MATEYO 27

1KU butwatuku kwakakwelañana nkanyi bungi bwa makanda manene yi babakulu ba bantu bwalo bwa Yisu ndo kumuxipa. 2Yi bakamusuka yi bakamucwala kuya mulongola kudi Pontio Pilata, fumu.

3Yi Yudaxi akamwenga, pakamonayi amabelebwa, akaxipibwa bundu, yi akapingasa mpalata masangi asatu kudi makanda manene yi babakulu 4ene, Namakwona, bwalo bunamakwenga maxi atena bubi. Kaninga bobo ene, Nako ndo bwalo bwecu ? tebela owe. 5Yi akakwecikisa mpalata mu tempelo yi akancuka yi akaya diela mikyenci disudi.

6Yi makanda manene akangata mpalata yi akatôya ene, Kakusolelekyela yi bwadi ndo kuyeia munda mwa kibumbilu kia tempelo bwalo budio diso dia maxi. 7Yi bakakwelañana nkanyi yi bakakwola yinayo kibidi kia mufumbi ndo kuncika bantu babene momu. 8Ndo biamabikidibwa kibidi kieki ene, Kibidi kia maxi, pôi dituku dedi. 9Nako kwakafikixibwa diyi diakatôyebwa kudi Yelemia mudimuxi ene, Bakangata mpalata masangi asatu, diso dia you akapikibwa diso, akapikila bana ba Isalele diso, 10yi babayileka ku mucwe ă kibidi kia mufumbi, mwakangutôyela Fumu.

11Mo Yisu akakwemana ku mpala a fumu. Yi fumu akamwapangusa ene, Owe udi Fumu a bena Yuda ? Yi Yisu akamwambila ene, Watôya. 12Yi pakasanyibwayi kudi makanda manene yi babakulu, akapudikila nya. 13Pilata lolo akamutôyela ene, Kusokwombwa mwatôbôlabo bintu bingi ku bwalo bwebe ? 14Yi akadi kasomupingasa isanga diyi dimodimwe, biakakama fumu kukama kungi.

15Mo ku kitula, fumu akakwekyela ekyela yi kulekyelela bantu musungi umoumwe, muntu mwoso akanangabo. 16Yi ku kikondo kieki bakadi yi musungi munene, dina dienci ene, Balaba. 17Mbwôso pakadi bamakokama, Pilata akabambila ene, Nwakyeba beci ? nakunulekyelela nani ? ndo Balaba ndo Yisu abikidibwa ene, Kalistu. 18Bwalo bwakalubukwayi mwakamulongolabo ku mucwe ă mwokunyo.

19Mo pakaxikamayi ku nkwasa a kisambolelu, mukasanci akamutumina diyi ene, Kwenci kintu yi you muna nkwami, bwalo bunamakwombwa kusama kungi mu dilu dia tulu ku mucwe ănci.

20Kaninga makanda manene yi babakulu bakakwetabuxisa bimbukuma balombi Balaba, baxipi Yisu. 21Yi fumu akabapingasa ene, Nwakyeba nulekyeleli ñani a babidi baba ? Yi bakatôya ene, Balaba. 22Pilata akabambila ene, Ape nkisi beci lolo yi Yisu abikidibwa ene, Kalistu ? Bakatôya bo-a-bwoso ene, Axipibwi ku nkulusu. 23Yi akatôya ene, Kukai ? Apwenca bubi kai ? Kaninga bakakolesa kwamena ene, Axipibwi ku nkulusu.

24Yi pakamona Pilata kutôya kudi kanana, kate muyengi ulolwa, akangata mai, yi akakusula makaci anci ku mpala ya bantu ene, Meme namasuwa bwalo bwa maxi a muna nkwami you ; nonu nutebeli. 25Yi bantu boso bakapingasa ene, Maxi anci akali bwalo bwecu yi bwa bana becu. 26Yi akabalekyelela Balaba ; kaninga Yisu ndo akakumayi mwokaba yi akamulongola kuya xipibwa ku nkulusu.

27Yi masalai a fumu akacwala Yisu ku lumbu lwa fumu, yi bakamukokyeyeia kibumbu kincimancima ; 28yi bakamuncula kilamba kienci, bakamulatisa kifunda kia mumbidi ă maxi. 29Yi bakadinga kilongo kia mieba, yi bakakiapeya kulu kwa mucwe ănci, yi kanonge ku kianca kienci kia kidyo ; yi bakakuma binu ku mpala anci, bakamukyeca, ene, Bwatetela, Fumu a bena Yuda 30Yi bakamwela mati, bakangata kanonge yi bakamukuma kulu kwa mucwe. 31Yi pakadi bamamukyeca bakamuncula kifunda, yi bakamulatisa bilamba bienci yi bakamuncula kuya mukopeka ku nkulusu.

