Mattayo 14

1Makati gegala Herode tetrarkha apilikene habari sia Isa, 2wasalile achikopolo wao, ni welewa Yohana mbatizaji, atiosile mkuua, na kwa ligongo alili machili gapanganiche nao. 3Ligongo Herode wakamwile Yohana watawile, watasile ku nyumba, kwa ligongo lia Herodiade asono wao wa apwao Filipo; 4ligongo Yohana wasalile, iwechetwe kwenu kwatola. 5Ni pe wasachile kwaulaga wajogwepe wandu, ligongo wawene wose aliji nabii. 6Liua lia kuwelekwa kwao Herode; wanache wakongwe Herodiade wang’ andile pa ujo pao, wanomyelesye Herode, 7walumbilile, tinapele tasache liose. 8Nombe nao ajiganisywe na mama wao, wasasile, mbe apa mtwe wa Yohana mbatizaji mchiselo. 9Achimwene walisile, nambo kwa ligongo lia kulumbila kwao ni kwa ligongo wa kutamao achiliaga pampepe nao, walisisye kutolelwa; 10atumile wakatile mtwe Yohana mgereza, 11mtwe wao wapelekwe mchiselo, mwanache apewe; waujigele kwa mama wao. 12Wa kwajiganya wao wajisile waujigele chiilu chao kukuzika, wajawile kwasalila Isa. 13Isa pe wapilikene atiosile kwekula kwa chombo ajesile kwa mtemela pandu pangali wandu. Na wakwakagula pe wapilikene, wakagwile kwa makongolo achitiokaga kumisi.

14Isa achitulukaga wawene wandu wajinji, walilile waponisye wa kulwala wao.

15Paliji ligulo wa kwajiganya wao wajisilile, wasasile, apa kuyao ni saa jipite mwalanje wandu wajinji ajawile kumangwao ku misi apate kusuma yakulia. 16Isa wasalile, ngakusaka kwaula kumangwao, mwape alie. 17Wasilile, nganitukola apa nambo mikate msano ni somba siwili. 18Wasalile, mjisile nao apa. 19Walajisye wandu wajinji ateme pasi pa manyasi, watosile mikate msano ni somba siwili, walolite kwiunde ajinichile, wajitemene mikate, wapele wa kwajiganya, wakwajiganya wapele wandu wajinji. 20Walie wose, wajikwite, walokwete makombo ga gasigele ikalala likumi kwisa siwili sia gumbele. 21Nombe nao uwalile waliji walume mpelaga magana likumi msano ni achakongwe ni wanache.

22Chitema Isa watendele machili wa kwajiganya wao kukwera mchombo alongolele kwenda lisi lia wili, awaga welewa akulangana ni wandu wajinji. 23Pe wamasile kulangana ni wandu wajinji akwesile mwitumbi kwa mtemela aabudule. Pe yaliji ligulo walijiko jikape. 24Ni chombo chalijiko chilikati chetanda, walasile ni matumbela ligongo mbepo waliji wa omo. 25Mpika kulinda ku mcheche kwa chilo Isa ajisile kwao achiendaga pe nani petanda. 26Wa kwajiganya wao pe wawene achiendaga pe nani petanda, walasile ni masoka, walisile kwa kujogopa. 27Chitema Isa wasalile, wawelechete, mtima wenu juwe mkulungwa, uneji apa, mkajogopa. 28Petro wajanjile, awelechete, naga ni mweji, ambuje mdajisye nyise kwenu pe nani pa mesi. 29Wasalile, mjise. Petro atuluiche mchombo wajesile pa chanya pa mesi, kwisa kwa Isa. 30Nambo achisiwonaga mbepo sia nyinji, ajogwepe; atandite kutiwila, walisile lisegwe, awelechete, ambuje mdamye. 31Chitema Isa wagolochesye mkono amwile, wasalile, mweji asiene imani inandi, kwa chichi mli ni shaka? 32Akwesile mchombo, simasile mbepo; 33nombe walimo mchombo wajisile wajinichile, wasasile, mwambone mweji Mwana wa, Mulungu.

34Ni pe wamasile kuomboka waiche chilambo cha Genesareti. 35Wamanyilile wandu wa pandu pepala, wapeleche kuchilambo chose cha kusiungula, wajigalile wose waliji wa kulwala, 36wajujile wakwaye lujenje lua luwalo luao, ni wa kwayiye waposile wose.

Currently Selected:

Mattayo 14: YAO1880

Highlight

Copy