ಅಪೊಸ್ತಲಾಂಚಿ ಕಾಮಾ 22

1ಪಾವ್ಲುನ್, ಮಾಜ್ಯಾ ವಿಶ್ವಾಸಾತ್ ಹೊತ್ತ್ಯಾ ಜುದೆವ್ ವಾಂಗ್ಡಿಯಾನು ಅನಿ ಬಾಬಾನು ಮಾಜ್ಯೊ ಪ್ರತಿವಾದ್ ಆಯ್ಕಾ! ಮಟ್ಲ್ಯಾನ್. 2ಪಾವ್ಲು ಹಿಬ್ರು ಬಾಶೆತ್ ಬೊಲ್ತೆಲ್ಲೆ ಆಯ್ಕುನ್ ಜುದೆವಾಂಚಿ ಲೊಕಾ ಅನಿ ಉಲ್ಲಿ ಶಾಂತ್ ಹೊಲಿ.

3ತನ್ನಾ ಪಾವ್ಲು ಅಶೆ ಸಾಂಗ್ಲ್ಯಾನ್: ಮಿಯಾ ಜುದೆವಾಂಚೊ, ಮಿಯಾ ಉಪಾಜಲ್ಲೆ ಸಿಲಿಸಿ ದೆಶಾಚ್ಯಾ ತಾರ್ಸಿಸ್ ಮನ್ತಲ್ಯಾ ಶಾರಾತ್, ಹೊಲ್ಯಾರ್, ಮಿಯಾ ಮೊಟೊ ಹೊಲ್ಲೊ ಜೆರುಜಲೆಮಾತ್. ಮಿಯಾ ಗಮಲಿಯಲಾಚ್ಯಾ ಹಾತಿತ್ ಶಿಕಲ್ಲೊ ಪೊರ್, ಅಮ್ಚ್ಯಾಪುರ್ವಜ್ಯಾಂಚ್ಯಾ ಖಾಯ್ದ್ಯಾಚ್ಯಾ ಪುಸ್ತಕಾಂಚ್ಯಾ ವಿಶಯಾತ್ ಹರ್ ಎಕ್ಬಿ ಮಾಕಾ ಬರೆ ಕರುನ್ ಶಿಕಾಪ್ ಕರ್‍ಲಾ, ಆಜ್ ಹಿತ್ತೆ ಹೊತ್ತ್ಯಾ ತುಮ್ಚ್ಯಾ ಸಾರ್ಕೆ ಮಿಯಾ ದೆವಾಚ್ಯಾ ಸೆವಾಚ್ಯಾ ವಿಶಯಾತ್ ಲೈ ಅಭಿಮಾನ್ ಥವಲ್ಲೊ ಹೊತ್ತೊ. 4ಜೆಜುಚ್ಯಾ ವಾಟೆನ್ ಕೊನ್ ಜಾತಾತ್ ತೆಂಕಾ ಮಿಯಾ ತರಾಸ್ ದಿಲಾ ಮಾಜ್ಯಾ ವೈನಾ ತೆಂಚ್ಯಾತ್ ಉಲ್ಲ್ಯಾಲೊಕಾಕ್ನಿ ಮರಿ ಪಾತರ್ ತರಾಸ್ ದಿಲೊ, ಅನಿ ಘವ್ಮಾನ್ಸಾಕ್ನಿ ಅನಿ ಬಾಯ್ಕೊಮಾನ್ಸಾಕ್ನಿ ಭಾಂದುನ್ ಬಂದಿಖಾನ್ಯಾತ್ ಘಾಲುಕ್ ಲಾವ್ಲೊ. 5ಹೆ ಖರೆ ಮನನುಕ್ ಮುಖ್ಯ್ ಯಾಜಕ್ ಅನಿ ಜುದೆವಾಂಚ್ಯಾ ಜಾನ್ತ್ಯಾ ಲೊಕಾಂಚ್ಯಾ ತಾಂಡ್ಯಾತ್ಲಿ ಲೊಕಾ ಸಗ್ಳಿ ಸಾಕ್ಷಿ ಹೊವ್ನ್ ಹಾತ್, ಎಗ್ದಾ ಹ್ಯಾ ಮುಂಖಡಾನಿ ಮಾಕಾ ಉಲ್ಲಿ ಚಿಟಿಯಾ ದಿಲ್ಯಾನಿ, ದಮಸ್ಕಾ ಮನ್ತಲ್ಯಾ ಶಾರಾತ್ಲ್ಯಾ ಜುದೆವಾಂಚ್ಯಾ ಭಾವಾಕ್ನಿ ತಿ ಸಗ್ಳ್ಯಿ ಚಿಟಿಯಾ ಲಿವಲ್ಲಿ ಹೊತ್ತಿ ಮಿಯಾ ಜೆಜುಚ್ಯಾ ಶಿಸಾಕ್ನಿ ಬಂಧಿಕರುನ್ ಶಿಕ್ಷಾ ದಿವ್ಕ್ ಸಾಟ್ನಿ ತೆಂಕಾ ಜೆರುಜಲೆಮಾಕ್ ವಡುನ್ ಘೆವ್ನ್ ಯೆವ್ಕ್ ಥೈ ಜಾವ್ಲಾಗಲೊ.

