ಜುವಾಂವ್ 7

ಜೆಜು ಅನಿ ತೆಚಿ ಭಾವಾ

1ಹೆಚ್ಯಾ ಮಾನಾ ಜೆಜು ಗಾಲಿಲಿಯಾತ್ ಸಗ್ಳ್ಯಾಕ್ಡೆ ಫಿರುಕ್ ಲಾಗ್ಲೊ. ಜುದೆವ್ ಲೊಕಾ ತೆಕಾ ಜಿವಾನಿ ಮಾರುಕ್ ರಾಕುನ್ಗೆತ್ ಹೊತ್ತೆ, ತಸೆ ಮನುನ್ ತೆಕಾ ಜುದೆಯಾತ್ ಫಿರುಕ್ ನಕ್ಕೊ ಹೊಲ್ಲೆ. 2ಜುದೆವಾನಿ ಕರ್‍ತಲೊ ತಂಬಾಂಚೊ ಸನ್ ಜಗೊಳ್ ಯೆಲ್ಲೊ. 3ತಸೆಮನುನ್ ತೆಚ್ಯಾ ಭಾವಾನಿ ತೆಕಾ “ತಿಯಾ ಹಿತ್ತೆತ್ನಾ ಭಾಯ್ರ್ ಜಾವ್ನ್ ಜುದೆಯಾಕ್ ಚಲ್ ಅಶೆಚ್ ತಿಯಾ ಕರ್‍ತೆ ತಿ ಅಜಾಪಾ ತುಜ್ಯಾ ಫಾಟ್ನಾ ಹೊತ್ತಿ ಲೊಕಾ ಬಗ್ತ್ಯಾತ್. 4ಖಲೊ ಮಾನುಸ್ ಬಿ ಲೊಕಾಚ್ಯಾ ಫಿಡೆ ಬರೊ ಹೊವ್ಕ್ ಹೊತಾ ಅಪ್ನಾಚಿ ಅಪ್ನಿ ಕರ್‍ತಲಿ ಕಾಮಾ ನಿಪುನ್-ನಿಪುನ್ ಕರಿನಾ ತಿಯಾ ಅಜಾಪಾ ಕರುನ್ ದಾಕ್ವುವುಚೆ ತಸೆಮನುನ್ ತಿಯಾ ಕರ್‍ತಲಿ ಕಾಮಾ ಸಗ್ಳ್ಯಾ ಜಗಾಕ್ ಕಳಿ ಸಾರ್ಕೆ ಕರ್!” 5ತ್ಯೆಚ್ಯಾ ಭಾವಾನಿ ಸೈತ್ ತ್ಯೆಚ್ಯಾವರ್ತಿ ವಿಶ್ವಾಸ್ ಕರುಕನ್ಯಾತ್.

6ಜೆಜುನ್ ತೆಂಕಾ, “ಅಜುನ್ ಮಾಜೊ ಸಮಾ ಎಳ್ ಯೆವ್ಕ್ ನಾ. ತುಮ್ಕಾ ಸಗ್ಳೊ ಎಳ್‍ಬಿ ಸಮಾಚ್. 7ಹ್ಯೊ ಜಗ್ ತುಮ್ಚೊ ದ್ವೆಸ್ ಕರಿನಾ ಖರೆ ತೊ ಮಾಜೊ ದ್ವೆಸ್ ಕರ್‍ತಾ ಕಶ್ಯಾಕ್ ಮಟ್ಲ್ಯಾರ್ ಮಿಯಾ ತೆಚಿ ವಾಟಾ ಬುರ್ಶ್ಯಾ ಹಾತ್ ಮನುನ್ ಸಾಂಗುಂಗೆತ್ ರ್‍ಹಾತಾ. 8ತುಮಿ ಸನಾಕ್ ಜಾವಾ ಮಿಯಾ ಹ್ಯಾ ಸನಾಕ್ ಜಾಯ್ನಾ ಹೊಲಾ. ಕಶ್ಯಾಕ್ ಮಟ್ಲ್ಯಾರ್ ಮಾಜೊ ಸಮಾ ಎಳ್ ಅಜುನ್ ಯೆವ್ಕ್ ನಾ” ಮನುನ್ ಸಾಂಗಟ್ಲ್ಯಾನ್. 9ಎವ್ಡೆ ಸಾಂಗುನ್ ಜೆಜು ಗಾಲಿಲಿಯಾತುಚ್ ರ್‍ಹಾಲೊ.

