OODEZHECHEGAWINEWAH 21
21
1Kepuhgumme‐ahyahmahgud uhpe kahnuhguhnungidwah, kuhya kahmahjeähsheyaung, quuhyuk ningeënahshemin emuh Coösing, wuhyahbung dush emuh Rhodesing, kuhya ewede kahoonjetuhgwishenaung emuh Pataraïng:
2Kahmekuhmaung dush nahbequaun wahenahshemahguk emuh Pheniciaïng, ningepoozemin emuh, kuhya kemahjahyaung.
3Uhpe dush kahwahbunduhmaung Cyprus oonuhmunjenikahmaung ningeühnekuhbikahmin, keënahsheyaung emuh Syriaïng, Tyëing dush ningekuhbahmin, me muh emuh kahnahgwahnahoomahguk nahbequaun.
4Kemekahwungidwah dush egewh kekenooahmahgunug, neezhwahsoo‐kezhik ningeähyahmin emuh: mesuh enewh Paul kahegoojin emuh Keche‐Oojechaugoong, chezhahsig ewede Jerusaleming.
5Kahneezhwahsuhgoonuhguk, ningemahjahmin keühnepesuhkahmaung; kuhkenuh dush pashoo ningeëzheweejewegoonahnig mahmahwe oowedegamahgunewaun kuhya oonejahnesewaun, nahnauzh oonjesahguhuhmaung emuh Keche‐oodanaung: cheeguhbeeg dush ningeduhzhe‐oojecheengwuhnetahmin, keähnuhmeähyaung.
6Kahishquah‐ahnemikoodahdeyaung, ningepoozemin nenuhwind; nayaub dush kekewawug wenuhwah.
7Uhpe dush kahishquah‐pemahsheyaung Tyreïng kahoonjemahjahyaung, ningetuhgwishenoomin emuh Ptolemaïsing, kuhya ningeähnemekahwahnahnig egewh wejekewaëmaug, kuhya ningeweedegamahnahnig ningoo‐kezhik.
8Wahyahbung dush nenuhwind kahweeejewungid owh Paul ningemahjahmin, kuhya ningetuhgwishenoomin emuh Cæsareaïng; ningepeendegamin dush emuh andaud owh Philip minwahjemoo‐wenene, kahahwid pazhik egewh nazhwahswejig, ningeweedegamahnaun dush.
9Kenewewun oodahnissun owh onene, kegaungooquan, kahnetuh‐aunwahjeganejin.
10Magwah duhnezeyaung emuh nebewah duhsoogoon, Judæaïng kepeöonjebah pazhik aunwahjega‐wenene, Agabus azhenekahzood.
11Uhpe dush wah‐owh kahpeöodisseyummingid, oogeoodahpenaun Paul ookechepezoowin, ketuhkoobetood dush tebenuhwa ooneenjeen kuhya oosittun, oo‐oo dush keëkedood, Mesuh oo‐oo ekedood owh Keche‐Oojechaug, Mesuh egewh Jewyug Jerusaleming ayahjig kaëzhetuhkoobenahwaud enewh enenewun debanduhmenejin maunduh kechepezoowin, oogahpuggedenahwaun emuh ooneenjening enewh mayuggezenejin.
12Uhpe dush kahnoonduhmaung oonoo uhyeëen, nenuhwind, kuhya egewh ewede debandahgoozejig, ningekeche‐guhnoonahnaun cheëzhahsig ewede Jerusaleming.
13Paul dush oogenuhquatuhwaun, Ahneen andooduhmag ewh mahweyag kuhya bahnahjetuhmahweyag ninda? ninkezheetah muh kahween atuh cheminjemahpenegooyaun, kuhya suh goo chenebooyaun ewede Jerusaleming oonje oodezhenekahzoowin owh Tabaningad Jesus.
14Uhpe dush duhyabwatunsig, ningepoonemahnaun oo‐oo keëkedooyaung, Anandung owh Tabaningad mahnoo tahezhewabud.
