OODEZHECHEGAWINEWAH 23
23
1Paul dush, keühyeenzahbuhmaud enewh kahkekedoo‐wenenewun, oo‐oo keëkedoo, Enenewedoog wejekewaëmahdoog, Ningeëzhebemahdez menik kahezhekekanduhmaun wanesheshing emuh nindenanduhmoowining anuhsuhmuhbid Kesha‐Muhnedoo nahnauzh egoo noongoom kezheguk.
2Owh dush keche‐sahsahgewejega‐wenene Ananias oogeënaun enewh pashoo nahbahwenejin chepukkedawahnid emuh oodoonening.
3Me dush Paul oo‐oo keënaud, kegahpuhkittaöok suh owh Kesha‐Muhnedoo keen wuhyahbishkahegahdag wahkaheguning azhewabezeyun; kedoonje‐nuhmuhdub nuh chetebahkooneyun debishkoo enandahgwuk ewh tebahkoonegawin, kedekid dush nah chepukkettaöogooyaun ewh anandahgwussenook ewh tebahkoonegawin?
4Egewh dush pashoo kahnebahwejig keëkedoowug, Kemujje‐guhnoonah nuh Kesha‐Muhnedoo ookeche‐sahgewejega‐wenenemun?
5Me dush Paul keëkedood, Kahween ningekekanemahse, nejekewaëdoog, chekeche‐sahsahgewejega‐wenenewid: oo‐oo muh oozhebeëgahda, Kahween kegahmujjeduhzhemahse owh wagemahkunduhwaud enewh kedahnishenahbamun,
6Uhpe dush Paul kakanemaud ahnind Sadduceewenid, menuhwah dush ahnind Phariseewenid, oo‐oo keëzhepepahge emuh anduhzhe kekedoong, Enenewedoog nejekewaëdoog, nePhariseewh, nindoogwissemik dush Pharisee: oonje oodahpanemoowinewaun kuhya oodahbejebahwinewaun egewh naboojig noongoom kezheguk netebahkoonegoo.
7Uhpe dush oo‐oo kahekedood, kekekaundewug egewh Phariseeg kuhya egewh Sadduceeg: papukkaun dush keühyenanduhmoog egewh waqueenoojig.
8Egewh muh Sadduceeg ekedoowug Kahween ahyahmahgussenoon ewh ahbejebahwin, kah kuhya ahyahse ahweyah angen gamuh oojechaugoomah: egewh dush Phariseeg oodabwayandahnahwah nuhyazh.
9Medush kahezhekeche‐pepahgeeng: egewh dush oozhebeëga‐wenenewug kahwedookahwahjig enewh Phariseen kepuhsegwewug, kekekaungawaud, oo‐oo ekedoowaud, Kahween gagoo mujjeëzhewabezewin nemekuhmahwahsenaun mahbuh enene: kishpin dush keguhnoonegood enewh oojechaugoomaun, gamuh enewh angenun kahween kedahmegahnahsenaun Kesha‐Muhnedoo.
10Uhpe dush kahkeche‐kekaundewaud, owh keche‐menesenoo‐oogemah kesageze chewebahnahjeähnid enewh Paulun, oogeënaun enewh shemahgunishun chenesaunduhwanid, ketwa dush cheöonjeöodahpenahnid emuh anduhzhe‐ahyahnid enewh ahnishenahban, cheëzheweenahnid dush emuh keche‐wahkaheguning.
11Uhpe dush menuhwah nebah‐debekudenig, owh Tabaningad kenebahwe emuh ahyahnid, oo‐oo dush keëkedood, Soongedaän, Paul: debishkoo muh kahezhedebahjemeyun emuh Jerusaleming, me nahsaub kaëzhedebahje-meyun ewede Romeïng.
12Uhpe dush wuhyahbung, abnind egewh Jewyug kewedookoodahdewug, kekeche‐mushkahwe‐wahweendahmahgawaud, keëkedoowaud kuhnuhga wewesenesigwah kuhya wemenequasigwah nahnauzh nesahwaud enewh Paulun.
13Ahwahshema kenemeduhnuhwawug oo‐oo kahezhe-weedookoodahdejig.
14Oogepenaunzekahwahwaun dush enewh keche‐sahsahgewejega‐wenenewun kuhya enewh katezenejin, oo‐oo dush keëkedoowug, Ningekeche‐mushkahwewahweenduhmahgamin, kuhnuhga wewesenesewaung nahnauzh nesungid owh Paul.
15Kenuhwah dush kuhya egewh kahkekedoo‐wenenewug enik owh keche‐menesenoo‐oogemah, chepetuhmoonag wahbung, debishkoo nahwuj wawane chekuhgwadwayag azhewabezid: nenuhwind dush chepwah pashoo petuhgwishing nekezheetahmin chenesungid.
16Uhpe dush Paul ooningwunissun kahnoonduhmenid oodahkoowahbewinewaun, kezhah kepeendega emuh keche‐wahkaheguning, keweenduhmoowaud dush enewh Paulun.
