مَتّی 8

شفای مِردی جذامی

1وَقتی عیسی کوکا بِن ویشَه، برکَه جَماعتیی چَی دوملَه رَونَه بین. 2اِم هَنگومیکا جِذانییَه مِردی عیسی وَر آمَه وچَی نَ کا زِنگ ژشَه و واتِش: «چمن سَروَر، اَگَم بِخای بَشاشَه بَمن شفا بِدَری.»

3عیسی اِشتَن بالی دراز آکَردشَه و اَی دَست آسا کردِشَه و واتِش: «بَپیمَه؛ شفا بیگِه!» اَ مِرد جَخت جِذانیکا شفا گَتِش. 4چَی بَه دوملَه عیسی بَی واتش: «حَواسِر ببو کن اِم ایتفاقی خونِه کسیرا چیی ایی نِواجی، بَلکَم بش بَشتن کاهِنی آمون و قِربونیی کن شفا گَتِه را بَدان و موسی پَیغَمبَر حِکم کَردَشَه، تقدیم اَکَن تا چوونرا ثابیت ببو کن تِه شفا گَتَرَ.»

ایمان ایلَه اَفسَر رومی

5وَقتی عیسی شهرکَفَرناحومی دِلَه دَرمَه، ایلَه رومیَه اَفسَر چَی وَر آمَه و خاشتو خازینه واتش: 6«آقا، چمن وزییرشِلَه و کَکا خِتَه و چَتینَه داجی بَکَشتی.» 7عیسی بَی واتِش: «اَز بومَم و اَی شفا آمَدا.» 8ولی اَ اَفسَر جواب داشه: «آقا، لَیاقَتِم نی کن تِه، چمن کَرا بای. فقط ایی کَلَمه بواج کن چمن وَزییَرشفا بَگَتیَه. 9اِمی خونه کن اَز اِشتَن مردی هستیمه کن فرماندَ دارم و سربازِنی اِشتَن فِرمونیکا دارِم. ایلَه باتیمَه ”بشن“ بَشیَه و دیَیری باتیمَه ”بِه“، بومَیَه. اِشتَن وَزیَری باتیم ”اِمی اَنجوم بِدَ،“ اَنجوم بَدایَه.» 10عیسی وَقتی چَی گَفِنِش دَرستَه، تَعَجُب کَردِشَه و اَیِنی کن چَی دومله کایبین آمِه واتِش: «آمین، بَه شمَه باتیمَه، اِنتَرَ ایمانی گِردِ اسرائیلی آدَمون دِلَکا ویندَم نیَه. 11بَه شمَه باتیم کن خَیلیِن شرقو و غَربیکا بومَنهَ و آستامونی پادیشاهیکا، ابراهیم و اسحاق و یعقوبینه ایلَه سفرَ سَردِرِ بَنشتینَه. 12ولی اِم پادیشاهیِ خردَنون بِرِنی ظِلَماتیکا دَنَّفَند، جگایی کن بِرَمِه و گازون یَندِ سَر بَسونوستیرون.» 13چی به دوملَه عیسی اَ اَفسَریش واتَه: «بش! هَتَه کن ایمانِر هِستَه تِرا اَنجوم ببو.» جَخت چَی وَزییَرشفا گَتِشَه.

آزارییون شفا دوعِه

14وَقتی کن عیسی پِطروسی کَرا شَه، ویندشَه کن چَی ژِن نَنَه تَو دارِ و خِتَه. 15عیسی چَی بالی دَست آسا کَردِشَه و چَی تَو سِی آبه. پس اَ ژِن پِبَه و دَمَندَ عیسی کا پَزیرایی کَردِ.

16دیَرماز، خَیلیون کن پَریانی بین چَی وَر وَردشونَه و عیسی ایی کَلَمنه پَریانون آدَمونکا بَرکَردِش و گردِ آزاریون شفا داشَه، 17اِم ایتفاقِن دَگِنِستینَه، تا اِنتَرَکِه آبَه تا اَ چیی ایی کن اشعَیایِ پَیغمبَری واسیطنَه واتَشون حَییقتینَه اَنجوم ببو کن:

«اَ چَمه داجون پِگَتِشَه

و چَمه آزارون اِشتَن دوشی سَر بَردِش.»