ಪಾವ್ಲು ಅಪ್ಲ್ಯಾ ಅಪೊವ್ಲ್ಯಾಚಿ ಖಬರ್ ಸಾಂಗ್ತಾ

9:1-19; 26:12-18

6ಮಿಯಾ ಪ್ರಯಾನ್ ಕರುನ್ಗೆತ್ ದಮಸ್ಕಾಚ್ಯಾ ಶಾರಾಚ್ಯಾ ಜಗ್ಗೊಳ್ ಯೆಲ್ಲ್ಯಾ ತನ್ನಾ ಸುಮಾರ್ ದೊಪಾರ್ ಹೊಲ್ಲಿ ಹೊತ್ತಿ, ತನ್ನಾ ಯೆಗ್ದಾಚ್ ಹೊಳ್ವತಲ್ಲೊ ಎಕ್ ಉಜ್ವೊಡ್ ಮಾಜ್ಯಾ ಬೊತ್ಯಾನ್ ಹೊಳ್ವಲ್ಲೊ. 7ತನ್ನಾ ಮಿಯಾ ಜಿಮ್ನಿ ವರ್‍ತಿ ಪಡ್ಲೊ ತನ್ನಾ ಮಾಕಾ ಎಕ್ ಧನ್ ಆಯಿಕ್ಲೊ, ಸಾವ್ಲ್, ಸಾವ್ಲ್! ತಿಯಾ ಕಶ್ಯಾಕ್ ಮಾಕಾ ತರಾಸ್ ದಿತೈಯ್? 8ತನ್ನಾ ಮಿಯಾ, ಧನಿಯಾ, ತಿಯಾ ಕೊನ್? ಮನುನ್ ಇಚಾರ್ಲೊ ತ್ಯಾ ಧನಾನ್, ನಜರೆತಾಚೊ ಜೆಜು ಮಿಯಾ ತಿಯಾ ತರಾಸ್ ದಿತಲ್ಲೆ ಮಾಕಾಚ್ ಮನುನ್ ಸಾಂಗಟ್ಲ್ಯಾನ್. 9ಮಾಜ್ಯಾ ವಾಂಗ್ಡಾ ಹೊತ್ತ್ಯಾ ಲೊಕಾಕ್ನಿ ಮಾಜ್ಯಾ ವಾಂಗ್ಡಾ ಬೊಲ್ತಲಿ ಧನ್ ಆಯ್ಕುಕ್ನಾ, ಖರೆ ತೆನಿ ತೊ ಉಜ್ವೊಡ್ ಬಗ್ಲ್ಯಾನಿ. 10“ತನ್ನಾ ಧನಿಯಾ ಮಿಯಾ ಕಾಯ್ ಕರು?” ಮಟ್ಲೊ ಧನಿಯಾನ್ ಉಟುನ್ ದಮಸ್ಕಾ ಶಾರಾತ್ ಜಾ ಮಿಯಾ ಅದ್ದಿಚ್ ನೆಮ್ಸುನ್ ತುಕಾ ಥವಲ್ಲಿ ಸಗ್ಳಿ ಕಾಮಾ ತುಕಾ ಥೈ ಕಳ್ವುನ್ ಹೊತಾ ಮನುನ್ ಜವಾಬ್ ದಿಲ್ಲ್ಯಾನ್. 11ಹೊಳಾವ್ತಲ್ಯಾ ಉಜ್ವಡಾನ್ ಮಾಕಾ ಕುಡ್ಡೊ ಕರಲ್ಯಾಸಾಟ್ನಿ ಕಾಯ್ಬಿ ದಿಸುಕ್ನಾ, ತಸೆಹೊವ್ನ್, ತ್ಯಾ ಲೊಕಾನಿ ಮಾಕಾ ದಮಸ್ಕಾ ಶಾರಾತ್ ಹಾತ್ ಧರುನ್ ಚಲ್ವುನ್ ನ್ಹೆಲ್ಯಾನಿ.