17Medush owh Paul kenundoomaud pazhik enewh menesenoo‐oogemaun, oo‐oo dush keëkedoo, Ezheweezh mahbuh ooshkenuhwa emuh anduhzhe‐ahyaud owh keche‐menesenoo‐oogemah: gagoo muh ooweweenduhmoowaun.
18Medush keöodahpenaud, keëzheweenaud dush emuh ahyahnid keche‐menesenoo oogemaun, oo‐oo dush keëkedoo, Paul owh kabahquahegahzood ningenundoomik, ningepahgoosanemik dush chepeetuhmoonaun mahbuh ooshkenuhwa, gagoo muh keweënik.
19Medush owh keche‐menesenoo‐oogemah kesuhgeneenjenaud, ningooche dush keemooj oogepuhkawenaun, oo‐oo dush keëzhekuhgwajemaud, Wagoonan ewh wahweenduhmooweyun.
20Oo‐oo dush keëkedoo, Egewh Jewyug keëzhekuhnoonindewug chenunduhwanemikwah chepeëzheweenud owh Paul wahbung emuh anduhzhe‐kahkekedoong, gagoo nahwuj wawane newekuhgwajemahnaun, tahekedoowug.
21Kagoo bezinduhwahkan: oodahkahmahwahwaun suh ahwahshema nemeduhnuh enenewug, kahkechewahweenduhmahgajig, wewesenesigwah kuhya wemenequasigwah nahnauzh kenesahwaud enewh: ahzhuh suh kezheetahwug betoowaud kewahweenduhmahgawin.
22Medush owh keche‐menesenoo‐oogemah kepuggedenaud enewh ooshkenuhwan chemahjahnid, kuhya keäungwahmemaud, oo‐oo keënaud, Aungwahmezin cheweenduhmoowahsewud ahweyah enene ewh keweenduhmooweyun oonoo uhyeëen.
23Oogenundoomaun dush neezh menesenoo‐oogemaun, oo‐oo‐keëkedood, Wuhwazheïk neezhwauk shemahgunishug cheëzhahwaud ewede Cæsareäïng, uhpe nesoo‐tebahegunag tebikuk kuhya bamoomindjig neezhwauswe‐meduhnuh, kuhya shemahgunun ashwejig neezhwauk;
24Oondenuhmoowik dush enewh ahwahkahnun, kapemoomegoojin owh Paul, wawane cheëzheweenahwaud emuh ahyahnid oogemaun Felix.
25Oogeöozhebeäun dush muzzeneëgun oo‐oo keëzhebe gad:
26Claudius Lysias ooduhnuhmekahwaun enewh kachetwahwezenejin oogemaun Felixun.
27Mahbuh enene oogetuhkoonegoon enewh Jewyun, oodahgenesigoon dush: me dush keëzhahyaun kuhya neshemahgunishemug, kepemahjeüg dush kahkekanemug cheRomanewid.
28Uhpe dush wahkekanduhmaun ewh wanjebahtahmahwaud, ningeëzheweenah emuh anduhzhe‐kahkekedoowaud:
29Me dush kekekanduhmaun ewh enahmemind anandahgwudenig wenuhwah ootebahkoonegawinewah, kah dush gagoo keënahmemahse kaöonjenebood gamuh kaöonje-minjemahpenind.
30Uhpe dush kahweenduhmahgooyaun keähkahmahgood enewh Jewyun, kazhetena ningeähnookee cheëzhewenind anduhzhe‐ahyahyun, ningeënaug dush egewh bahyahtahmahjig chedebahjemoowaud emuh anahsuhmuhbeyun wagoodoogwan anahmuhmahwahgwan. Kedahnuhmekoon.
31Me dush egewh shemahgunishug, debishkoo kahezhekuhgaunzoomindwah, keöodahpenahwaud enewh Paulun, keëzhewenahwaud magwah tebekudenig ewede Antipatrising.
32Wahyahbunenig dush oogenuhguhnahwaun enewh pamoomegoonejin kaühneweejewegood, kepeëzhekewawug emuh keche‐wahkaheguning:
33Uhpe dush egewh kahmahjenahjig enewh Paulun ketuhgwishenoowaud ewede Cæsareaïng, kahmeenahwaud dush enewh oogemaun ewh muzzeneëgun, oogeähsahwaun enewh Paulun emuh anahsuhmuhbenid.
34Uhpe dush owh oogemah kahwahbundung ewh muzzeneëgun, kekuhgwadwa tebe duhnuhkeewining dabandahgoozegwan. Uhpe dush kahnoondung emuh Ciliciaïng debandahgoozenid;
35Keëkedoo, kegahnoondoon, uhpe ketuhgwishenoowaud egewh anahmemikig. Keëkedoo cheduhzhe‐guhnuh-wanemind emuh Herod ookekedoo‐weguhmigoong.
Currently Selected:
OODEZHECHEGAWINEWAH 23: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