15Kahishquah‐ahyaug oonoo kezhegudoon, uhpe kahoodahpenuhmaung ninduhyeemenahnin, ningeëzhahmin, ewede Jerusaleming.
16Ningeühneweejewegoonahnig ahnind kekenooähmahgunug Cæsareaïng kahoonjeejig, egewh kahpeenahjig pazhik enenewun Mnason azhenekahzoonejin Cyprusing duhzhe‐enenewun, kata kekenooähmahgun, me emuh andaud kaduhzhe‐nebahyaung.
17Uhpe dush kahtuhgwishenaung emuh Jerusaleming, emuh minwanduhmoowining ningeëzheöodahpenegoonahnig egewh wejekewaëmaug.
18Wuhyahbung dush Paul ningeëzheweejewegoonaun kepeendegahwungid owh James; keähyahwug dush kuhkenuh egewh katezejig.
19Uhpe dush kahuhnemekahwaud enewh, wawane, oogedebahjemootahwaun enewh uhyeëen kahenuhnookeed owh Kesha‐Muhnedoo emuh anduhzhe‐ahyahnid enewh mayuggezenejin ookuhgequawin oonje.
20Uhpe dush kahnoonduhmoowaud oogewahwezhanemahwaun enewh Tabaninganejin, oo‐oo dush keënahwaud, Kewahbuhmaug wawejekewaëmegooyun, menik duhsoo metauswaukoosewaud egewh Jewyug duhyabwayandungig; kuhkenuh dush oogoo oosahgetoonahwah ewh tebahkoonegawin.
21Keënetuhmoog dush, keen chekekenooähmahwudwah kuhkenuh egewh Jewyug ayahjig emuh mayuggezejig ahyahwaud, chewabenahwaud enewh Mosesun, enudwahchekekenoowahje‐kishkishwahsigwah oonejahnesewaun kuhya chebemoosasigwah emuh kata enahdezewining,
22Wagoonan dush kaëzhëchegayun? nunduhwandahgoozewug egewh ahnishenahbag chepemahwunjeëdewaud: tahnoonduhmoog muh ewh ketuhgwishenun.
23Oo‐oo dush ezhechegan kaëgooyun: Nindahyahwahnahnig newin enenewug kahkeche‐wahweendahmahgajig;
24Uhneweejewh egewh, mahmahwe dush peeneedezoon uhpe peeneedezoowaud, kuhya tebahahmahgan ewh sahsahgewejegawaud, cheöonjekaushkebahduhmoowaud ooshtequaunewaun; kuhkenuh chekekanduhmoowaud oonoo uhyeëen anittuhmoowaud gagoo ahyahsenook; keen dush tebenuhwa quuhyuk ezhewabezeyun, kuhya cheguhnuhwanduhmun ewh tebahkoonegawin.
25Egewh dush ween mayuggezejig duhyabwayandungig, ningeöozhebeähmin kuhya ningeënahkoonegamin, chemewetoowaud oosahsahgewejegunewah egewh muzzeneneeg, kuhya misque, kuhya kabenawabenahgahzoonejin, kuhya pezhegwahdezewin.
26Paul dush oogeühneweejewaun enewh enenewun, wuhyahbunenig oogeweejepeenedezoomaun, kepeendegad dush emuh keche‐ahnuhmeä‐weguhmigoong, chekekandahgwuk kedebishkosittoowaud peenedezoo‐kezhegudoon mahnauzh chepuggedenegahdag ewh sahsahgewejegun kuhkenuh anduhchewaud oonjepuggedenegahdag.
27Uhpe gagah kahishquahsag neezhwahsoo kezhik, egewh Jewyug emuh Asiaïng kahoonjebahjig, uhpe kahwahbuhmahwaud emuh ahnuhmeä‐weguhmigoong, oogewekoojeähwaun kuhkenuh enewh ahnishenahban kuhya oogetuhkoonahwaun.