12ದಮಸ್ಕಾತ್ ಅನನಿಯ್ ಮನ್ತಲ್ಲೊ ಮಾಜ್ಯಾ ಜಗ್ಗೊಳ್ ಯೆಲೊ, ತೊ ದೆವಸ್ಪಾನಾಚೊ ಮಾನುಸ್ ಹೊಲ್ಲೊ, ತೊ ಮೊಯ್ಜೆಚ್ಯಾ ಖಾಯ್ದ್ಯಾಂಚ್ಯಾ ಪುಸ್ತಕಾಕ್ ಮಾನುನ್ ಘೆವ್ನ್ ಜಾತಲೊ ಹೊಲ್ಲೊ, ಥೈ ಹೊತ್ತಿ ಜುದೆವಾಂಚಿ ಸಗ್ಳಿ ಲೊಕಾ ತೆಕಾ ಮಾನ್. 13ಅನನಿಯಾ ಮನ್ತಲೊ ಮಾಜ್ಯಾ ಜಗ್ಗೊಳ್ ಯೆವ್ನ್, ಮಾಜ್ಯಾ ಭಾವಾ ಸಾವ್ಲ್, ತುಕಾ ಅನಿ ಪರ್ತುನ್ ಡೊಳೆ ದಿಸುಂದಿತ್ ! ಮಟ್ಲ್ಯಾನ್, ತಾಬೊಡ್ತೊಬ್ ಮಾಕಾ ದಿಸ್ಟ್ ಯೆಲಿ, ಅನಿ ಮಿಯಾ ತೆಕಾ ಬಗ್ಲೊ. 14ಅನನಿಯಾನ್ ಮಾಕಾ, ಅಮ್ಚ್ಯಾ ಪುರ್ವಜಾಂಚ್ಯಾ ದೆವಾನ್ ತುಕಾ ಲೈ ಯೆಳಾಚ್ಯಾ ಅದ್ದಿಚ್ ಎಚುನ್ ಘೆಟ್ಲಾ, ದೆವಾಚಿ ಯವ್ಜನ್ ಕಳ್ವುನ್ ಘೆವ್ಚೆ ಮನುನ್ ನಿಯತ್ತಿಚ್ಯಾ ಜೆಜುಕ್ ಬಗುಚೆ ಮನುನ್ ಅನಿ ತೆಚಿ ಸಗ್ಳಿ ಗೊಸ್ಟ್ ಆಯ್ಕುಚೆ ಮನುನ್ ದೆವಾನ್ ತುಕಾ ಎಚುನ್ ಘೆಟ್ಲಾ. 15ತಿಯಾ ಬಗಲ್ಲಿ ಅನಿ ಆಯ್ಕಲ್ಲಿ ಸಂಗ್ತಿಯಾ ಸಗ್ಳಿ ಸಗ್ಳ್ಯಾ ಲೊಕಾಕ್ನಿ ಸಾಕ್ಷಿ ಹೊವ್ನ್ ರಾತೈಯ್. 16ಅತ್ತಾ ತಿಯಾ ತಡೊ ಕರ್‍ತಲೆ ಕಶ್ಯಾಕ್? ಉಟ್ ! ಜೆಜುಚ್ಯಾ ವರ್‍ತಿ ವಿಶ್ವಾಸ್ ಥವ್ನ್ ಬಾಲ್ತಿಮ್ ಕರುನ್ ಘೆ, ಅನಿ ತೆಜ್ಯಾಕ್ಡೆ ಮಾಗ್ನಿ ಕರ್, ತುಜೊ ಪಾಪ್ ದುವ್ನ್ ಘೆ ಮನುನ್ ಸಾಂಗ್ಲ್ಯಾನ್.

