लूका 22

ईशु क विरोध षड्यन्त्र

(मत्ती 26:1-5; मरकुस 14:1-2; यहुन्ना 11:45-53)

1अखमीरी रूटा क पर्व जो फसह छे, निकट हुता; 2आरू मुखी पुजारा आरू शास्त्री इनीये वात की खोज मा हुता की ओको कोसो मार नाखीस, पर वो मानसे छे घाबरायता हुता।

यहूदा क विश्वासघाती

(मत्ती 26:14-16; मरकुस 14:10-11)

3तव शैतान यहूदा मा समाया, जो इस्करियोती कवाये आरू बारा चेला मा गिने जाता हुता। 4यहूदाने जाईन मुखी पुजारा आरू मंदिर क पहरू क सरदार क साथे वातचीत करी कि ओको काही प्रकार ओको हात धराया। 5वो खुश हुया, आरू उको पोशा देने क वचन दिया। 6त्यो मान लेदा, आरू मेखे हेरने लाग्या कि जव गर्दी नी होय तो ओको हात धराय दिदा।

चेला क साथे फसह क आखरी भोज

(मत्ती 26:17-25; मरकुस 14:12-21; यहुन्ना 13:21-30)

7तव अखमीरी रूटा क पर्व क दाहाड़े आयो, जिनामा फसह क हाव गाडरान बलि चढ़ावता छे, 8“ईशु पतरस आरू यहुन्ना क यो कोईन मुकल्या: जाईन हामरे खाने क करता फसह तीयार करू।”

9त्या ओका सी पूछा, “तु कयो, जुवता छे कि हामु इनाक तीयार करू?”

10त्यो ओका सी कयो, “देखु, नगर मा भरायने करता ही एक मानुस पानी क वटवो उठाय हुया तुमूक मिवछे; जिना घर मा वो जाय तुमू ओका पछव चालने” 11आरू उना घर क भगवान छे कयनो: “गुरू तुखे छे कयता छे कि वो पाहंतराय करने क घर कयो छे जिना मा आपने चेला क साथे तीवार खावु?” 12वो तुमूक एक सजी–सजावळी मोटी उपर कि कमरो देखाय देसे; वो हामरे करता तीयार करू।

13त्या जाईन, जोसो त्यो उनछे कयो हुता, वोसो ही देख्या आरू तीवार तीयार कर्‍या।

पोरबु भोज

(मत्ती 26:26-30; मरकुस 14:22-26; 1 कुरन्थियो 11:23-25)

14जव घड़ी आय पुच्चा, तो वो प्रेरितन क साथे भोजन करने बठ्या। 15आरू त्यो उनछे कयो, “मखे मोटी लालस होती कि दुःख भोगने छे पहले यो तीवार तुमरे साथे खासे। 16काहकि हाव तुमछे कयता छे की जव तक वो यहोवा–भगवान क राज्य मा पुरा नि होय तव तक हाव उको कदी नी खाइस।”

17तव त्यो वाटको लीन धन्यवाद कर्‍या आरू कयो, “इनीये क ले आरू आपस मा वाट लेवु। 18काहकि हाव तुमछे कयता छे कि जव तक यहोवा–भगवान क राज्य नी आवे तव तक हाव अंगुर क रस हिमी छे कदी नी देखीस।”

19पछु त्यो रूटा लीन आरू धन्यवाद करीन तुडीन आरू उनको यो कयता हुया आपियो, “यो मारी देह छे जो तुमरे करता देदी जाती छे: मारे स्मरण क करता योही कर्‍या करो।” 20इनी रीति छे त्यो भोजन क वाटको भी यो कयता हुया दिया, “यो वाटको मारे उना लुहूय यो मा जी तुमरे करता वेर्‍या जाता छे नयी वाचा छे।”

21पर देखु, मखे धरावने वावा क हाथ मारे साथे हावज पर छे। 22“काहकि मानुस क पोर्‍या तो जोसो ओका करता ठेराया गया जाता ही छे, पर हाय उना मानुस पर जेका द्बारा वो धराया जाता छे!”