ಜೆಜು ತಂಬಾಂಚ್ಯಾ ಸನಾತ್

10ಹೆಚ್ಯಾ ಮಾನಾ ತೆಚಿ ಭಾವಾ ಸನಾಕ್ ಗೆಲಿ, ಜೆಜುಬಿ ಗೆಲೊ ಖರೆ ತೊ ಕೊನಾಕ್ಬಿ ಕಳಿನಸ್ತಾನಾ ಗೆಲ್ಲೊ. 11ಸನಾತ್ ಜುದೆವಾಂಚೆ ಅದಿಕಾರಿ ಜೆಜುಕ್ ಹುಡ್ಕುಕ್ ಲಾಗಲ್ಲೆ. ಅನಿ “ಖೈ ಹಾಯ್ ತೊ?” ಮನುನ್ ಇಚಾರ್‍ಲ್ಯಾನಿ.

12ಥೈ ಲೊಕಾಂಚ್ಯಾ ತಾಂಡ್ಯಾತ್ ಜೆಜುಚ್ಯಾ ವಿಶಯಾತ್ ಲೈ ಪುಸ್ಪುಸುನ್ ಬೊಲುಲಾಗಲ್ಲ್ಯಾನಿ. ಉಲ್ಲ್ಯಾ ಲೊಕಾನಿ “ತೊ ಬರೊ ಮಾನುಸ್” ಮಟ್ಲ್ಯಾನಿ ಅನಿ ಹುರಲ್ಲ್ಯಾನಿ, “ನಾ, ತೊ ಲೊಕಾಕ್ನಿ ಪಸ್ವುಲಾ” ಮಟ್ಲ್ಯಾನಿ. 13ಖರೆ ಕೊನ್ಬಿ ತ್ಯೆಚ್ಯಾ ವಿಶಯಾತ್ ಫೊಡುನ್ ಬೊಲುಕ್ನ್ಯಾತ್, ಕಶ್ಯಾಕ್ ಮಟ್ಲ್ಯಾರ್ ತೆನಿ ಜುದೆವಾಂಚ್ಯಾ ಅದಿಕಾರ್‍ಯಾಕ್ನಿ ಭಿಂವುಲಾಗಲ್ಲ್ಯಾನಿ.

14ಸನ್ ಜಗ್ಗೊಳ್ ಅರ್ದೊ ಹೊಲ್ಲೊ ತನ್ನಾ ಜೆಜು ಗುಡಿತ್ ಗೆಲೊ, ಅನಿ ಶಿಕ್ವುಲಾಗಲ್ಲೊ. 15ಜುದೆವಾಂಚೆ ಅದಿಕಾರಿ ಲೈ ಅಜಾಪ್ ಹೊಲೆ, ಅನಿ “ಹ್ಯೊ ಮಾನುಸ್ ಶಿಕುಕ್‍ನಾ ನಾ ಕಾಯ್ ನಾ, ಎವ್ಡೆ ಸಗ್ಳೆ ಹೆಕಾ ಕಶೆ ಗೊತ್ತ್ ಹಾಯ್?” ಮಟ್ಲ್ಯಾನಿ.

