لوقا 7:7-9

اَژونَسَ، جُ‌جُ ووژِم لائق نَذِناسد بام اَرِه تک تو. فَخَد قصه‌ی بوش گه خُلُمِم شِفاءَ مَگِری. اَرِیَگه مِه ووژِم پیای کِم گه هامِ ژیرِ فِربو کسی ئو سروازَل‌یشی ژیردسَه ووژِم دیرِم. موشِمَ یَکی ”بِچُ،“ مَچو، موشِمَ یَکی‌تِرِک ”بوری،“ مای. موشِمَ خُلُم ووژِم ”یَه بِهَه“، مِهِیتی.» عیسی وخدی یوئنَ شنَفتی، اَژی بِلُجوئی هاتی ئو ویر کِردی اَر جیَمیَتی گه وَه دُم سِرا ماهاتِنی ئو وِتی: «موشِم‌ئونتو، هُنَ ایمونمی جُ‌جُ اِنوم اسرائیل‌یش نِئیَ.»