23तव आपस मा पुछताछ करने लाग्या कि हामु मा छे कुन छे, यो काम करसे।

आखा रया मोट कुन

24 # मत्ती 18:1; मरकुस 9:34; लूका 9:46 ओका यो वाद विवाद भी हुया की उन मा छे कुन मोटो समझ जाता छे। 25त्यो ओका सी कयो, “गैरयहुदी क राजा उन पर पोरबुता करता छे; आरू जो उन पर हक राखता छे, वो करलो काम कोवायता छे।” 26पुन ओसो नी हुयने वरना जो तुमू मा मोटा छे वो नानो क समान आरू जो प्रधान छे, वो सेवक क समान बने। 27#यहुन्ना 13:12-15काहकि मोटो कुन छे, जो भोजन करने बठ्या छे, या वो जो सेवा करता छे? काय वो नीहि जो भोजन करने बठ्या छे? पुन हाव तुमरे वीचमा सेवक क समान छे।

28“तुमू चाज से, जो मारी परीक्षा मा लगातार मारे साथ रोया; 29आरू जसो मारे बास ने मारे करता जो हक मारे क राज्य करने देदा छे, वोसो ही हाव भी तुमरे क हक देतो छे, 30ताकि तुमू मारा राज्य मा मारी हावज पर खावु पिवु, वरना राजगाद्दी पर बठीन इस्राएल क बारा वंश क न्याय करू।

पतरस क बारा मा भविष्यव्दाणी

(मत्ती 26:31-35; मरकुस 14:27-31; यहुन्ना 13:36-38)

31“शमौन, हे शमौन! सुन, शैतान ने तुमू सब क पारखने क करता मांग लेदा छे कि बुरे मा छे वारू क अलग करता छे जोसो किसान गवे क भुसो मा छे अलग करता छे, 32पुन हाव थारे करता प्रार्थना करीयो की थारो विश्वास कम नी हुये; आरू जव तु पछो आवे, ती थारा विश्वासी भाईस क पाका करजी।”

33पतरस ओका सी कयो, “हे पोरबु, हाव तारे साथे जेल जाने, आरू मरना क भी तीयार छे।”

34ईशु पतरस सी कयो, “हे पतरस, हाव तुखे छे कयता छे कि आज कुकड़ा वाषने नी तव तक तु तीन बार मारो मना नी कर लीस कि तु मखे नी जानता।”

बटुवो, झुलो, आरू तलवार

35पछु ईशु ओका सी कयो, “जव हाव ने तुम्हे बटुवो, झुली, आरू खासड़ा विना मुकल्या हुता, तो काय तुमू क काही सामान की घटी हुयी होती?”

त्या कयो, “काही सामान की नी।”

36त्यो ओका सी कयो, पुन हिमी ओका साथे बटुवो होय वो उको ली आरू वोसो ही झुली भी आरू ओका साथे तलवार नी होय वो आपसा लुगड़ा वेचीन एक मुवे लेय। 37काहकि हाव तुमू छे कयता छे, कि यो जो लिखा छे: “वो गुणेगार क साथे गिना गया, ओको मखे मा पूरा हुयने पाको छे; काहकि मारा विषय मा लिखी वात पूरी हुयने पर छे।”

38त्या कयो, “हे पोरबु, याहा दुय तलवार छे!” त्यो उनछे कयो, “घोणा छे।”

जैतुन क बयड़ा पर ईशु की प्रार्थना

(मत्ती 26:36-46; मरकुस 14:32-42)

39तव वो बारा निकवीन आपसी रीति क लारे जैतुन क बयड़ा पर गया, आरू चेला ओका पछव चाल देदा। 40उना धरती पुच्चा त्यो उनछे कयो, “प्रार्थना करू कि तुमू परीक्षा मा नी पड़्या।”

41आरू वो आप उनछे अलग एक ढेला फेकना कि दूरी भर गया, आरू घुटना टेकीन प्रार्थना करने लाग्या, 42“हे पिता, यदि तु जुवे तो इनीये दुःख क वाटको क मारे साथे छे हटा लेय, तौभी मारी नी पुन तारी ही मरजी पूरी होय।” 43तव सोरग छे एक ओको देखाय दिया जो उको शक्ति देता हुता 44वो घण व्याकुल हईन आरू भी हार्दिक वेदना छे प्रार्थना करने लाग्यो; आरू ओको गाम लुहूयन बूंदो क समान धरती पर पड़ रया हुता।

45तव वो प्रार्थना छे उठ्यो आरू आपने चेला क साथे आवीन तीनुक शोक कि उदासी क मारे सुवता देख्या 46आरू उनछे कयो, “काय सुवता होय? उठो, प्रार्थना करो कि तुमू परीक्षा मा नी पडु।”

ईशु क धोखे छे धराय जाने

(मत्ती 26:47-56; मरकुस 14:43-50; यहुन्ना 18:3-11)

47ईशु यो कय ही रया कि एक गर्दी आवी, आरू उन बारा मा छे एक जेरो नाव यहूदा हुता ओको ओगव आय रया हुता। वो ईशु क साथे आश कि ओको गुवो लेदो। 48ईशु ओका सी कयो, “यहूदा, काय तु चुमलीन मानुस क पोर्‍या क धराय देता छे?”