16ಜೆಜುನ್ ತೆಂಕಾ, “ಮಿಯಾ ಶಿಕ್ವುತಲೆ ಮಾಜೆ ಸ್ವತಾಚೆ ಶಿಕಾಪ್ ನ್ಹಯ್, ತೆ ದೆವಾಕ್ನಾ ಯೆತಾ, ತ್ಯೆನಿಚ್ ಮಾಕಾ ಧಾಡ್ವುನ್ ದಿಲಾ”. 17ಜೆ ಕೊನ್ ದೆವಾಕ್ ಕಾಯ್ ಪಾಜೆ ಹೊಲ್ಲೆ ತೆ ಕರ್‍ತಾ ತೆಕಾ ಮಿಯಾ ಶಿಕ್ವುತಲೆ ದೆವಾಕ್ನಾ ಯೆಲಾ ಕಾಯ್, ಮಿಯಾ ಮಾಜ್ಯಾಚ್ ಅದಿಕಾರ್‍ಯಾನ್ ಬೊಲುಲಾ ಮನುನ್ ಸ್ವತಾಚೆ ಕಳ್ತಾ. 18ಜೆ ಕೊನ್ ಸ್ವತಾಚ್ಯಾ ಅದಿಕಾರ್‍ಯಾನ್ ಬೊಲ್ತ್ಯಾತ್, ತೆನಿ ಅಪ್ನಾಚ್ಯಾ ಅಪ್ನಿ ಮಹಿಮಾ ಜೊಡುನ್ ಘೆವ್ಕ್ ಕಟ್ಪಟ್ತಾತ್. ಖರೆ ಜೆ ಕೊನಾಕ್ ತೆಕಾ ಧಾಡುನ್ ದಿಲ್ಲ್ಯಾಚಿ ಮಹಿಮಾ ಪಾಜೆ ತೊ ನಿಯತ್ತಿಚೊ, ಅನಿ ತೆಚ್ಯಾ ಭುತ್ತುರ್ ಕಾಯ್ಬಿ ಝುಟೆ ಮನ್ತಲೆ ನಾ. 19ತುಮ್ಕಾ ಮೊಯ್ಜೆನ್ ಖಾಯ್ದೆ ದಿಲ್ಲೆ ಹೊಯ್ ಕಿ ನ್ಹಯ್? ಖರೆ ತುಮ್ಚ್ಯಾತ್ಲೊ ಕೊನ್ಬಿ ಹೆ ಖಾಯ್ದೆ ಪಾಳಿನಾ. ತುಮಿ ಮಾಕಾ ಜಿವಾನಿ ಮಾರುಕ್ ಕಶ್ಯಾಕ್ ಬಗುಲ್ಯಾಸಿ?" ಮನುನ್ ಜಬಾಬ್ ದಿಲ್ಯಾನ್.