عیساکا پیرَوی کَردِ

18وَقتی عیسی ویندِشَه یالَه جَماعتی چَی وَر گرد آبه اینَه، دَستور اَداشه وواتشَه: «دَیراچَه اَوَریرا بِشَم.» 19اَموقه توراتی ایلَه موعَلیمونکا عیسی وَر آمه و واتِش: «اِستا هر جگارا بِشی اِشتِه دوملَه بومَمَه.» 20عیسی بَی واتِشَه: «روآسونرا لونَه هِستَه و آستامونی پَرَندَ اِن نی خومَه دارن، اَمّا اینسانی زوعَه جگایی کَلَّه آنوعِرا نیشَه.» 21دییَرَ شاگردی عیسیاش واتَه: «چمن سَروَراوَل بَرزِن بشوم و اِشتَن دَدَ مَردِ بَه دوملَه، بَی چال بِکَم، چَی بَه دوملَه بومَمَه.» 22عیسی بَی واتشَه: «تِه بَمنکا پیروی اَکَن و بَرزِن مَردَ اِن اِشتَن مَردَاون چال بکرِن.»

عیسی دَیرا توفانی آلاونیشَه

23چَی بَه دوملَه عیسی لاتیکهَ ای سَردِرِ دَنشتَه و چَی شاگردِن نی چَی دوملَه شینَه. 24ایکَرَ ایی برکَه توفانی گَتشَه، جوری کن نِزِک بَه موجِن لاتیکَه غرق آکَن. ولی عیسی خِت بَه. 25شاگردِن عیسی وَر آمینه و اَی پِکَردِشون و واتِشون: «آقا، اَمه نجات بده؛ دِ کایمونَه نیفله آبِه!» 26عیسی واتش: «اَی کم‌ایمانِن، چیرا اِنتَرَ بَتَرسستیرون؟» چَی بَه دوملَه پِبَه و وا و دَیراچَه سَر تَشَر ژِشَه و هَمَه جِگا آلاویستین. 27شاگِردِن حَیرون آبین و یَندِ کا دَرَپَرسِینَه: «اِم چِنتَر آدَمیَه؟ حتی وا و دَیراچَه نی اَیکا فِرمون بَبَنَه!»

دِ مِرد پَریان ژَ شفا دوعِه

28هَنگومی کن منطقَه اِ جَدَریانیرا، کن دَیراچَه اَوَریکا بَه آرَستین، دِ گِلَه پَریانیَه مِرد کن قَوراسونیکا کایبین بِرِن آمِه، عیسانَه سَراسَر بین. اَ دِ اَنَه وحشی بینَه کن هیچ‌کَس نَشایَه اَ را کا دَیوَردِ. 29اَ دِ مِرد لَسّه ژِشونَه و واتشون: «اَی خدا زوعَه، تِه اَمنَه چه کارِر هِستَه؟ آمَه ایشَه تا نارتر اَمه عذاب بِدَری؟» 30تیکَلیی اَوونکا اَوَرتر یالَه خوعهَ رَمَه ایی کایبَه چَریستِه. 31پَریانِن خاشتو خازینَه عیساشون واتَه: «اَگَم اَمه بِرن بَشَکَرد، خوعه رَمه دلَرا بَینِن.» 32عیسی اَیِنِش واتَه: «بشَه!» پَریانِن اَ مِردیکا بِرِن بَرمینَه و خواون دِلَه دَشین و ایکَرَ ایی گِردِ اَ خوعَه رَمه، کولَه ایشبَه ویرَ کا دَیراچَه طرف دَرَمینَه و آویکا غَرق آبین. 33خوعَه وونِن ویریتین، و شَهریرا شینَه و گردِ اِم ایتفاقون مخصوصا اَچیی کن اَ دِ گِلَه پَریانییَه مِردیرا ایتفاق دَگنستَه بَه، مردومیراجیگیر کَردشون. 34چَی بَه دوملَه اَشهری آدَمِن گِرد عیسی ویندِ خونِه بِرِن بَرمین و وَقتی اَی بَویندین بَی خاشتو خاز کَردِشون کن اَ مَنطَقَه کا بوشو.

Currently Selected:

مَتّی 8: CTB

Highlight

Copy