32Pakancukabo bakasañana muna Kulene, dina dienci ene, Ximono ; you akabambabo dibambu dia kuya, bixecwalayi nkulusu anci. 33Yi pakadi bamafika ku kidi kiabikidibwa ene, Ngolongota, (sakolo anci ene, Kidi kia kibwongwasa,) 34bakamupa finika a kunwa, muputola yi lusangu ; yi pakakikisayi akanyañana kunwa. 35Yi pakamukopekabo ku nkulusu, bakakwabanyañana bilamba bienci, yi bakacwa lubexi. 36Bakaxikama lolo, yi bakamudingila papa. 37Yi bakapanyika kusanyibwa kwanci pelu pa mucwe ănci ; ene, YOU UDI YISU, FUMU A BENA YUDA. 38Ku kikondo kieki kwakakopekyebwa yinanci befi babidi, munga ku kidyo yi munga ku kimoso.

39Mo bobo bakadika dika bakamutangola, badi mu kunyingisa micwe yabo, 40ene, Owe waxipa tempelo, umwabaka ku matuku asatu udipandisi mikyebe. Ndo owe udi Mwana a Ncembi, pweka ku nkulusu. 41Mo nako kabiai, makanda manene akakyeca, yi bafundi ba mikanda yi babakulu ene, 42Yei akapandisa banga bantu, kabiyi ndo kudipandisa mikyenci. Udi Fumu a Isalele ; apweki nkyekyu ku nkulusu, yi tunamwetabuxila. 43Yei akakwetabusa Ncembi ; amupandisi nkyekyu ndo umwananga. Bwalo bwakatôyayi ene, Meme ndi Mwana a Ncembi. 44Yi befi kabidi bakakopekyebwa yinanci bakamutangola mietangu ya noku.

45Yi pôi ola amusambomo pakadi mwedima ku bungi bwa mbata pôi ola dibwa. 46Kaninga pa ola dibwa Yisu akakwamena yi diyi dikola ene, Eli, Eli, lama sabakatani ? kulexi yi kutôya ene, Ncembi amene, Ncembi amene, kukai wapungukadeya ? 47Yi banga bakakwemana papa, pakakwombwabo bakatôya ene, You abikila Eliya. 48Yi muntu akadi yinabo akaya lubilu kuya angata supunci yi akamwolubisa finika, akateka kulu kwa lukaku yi akamuionga ndo kunwa. 49Kaninga banga ene, Lekyela ; tumoni ndo Eliya unalwa mupandisa.

50Yi Yisu akakwamena kabidi yi diyi dikola, yi akalekyela kidimu kienci. 51Yi mona, mbuxa a ngumbu a mu tempelo akasambudibwa pakacikaci pôi kulu pôi muxi, yi loboko lwakatepexebwa, yi mabwe akapandibwa, 52yi nkita yakadipudibwa ; yi mimbidi mingi ya bena babala bakadi bamalala tuiu, yakabixibwa, 53yakabatuka mu nkita kunyuma kwa kubika kwanci, yi bakabwela mu buia bwa babaia, bakamoneka kudi bantu bangi. 54Kaninga kapalai ka masalai, yi bobo bakadi yinanci badi mu kunama Yisu, pakamonabo kutepa kwa loboko, yi bintu biakapona, bakacina kungi ene, Sôsôlwo, You akadi Mwana a Ncembi.

55Yi koku kwakadi babakaxi bangi badi mu kutebela kulekule, bakalandudila Yisu ku Ngalili, bakamusadila ; 56koku yinabo kwakadi Mali a Mangadala, yi Mali, Yakobo yi Yosese mamabo, yi bana ba Sebede mamabo.

57Pakakwela butuku pakalwa mwodidi a Alimatia, dina dienci ene, Yosefe, akadi mweyi a Yisu kabidi mikyenci. 58Yei akaya kudi Pilata, yi akalomba mumbidi ă Yisu. Yi Pilata akatôya ene, alongolebwi. 59Yi Yosefe akangata mumbidi, akaudinga mbuxa a susu a babala, 60yi akauladika mu lukita iwanci lupyalupya lwakakululayi mu lubwe ; akabungulusa lolo dibwe dinene ku mbelo a lukita, yi akancuka. 61Kaninga Mali a Mangadala akadi koku yi munga Mali, batanaxikama ku mpala a lukita.

62Mankyelo lolo, akadi diba diakalanda kilungikilu kia kitula, kwakakokama makanda manene yi baFalixi kudi Pilata 63ene, Twelela nkanyi, idyanga, mwakatôya muna ncimi you, pakadi ukidi yi môyo, ene, Kunyuma kwa matuku asatu, meme nakubika kabidi. 64Mbwôso elapo bwadi ene, lukita lunamibwi pôi dituku diamusatu, ximbi beyi banci baxelwa mweba, yi baxetôyela bantu ene, Amabixibwa kudi bafu ; yi lodimbu lwa kunyuma lunadika lodimbu lwa buxi. 65Yi Pilata akabambila ene, Nonu nudi yi banami ; nuyi lubamba mubambilu ěnu unubili kubamba nda. 66Yi bakaya bamba lukita, yi bakakwela madlmbu ku dibwe, yi banami bakadi yinabo.

Currently Selected:

MATEYO 27: Luna_NT

Highlight

Copy