20ತನ್ನಾ ಲೊಕಾಂಚ್ಯಾ ತಾಂಡ್ಯಾನ್ “ತುಕಾ ಗಿರೊ ಲಾಗ್ಲಾ! ಕೊನ್ ತುಕಾ ಜಿವಾನಿ ಮಾರುಕ್ ಬಗುಲ್ಯಾತ್?” ಮನುನ್ ಜಬಾಬ್ ದಿಲ್ಯಾನ್. 21ತನ್ನಾ ಜೆಜುನ್, “ಮಿಯಾ ಎಕ್ ಅಜಾಪ್ ಕರ್‍ಲೊ ತುಮಿ ಸಗ್ಳೆ ಅಜಿಪ್ ಹೊಲ್ಯಾಶಿ. 22ಮೊಯ್ಜೆನ್ ತುಮ್ಕಾ ತುಮ್ಚ್ಯಾ ಲೆಕಾಂಚಿ ಸುನ್ನತ್ ಕರುಚಿ ಮನುನ್ ಹುಕುಮ್ ದಿಲ್ಯಾನ್. ಹೆ ಮೊಯ್ಜೆನ್ ನ್ಹಯ್ ತುಮ್ಚ್ಯಾ ಅದ್ಲ್ಯಾ ಲೊಕಾನಿಚ್ ಚಾಲು ಕರಲ್ಲೆ ಅಶೆಚ್ ತುಮಿ ಸಬ್ಬಾತಾಚ್ಯಾ ದಿಸಿ ಎಕ್ ಝಿಲ್ಗ್ಯಾಚಿ ಸುನ್ನತ್ ಕರ್‍ತ್ಯಾಶಿ. 23ಜರ್ ತರ್ ಸಬ್ಬಾತಾಚ್ಯಾ ದಿಸಿ ಎಕ್ ಝಿಲ್ಗ್ಯಾಚಿ ಸುನ್ನತ್ ಕರ್‍ತ್ಯಾಶಿ, ತರ್ ಮೊಯ್ಜೆನ್ ದಿಲ್ಲೊ ಖಾಯ್ದೊ ಮೊಡ್ಲ್ಯಾ ಸರ್ಕೆ ಹೊಯ್ನಾ, ತಸೆಜಾಲ್ಯಾರ್ ಎಕ್ ಮಾನ್ಸಾಕ್ ಸಬ್ಬಾತಾ ದಿಸಿ ಬರೆ ಕರ್ಲ್ಯಾರ್ ತುಮ್ಕಾ ಕಶ್ಯಾಕ್ ತುಮಿ ಕೆಕಾ ರಾಗ್ ಯೆವ್ಲಾ? 24ಭಾಯ್ಲೆ ಬಗುನ್ ನಿತ್ ಕರುನಕಾಶಿ, ಖರೆಪಾನಾನ್ ನಿತ್ ಕರಾ”.

ಹ್ಯೊಚ್ ಕಾಯ್ ಮೆಸ್ಸಿಯಾ?

25ಜೆರುಜಲೆಮಾತ್ ರ್‍ಹಾತಲಿ ಉಲ್ಲಿ ಲೊಕಾನಿ, “ಅದಿಕಾರಿ ಜಿವಾನಿ ಮಾರುಕ್ ಬಗುನಗೆತ್ ಹಾತ್ ಹೆಕಾಚ್ ನ್ಹಯ್ ಕಾಯ್? 26ತರ್‍ಬಿ ತೊ ಹಿತ್ತೆ ಕೊನಾಚೆಬಿ ಭಿಂಯೆನಸ್ತಾನಾ ಬೊಲುಲಾ, ಅನಿ ಕೊನ್ಬಿ ತೆಕಾ ಕಾಯ್ಬಿ ಮನಿನಾ ಹೊಲ್ಯಾತ್! ಖರೆ ಹ್ಯೊಚ್ ಮೆಸ್ಸಿಯಾ ಮನುನ್ ಅಮ್ಚ್ಯಾ ಜಾನ್ತ್ಯಾಕ್ನಿ ಕಳ್ಳೆಕಿ ಕಾಯ್? 27ಮೆಸ್ಸಿಯಾ ಯೆಲ್ಲ್ಯಾತನ್ನಾ ತೊ ಖೈತ್ನಾ ಯೆಲಾ ಮನುನ್ ಕೊನಾಕ್ಬಿ ಗೊತ್ತ್ ರ್‍ಹಾಯ್ನಾ. ಹ್ಯೊ ಮಾನುಸ್ ಖೈತ್ನಾ ಯೆಲಾ ಮನುನ್ ಅಮ್ಕಾ ಗೊತ್ತ್ ಹಾಯ್” ಮಟ್ಲ್ಯಾನಿ.