49ओका चेलो ने जव देख्या कि काय हुयने वालो छे, वो कयो, “हे पोरबु, काय हामु तलवार चालाड़जे?” 50आरू उनमा छे एक डाहला पुजारा क दास पर तलवार चालाड्या ओको डावु कांटो तुड़ देदो।

51इनीये पर ईशु कयो, “हिमी बस कर।” आरू ओको कांटो छूकर ओको वारू कर्‍या।

52तव ईशु मुखी पुजारा आरू मंदिर क पहरू क सरदार आरू डाहडा छे, जो उना पर चढ़ आश हुता, कयो, “काय तुमू मखे डाकू जानीन तलवार आरू ड़ेगा लेदा निकाव होय?” 53#लूका 19:47; 21:37जव हाव मंदिरमा हर दहाडे तुमरे साथे हुता, तो तुमू ने मखे पर हात नी नाख्या, पर यो तुमरी घड़ी छे, आरू आंधारला क हक छे।

पतरस क मना

(मत्ती 26:57-58,69-75; मरकुस 14:53-54,66-72; यहुन्ना 18:12-18,25-27)

54पछु वो ईशु क धरीन ली चाल्या आरू महा पुजारा क घर मा लाया। पतरस दुर ही दुर ओका पछो चालता हुता। 55आरू जव वो आंगना मा आगठो धपाडीन एखठा बठ्या, तो पतरस भी ओको विच मा बठ्या गया। 56तव एक दासी उको आगठो क विजावो मा बठ्या देखीन आरू ओकी आरू ताककर कयनो लागी, “यो भी तो ईशु क साथे हुता।”

57पुण पतरस यो कयीन मानने सी मना कर्‍या, “हे नारी हाव उको नी जानता।”

58थुडी देर बाद काही आरू ने उको देखीन कयो, “तु भी तो तीनी मा छे है”

पतरस ने कयो, “हे माणुस, हाव नी छे।”

59काही घंटे पर क बाद एक आरू माणुस यकीन छे कहने लाग्या, “छाचो यो भी तो ओका साथे हुता, काहकि यो गलीली छे।”

60पतरस कयो, “हे माणुस हाव नी जानता कि तु काय कयता छे।”

वो कयीन रया कि छाटोत कुकड़ा ने वाषने लाग्यो। 61तव पोरबु ने पछो पुगीन पतरस कि आरू देख्या, आरू पतरस क पोरबु नी वो वात फोम आवी जो पोरबु क कयी होती, “आज सोनदारे कुकड़ा क वाषने देने छे पेहले तु तीन बार मारे छे मानने सी मना करीस।” 62आरू वो बाहरता नीकवीन खुप रोड्या।

ईशु क विजुत

(मत्ती 26:67-68; मरकुस 14:65)

63जो माणुस ईशु क धरायो हुयो होतो वो उको ठट्टा मा उड़ावीन धुमाट्या लाग्या 64आरू ओका डुवा ढाकीन ओका सी पुछ्या, “भविष्यवाणी करीन देखाड्या कि तुखे कुण मार्‍या छे!” 65आरू त्या घोणा सी भी निंदा कि वात ओका विरोध मा कयी।

डाहला पुजारा आरू शास्त्री क सामने ईशु

(मत्ती 26:59-66; मरकुस 14:55-64; यहुन्ना 18:19-24)

66जव दाहाड़ा हुया तो मानसे क डाहडा, मुखी पुजारा आरू शास्त्री एखठा हुया आरू ईशु क आपसी महासभा मा लायो। 67आरू पुछो, “यदि तु मसीहा छे तो हामु छे कय दे”

त्यो उनछे कयो, “यदि हाव तुमू छे कहवो तो तुमू विश्वास नी करसे; 68आरू यदि हाव सवाल पुछो तुमू तो जवाब नी देसे 69पुन हिमी छे माणुस क पोर्‍य सर्व शक्तिमान यहोवा–भगवान क जेवड़े तरफ बठ्से।”

70इना पर सब कयो, “ते काय तु यहोवा–भगवान क पोर्‍या छे?”

ईशु उनछे कयो, “तुमू आप ही कयता होय की हाव छे।”

71“तव त्या कयो, हिमी हामु गवा कि काय जरूरत छे; काहकि हामु आप ही ओका मुय छे सोमवी लेदा छे।”

Currently Selected:

लूका 22: NTDii20

Highlight

Copy