यहून्‍ना 21:15-17

जब बे रोटी खा चुके, तौ ईसु नै समौन पतरस सै कैई, “हे समौन, यहून्‍ना के लौंड़ा, का तू इनसै जादा बढ़कै मैंसै पियार करै है?” बानै बासै कैई, “हाँ परभु, तू तौ जानै है कै मैं तेसै पियार करो हौं।” ईसु नै पतरस सै कैई, “मेरे मैमनौ कै चुंगा।” बानै फिर दूसरी दफै बासै कैई, “समौन, यहून्‍ना के लौंड़ा, का तू मैंसै पियार करै है?” पतरस नै ईसु सै कैई, “हाँ परभु, तू तौ जानै है कै मैं तेसै पियार करौ हौं।” ईसु नै पतरस सै कैई, “मेरी भेड़ौ की रखबारी कर।” ईसु नै फिर तीसरी दफै पतरस सै कैई, “समौन, यहून्‍ना के लौंड़ा, का तू मैंसै पियार करै है?” पतरस उदास भओ कैसेकै बानै बासै तीसरी दफै ऐंसे कैई कै, “का तू मैंसै पियार करै है?” और पतरस नै ईसु सै कैई, “हे परभु तू सब कुछ जानै है, तू जौ बी जानै है कै मैं तेसै पियार करौ हौं।” ईसु नै बासै कैई, “तू मेरी भेड़ौ कै चुंगा।