28ತನ್ನಾ ಜೆಜು ದೆವಾಚ್ಯಾ ಗುಡಿತ್ ಶಿಕ್ವುತಾನಾ ಜೆಜುನ್ ಮೊಟ್ಯಾ ಅವಾಜಾನ್, ಮಿಯಾ ಕೊನ್ ಅನಿ ಖೈತ್ನಾ ಯೆಲಾ ಮನುನ್ ತುಮ್ಕಾ ಖರೆಚ್! ಗೊತ್ತ್ ಹಾಯ್ ಕಾಯ್? ಮಿಯಾ ಮಾಜ್ಯಾ ಸ್ವತಾಚ್ಯಾ ಅದಿಕಾರ್‍ಯಾನ್ ಯೆವ್ಕ್ ನಾ. ಮಾಕಾ ಧಾಡುನ್ ದಿಲ್ಲೊ ಖರೊ ಮಾನುಸ್. ತುಮಿ ತೆಕಾ ವಳ್ಕಿನ್ಯಾಶಿ. 29ಖರೆ ಮಿಯಾ ತೆಕಾ ವಳಕ್ತಾ, ಕಶ್ಯಾಕ್ ಮಟ್ಲ್ಯಾರ್ ಮಿಯಾ ತೆಚೆಕ್ನಾಚ್ ಯೆಲಾ ಅನಿ ತೆನಿಚ್ ಮಾಕಾ ಧಾಡುನ್ ದಿಲ್ಯಾನಾಯ್ ಮಟ್ಲ್ಯಾನ್.

30ತನ್ನಾ ತೆನಿ ತೆಕಾ ಧರುಕ್ ಬಗಟ್ಲ್ಯಾನಿ, ಖರೆ ಕೊನಾಕ್ಬಿ ತೆಕಾ ಹಾತ್ ಲಾವುಕ್ ಹೊವುಕ್ನಾ, ಕಶ್ಯಾಕ್ ಮಟ್ಲ್ಯಾರ್ ಅಜುನ್ ತೆಚೊ ಎಳ್ ಯೆವ್ಕ್ ನತ್ತೊ. 31ಖರೆ ತ್ಯಾ ತಾಂಡ್ಯಾತ್ಲ್ಯಾ ಸುಮಾರ್ ಲೊಕಾನಿ ತೆಚೆವರ್ತಿ ವಿಶ್ವಾಸ್ ಕರ್ಲ್ಯಾನಿ ಅನಿ, “ಮೆಸ್ಸಿಯಾ ಯೆಲ್ಲ್ಯಾತನ್ನಾ ಹ್ಯಾ ಮಾನ್ಸಾಚ್ಯಾನ್ಕಿ ಜಾಸ್ತಿ ಅಜಾಪಾ ಕರ್‍ತಾ ಕಾಯ್?” ತೆಚ್ಯಾನ್ಕಿ ಲೈ ಕರುಕ್ ಹೊಯ್ ನಾ ಮಟ್ಲ್ಯಾನಿ.

ಜೆಜುಕ್ ಧರುಕ್ ರಾಕ್ವಾಲ್ಯಾಕ್ನಿ ಧಾಡ್ತಲೆ

32ಲೊಕಾಂಚೊ ತಾಂಡೊ ಜೆಜುಚ್ಯಾ ವಿಶಯಾತ್ ಪುಸ್ವುಸುನ್ ಬೊಲ್ತಲೆ ಸಗ್ಳೆ ಫಾರಿಜೆವಾನಿ ಆಯಿಕ್ಲ್ಯಾನಿ, ತೆಚೆಸಾಟ್ನಿ ತೆನಿ ಅನಿ ಯಾಜಕಾಂಚ್ಯಾ ಮುಖಂಡಾನಿ ಉಲ್ಲ್ಯಾ ರಾಕ್ವಾಲ್ಯಾಕ್ನಿ ಜೆಜುಕ್ ಧರುಕ್ ಮನುನ್ ಧಾಡುನ್ ದಿಲ್ಯಾನಿ. 33ತನ್ನಾ ಜೆಜುನ್, “ಅನಿ ಎಕ್ ಉಲ್ಲೊಸೊಚ್ ಎಳ್ ಮಿಯಾ ತುಮ್ಚ್ಯಾ ವಾಂಗ್ಡಾ ರ್‍ಹಾತಾ, ಮಾನಾ ಮಿಯಾ ಮಾಕಾ ಧಾಡುನ್ ದಿಲ್ಲ್ಯಾಕ್ಡೆ ಜಾತಾ. 34ತುಮಿ ಮಾಕಾ ಹುಡಕ್ತ್ಯಾಶಿ ಖರೆ ಮಿಯಾ ತುಮ್ಕಾ ಗಾವಿನಾ ಕಶ್ಯಾಕ್‍ ಮಟ್ಲ್ಯಾರ್ ಮಿಯಾ ಖೈ ರ್‍ಹಾತಾ ಥೈ ತುಮ್ಚ್ಯಾನ್ ಯೆವ್ಕ್ ಹೊಯ್ನಾ” ಮಟ್ಲ್ಯಾನ್.

