ROMANUN 6
6
1Ahneen dush kaëkedooyung? Kegahmeekindahmin nuh ewh mujje‐ezhewabezewin, cheoonje‐bahtuhyeenuk ewh shahwanjegawin?
2Kahween pahbish tahezhewabussenoon. Ahneen kenuhwind, kahnebootuhmung ewh mujje‐ezhewabezewin, kaëzhebemahdezeyungoobun kayahbe emuh mujjeëzhewabezewining?
3Kah nuh kekekanduhsenahwah, ewh menik kahbaptizooëgooyung emuh Jesus Christing mesuh emuh ooneboowining kegebaptizooëgoomin?
4Mesuh dush kahningwahegahzooyung emuh ooneboowining uhpe kebaptizooëgooyung: nahsaub dush owh Christ kahezheähbejebahegood oopeshegandahgoozewin owh Wayoosemind, mesuh kuhya kenuhwind kaëzhebemoosayungoobun emuh aunje‐bemahdezewining.
5Kishpin mahween mahmahwe kepuhduhkeshemegoowungan emuh azhenahgwudenig ooneboowin, kuhya dush kegahezheähyahmin emuh azhenahgwudenig oodahbejebahwin.
6Kekanduhmung oo‐oo, owh kekata‐wenenemenaun keduhgoo‐ahgwahquahwah, chebahnahduk ewh mujje‐ezhewabezewine weyowemah, kayahbe chebuhmeetuhsewung mujje‐ezhewabezewin.
7Owh muh kahnebood ekoonuhmoowah mujjeëzhewabezewin.
8Kishpin gooshah keweeje‐nebooomung owh Christ, kedabwayandahmin ewh cheweeje‐bemahdezemung:
9Kekanduhmung Christ keähbejebaud kahween menuhwah neboose; kahween kayahbe oodebanemegooseen ewh neboowin.
10Ewh muh kenebood, mujje‐ezhewabezewin keöonjena ahbeting: ewh suh bemahdezid, oobemahdezetahwaun enewh Kesha‐Muhnedoon.
11Me suh dush enanindezooyook, kenuhwah kagate chenebootuhmag ewh mujje‐ezhewabezewin, chebemahdezetuhwag suh dush owh Kesha‐Muhnedoo oonje owh Jesus Christ Tabanemenung.
12Mesuh kaöonjeöogemahkundahgamahgussenook ewh mujje‐ezhewabezewin emuh keyowewaung natuh‐neboomahgukkin, cheöonjebuhmeetuhmagoobun emuh oomujjeenan-duhmoowining.
13Kah kuhya kegahpuggedenunsenahwah kepuhkawezewinewah debishkoo mujje‐ezhewabezewine‐ushwewinun chemujjeëzhewabezingebun: puhgedenedezooyook suh goo emuh Kesha‐Muhnedoong, debishkoo egewh kahneboopuneeg nayaub bamahdezejig, kuhya kepukkawezewinewah debishkoo quuhyuk‐ezhewabezewine‐ushwewinun emuh Kesha‐Muhnedoong.
14Kah muh kegahdebanemegoosenahwah ewh mujje‐ezhewabezewin: kah muh kedebandahgoozeseem emuh tebahkoonegawining, emuh suh atuh shahwanjegawining.
15Ahneesh dush? kegahmujjeëzhechegamin nuh, ewh oonje debandahgoozesewung emuh tebahkoonegawining, emuh suh atuh shahwanjegawining? Kah bahpish tahezhewabussenoon.
16Kah nuh ween kekekanduhsenahwah ewh, ahwagwan pagedenuhmoowagwan keyowewaun buhmeetahguning cheëzhedabwatahwag, kedoobuhmeetahgunemegoowah owh duhyabwatuhwag; kishpin mujje‐ezhewabezewin chenebooyag, kishpin dush ewh nuhittahgawin, chequuhyuk‐ezhewabezeëgooyag?
17Tahmahmooyahwandahgooze owh Kesha‐Muhnedoo ewh ahnoo goo kebuhmeetuhmagoobun ewh mujje‐ezhewabezewin, kegedabwatahnahwah emuh kedaëwaung ewh doowah kuhgequawin kahpuggedenuhmahgooyag.
18Emuh mujjeëzhewabezewining dush keöonje‐puggedenegooyag, kegeöobuhmetahgunemegoonahwah ewh quuhyuk‐ezhewabezewin.
19Eneneeng nindezhekekid oonje keweyahsewewah nuhnenuhmezemahguk: nahsaub egoo kahezhepuggedenuhmag kepukkawezewinewah chebuhmeetuhmag weenezewin kuhya mujje‐ezhewabezewin chemujjeëzhewabezeyag; me suh kuhya noongoom kaëzhepuhgedenuhmag kepuhkawezewinewah chebuhmetuhmag quuhyuk‐ezhewabezewin cheöonje‐menoo‐ezhewabezeyag.
20Magwah muh buhmeetuhmagoobun ewh mujje‐ezhewabezewin, kahween kegedebandahgoozeseem emuh quuhyuk‐ezhewabezewining.
21Ahneen dush ewh uhpe kahoondezeyag enewh noongoom agujetuhmagoon? uhnewuhyaquahsag mahween oonoo uhyeëen, neboowin duhgoomahgud.
22Noogoom dush akoo‐debandahgoozesewag emuh mujje‐ezhewabezewining, kuhya oobuhmeetahgunemenag owh Kesha‐Muhnedoo, kedahyahnahwah kedoondezewinewah emuh peenahdezewining, kuhya uhnewuhyaquahsag, mesuh ewh kahgega‐bemahdezewin.
23Mujje‐ezhewabezewine‐tebahahmahgoowin me suh neboowin; ewh dush ween oomeegewawin owh Kesha‐Muhnedoo me suh ewh kahgega‐bemahdezewin oonje owh Tabanemenung Jesus Christ.
Currently Selected:
ROMANUN 6: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
