Mattayo 28

1Juma a mosi pe nimasile, jaiche juma apili, waiche Maryamu Magdalene ni Maryamu wa wili kulilola lilembe. 2Kwaliji kutetemela kwa kukulungwa, ligongo masoka ga Ambuje atuluiche mkwiunde, wajisile wanyingaliwile liganga pa mlango, ateme pe nani pakwe. 3Waliji achionekaga mpela lipundugulu, ni itakulo yao yeswera mnope mpela theluji. 4Wakulindilila watetemele kwa kwajogopa, waliji mpela kuua.

5Masoka wajanjile, wasalile achakongwe, mkajiogopa mweji; ngwamanyilila mkwasosa Isa wasulibiwa. 6Nganapagwa, ligongo ajuwiche, pa wasasile. Mjise, mlole pandu pa wagonilwe ambuje. 7Mjende chitema, mwasalile wa kwajiganya wao, ajuwiche mkuua; nombe nao akwalongolele kwenda Galilaya; ni kweleko tiwaone, mlochesye, nasalile.

8Watiosile kwa chitema pelembe asiene kujogopa ni kulinonyela mnope, wajawile kwa kutuka watagulile wa kwajiganya wao. 9Pe waliji achiendaga watagulile wa kwajiganya wao, Isa ajisile wasalile, Salaamu! Wajisile wakamwile makongolo, wajineme. 10Isa wasalile, mkajaogopa; mjende mkasalile achapwanga ajende Galilaya, ni kweleko kwatambone.

11Wewala pe waliji achiendaga, wakulindilila wajinjile ku musi watagulile wakohani wakulungwa malowe gose gatendeche. 12Waungene pampope ni achekulu, walangene, wapele achachanda ndalama sia kwenelasio, 13wasalile, salaam, wa kwajiganya wao waiche pa kati chilo wajiwile pe twaliji uweji mkugona; ni liwali angapatile kugapilikana aga, 14tutwalinje welewa ni titwalamye mweji. 15Watosile ndalama wapanganisye mpela iwajiganisywe; gajenele malowe gelega mwayahudi mpika lelo.

16Nombe nao wa kwajiganya likumi kwisa wawili wajawile Galilaya mpika litumbi liwalajisye Isa. 17Wawene wajineme, wane walasile. 18Isa wajisile wawelechete nao, wasalile, mbewile machili gose mweunde ni mchilambo; 19jaulani, mwajiganya makosoyo gose, mwabatize kwa Lina lia Atati, ni lia Mwana, 20ni lia Roho Mtakatifu, mwajiganye akamule gose ga nalajisye; none ni pelepo pamope nomwe mowa gose mpika pa mbesi pa chilambo. Amin.

Currently Selected:

Mattayo 28: YAO1880

Highlight

Copy