35ಜುದೆವಾಂಚ್ಯಾ ಅದಿಕಾರ್‍ಯಾನಿ ಅಪ್ನಾಂಚ್ಯಾ ಮದ್ದಿಚ್, “ಅಮ್ಕಾ ಗಾವಿನಸ್ಲ್ಯಾಕ್ಡೆ ಹ್ಯೊ ಖೈ ಜಾವ್ಕ್ ಲಾಗ್ಲಾ? ಹ್ಯೊ ಅಮ್ಚಿ ಲೊಕಾ ಹೊತ್ತ್ಯಾ ಗ್ರಿಕ್ ಶಾರಾಕ್ನಿ ಜಾವ್ನ್ ಶಿಕ್ವುತಾ ಕಾಯ್? 36ತೊ ಅಮಿ ತೆಕಾ ಹುಡಕ್ತಾಂವ್ ಖರೆ ತೊ ಅಮ್ಕಾ ಗಾವಿನಾ, ಅನಿ ಮಿಯಾ ಖೈ ಜಾತಾ ಥೈ ಯೆವ್ಕ್ ಹೊಯ್ನಾ ಮನ್ತಾ. ಹೆಚ್ಯಾ ಗೊಸ್ಟಿಯಾಂಚೊ ಅರ್ತ್ ಕಾಯ್?” ಮಟ್ಲ್ಯಾನಿ.

ಜಿವ್ ದಿತಲ್ಯಾ ಪಾನಿಯಾಚಿ ಝರೆ

37ಸನಾಚ್ಯಾ ಆಕ್ರಿಚ್ಯಾ ಅನಿ ಲೈ ಮಹತ್ವಾಚ್ಯಾ ದಿಸಿ ಜೆಜು ಇಬೆ ರ್‍ಹಾಲೊ ಅನಿ ಮೊಟ್ಯಾನ್, “ಜೆ ಕೊನ್ ಸೊಸೆನ್ ಹಾತ್ ತೆನಿ ಮಾಜಾಕ್ಡೆ ಯೆಂವ್ದಿತ್ ಅನಿ ಫಿಂವ್ದಿತ್, 38ಪವಿತ್ರ್ ಪುಸ್ತಕ್ ಮನ್ತಾ 'ಜೆ ಕೊನ್ ಮಾಜೆರ್ ವಿಶ್ವಾಸ್ ಕರ್‍ತಾತ್ ತೆಂಚ್ಯಾ ಭುತ್ತುರುಚ್ ಜಿವ್‍ದಿತಲ್ಯಾ ಪಾನಿಯಾಚೆ ಝರೆ ಫುಟ್ತಾತ್” ಮಟ್ಲ್ಯಾನ್. 39ಜೆಜು ಆತ್ಮ್ಯಾಚ್ಯಾ ವಿಶಯಾತ್ ಬೊಲ್ಲ್ಯಾನ್. ಹೆ ಅಪ್ನಾಚ್ಯಾ ವರ್ತಿ ವಿಶ್ವಾಸ್ ಕರ್‍ತಲ್ಯಾಕ್ನಿ ಗಾವ್ತಲೆ ಹೊತ್ತೆ. ಪವಿತ್ರ್ ತ್ಯಾ ಎಳಾರ್ ಅಜುನ್ ಪವಿತ್ರ್ ಆತ್ಮ್ಯಾಕ್ ದಿಲ್ಲೆ ನತ್ತೆ, ಕಶ್ಯಾಕ್ ಮಟ್ಲ್ಯಾರ್, ಅಜುನ್ ಬಿ ಜೆಜುಕ್ ಮಹಿಮೆಚ್ಯಾ ವಾಂಗ್ಡಾ ಉಟ್ವಲ್ಲೆ ನತ್ತೆ.

