ARING KELESING 5
5
Pahu Adam
1 Tuk 1:1-4
1 #
Ar Kel 1:27-28
Anih nah surat aran pahu-pahu Adam. Tegu Allah na kelunan, Iha' na iha' awi jam tuk barik Allah. 2#Mat 19:4; Mk 10:6 En Na' na nah laké' dahin doh, dahin meju dawa' dahin na aran dawa' “kelunan” tegu dau Iha' na dawa' atih. 3Tegu urip Adam ji atuh telo'-pulu duman iha' nganak ji anak laké' awi jam tuk layan na' dahin awi barik na' lahuh, en na' na nah aran na' Set. 4Men'uh iha' uh nganak Set, Adam murip saya' atuh duman la'an, té' pah anak aké' dahin anak doh na' la'an. 5Arun urip Adam pitan atuh telo'-pulu duman, iha' ha' matei.
6Tegu urip Set uh ji atuh lima' duman, iha' ha' nganak Enos. 7Set murip loh alem saya' atuh tusu duman men'uh iha' nganak Enos, iha' nganak kuri-kuri anak aké' dahin anak doh lahuh. 8Arun urip Set pitan atuh pulu-dua' duman, iha' ha' matei.
9Tegu urip Enos pitan-pulu duman, iha' ha' nganak Kenan. 10Enos murip loh alem saya' atuh pulu-lima' duman men'uh ha' nganak Kenan, iha' pah nganak kuri-kuri anak aké' dahin anak doh lahuh. 11Ateng urip Enos pitan atuh lima' duman, iha' ha' matei.
12Tegu urip Kenan ateng tusu-pulu duman, iha' ha' nganak Mahalaleel. 13Men'uh ha' nganak Mahalaleel, Kenan pah murip loh alem saya' atuh pat-pulu duman lahuh, iha' pah nganak kuri-kuri anak doh dahin anak aké' la'an lahuh. 14Ateng urip Kenan pitan atuh pulu duman, iha' pah matei.
15Tegu urip Mahalaleel nem-pulu-lima' duman, iha' ha' nganak Yared. 16Mahalaleel murip loh alem saya' atuh telo'-pulu duman men'uh iha' nganak Yared nan, iha' pah nganak kuri-kuri anak aké' dahin anak doh lahuh. 17Tegu urip Mahalaleel ateng saya' atuh pitan-pulu-lima' duman, iha' ha' matei.
18Tegu urip Yared ateng ji atuh nem-pulu-dua' duman, iha' ha' nganak Henokh. 19Men'uh Yared nganak Henokh nan iha' murip loh alem saya' atuh duman, alem anan pah iha' nganak kuri-kuri anak aké' dahin doh lahuh. 20Aleng urip Yared, pitan atuh nem-pulu-dua' duman, iha' ha' matei.
21Tegu urip Henokh nem-pulu-lima' duman, iha' ha' nganak Metusalah. 22Henokh pa'en panau dahin Allah jarun dara telo' atuh duman men'uh ha' nganak Metusalah. Nganak pah iha' ngelua', té' pah anak aké' dahin anak doh na'. 23Ateng urip Henokh telo' atuh nem-pulu-lima' duman. 24#Ib 11:5; Yud 14 Henokh pah pa'en peji dahin Allah, uh anan iha' tenup tei em té', en Allah geri peju.
25Ateng urip Metusalah ji atuh saya'-pulu-tusu duman, iha' ha' nganak Lamekh. 26Metusalah murip loh alem tusu atuh saya'-pulu-dua' duman men'uh iha' nganak Lamekh nan, iha' pah nganak kuri-kuri anak aké' dahin anak doh lahuh. 27Ateng urip Metusalah pitan atuh nam-pulu-pitan duman, iha' ha' matei.
28Ateng urip Lamekh ji atuh saya'-pulu-dua' duman, iha' ha' nganak ji anak aké'. 29Iha' na aran na' Nuh, ken na', “Anak anih seng pehalau itam alem hadui tam aleng bahat dahin katé' té' tana anih aleng uh ga' tulah kenan Tuhan Allah.” 30Lamekh té' pa'en murip ateng lima' atuh pitan-pulu-lima' duman men'uh iha' nganak Nuh nan, té' pah anak aké' dahin anak doh na' la'an lahuh. 31Ateng urip Lamekh tusu atuh tusu-pulu-tusu duman, iha' ha' matei.
32Tegu urip Nuh uh lima' atuh duman, iha' ha' nganak Sem, Ham, dahin Yafet.
Currently Selected:
ARING KELESING 5: TDK1990
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.