ಜುದೆವ್ ನ್ಹಯ್ ಹೊತ್ತ್ಯಾ ಲೊಕಾಂಚ್ಯಾ ಮದ್ದಿ ಶಿಕಾಪ್ ಕರುಕ್ ಪಾವ್ಲುಚಿ ಬಲವ್ನಿ

17ಮಾನಾಸರ್ ಮಿಯಾ ಜೆರುಜಲೆಮಾಕ್ ಪರ್ತುನ್ ಗೆಲೊ ದೆವಾಚ್ಯಾ ಗುಡಿಚ್ಯಾ ದಾರಾತ್ ಮಾಗ್ನಿ ಕರ್ತಾನಾ ಮಾಕಾ ಎಕ್ ದರ್ಶನ್ ಹೊಲೆ. 18ಮಿಯಾ ಧನಿಯಾಕ್ ಬಗಟ್ಲೊ ತನ್ನಾ ಮಾಕಾ, ತಡೊ ಕರಿನಸ್ತಾನಾ ಜೆರುಜಲೆಮಾಕ್ ಜಾ, ಕಶ್ಯಾಕ್ ಮಟ್ಲ್ಯಾರ್, ಹಿ ಲೊಕಾ ಮಾಜ್ಯಾ ವಿಶಯಾತ್ ತುಜಿ ಸಾಕ್ಷಿ ಒಪ್ಪುನ್ ಘೆಯ್‌ನ್ಯಾತ್ ಮಟ್ಲ್ಯಾನ್. 19ತನ್ನಾ ಮಿಯಾ, ಧನಿಯಾ, ದೆವಾಚ್ಯಾ ಲೊಕಾಕ್ನಿ ಬಂಧಿಖಾನ್ಯಾತ್ ಘಾಲುನ್ ಮಾರುಕ್‍ಲಾವಲ್ಲೊ ಮಿಯಾಚ್ ಮನುನ್ ಲೊಕಾಕ್ನಿ ಗೊತ್ತ್ ಹಾಯ್, ತುಜ್ಯಾ ವರ್‍ತಿ ವಿಶ್ವಾಸ್ ಥವಲ್ಲ್ಯಾ ಲೊಕಾಕ್ನಿ ಹುಡ್ಕುನ್ ಕಾಡುನ್ ಬಂಧಿಖಾನ್ಯಾತ್ ಘಾಲುಕ್ ಮಿಯಾ ಸಗ್ಳ್ಯಾ ಸಿನಾಗೊತ್ನಿಬಿ ಜಾವ್ನ್ ಯೆಲಾ. 20ತುಜಿ ಸಾಕ್ಷಿ ಹೊಲ್ಲ್ಯಾ ಸ್ತೆಫನ್ ಮನ್ತಲ್ಯಾಕ್ ಜಿವಾನಿ ಮಾರ್ತಾನಾ ಮಿಯಾ ಥೈ ಹೊತ್ತೆ ಬಿ ಲೊಕಾಕ್ನಿ ಗೊತ್ತ್ ಹೊತ್ತೆ, ಸ್ತೆಫನ್ ಮನ್ತಲ್ಯಾಕ್ ಜಿವಾನಿ ಮಾರುಕ್ ತೆನಿ ನಿರ್ಧಾರ್ ಕರಲ್ಲ್ಯಾ ತನ್ನಾ ಮಿಯಾ ತೆಕಾ ಒಪ್ಗಿ ದಿವ್ನ್ ಥೈ ಇಬೆ ಹೊತ್ತೊ, ಅನಿ ತೆಕಾ ಜಿವಾನಿ ಮಾರ್ತಲ್ಲ್ಯಾಂಚೆ ಝಗೆಬಿ ಮಿಯಾ ಧರುನ್ ಘೆವ್ನ್ ಇಬೆ ಹೊತ್ತೊ ಮಟ್ಲ್ಯಾನ್. 21ಖರೆ ಧನಿಯಾನ್ ಮಾಕಾ “ ಜಾ ಲೈ ಧುರ್ ಹೊತ್ತ್ಯಾ ಜುದೆವ್ ನ್ಹಯ್ ಹೊಲ್ಲ್ಯಾ ಲೊಕಾಂಚ್ಯಾ ಜಗ್ಗೊಳ್ ಮಿಯಾ ತುಕಾ ಧಾಡ್ತಾ ಮನುನ್ ಸಾಂಗ್ಲ್ಯಾನ್”.