ಲೊಕಾಂಚ್ಯಾ ಮದ್ದಿ ಭಾಗ್

40ತಾಂಡ್ಯಾತ್ಲ್ಯಾ ಉಲ್ಲ್ಯಾ ಲೊಕಾನಿ ಜೆಜುನ್ ಹೆ ಸಾಂಗ್ತಲೆ ಆಯ್ಕಲ್ಲ್ಯಾನ್ ಅನಿ, “ಹ್ಯೊ ಮಾನುಸ್ ಖರೊಚ್ ಎಕ್ ಪ್ರವಾದಿ!” ಮಟ್ಲ್ಯಾನಿ.

41ಅನಿ ಹುರಲ್ಲ್ಯಾನಿ, “ತೊ ಮೆಸ್ಸಿಯಾ!” ಮಟ್ಲ್ಯಾನಿ. ಖರೆ ಅನಿ ಉರಲ್ಲ್ಯಾನಿ “ಮೆಸ್ಸಿಯಾ ಗಾಲಿಲಿಯಾತ್ನಾ ಯೆಯ್ನಾ!” 42ಪವಿತ್ರ್ ಪುಸ್ತಕ್ ಮನ್ತಾ “ಮೆಸ್ಸಿಯಾ ದಾವಿದ್ ರಾಜಾಚ್ಯಾ ಘರಾನ್ಯಾಚೊ ಅನಿ ತೊ ದಾವಿದಾನ್ ಜಿವನ್ ಕರಲ್ಲ್ಯಾ ಬೆತ್ಲೆಹೆಮಾತ್ ಉಪಾಜ್ತಾ” ಮಟ್ಲ್ಯಾನಿ. 43ಅಶೆಚ್ ತ್ಯಾ ಲೊಕಾಂಚ್ಯಾ ತಾಂಡ್ಯಾತ್ ಜೆಜುಕ್ ಲಾಗುನ್ ಭಾಗ್ ಹೊಲ್ಲೆ. 44ಉಲ್ಲ್ಯಾ ಲೊಕಾನಿ ತೆಕಾ ಧರುಚೆ ಮನುನ್ ಬಗಟ್ಲ್ಯಾನಿ, ಖರೆ ಕೊನಾಕ್ಬಿ ತೆಕಾ ಹಾತ್ ಲಾವ್ಕ್ ಹೊವ್ಕ್ ನಾ.

ಜುದೆವ್ ಅದಿಕಾರ್‍ಯಾಕ್ನಿ ವಿಶ್ವಾಸ್ ನಸಲ್ಲೆ

45ರಾಕ್ವಾಲಿ ಫಾಟಿ ಪರ್ತುನ್ ಗೆಲ್ಲ್ಯಾ ತನ್ನಾ ಯಾಜಕಾಂಚ್ಯಾ ಮುಖಂಡಾನಿ ಅನಿ ಫಾರಿಜೆವಾನಿ ತೆಂಕಾ, “ತುಮಿ ತೆಕಾ ಕಶ್ಯಾಕ್ ಹಾನುಕ್‍ನ್ಯಾಶಿ?” ಮನುನ್ ಇಚಾರ್‍ಲ್ಯಾನಿ.

