MATEYO 28

1KU butuku lolo bwa sabado, biakalanda kuncuka diba dia Lumingu, kwakalwa Mali a Mangadala yi munga Mali kulwa tebela lukita.

2Yi mona, kwakadi kutepa kunene kwa loboko, bwalo bwakapweka mwangele a Fumu mu diulu, akalwa bungulusa dibwe, yi akaxikama kulu kwadio. 3Mpala anci akadi luna kapenya, yi kilamba kienci susu bea bukula bwa mbula. 4Yi ku bwalo bwa bowa bwanci kwakalukuta banami yi bakatulowa bea luna bafu.

5Yi mwangele akakulumuna yi akakwambila babakaxi ene, Kanucini nonu, bwalo bungwalubukwa ene, nwapalala Yisu akaxipibwa ku nkulusu. 6Kiena ndo kunu, bwalo bwamabixibwayi mwakatôyayi. Nu lwi mona kidi kiakalala Fumu. 7Yi nuyi mangwoso kuya ambila beyi banci ene, amabixibwa kudi bafu ; yi mona, uyeya ku buxi bwenu kuya ku Ngalili kununamumona. Numoni, meme namanwambila.

8Yi bakabatuka mangwoso ku lukita yi bixesa yi kiango kingi, yi bakaya mbilu kuya cwadila beyi banci diyi. 9Yi, mona, Yisu akapomana yinabo ene, Môyo ! Yi bakalwa mukwata ku makasa yi bakamuxingila. 10Yisu lolo akabambila ene, Kanucini ; nuyi ambila bakunyi bamene, ene, bayi ku Ngalili ; koku ndo kunangumonabo.

11Yi pakakwendabo, mona banga banami bakaya munda mwa bula, yi bakakwambila makanda manene bintu bioso biakapona. 12Yi pakasangilabo yi babakulu yi bakadi bamakwelañana nkanyi, bakapa masalai sayi minene ya mpalata 13ene, Nutôyi ene, beyi banci bakalwa ku butuku yi bakamweba pakadi coco twamalala tulu. 14Yi ndo bwalo bunalwa ku macu a fumu, coco tunamwetabuxisa, yi tunanuncudila nonu bwalo bwoso. 15Yi bakangata mpalata yi bakakwenca mwakakweyexebwabo. Yi losangu lolu lwamadikanana kudi bena Yuda pôi dituku dedi.

16Kaninga beyi disangi yi umoumwe bakaya ku Ngalili ku lupongo lwakabambila Yisu. 17Yi pakamumonabo bakamuxingila ; mo bamo bakaxitaxita. 18Yi Yisu akalwa kudibo, yi akabambila ene, Bumanya bwoso bwamangupebwa mu diulu yi pa loboko. 19Mbwôso nuyi eyesa beyi kudi mabila moso, nubanumeyi ku dina dia Tete, yi dia Mwana, yi dia Mwoxixi a babala ; 20nunabeyesa banami bintu bioso binamanwambila. Yi numoni, meme ngwakala yinenu matuku moso, pôi ku sula kwa mwociya.

Currently Selected:

MATEYO 28: Luna_NT

Highlight

Copy