22ಹಿ ಗೊಸ್ಟಿಯಾ ಸಾಂಗ್ತಾನಾ ಸಗ್ಳಿ ಲೊಕಾ ಪಾವ್ಲು ಸಾಂಗ್ತಲೆ ಆಯ್ಕುಲಾಲಿ ಮಾನಾ ತೆನಿ “ಅಸ್ಲ್ಯಾಕ್ನಿ ಜಿಮ್ನಿ ವೈನಾ ಕಾಡುನ್ ಟಾಕುಚೆ ಹ್ಯೊ ಜಿವಾನಿ ರ್‍ಹಾವ್ಕ್ ಯೊಗ್ಯಾನಾ” ಮನುನ್ ಬೊಬ್ ಮಾರ್‍ಲ್ಯಾನಿ. 23ತೆನಿ ಬೊಬ್ ಮಾರುನ್ಗೆತ್ ಅಪ್ಲಿ ವೈಲಿ ಅಂಗಿಯಾ ಕಾಡುನ್ ಮಾಟಿ ಮಳ್ಬಾಕ್ಡೆ ಹುಡ್ವುಲ್ಯಾನಿ. 24ತನ್ನಾ ರೊಮಾಚ್ಯಾ ಸೈನಿಕಾಚ್ಯಾ ಮುಖಂಡಾನ್ ಪಾವ್ಲುಕ್ ಬುತ್ತುರ್ ಘೆವ್ನ್ ಜಾವ್ನ್ ಮಾರಾ ಮನುನ್ ಹುಕುಮ್ ದಿಲ್ಯಾನ್,ಲೊಕಾ ಅಶೆ ಬೊಬ್ ಮಾರುಕ್ ಕಾಯ್ ಕಾರನ್ ಮನ್ತಲೆ ತೆಜ್ಯಾಕ್ನಾಚ್ ಸಾಂಗ್ಸುಚೆ ಮನ್ತಲಿ ತ್ಯಾ ಮುಖಂಡಾಚಿ ಆಶ್ಯಾ ಹೊಲ್ಲಿ. 25ಪಾವ್ಲುಕ್ ಮಾರುಕ್ ಸಿಪಾಯಿಯಾ ಭಾಂದಿತ್ ರಾತಾನಾ ಥೈ ಹೊತ್ತ್ಯಾ ರೊಮತ್ಲ್ಯಾ ಅಧಿಕಾರಿಕ್ ಪಾವ್ಲುನ್, “ಚುಕ್ದಾರಿ ಮನುನ್ ನಿರ್ಧಾರ್ ಹೊವ್ಕ್ ನಸಲ್ಲ್ಯಾ ರೊಮಾಚ್ಯಾ ಮಾನ್ಸಾಕ್ ಮಾರುಕ್ ತುಮ್ಕಾ ಹಕ್ಕ್ ಹಾಯ್ ಕಾಯ್?” ಮನುನ್ ಇಚಾರ್‍ಲ್ಯಾನ್.

26ತ್ಯಾ ಅಧಿಕಾರಿನ್ ತೆ ಆಯ್ಕಲ್ಲ್ಯಾ ತಾಬೊಡ್ತೊಬ್ ಸೈನಿಕಾಚೊ ಮುಂಖಡಾಚ್ಯಾ ಜಗ್ಗೊಳ್ ಯೆವ್ನ್, ತಿಯಾ ಕಾಯ್ ಕರುಲ್ಲೆ ಮನುನ್ ತುಕಾ ಗೊತ್ತ್ ಹಾಯ್ ಕಾಯ್? ಹ್ಯೊ ಮಾನುಸ್ ರೊಮ್ ಮನ್ತಲ್ಯಾ ಶಾರಾಚೊ! ಮನುನ್ ಸಾಂಗ್ಲ್ಯಾನ್.

