YA-SFADOCI JRNE 2

1Chena ini mvwi nfwi grsagigi Ganv tvsi wechatipi beci-drmqa Galale; chena nili u gali Jesise n’tvsi vbeli : 2macimi Jesise nahfrpi si vlanofu macimi u kvgahgimrfhi, ini wechadewa-nagi. 3Chena ina ini wvini iah notkusgrgi, nili u gali Jesise, Mvtv nih-ki u bonrnrwv wvini, u tagoli. 4Macimi Jesise, Iqawv, nahiwa ni bonv wvhsi lvwihdolv? nelv nit rtafvmowa mvtv gawvgi mah’ biaiv, u talrli. 5Goqa-nahi-grci inv ga hikuwv, ini si Ivweku, u talvhi inv u gali nihi vlolrgrfhi. 6Huwa n’tvsi vbeki nakutwvh-fwi sekuni-napi-wvkugoki lamvtvbeki n’tvsi yrsi ini ufapi Ivwe-wrci Josvki uci, nfwrsigfwi walr matvhfwi galanv si pisgrfi na-kuti. 7Uqikumhahku nihki napi-wvkugoki napi, u talvhi nihi Jesise. Macimi nihki u tapvci-kvmwhrwvhi nihi. 8Chena inv, Uwa feginvmuku, macimi inv si wadoku nosrcikvnv ini wihfan-cigawa, u talvhi nihi. Macimi nihki u tasi wadonrwv ini. 9Ma-cimi ina inv nosrcikvnv ini wihfancigawa u kutvtv ini napi uwa wvinewi, chena mvtv u wrkutv waciwigi ini (wakv nihki vlolr-grfvki mviahci feginvgiki ini napi u wrkudrnrwv), inv nosrcikv-nv ini wihfancigawa utvhpi-mrli nili mvivgi-nhrkvnvli, 10macimi, Jrgi ilani nhihtv u drsi pvgfanv ini uwasi wvini; macimi ilaneki iah mahci tabalatvmi manuwrci, ina uwa ini vlikv majr-figi : gelv ini gi nhrwrtv uwasi wvini brlu’ hinugi, u talrli nili. 11Yone yomv waci vlamigi u giginolowanv si Ivwi Jesise ini Ganv tvsi beci-drmqa Galale, macimi u tapi-nvukufatu u wvhfrci-maku-fewa; macimi u kvgahgimrfhi u dapwahdrkuhi.

12Hvhkuwihi yomv Gabrnivme si brlvcisinwv, inv, macimi u gali, chena u janinvhi, chena u kvgahgimrf hi; chena n’tvsi vbeki mvtv maci tfuku.

13Chena ini u pamfrsiwawa-nwv nihki Josvki uwa mrlrqvhi biaiv, macimi Jesise Culosalame si kuqicisinwv. 14Chena u mkvwvhi ini mvmrtumawi-kvmikugi nahga mr-myaginrcki rxini-hi chena magefhi chena myrsi-pvwefhi, macimi nihki yrsonvgiki muni bami lamvtvpilici : 15macimi inv pihsrkvnv uci mactu lih-fewvnhikv, chena ini mvmrtumawi-kvmikugi uci luhfa-lkvwvhi jrivhki, nayeswa-lanv nihi magefhi chena nihi rxinihi; chena u feginv u munamwv nihki muni yrsonvgiki, macimi u kulapanrnv u dapvle-milici; 16chena nihi mr-myaginrcki nihi myrsi-pvwefhi, Yoci rmwadoku yolumv wiahi; tagi wedgewikv sdoku u wegiwr-pimi n’Uhfv, u talvhi. 17U kvgahgimrfhi mkvwalatv-mahi, Gi wegiwrpagi si gisidanvwawa nah jrkvmaku, yasi ini si mahtv-wigagi. 18Nihki Josvki waciganvhi rpvfsaki macimi, Nahiwa si giginolowa gi wrpvtasipa yasi yolumv wiahi si lvweivni? u talrwrli nili. 19Jesise rpvfsa macimi, Lekvtanv-muku yomv mvmrtum-awi-kvmiqi, macimi nfuku ini na hupvtanv, u talvhi. 20Nihki Josvki waciganvhi, Nyawrpitvgi gita nakutwvhfwi gikvtu yomv mvmrtumawi-kvmiqi upvtanota, hv gelv nfuku ga hupvtanv ini? iwvki. 21Pvyaqv ini weiv si mvmrtumawi-kvmiqi si kvlvwi inv. 22Hina waciganvhi inv nili napalici ia huci unsgrnofuci, u kvgah-gimrfhi mkvwalatv-mahi yasi inv kvlvwici yomv; macimi nihki u dapwahdrnrwv ini tapilo-awigrdagi, chena ini kvlvwewa mviahci iuci Jesise.

23Huwa ina inv Culosalamegi vpiwv tv hini pamfrsiwawa-nigi, lrqvsi ini wihfancigawa, maci dapwahtv-mahi u wefowa, bami ilrpvtv-malici u giginolowanv yasi lvweci. 24Pvyakv mvtv nihi u tvlwvhfa-latvmvwvhi weiv Jesise, xvga u wrkumvhi jrivhki ilanihi, 25macimi xvga mvtv u tvgrwrtv nahcipah nakuti wih pvh-nemvwrci ilaneli dabwawa; xvga u wrkutv yadalici weyrgi ilani.

Currently Selected:

YA-SFADOCI JRNE 2: SJW

Highlight

Copy