapp bayratiza kiita
(Mar. 12:28-34; Luq. 10:25-28)
34Yesuusa Saduqaawitayis godbaz dhabiseezana Ferisaawitay si7ii wolla shiiqeeza. 35U ganccepp pettii higge asitamaaray Yesuusa paace oychchi oyiceeza. 36«Asitamaarayyo, higge ubbaypp aadhizay aaya?» yeegii oyceeza.
37Yesuusa mahii, «‹Ne Goda, ne Xoossa, ne kunthi wozinaypp, ne kunthi shemppopp, ne kunthi qofapp qadhdhoba.#Nam7i. 6:5 38Ubbapp aadhizaynne bayra kiitay yhaya. 39Nam77iintho ubbaypp aadhiz kiitay, as ubba ne nena dosizay garkk dosoba› yeegizaya.#Lewii. 19:18 40Muse higgaynnee nabitay timirttay ubbay yha kiititayil afa katiza» yeegeeza.#Luq. 10:25-28
Kiristtoosa bagga oyceez oychchi
(Mar. 12:35-37; Luq. 20:41-44)
41Ferisaawitay pettipp shiiqii yeezin, Yesuusa unttan, 42«Kiristtoosa bagga yi waagee? E o na7a?» yeegii oyceeza.
U, «E Kaata Dawute na7a» yeegii maheeza.
43Yesuusa unttiko, «Yeezin, Dawute geeshsha Ayyanar maaqqii wayizii Kiristtoosa, ‹Goda› gi xeegee? Dawute giittar,
44« ‹Xoossay, ta Godayiko,#22:44 Ta Godayiko: Yha bessayid Dawitte ta Goda gi xeegizay Kiristtoosa.#Maz. 110:1
ne morkkita ne tokayis yedhdhiz aqo oothod gatho,
yhaydda taapp ushachchi baggar#22:44 Ushachcha baggar: guussay Mautenee bonchcho aqo. bettoba› geeza.#Maz. 110:1
45Yikkee, Dawute Kiristtoosa Goda gi xeegiko, wayizii Kiristtoosa Dawute na7a maaqqee?» yeegeeza.
46Yesuusas pettii qaala mahodayis danda7eez as oonkka baaya. Ma ye gallasapp aykkii hara oyichi oyccodayis oonkka danda7ekkaya.
Currently Selected:
Maatoosa 22: MeloNTL
Highlight
Share
Copy
Want to have your highlights saved across all your devices? Sign up or sign in
The Word for the World Ethiopia
