Yunus 3
3
H'ayikne Niniwa
1Yunus f'afútne a dakato angu UMUYHINTOR aŋoolinkin alób ingi úmár ayéjem:
2- Inini, kenger k'údek ba a bukooro búdenno b'aretuhne Niniwa b’íbuuñenne fam k'ufoy. Gúputi úteekin jamanku bukooro kúmbuuñaamo k'édekehne búteekinken.
3Angu Yunus abúuña UMUYHINTOR k'akeng adék ba Niniwa. Agida, Niniwa bukoor búde, b'ayik nafa. Ásibaŋ alallaŋ gukankánehne jandiŋ búdetunum bukooro.
4Yunus bapúti, bísibaŋo biliiho adóorla bukooro tonkoŋ tonkoŋ k'ayéjeh jamaŋo m’angune na:
- Inini, ninkinan jamanku Niniwa nip, Díino ayéji íyejoonuŋ, nanka ba ásibaŋ jamaŋinak akoomunkuneh bukooro nip a gubaarhu balápuro b’okankaŋne.
Nim Yunus aŋane búteekinkinin f'aŋane gúdoorlahu bukooro.
5Angu jamanku Niniwa f'anyennehinne hómár anlah gúloku Díino k'anyéj immereŋ nip ba sum gandékehne k'ankiina Díino. M'angune na nip, moŋon moŋon, neŋen neŋen guguyorumne, úduk útibila boore k’ukaan gusol. Gubollay uwuraŋ bayaaho b'okaanahne k'ukaana gusolo gu booreŋo, k'utiirilinoora imbi Díino ba sumo.
6Adékiidek umaasahu Niniwa ayennehin ni Yunus atengahne jamanku bukooro. Bayennehini, ayéj úmár mees añantay akiina Díino biki akoomun bukooro. Angu akeng a bunoohunku umaasaŋo k'afúnn gusolhunom gu maasayaŋo, k'akaana gusol g'ajóoninumaane ingi boore k'akuc anooh a réeŋo a didooro, k'atirilinoora imbi Díino. 7Umaasaŋo bakaani nim afúnn gúlob. Bafúnni gúlobo mees abúuñ ñambúuñhánom k'ayéjeeniŋ andak andandála ñammi bukooro nip a nintiku gúlobo gúmár g'afúnnáne. K'angu andék andandála ñammi bukooro anyéjeeniŋ:
- Ninkinan ñammi bukooro, jantenteŋ nip! Umaasaŋo abúuñurne mint. Umaasaŋo ingi ñambúuñhu umaasaŋo anfúnnfunn gúlob anyéj: «Ninkinan nip moŋon moŋon asum! Dahi wúur afoola hogurumaareŋ! Dahi wúur aruuh! Abónonkánan mees, koorehu dígo nip, dahi anfoola, dahi wúur abénn koorenkinem k'andak anfoola a kanaŋaŋo, dahi anruuh. 8Moŋon moŋon útibila boore k’ukaanum gusol k'ukaana, ingi abónonkánan mees ukandureeniŋ. Ukaanaŋdir mees moŋon moŋon adék akiina Díino ingi sembe! Faka hójondoŋo ingi burumo h'okankaŋne nip, úbenneŋ fereŋ. 9Ingah! Aji inkaanoŋ nim, gúduko Díino adak abayun guñuumulo g'añuumulne ingi mintor ingi gukoomuno g'asíibane ba gukoomunku bukooro.» Nim umaasaŋo adandálane.
10Angu, banyennehini hómár, jamanku Niniwa nip maŋ nim gankanne k'ankúbul jamméejenkinin imbi Díino. Angu Díino bafégi n'ambénnáne bukanku balápuro, ayik bankabaŋ a binanin k'abayun gukoomunkánin.
Currently Selected:
Yunus 3: GD
Highlight
Share
Copy
Want to have your highlights saved across all your devices? Sign up or sign in
Copyright Vision Intégrale, Senegal
