ROMANUN 2
2
1Kahween gagoo kedahyaunseen kuhnoodahmahzoowin, Oh enene, ahwagwan ahyahwewunan tabahkoonegayun: ewh muh wanjetebahkoonud bakahnezid, kenahneboondaun suh goo tebenuhua keyow, keen muh tabahkoonegayun nahsaub kedezhechega.
2Nequuhyukwandahmin suh ewh dabwamahgudenig ootebahkoonegawin Kesha‐Muhnedoo azhetebahkoonaud enewh azhecheganejin oonoo uhyeëen.
3Kedenandum nuh, Oh enene, tabahkoonudwah egewh andoodungig oonoo, keen dush nahsaub dooduhmun, kegahoozhindaun ootebahkoonegawin owh Kesha‐Muhnedoo?
4Gamuh kebahpenoodaun nuh bahyahtuhenudenig oo-kesha‐wahdezewin kuhya oominwahdanduhmoowin kuhya oozebishkahje‐kedahzoowin owh Kesha‐Muhnedoo; kekanduhsewun ewh ooshahwanjegawin Kesha‐Muhnedoo ezhewenegooyun emuh aunwanindezoowining?
5Oonje ewh mushkahwuk kuhya aunwanindezoomah-gussenook keda kemahwunjetuhmahzoon ewh nishkahdezewin emuh nishkahdezewine‐kezheguk kuhya chewah weenjegahdanig ooquuhyukoo‐tebahkoonegawin owh Kesha‐Muhnedoo;
6Mesuh owh katebahahmahwaud kuhkenuh enewh enenewun debishkoo anandahgwudenig oodezhechegawinewah:
7Enewh ahyaunwahjenejin mekinduhmenid menoo‐ezhewabezewin nunduhwanduhmenid peshegandahgoozewin kuhya kechetwahwezewin kuhya kahgega‐bemahdezewin, oogahmeenaun kahgega‐bemahdezewin:
8Enewh dush kagaunzetumenejin, pwahyah‐dabwatuh-menejin ewh dabwawin, duhyabwatuhmenid dush ween ewh mujje‐ezhewabezewin, oogahmeenaun wesuggandahgoozewin kuhya nishkahdezewin.
9Koodugganduhmoowin kuhya kushkanduhmoowin, kuhkenuh emuh oojechaugoowaung egewh enenewug mahkindungig mujje‐uhyeweesh, netum owh Jew, menuhwah kuhya owh mayuggezid;
10Ewh dush ween peshegandahgoozewin, kuhya kechetwahwezewin, kuhya pezaunewawin oogahmeenaun kuhkenuh enewh enenewun mahkinduhmenejin ewh wanesheshing netum enewh Jewyun, menuhwah enewh mayuggezenejin.
11Kah muh pekinoong oodenanemahseen owh Kesha‐Muhnedoo enewh bamahdezejin.
12Menik muh kahmujje‐ezhechegajig ahyaunsigwah ewh tebahkoonegawin, ahyaunsigwah ewh tebahkoonegawin tahezhebahnahdezewug: kuhya dush menik kahmuj‐jeëzhechegajig emuh tebahkoonegawining, tebahkoonegawining tahezhetebahkoonahwug;
13(Kah muh egewh nwaundungig ewh tebahkoonegawin quuhyuk‐ezhewabezesewug emuh anahsuhmuhbid owh Kesha‐Muhnedoo, egewh dush atuh mahkindungig ewh tebahkoonegawin tahquuhyuk‐ezhewabezeähwug.
