ROMANUN 9
9
1Nindabwa emuh Christing, kahween nekuhkenuhwishkese, nekekandezoowin nedebahjemegoon emuh Keche‐Oojechaugoong.
2Ninkeche‐kushkandum kuhya moonzhug nekesahdandum emuh nindaïng.
3Nindahnunduhwandum neen chepukkawenegooyaun emuh oonje Christing nejekewaüg oonje, puhyazhigwung neweyausenahnin:
4Israelitewewug suh; oodebandahnahwah ewh oonejahnesemegoowin, kuhya peshegandahgoozewin, kuhya kekindewinun, kuhya meegewang ewh tebahkoonegawin, kuhya oobuhmeetahgoowin owh Kesha‐Muhnedoo, kuhya wahweendahmahgawinun;
5Mesuh oogoo dabanemahjig enewh kooseminahbuneen, mesuh kuhya oogoo kahoonjeemahguk ooweyow owh Christ, owh wagemahkundung ahnooj gagoo, Kesha‐Muhnedoo kahyahgega‐shahwandahgoozid. Amen.
6Kahween neweëkedoose ningood enahbuttesenenig oodekedoowin owh Kesha‐Muhnedoo. Kah muh kuhkenuh Israël ahwesewug, emuh Israëling wandahdezejig.
7Kah kuhya oomenekauning owh Abraham oondahdezewaud, oonje‐oonejahnesemahsewug: emuh atuh Isaacing kaöonje‐wahweenindwah kenejahnesug.
8Mesuh oo‐oo azhenesettootahgwuk, Egewh weyausing wanjenegejig, kahween oogoo oodoonejahnesemegoosewaun enewh Kesha‐Muhnedoon: egewh atuh emuh wahweendahmahgawining wanje‐negejig mesuh oogoo oonejahnesemahwug ananemindjig.
9Mesuh oo‐oo wahweendahmahgawine‐ekedoowin, Noongoom apeechaug ningahpetuhgwishin, Sarah dush oogahahyahwaun enewh quewezansun.
10Kahween atuh oo‐oo; kuhya dush uhpe Rebecca oonje kahoodahbenoojeëwid pazhik, koosenaun Isaac;
11(Pwah muhshe negewaud egewh ahbenoojeeyug, kuhya chepwah ezhechegawaud wanesheshing gamuh mujje‐uhyeeweesh, cheöonje‐soongekahbahwemahgudenig oodenahduhmoowin owh Kesha‐Muhnedoo emuh wuhwanahbunduhmoowining, kahween ahnookeewinun oonje, owh atuh nandoongad oonje;)
12Oo‐oo keënah, Owh sasekezid oogahbuhmeetuhwaun enewh agahsheënejin.
13Debishkoo azhebeëgahdag, Ningesahgeäh owh Jacob, ningesheenganemah owh Esau.
14Ahneen dush kaëkedooyung? Mujje‐doodum nuh Kesha‐Muhnedoo? Kah bahpish ezhewabussenoon.
15Oo‐oo muh oodenaun enewh Mosesun, Ningahshahwanemah owh wahshahwanemug kuhya ningahketemahganemah owh wahketemahganemug.
16Kah suh dush shahwanemahse owh kache‐nunduhwandung, gamuh bamebuhtood, owh atuh kashahwanemegood enewh Kesha‐Muhnedoon.
17Oo‐oo muh akedoomahguk ewh kechetwah‐oozhebeegawin, guhnoonind owh Pharaoh, Mesuh oo‐oo kahoonje-puhsegwindenenaun, cheöonje‐wahbundahewayaun ewh nemushkahwezewin emuh keyowing, cheöonjewahweenjegahdag nindoonoozoowin emuh anegookookummegaug ewh uhkee.
18Mesuh dush shahwanemaud enewh wahshahwanemahjin, kuhya oomushkahwedaääun enewh wahmushkah-wedaäähjin.
