Zohan 12

Bethani-na Isuo Sariak ei Ānthī Rui

Mt 26:6-13; Mk 14:1-11

1 # Mt 21:17 Hatuka Kallēn Pāntā nī ruk phāmāna, Isuo chu Bethani-na a hong a. Hava han Lazar, āthī nātā Isuo'n ei mathuipū omna a ni. 2#Lk 10:38-42Hava han ama ranga zān bunēkna a mansūkpē u na. Martha'n dorbō ā dom a. Lazar ha dōkhama ei ānsutpui ngāi bila angkhat a ni. 3#Mk 14:3Mari'n antuoiruo marimhui sariak aman alu sabak chu litra khat#12:3 litra khat: Grik ngāi ārik māina, gm 327 a ni. a lāk a, Isuo kē a khuo na, a sam le a ke ngāi chu a huipē na. Hava sariak marimhuiin in pumpuia thūt zit a. 4#Mt 10:4Tenchu a zolāi ngāi bila angkhat Iskariot Zuda, Simon a nāipasal, ama ānsūr rang pū'n, 5“Hong sik mo hiva sariak marimhui hi denari 300a anzuor a, ānriang ngāi kōma ei ānpēk nōk?” a tī na. 6Hiva hi ānriang ei poisak sika ei ti ni mak, tenchu ama chu anrū ei ni sika kēng. Sumkok a dōn a, hava sumkoka ānthāl chu a lāk chachak a. 7Tenchu Isuo'n, “Ei zozōt thō rase. Hiva hi kā'n phūm nikhuona rang a lei siak kēng. 8#Dān 15:11Ānriang chu na bil una āom chian kēng, tenchu koi chu na bil una om chian nō ning,” a tī na.

Lazar a That Rang a Val u

9 Zehudi mipui tamtakin hava han ama chu a om tī a riat u na, amāni chu a hong u na. Isuo sika rong ni mak a, tenchu āthī nātā ei mathui Lazar āmū ranga a hong u na. 10Hatuka chāizūng ulian ngāiin Lazar āthat rang um a val u na. 11Ama sika Zehudi tamtak chu a sē u na, Isuo a iam u na.

Isuo Zerusalem-a Rēng anga ei Lūtna

Mt 21:1-11; Mk 11:1-11; Lk 19:28-40

12Hanūk nikhuona pāntāna āhong mipui ngāiin, Isuo chu Zerusalem-a ei hong rang tī a riat u na. 13#Lev 23:40Theiletūm bāk a lāk u na, ama antongpui ranga a suok u na. Amānī'n, “Hosanna! Puma raminga āhongpū chu anpāk om rase! Israel ngāi rēng chu,” (Sām 118:26) tīna ankhēk u na. 14Hatuka Isuo'n sakuorpar tuoi khat a mū na, a chunga a chuong a, a lei ānziak anga,

15“Zion Sānū, āchi nō ro.

Entā, na Rēng chu sakuorpar tuoi chunga

Achuonga a hong.” (Zek 9:9)

16 # Mk 9:32 Mānsāna chu hiva ngāi hi a zolāi ngāiin riatthei u mak a. Tenchu Isuo chu anliana a om suona, hiva ngāi hi ama ruia ānziak tīna a malunga a hong āchuipē u na, hanūk chu hiva ngāi hi amānī'n a chunga a thō u na. 17Lazar ei pāi a, thān ātā ei masuok lē āthī nātā a mathui lāia a bil una mi āom ngāiin āriatpuipū a chang u na. 18#Lk 19:37Hasikhan mipui ngāiin ama āntongpui u na. Asik chu hiva sinsiana ei thō chu a riat u na. 19Farisāi ngāiin amāni lē amānī'n, “Ītē nei thō thei u nōk hi na mu mo u? Entā, maniapūrin ama ei zī hi!” a ti u na.

Isuo'n Ama ei Thi Rang Rui Aphāmān a Lei Ril

Mt 20:17-19; Mk 10:32-34; Lk 18:31-34

20 # Kui 11:20 Pāntāna Pathian anmōk ranga āsē ngāi bila han Grik mī senkhat a om u na. 21#Mt 11:21Amāni ngāi chu Galili-na Betsaida-na Filip kōma a hong u na, “Ka pū, Isuo āmū rang nā zōt,” tīna a rakel u na. 22Filip chu a hong a, Andria a ril a. Andria le Filip-in Isuo kōm a ril u na. 23#Mt 26:18Tenchu Isuo'n a kōm u na, “Miring Nāipasal ei ānlianna rang hun a hong āsuok kēng a ni zei. 24#1Ko 15:36Ataktaka kei na ril a ni u zei, gōm sahūm chu phila achula a thi nōk ten, a sahūm tita a om a. Tenchu hava ha a thi ten, sahūm atampā a rasuo chachak. 25#Mt 10:39; 25:46; Mk 8:35; Lk 14:26Tūkareng ei damna āndit chu machān in ti. Hi maniapūra ei damna anmūmāk chu tāituon damna ranga hōi in ti. 26#2Ko 5:8; Fil 1:23; 1Th 4:17Tūkareng ka dorbō āndom tak chu ka nūk na zī rase. Kei omna taka ka suok um om in ti. Tūkareng ka dorbō āndom tak chu, ka Pā'n ama chu ton in ti.

