MAKU 2

1PAKABWELAYI mu Kapenaumu kabidi kunyuma kwa matuku mabende, mwoximo ăkacakana ene, utani mu ncibo. 2Yi bantu bangi bakasangixibwa mangwoso bitakadi kidi kinga kabidi, kumoni isanga pa mbelo ; yi akabambila diyi. 3Yi bantu bakalwa, badi mu kucwala muna mbôyaponde kudiyi amakwombuludibwa kudi bantu banai. 4Pakadi kababiyi kukokyela kudiyi bwalo bwa bantu bungi, bakadipula samba kwakakalayi ; yi pakadi bamatubula ditundu bakapwesa bolelo bwakalala muna mbôyaponde kulu kwabu. 5Yisu lolo, biakamonayi kwetabusa kwabo, akatôyela muna mbôyaponde ene, Mwana, mabi ebe amakulekyelebwa. 6Mo banga bafundi ba mikanda bakadiko bamaxikama koku, bakakwelesañana mbata mu micima yabo ene, 7Kukai muntu you atôya nako ? Udi mu kutangola Ncembi. Ñani ubili kulekyela mabi utena Ncembi mutupu ? 8Yi Yisu akalembetela mangwoso mu kidimu kienci ene, batanakwelesa mbata nako munda mwabo, akabatôyela ene, Nwelesa malo aa mbata mu micima yenu kukai ? 9Kifiani kiamadika lungwoso ? Ndo kutôyela muna mbôyaponde ene, Mabi ebe amalekyelebwa ; sungu kutôya ene, Bika, ombulula bolelo bwebe, enda. 10Kaninga binuxelubukwa ene, Mwana a muntu udi yi bumanya paxi bwa kulekyela mabi, akatôyela muna mbôyaponde ene, 11Nkwatôyela ene, Bika, ombulula bolelo bwebe ; yaka ku ncibo ebe. 12Yi akabika, yi akakwombulula bolelo bwanci mangwoso, yi akabatuka ku mpala ya bantu boso, biakakamabo bo-a-bwoso, yi bakatumbisa Ncembi ene, Katwamona noku kalikali pô.

13Yi akabatuka kabidi pepe yi mai, yi kimbukuma kincimancima kiakalwa kudiyi, yi akabeyesa. 14Pakadikayi, akamona Lebi, mwana a Alifayo, uxikamini mu ncibo a milambu ; yi akamutôyela ene, Ungulandudili. Yei lolo akakwemana yi akamulandudila. 15Yi kunyuma akadi utanaxikama ku bidya mu ncibo anci, yi basangi ba milambu bangi yi boni bangi bakaxikama ku bidya yi Yisu yi beyi banci ; bwalc bwakadibo bangi, yi bakamulanda. 16Yi bafundi ba mikanda yi baFalixi, pakamumonabo udi mu kudya yi boni yi basangi ba milambu, bakatôyela beyi banci ene, Yei udedya yi unonwa yi basangi ba milambu yi boni ? 17Pakakwombwa Yisu, akabatôyela ene, Bobo badi yi mpinyu kabasokwabila fianga, kate bobo badi yi masama. Meme kisolwa kulwa bikila bena nkwami, kate boni.

18Yi beyi ba Yoano yi baFalixi bakadi mu kuncila bidya luncilu ; yi bakalwa mwambila ene, Kukai beyi ba Yoano yi beyi ba baFalixi bancila bidya, mo beyi bebe kabasoncila ? 19Yisu akabatôyela ene, Bana ba ncibo a dibakwa babili kuncila bidya pakala mwangaci a dibakwa udi yinabo ? Pakala badi yi mwangaci a dibakwa yinabo, kababiyi kuncila. 20Mo matuku analwa anabancudibwa mwangaci a dibakwa, yi ku kikondo kieki kunancilabo ku dituku dedi. 21Kakuna muntu amatela kicini kia mbuxa mupyamupya ku kilamba kinyanyuki ; ximbi kibakilu kixebakowa ku kicini kinyanyuki, yi ditundu dixedika dinene. 22Kakuna muntu lolo amateka malufu a finyo a mwosolo mu bixeba bia kalikali ; ximbi malufu axetondosa bixeba, yi malufu axencimina yi bixeba ; kate malufu a finyo a mwosolo axetekyebwa mu bixeba bipyabipya.

23Yi akadi mu kwenda mu bibidi bia miebele ku dituku dia sabado ; yi beyi banci biakakwendabo bakabanga kukombola mitongu ya miebele. 24Yi baFalixi bakamwambila ene, Mona, kuka bencenca mutasolelekyela yi bwadi, ku dituku dia Sabado ? 25Yei akabambila ene, Nonu kanwabala mwakakwenca Dafidi pakadi amakwayila yi amakwombwa ncala, mikyenci yi bobo bakadi yinanci ; 26mwakabwelayi mu ncibo a Ncembi ku kikondo kia Abiata bokanda bunene, yi akadya mampa madisa atasolelekyela yi bwadi muntu mwoso kudya utena makanda ; yi akapa kabidi bobo bakadi yinanci ? 27Yi akabambila ene, Sabado akapangibwa ku bwalo bwa muntu, kumoni muntu ku bwalo bwa Sabado. 28Mbwôso Mwana a Muntu udi Fumu a Sabado kabidi.

Currently Selected:

MAKU 2: Luna_NT

Highlight

Copy