19Oo‐oo dush kegaheezh, Wagoonash kayahbe wanje-ahnahmingad? Ahwanan dush kaähgoonwatahwaud enewh?
20Kah suh ween ewh, ahwanan keen aneneweyun ahyahzhittah‐guhnoonud Kesha‐Muhnedoo? Oo‐oo nuh oogahegoon owh kahoozheëwad enewh kahoozhetoojin, ahneeshwin oo‐oo keëzheëyun?
21Kah nuh ween kushketoose owh wahbegun‐oonahguneka‐wenene, pazhik‐wahtik wahbeguning cheöonje-oozhetood pazhik oonahgun chekeche‐peshegandahgwuk, kuhya menuhwah pazhik chedahbussandahgwuk?
22Kishpin Kesha‐Muhnedoo, enandung wewahbundahewad oonishkahdezewin, kuhya cheöonje‐kanjegahdanig oomushkahwezewin, kinooäzh keminwahdandung enewh nishkahdezewine‐oonahgunun chebahnahjechegahdag anandahgwukin:
23Cheöonje‐wahbunduhewad azhemeshenudenig oopeshegandahgoozewin kahezheshahwandung enewh shahwandahgoozewine‐oonahgunun, chepeshegandahgwuk kahoonjeöozhechegahdagin.
24Mesuh kenuhwind kahnundoomenung, kahween atuh egewh Jewyug, kuhya suh goo egewh Mayuggezejig?
25Debishkoo akedood kuhya emuh oodaunwahjegawining owh Oosee. Nindahnishenahbamug ningahdenaug egewh kahoodahnishenahbawesewaumbauneeg; kuhya suhyahgeüg ningahenah owh equa kahsahgeähsewugebun.
26Kuhya tahezhewabud, ewede kahenindwahpun, Kahween kedoodahnishenahbamesenoonim, me emuh kaëzhenekahnindwah oonejahnesun owh bamahdezid Kesha‐Muhnedoo.
27Kuhya owh Esaias pepahge duhzhemaud enewh Israelun, Ahnoo goo ashenoonid oonejahnesun owh Israel nahsaub ashenuk nagow emuh kechegummeeng, punge atuh tahbemahjëähwug:
28Oogahkezhetoon muh ewh ahnookeewin, kuhya oogahwahyaquahsetoon emuh quuhyuk‐ezhewabezewining: oogahtuhquahtoon muh owh Jehovah oodahnookewin oomah uhkeeng.
29Kuhya debishkoo kuhyet kahekedoopun owh Esaias, Kishpin owh wadoogemahmegood enewh Waqueenoonejin, kenuhguhduhmoosenoowungebun ewh menekaun, kedahgeëzheähyahmin debishkoo Sodoming, kuhya debishkoo Gomorrhaïng.
30Ahneen dush kaëkedooyung? Egewh mayuggezejig, kahnoopenuhdunsegoog ewh quuhyuk ezhewabezewin, oogeähyahnahwah ewh quuhyuk‐ezhewabezewin, mesuh ewh quuhyuk‐ezhewabezewin dabwayanduhmoowining wanjeemahguk.
31Israel dush kahnoopenuhdungebun ewh quuhyuk‐ezhewabezewine tebahkoonegawin kahween oogeähyaunsenahwah ewh quuhyuk‐ezhewabezewine‐tebahkoonegawin.
32Ahneeshwin? Kahween emuh dabwayanduhmoowining oogeëzhenunduhwanduhsenahwah, emuh suh ween dush tebahkoonegawine‐ahnookeewining. Kepukkittashinoog muh emuh pukkittashine ahsineeng;
33Debishkoo azhebeëgahdag, Benuh nindahsah emuh Sioning ewh pukkittashine kuhya nishkeëwa ahzhebik: ahwagwan dush kadabwayanemahgwan kahween tahahgujjeähse.
Currently Selected:
ROMANUN 9: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