27 # Mt 11:25; 26:38-39 “Atun hin ka malung anpōn, hong mo kei ti rang? ‘Ka Pā, hiva hun ātā na mazōk ro.’ Tenchu hiva sika tak hin hiva huna kei hong a ni. 28#Mt 3:17Ka Pā, na raming chu manlian ro.” Vānram ātā rōl a hong āsuok a, “Ka manlian suo zei, manlian rēt ka ting,” a tī na. 29A kōla mipui ānding ngāiin hava ha a riat u na, khuonrī kēng a ti u na. Atei ngāiin, “Vānpalāi khatin ei chongpui kēng,” a ti u na. 30#Ant 19:9Isuo'n a masang a, amā'n, “Hiva hē hi koi ka sika āhong ni mak, tenchu nangni ranga kēng. 31#2Ko 4:4; Efe 2:2; 1Zn 4:4Atun hin hi maniapūr ruirilna hun a ni. Hi maniapūr ruirilpū chu anpei in ti. 32#Isa 11:10Koi, hi phil ātā chung tiang anlāka kā om tik chu, mī dōra ka kōma rakuoi kiar ka ting,” a tī na. 33Hiva ei tī hi, ama chu hontin mo ei thi rang ei manlangna a ni. 34#Sām 110:4; Isa 9:7; Dnl 7:14; Mt 8:20Mipuiin ama kōma, “Khristā chu tāituona āom chian kēng, tīna dān ātā koinī'n na riat. Hanle hontin mo nangin, Miring Nāipasal chu chung tiang anlāk ngēta om in ti, nei ti thei? Hiva Miring Nāipasal hi tū mo?” tīna a masang u na. 35#Efe 5:8; 1Zn 1:6Hatuka Isuo'n a kōm u na, “Raāng chu hun sōtluitē na kār una la om in ti. Raāng nā dōn u lāi hin kal chōi u ro, hanōkten āzīngin na huom u'n ti. Tūkareng azīng kāra kal a chōi chu ei sēna ti thei mak. 36#Lk 16:8Raāng nā dōn u lāi hin, raāng chu iam u ro. Raāng nāipasal nei chang thei una ranga,” a tī na. Isuo'n hiva ngāi dōra a ril a, a kōm u nāta anphet a, amāni nātā anthup a.

Zehudi ngāiin Isuo la Iam Bang u Mak

37Amāni matona sinsiana ātampā a thō ngalā'm, ama chu iam u mak a. 38#Rōm 10:16Deari Isaia a chongril ei kipna ranga, amā'n,

“Puma, koini na chong hi tū mo āiam?

Puma kut chu tū kōm mo ei ānlang?” (Isa 53:1) a tī na.

39Hasikhan amānī'n ei iam thei u nōk a ni. Asik chu Isaia'n,

40 # Mt 13:15 “Amā'n a mit u ngāi chu a manzīngpē na.

A malung u ngāi chu a mankhirpē na.

Hanōkten chu a mit u ngāi le mu u'n tia,

A malung u ngāi le riatthei u'n tia, kīr u'n tia.

Hatuka amāni chu lei mandam u ka ting.” (Isa 6:10) a ti rēt a.

41 # Isa 6:1-4; Lk 24:27 Isaia'n hiva ngāi hi ei tī a ni, asik chu amā'n Isuo ei lianna a mū na, a rui a ril a. 42Hanum ni sela, amāni bila ruoipū tamtakin ama chu a iam u na. Tenchu Farisāi ngāi sika ama chu puong ngam u mak a. Hanōkten amāni chu Sinagog ātā asuoka om u'n ti. 43#1Sa 15:30; Rōm 2:29Asik chu Pathian ātā anpākna nēka miring ātā anpākna kēng ei dit uol u.

Isuo Maniapūr Anratan ranga a Hong

44 # Mt 10:40 Isuo'n anringa ankhēk a, amā'n, “Tūkareng koi anā iam chu, koi ni mak ei na iam, tenchu anā tīrpū kēng ei iam. 45Tūkareng koi anā mū chu anā tīrpū āmū kēng. 46Maniapūra hin raāng anga āhong kā nī na. Tūkareng koi a na iam tak chu azīng kāra om nō ni. 47Tūkareng ka chong anngāia āiam nōk chu, koiin ruiril mak ung. Asik chu maniapūr rui ril ranga āhong ni mak ung, tenchu maniapūr ānzōk ranga āhong kā ni. 48Tūkareng koi a na heng lē ka chong ngāi pomlui tak chu, ama rui āril rang a dōn zei. Hiva ka chongril ngētin nikhuo hek tika ama ruiril in ti. 49Asik chu ka ningneina le kei ril ni mak. Tenchu kei ril rang lē kei ti rang chu koi anā tīrpū Pā'n chong ei na pēk kēng. 50#Mt 25:46Ama chongpēk chu tāituona damna kēng tī ka riat. Hasikhan kei ril tak hi, Pā'n ei na ril anga, kei ril a ni,” a tī na.

Currently Selected:

Zohan 12: RNL

Highlight

Copy