MATEYO 18

1KU ola you kwakalwa beyi kudi Yisu ene, Nani lolo adika munene mu bufumu bwa diulu ? 2Yi akabikila kana kabende kudiyi, akakaxikika pakacikaci pabo, 3yi akatôya ene, Nwatôyela sôsôlwo ene, Kutena nwamakulumuka, yi nwamalwa bea bana babende, kanunabwela mu bufumu bwa diulu pô. 4Mbwôso muntu mwoso unadipwesa mikyenci luna kaka kana kabende, kayou amadika munene mu bufumu bwa diulu. 5Yi muntu mwoso angata mwana umoumwe a noku ku dina diamene, ungwangata meme. 6Kaninga muntu mwoso unaponesa mwana umoumwe a babaki baba babende bamangwetabuxila, kwamadika loko ku bwalo bwanci ndo dibwe dinene dixemusukibwa ku xingu anci, uxediyixibwa lolo mu ngidi ya mai. 7Mpeya ku loboko bwalo bwa biponexelu. Biponexelu binalwa, kaninga mpeya kudi muntu you ulolwa kiponexelu kudiyi.

8Yi ndo kianca kiebe ndo dikasa diebe kiamakuponesa, ukikali, ukiecikisi kudi ; kudi loko yinebe ndo kubwela mu môyo yi kitumbi ndo yi kikomo, kumoni kwelebwa yi bianca bibidi ndo makasa abidi mu mudilu ă kô kô. 9Yi ndo diso diebe diamakuponesa, udipokoli, udiecikisi kudi ; kudi loko yinebe ndo kubwela mu môyo yi kipoko, kumoni kwelebwa mu dilundu dia mudilu yi meso abidi.

10Nutebeli, kanutamuni umoumwe a babaki baba babende ; bwalo bunwatôyela ene, bangele babo mu diulu bamona mpala a Tetemi matuku moso udi mu diulu. 11Bwalo bwamalwa Mwana a Muntu kulwa pandisa you amabungwa. 12Nonu nwakisa beci ? Akali muntu udi yi mikwakwa nkama, yi umoumwe amabungwa, ki yei unaxiya masangi dibwa yi dibwa ku mpongo kuya palala you amabungwa ? 13Akali lolo umwasokolola, meme nwatôyela sôsôlwo ene, kuxekyelela kwanci kwa you kwamadika kuxekyelela kwanci kwa masangi dibwa yi mikwakwa dibwa yitasobungwa. 14Mo nako kakuna nyinga ya Tetenu udi mu diulu, umoumwe kufwa a babaki babende baba.

15Mo ndo muna kwebe onona ku bwalo bwebe, yaka ya mwebesi mikyebe yinanci ku busoko. Ndo unakwombwa wamapandisa muna kwebe. 16Mo ndo kasokwombwa, cwala yinebe ndo umoumwe ndo babidi, bixesubixibwa diyi dioso ku misuku ya batobodi ndo babidi ndo basatu. 17Kaninga ndo anyañana kubombwela, utôyeli kikokye ; yi ndo anyafiana kwombwa kikokye kabidi, akali yinebe bea luna muna mabila ndo bea musangi a mulambu. 18Nwatôyela sôsôlwo ene, Bwalo bwoso bununabamba paxi bunabambibwa mu diulu, yi bwalo bwoso bununasula paxi bunasudibwa mu diulu. 19Nwatôyela kabidi ene, ndo babidi badi yinenu banakwetabusafiana dia bwalo, isa bwalo bwoso bunalombabo, bunabafikixibwa kudi Tetemi utani mu diulu. 20Bwalo kwoso kwakokama ndo babidi ndo basatu ku dina diamene, meme ndi koku, pakacikaci pabo.

21Ku kikondo kieki kwakalwa Pita kudiyi ene, Fumu mwakunyami unangwonena mona anga yi nakumulekyela ? Mona sambwali ? 22Yisu akamwambila ene, Kisokwambila ene, pôi sambwali, kate pôi masangi sambwali a mona sambwali. 23Mbwôsô bufumu bwa diulu bwamafwañanana yi luna fumu uxebala yi basadi banci. 24Yi pakadi ama banga kubala, muntu umoumwe aka cwadibwa kudiyi, akadi muna mbat a talente nkone disangi. 25Ka ninga bwalo bwakadiyi kiena y kintu kia kufuta, fumu akatôya ene aodixibwi, yi mukasanci, yi bana band, yi bintu bioso biakadi yinanci mbata kusombolebwa. 26Musad lolo akapona paxi yi akamuxingik ene, Fumu ungukungi, yi nakukusombola nya. 27Yi fumu a musadi you akakwombwa mwengo, akamusula yi akamulekyela mbata you 28Kaninga musadi you akabatuka akasañana munga musadi muna kwanci akadi yinanci mbata a denalic nkama. Yi akamukwata, yi akamufina xingu ene, Ungusomboli mbata. 29Muna kwanci lolo akapona paxi, akamulomba ene, Ungukungi, yi nakukusombola. 30Mo yei akanyañana kate akaya mwela mu ncibo a lukanu bixesombolayi mbata. 31Kaninga banga basadi bena kwanci, pakamonabo mwakakwencebwa, bakadila kungi, yi bakaya sakolela fumwabo bintu bioso biakapona. 32Fumwanci lolo akamubikila, akamwambila ene, Musadi mubi ! Meme nakakulekyela bungi bwa mbata you, bwalo bwakanguxengula ; 33ki owe lolo uxekwo mbwela muna kwebe mwengo, byaka luna binakakwombwela owe mwengo ? 34Yi fumwanci akadi yi bituku akamulongola kudi banami bixesombolayi mbata muncimancima uxemusombolayi. 35Mo nako kabidi Tetemi utani mu diulu unanwencela nonu, ndo kanusolekyela muntu muna kwanci muntu muna kwanci ku micima yenu.

Currently Selected:

MATEYO 18: Luna_NT

Highlight

Copy