46ತನ್ನಾ ರಾಕ್ವಾಲ್ಯಾನಿ “ಹ್ಯೊ ಮಾನುಸ್ ಬೊಲ್ತಾ ತಶೆ ಕೊನ್ಬಿ ಕನ್ನಾಬಿ ಬೊಲುಕ್ನಾ!” ಮನುನ್ ಜಬಾಬ್ ದಿಲ್ಯಾನಿ.

47ತನ್ನಾ ಫಾರಿಜೆವಾನಿ, “ತುಮ್ಕಾಬಿ ತೆನಿ ಪಿಸ್ವುನ್ ಘಾಟ್ಲ್ಯಾನ್ ಕಾಯ್?” ಮನುನ್ ಇಚಾರ್‍ಲ್ಯಾನಿ.

48“ಕನ್ನಾಬಿ ತುಮ್ಕಾ ಅದಿಕಾರ್‍ಯಾನಿತ್ಲೊ ಎಕ್ಲೊ ನಾ ಹೊಲ್ಯಾರ್ ಫಾರಿಜೆವಾನಿತ್ಲೊ ಎಕ್ಲೊ ತೆಚೆವರ್ತಿ ವಿಶ್ವಾಸ್ ಕರ್‍ತಾ ಮನುನ್ ಗೊತ್ತ್ ಹಾಯ್ ಕಾಯ್? 49ನಾ ಹ್ಯಾ ಲೊಕಾಂಚ್ಯಾ ತಾಂಡ್ಯಾಕ್ ಮೊಯ್ಜೆಚೆ ಖಾಯ್ದೆ ಗೊತ್ತ್ ನಾತ್, ತಸೆಮನುನ್ ತೆನಿ ದೆವಾಚ್ಯಾ ಸರಾಪಾತ್ ಹಾತ್!” ಮಟ್ಲ್ಯಾನಿ.

50ಫಾರಿಜೆವಾನಿತ್ಲೊ ಎಕ್ಲೊ ನಿಕೊದೆಮ್ ಮನ್ತಲೊ, ತೊ ಜೆಜುಕ್ ಭೆಟುಕ್ ಮನುನ್ ಗೆಲ್ಲೊ ತೆನಿ ಅನಿ ಹುರಲ್ಲ್ಯಾಕ್ನಿ,

51“ಅಮ್ಚ್ಯಾ ಖಾಯ್ದ್ಯಾ ಪರ್‍ಕಾರ್ ಕೊನಾಕ್ಬಿ ಬರೆ ಕರುನ್ ಆಯ್ಕಲ್ಲ್ಯಾ ಶಿವಾಯ್ ಅನಿ ತೆನಿ ಕರಲ್ಲಿ ಚುಕ್ ಹುಡ್ಕುನ್ ಕಾಡ್ಲ್ಯಾ ಶಿವಾಯ್ ತೊ ಮಾನುಸ್ ಚುಕಿದಾರ್ ಮನುನ್ ಸಾಂಗುಕ್ ಹೊಯ್ನಾ” ಮಟ್ಲ್ಯಾನ್

52ತನ್ನಾ ತೆನಿ,“ಬರೆ ಜಾಲ್ಯಾರ್, ತಿಯಾಬಿ ಗಾಲಿಲಿಯಾತ್ಲೊ ಕಾಯ್? ಪವಿತ್ರ್ ಪುಸ್ತಕ್ ವಾಚ್, ಗಾಲಿಲಿಯಾತ್ನಾ ಕನ್ನಾಬಿ ಪ್ರವಾದಿ ಯೆಯ್ನಾ ಮನುನ್ ತಿಯಾ ಶಿಕ್ತೆ” ಮನುನ್ ಜಬಾಬ್ ದಿಲ್ಯಾನಿ. 53ಮಾನಾ ತೆನಿ ಹರಿ ಎಕ್ಲೆ ತ್ಯೆಚ್ಯಾ ಸ್ವತಾಚ್ಯಾ ಘರಾಕ್ ಗೆಲ್ಯಾನಿ.

Currently Selected:

ಜುವಾಂವ್ 7: NTSii24

Highlight

Copy