Marako 2

1Kandi ebero biwuma byabere byamalwawo mwasubula eringera omu Kaperenaumu, mukyawubwa ali omu nyumba. 2Mubasonkanya banene, kandi babya sibalisobora erihikamu, muhanabya omu lukyo: mwabatulirawo ekinywa. 3Mubasa, mubaleta omulwere oyokondomire, ebanemuhekire bani. 4Baitu babere bamalemwa erisigera ahaliyo obwenganda, mubasukula ha iwuru ha nyumba habyali, babere bamabebuga, erisambulayo, mubamwandagalya ha nkinko eyabya alereho oyokondomire. 5Yesu abere amabana erikirirya lyabu mwatulirawo oyokondomire atya Mwana wage ebibi byawu bikurwireho. 6Baitu habya ahaneho abahandiki abawuma ebanikere, ebanelindirire omu mutema yabo ambwa, 7Omuntu ono nikihi ekilamubuyisaya kitya? Akacuma: nendi akatoka erirusyaho ebibi, mbenu omu, nuwe Nyamuhanga? 8Neryoneryo Yesu abereamamenya omu mutema wewe mubalenkekanya batya omu nda yabo, mwababwera atya Nikyehi ekikaleka mwalenkekanya ebi omu mitema yanyu? 9Ekikanguha kiri hayi, eribuga oyokondomire atya ebibi byawu byakurwirèko: mbeno eribuga ndya Hangana oheke nkinko yawu, ogende? 10Baitu mumenye Omwana womuntu awete obusobozi ha kitaka erirusyaho ebibi, (mwabwera oyokondomire atya) 11Nkakubwera ndya Hangana oheke nkinko yawu osubeyo omu nyumba yawu. 12Mwahangana, mwaheka luba nkinko, mwahuluka omu meso abo abosye; kandi mubasweka abosye, mubembera Nyamuhanga, ebanemubuga ambu Situli twabana tutya.

13Mwasubula erirwayo mwagenda ha mukyenkye wenketse; endeko yosye muyasa ahali, mwabasomesya. 14Kandi obwabya akalaba mwalankera Leyi omwana wa Alifaye, nyanikere omu iholezo, mwamubwera atya Ngwame nage. Mwahangana, mwamugwama. 15Kandi obwabya nyanikere omu nyumba yoyo nyanemolya, abahozi banene nabakabihaya mubikala hawuma na Yesu nabasomesebwawa bewe; baitu babya bali banene mubamukwamera. 16Abahandiki abawuma Bafalisayo, babere bamamubana akalya hawuma nabakabihaya nabahozi, mubabwera abasomesebwawa bewe ambwa Akalya kandi akanywa hawuma nabahozi nabakabihaya. 17Kandi Yesu abere amowa, mwababwera atya Abakalire sibasondaya mukumu, mbenu abalwere; mundasa eribirikira abahikirire, baitu ababihya.

18Kandi abasomesebwawa ba Yohana ne Bafalisayo babya bakasiba; mubasa mubamubwera ambwa Nikihi abasomesebwawa ba Yohana nabasomesebwawa ba Bafalisayo ekikabasibisaya, baitu abasomesebwawa bawu sibalisiba? 19Kandi Yesu mwababwera atya Abana bobuheruki bakasobola bati erisiba, omuheruki aliho nabo? omu bero byosye bamikala nomuheruki sibalisobola erisiba. 20Baitu ebero ebikandisyasa omuheruki ebyakandisyabaherwamu, kandi ha kero ekyo neho bakandisyasibera. 21Sihali omuntu oyokalanda, ekikoba ekyolukimba oruhya ha kiryampala ekikulire; kilaba kitalikyo, eki ekikundikanitsya kikasataya ekere, omulikye gukakanya. 22Kandi sihali omuntu akairamu obwabu obwosomo omu isaho ikulire; kikandiba kitekyo, obwabu bukasataya isaho, obwabu obwabeha nisaho, baitu obwabu obwesomo bakayirabo omu isaho enyehya.

23Kandi mukyahika obwabya akagenda omu malema eyengano ha kero ekya Sabiti; abasomesebwawa bewe mubatandeka erigenda ebanemutwa amakundi awengano. 24Abafalisayo mubamubwera ambwa Lankera nikihi ekilabayera ekitali kyebilayero ha kero ekya Sabiti? 25Mwababwera atya Simuli mwasoma Daudi ekyakola obwabya akasondaya, akalumawa entzala, eyo nabo ababya nayo? 26Okuyaingire omu nyumba ya Nyamuhanga Abiasali obwabya nyakatagara omukulu wabo, mwalya omugati eryerikankibwa, eyetali yebirayero eriribwaho, mbenu banyakatagara, mwahayo ababya nabo? 27Mwababwera atya Sabiti yabyaho habwabantu, kandi sibali abantu habwa Sabiti; 28Neryo Omwana womuntu neyo mukama wa Sabiti.

Currently Selected:

Marako 2: KOO1914

Highlight

Copy