28Oo‐oo keëkedoowaud, kekezhewawaud, Israeling duhzhe enenewedoog, pewedookahzooyook; Mesuh wah‐owh enene, kakenooähmahwaud kuhkenuh bahmahdezenejin mezewa chemujje‐enanemahnid enewh ahnishenahban, kuhya ewh tebahkoonegawin, kuhya maunduh keche‐ahnuhmeä‐weguhmig; kuhya oogepeendegahnaun enewh Greekun emuh ahnuhmeä‐weguhmigoong, keweenetood dush maunduh pahnuk wegewaum.
29Oogewahbuhmahwahbuneen muh puhbahweejewahnid emuh keche‐oodanaung enewh Trophimusun Ephesusing duhzhe enenewun, Paul kepeendegahnaud emuh keche‐ahnuhmeä‐weguhmigoong, keënanduhmoog.
30Kuhkenuh dush keche‐oodanah kemegooshkahjeähyahmahgud, kuhya kemahwundoo‐pahedewug egewh ahnishenahbag; oogeöodahpenahwaun dush enewh Paulun, kuhya oogesahgeje‐tahbahnahwaun emuh keche‐ahnuhmeä‐wegumigoong; kazhetena dush kekebahquahegahdanoon enewh ishquaundamun.
31Uhpe wekoojetoowaud chenesahwaud, keweenduhmahwah owh keche‐mesenenoo‐oogemah, kuhkenuh Jerusaleming chenishwuhnahduhkummeguk.
32Kazhetena dush oogeöodahpenaun enewh shemahgunishun kuhya shemahgunishe‐oogemaun, keähputtood dush emuh ahyahwaud: uhpe dush kahwahbuhmahwaud keche mesenenoo‐oogemaun kuhya shemahgunishun, oogepoone‐pukketaähwahwaun enewh Paulun.
33Me dush uhpe owh keche‐menesenoo‐oogemah pashoo kepeëzhaud kuhya keöodahpenaud, keëkedood dush chetuhkoobenemind neezhwahbik pewahbekoo‐tuhkoobejegunun: kekuhgwadwa dush ewh ahyahwegwan, kuhya kahezhechegagwan.
34Papukkaun dush keëzhepepahgewug, egewh ahnishenahbag kahkekedoojig: uhpe dush kushketoosig chepuggukkandung wagoodoogwan wanje‐enuhkummeguddoogwan apeech megooshkahjekummeguk, keëkedoo cheëzhewenemind emuh keche‐wahkaheguning.
35Uhpe dush ketuhgwishing emuh keche ahquaunduhwahguning, oogepemewenegoon enewh shemahguneshun apeech keneeshkahje‐kummegezenid enewh ahnishenahban.
36Oogenoopenuhnegoon muh wahqueenoonejin ahnishenahban, oo‐oo keëzhepepahgenid, Mahjewenik.
37Magwah dush Paul keëzhewenind emuh kechewahkaheguning, oo‐oo oogeënaun enewh keche‐menesenoo‐oogemaun. Kah nuh kedahguhnoonesenoon? Oo‐oo dush keëgood, Kekushketoon nuh cheGreekemooyun?
38Kah nuh kedahwese owh Egyptian‐enene, ahzhuhyee kahoombahzoomaud enewh ahnishenahban, kuhya kahezhewenaud emuh puhgwuduhduhkummig newin metauswauk enenewun enewh nashewashkenejin?
39Paul dush keëkedoo, NeJew‐enenewh suh, nindebandahgooz emuh Tarsusing Ciliciaïng duhzhe keche‐oodanah, ahgahsandahwud nunga ewh keche‐oodanah emuh dabandahgoozeyaun: kepahgoosanemin dush, chepuhgedenuhmahweyun, chekuhnoonugwah egewh ahnishenahbag.
40Uhpe dush kahpuggedenuhmahwaud, Paul kenebahwe emuh ahquaunduhwahguning, kewahwahtukwuhuh-mahwaud enewh ahnishenahban ewh ooneenj. Uhpe kahkeche‐pezaunezewaud, oogezheguhnoonaun emuh Hebrew inwawining, oo‐oo keëkedood.
Currently Selected:
OODEZHECHEGAWINEWAH 21: OTW
Highlight
Share
Copy
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