14Uhpe dush mayuggezejig, ayaunsigoog ewh tebahkoonegawin, wenuhwah tebenuhwa oodenahdezewinewaung oonje‐dooduhmoowaud enewh uhyeëen wazhebeëgahdagin emuh tebahkoonegawining, oogoo, ahnoo ahyaunsigwah ewh tebahkoonegawin oodahyahnahwah peenjenah tebenuhwa ootebahkoonegawinewaun:
15Wahbunduhewawaud tebahkoonegawine‐ahnookeewin wazhebeëgahdanig emuh oodaëwaung, mahmahwe tebahjemoomahgudenig ookekandezoowinewah, kuhya oonahnahgahdahwanduhmoowinewah bakish minwanduhmoomahgudenigin gamuh ahgoonwayanduhmoomahgudenigin;)
16Ewh uhpe kezheguk owh Kesha‐Muhnedoo katebahkoondung ookemoodezewinewah egewh enenewug oonje owh Jesus Christ, debishkoo akedoomahguk neminwahjemoowin.
17Benuh, keen Jew agooyun, kuhya apanemooyun ewh tebahkoonegawin, kuhya kachetwahwanindezooyun Kesha‐Muhnedoo oonje,
18Kuhya kakanduhmun oodenanduhmoowin, kuhya kashketooyun chewuhwanahbunduhmun enewh wanesheshingin, kuhya ezhekekenooähmahgooyun emuh oonje tebahkoonegawining;
19Kuhya enanindezooyun chenetah‐sahgahbegenudwah egewh emuh magwa puhsuhgishtibik ayahjig.
20Netah‐kuhgekemudwah egewh kakebahdezejig, netah‐kekenooähmahwudwah egewh ahbenoojeeyug, ayahyun ewh nebwahkahwandahgoozewin kuhya dabwawin emuh tebahkoonegawining.
21Keen dush kakenooähmahwud pakahnezid, kah nuh ween kekekenooähmahdezoose? keen azhekuhgequayun enene chekeemoodesig, kekeemood nuh?
22Keen akedooyun chepezhigwahdezesig owh enene, kepezhigwahdiz nuh? keen kagwahnesugganemudwah egewh muzzeneneeg, kekemoodenun nuh enewh uhyeëen debandahgwukin emuh oowegewaumewaung egewh muzzenenug?
23Keen mamikwahnedezooyun tebahkoonegawin kedoonje pahpenoodahwah nuh Kesha‐Muhnedoo ewh bahnahjetooyun tebahkoonegawin?
24Oodezhenekahzoowin suh owh Kesha‐Muhnedoo mujje‐duhzhinchegahdane emuh anduhzhe‐ahyahnid mayuggezenejin kenuhwah oonje, debishkoo azhebeëgahdag.
25Ewh muh kekenoowahje‐kishkezhegahzoowin ningood enahbuttud, kishpin guhnuhwanduhmun ewh tebahkoonegawin: kishpin dush bahnahjetooyun ewh tebahkoonegawin, kah ningood enahbuttussenoon kekekenoowahje‐kishkezhegahzoowin.
26Kishpin dush owh kakenoowahje‐kishkezhegahzoosig guhnuhwandung ewh tebahkoonegawine‐kuhgequawinun ahnoo goo kekenoowahje‐kishkezhegahzoosig, kah nuh ween kekekenoowahje‐kishkezhegahzoo tahuhyenanemahse?
27Kuhya owh kakenoowahje‐kishkezhegahzoosig, kishpin guhnuhwandung ewh tebahkoonegawin kegahtebahkoonik keen, ahnoo goo kekenoowahje‐kishkezhegahzooyun kuhya ayahyun ewh oozhebeëgun, banahjetooyun ewh tebahkoonegawin.
28Kah muh kagate Jew ahwese owh ahgwahjuhyeëe Jewewid; kah kuhya kekenoowahje‐kishkezhegahzoowin ahwunsenoon ewh ahgwahjuhyeëe atag emuh weyausemaung;
29Jew suh ahwe owh, peenjenuh Jewewid, kuhya kekenoowahje‐kishkezhegahzoowin ewh atag emuh oodaëmaung, kuhya oojechaugoomaung, kahween oozhebeëguning, manwanemeegoosig enewh enenewun, manwanemegood atuh enewh Kesha‐Muhnedoon.
Currently Selected:
ROMANUN 2: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