27ತನ್ನಾ ಸೈನಿಕಾಚೊ ಮುಂಖಡ್ ಪಾವ್ಲುಚ್ಯಾ ಜಗ್ಗೊಳ್ ಯೆವ್ನ್, ಸಾಂಗ್ ತಿಯಾ ಖರೆಬಿ ರೊಮ್ ಶಾರಾತ್ಲೊ ಮಾನುಸ್ ಕಾಯ್? ಮನುನ್ ಇಚಾರ್‍ಲ್ಯಾನ್ ಪಾವ್ಲುನ್, ಹೊಯ್ ಮನುನ್ ಜವಾಬ್ ದಿಲ್ಯಾನ್.

28ಸೈನಿಕಾಚ್ಯಾ ಮುಂಖಡಾನ್, ಮಿಯಾ ರೊಮ್ ಶಾರಾಚೊ ಮಾನುಸ್ ಹೊವ್ಕ್ ಲೈ ಪೈಸೆ ದಿಲಾ ಮನುನ್ ಸಾಂಗ್ಲ್ಯಾನ್ ಖರೆ ಪಾವ್ಲುನ್, ಮಿಯಾ ಜಲ್ಮಿಚ್ ರೊಮಾಚೊ ಮಾನುಸ್ ಮಟ್ಲ್ಯಾನ್.

29ಪಾವ್ಲುಕ್ ಪರಸ್ನೆ ಇಚಾರುಕ್ ತಯಾರ್ ಹೊವ್ನ್ ಹೊತ್ತಿ ಲೊಕಾ ತನ್ನಾಚ್ ತೆಚ್ಯಾ ಜಗ್ಗೊಳ್ನಾ ಗೆಲಿ, ಖರೆ ಪಾವ್ಲುಕ್ ತನ್ನಾಚ್ ಭಾಂದುನ್ ಘಾಟಲ್ಲೆ ಹೊತ್ತೆ, ಅನಿ ತೊ ರೊಮಾಚೊ ಮಾನುಸ್ ಹೊಲ್ಲ್ಯಾಕ್ ಸೆನಾಧಿಪತಿಕ್‍ ಭಿಂಯೆ ಕರುಕ್ ಲಾಗ್ಲೆ.

ನ್ಯಾಯ್ ಬೈಟಕಿಚ್ಯಾ ಪಿಢೆ ಪಾವ್ಲು

30ದುಸ್ರೆಂದಿಸಿ ಪಾವ್ಲುಕ್ ವಿರೊಧ್ ಹೊವ್ನ್ ಜುದೆವಾಂಚ್ಯಾ ಲೊಕಾನಿ ಹಾನಲ್ಲೆ ಅಪರಾಧ್ ಕಾಯ್ ಮನುನ್ ಕಳ್ವುನ್ ಘೆವ್ಕ್ ಸೆನಾಧಿಪತಿನ್ ನಿರ್ಧಾರ್ ಕರ್‍ಲ್ಯಾನ್, ತೆಚಾ ಸಾಟ್ನಿ ತೆನಿ ಮುಖ್ಯ್ ಯಾಜಕ್ ಜುದೆವಾಂಚ್ಯಾ ಝಡ್ತಿ ಕರ್‍ತಲ್ಯಾ ತಾಂಡ್ಯಾಚ್ಯಾ ಲೊಕಾಕ್ನಿಬಿ ಗೊಳಾ ಹೊವ್ನ್ ಯೆವ್ಕ್ ಹುಕುಮ್ ದಿಲ್ಲ್ಯಾನ್, ಸೆನಾಧಿಪತಿನ್ ಪಾವ್ಲುಚಿ ಬಾಂದಲ್ಲಿ ಸರ್ಪೊಳಿಯಾ ಕಾಡುನ್ ಟಾಕುನ್ ತೆಕಾ ಭಾಯ್ರ್ ಬಲ್ವುನ್ ಘೆವ್ನ್ ಯೆವ್ನ್ ತಾಂಡ್ಯಾಚ್ಯಾ ಇದ್ರಾಕ್ ಇಬೆ ಕರ್‍ಲ್ಯಾನಿ.

Currently Selected:

ಅಪೊಸ್ತಲಾಂಚಿ ಕಾಮಾ 22: NTSii24

Highlight

Copy