ಅಪೊಸ್ತಲಾಂಚಿ ಕಾಮಾ 21

ಪಾವ್ಲು ಜೆರುಜೆಲೆಮಾಕ್ ಗೆಲ್ಲೆ

1ಅಮಿ ಸಗ್ಳೆ ಜಾಂನ್ತ್ಯಾಕ್ನಿ ಧಾಡುನ್ ದಿವ್ನ್ ಢೊನಾತ್ನಾ ಕೊಸ್ ಮನ್ತಲ್ಯಾ ದ್ವಿಪಾಕ್ ಗೆಲ್ಲ್ಯಾಂವ್, ದುಸ್ರ್ಯಾಂದಿಸಿ ರೊದಾಕ್ ಪಾವುನ್ ಅನಿ ಥೈತ್ನಾ ಪತಾರಾಕ್ ಗೆಲಾಂವ್. 2ಪೊಯಿನಿಕ್ಯಾಕ್ ಜಾತಲಿ ಢೊನ್ ಚಡುನ್‍ ಅಮಿ ಪ್ರಯಾನ್ ಕರುಕ್ ಲಾಗ್ಲಾಂವ್. 3ಅಮಿ ಸೈಪ್ರಸ್ ದ್ವಿಪಾಕ್ ಬಗುನ್ ಢಾವ್ಯಾಭಾಜುಕ್ ಸೊಡುನ್ ಸಿರಿಯಾ ದೆಶ್ಯಾಕ್ಡೆ ಜಾವ್ನ್, ತಿರ್ ಶಾರಾತ್ ಢೊನ್ ಇಬೆಕರ್ಲ್ಯಾಂವ್, ಕಶ್ಯಾಕ್ ಮಟ್ಲ್ಯಾರ್, ಥೈ ಢೊನಾತ್ನಾ ಸಾಮಾನ್ ಉತರ್ತಲೆ ಹೊತ್ತೆ. 4ಅಮಿ ಥೈ ಉಲ್ಲಿ ಶಿಸಾಕ್ನಿ ಬಗುನ್, ತೆಂಚ್ಯಾ ವಾಂಗ್ಡಾ ಸಾತ್ ದಿಸಾ ಹೊತ್ತಾಂವ್, ಅನಿ ತೆಂಚ್ಯಾ ವಾಂಗ್ಡಾ ಪವಿತ್ರ್ ಆತ್ಮೊ ಹೊತ್ತೊ ಬಗಟ್ಲ್ಯಾವ್, ತೆನಿ ಪಾವ್ಲುಕ್ ತಿಯಾ ಜೆರುಜಲೆಮಾಕ್ ಜಾವ್ ನಕ್ಕೊ ಮನುನ್ ಹುಶ್ಯಾರ್ಕಿ ದಿಲ್ಯಾನಿ. 5ತಿ ದಿಸಾ ಕಳದ್ಲ್ಯಾ ಮಾನಾ ಅಮಿ ಜಾತಾನಾ ಥೈತ್ಲಿ ಲೊಕಾ ಸಗ್ಳ್ಯಿ ಅಪ್ಲ್ಯಾ ಬಾಯ್ಕೊ ಪೊರಾಕ್ನಿಬಿ ವಾಂಗ್ಡಾ ಘೆವ್ನ್ ಅಮ್ಕಾ ಪಾವ್ಸುಕ್ ಶಾರಾಚ್ಯಾ ಭಾಯ್ರ್ ಯೆಲ್ಯಾನಿ ಅನಿ ಅಮಿ ಸಮುಂದರಾಚ್ಯಾ ದಂಡೆಕ್ ಡೊಗ್ಲಾ ಘಾಲುನ್ ಮಾಗ್ನೆ ಕರುನ್. 6ಎಕಾಮೆಕಾಕ್ ಜಾವ್ನ್ ಯೆತಾ ಮನುನ್ ಸಾಂಗುನ್ ಢೊನ್ ಚಡ್ಲಾಂವ್ ತೆನಿ ಅಪ್ಲ್ಯಾ ಘರಾಕ್ನಿ ಫಾಟಿ ಪರ್ತುನ್ ಗೆಲೆ.

7ಅಮಿ ತುರ್ ಶಾರಾತ್ನಾ ಅಮ್ಚೆ ಪ್ರಯಾನ್ ಫಿಡೆ ಕರುನ್ ಪ್ತೊಲೊಮಾ ಮನ್ತಲೊ ಶಾರಾಕ್ ಗೆಲ್ಯಾಂವ್ ಥೈ ಹೊತ್ತ್ಯಾ ದೆವಾಚೆರ್ ವಿಶ್ವಾಸ್ ಥವಲ್ಲ್ಯಾ ಲೊಕಾಕ್ನಿ ವಂದನ್ ಕರುನ್ ಎಕ್ ದಿಸ್ ಥೈ ಹೊತ್ತ್ಯಾಂವ್. 8ದುಸ್ರೆ ದಿಸಿ ಸೆಜಾರೆಯ ಶಾರಾಕ್ ಯೆವ್ನ್ ಪಾವ್ನ್ ಫಿಲಿಪ್ಪಾಚ್ಯಾ ಘರಾತ್ ರಾಲ್ಯಾಂವ್, ಬರಿ ಖಬರ್ ಲೊಕಾಕ್ನಿ ಪರ್ಗಟ್ ಕರ್ತಲೆಚ್ ಹೆಜೆ ಕಾಮ್, ಹ್ಯೊ ಜೆರುಜಲೆಮಾಕ್ ಮಜತ್ ಕಾರಿ ಕರುನ್ ಎಚುನ್ ಕಾಡಲ್ಲ್ಯಾ ಸಾತ್ ಲೊಕಾತ್ನಿ ಎಕ್ಲೊ. 9ತೆಕಾ ಲಗಿನ್ ಹೊವ್ ನಸಲ್ಲಿ ಲೆಕಿಯಾ ಹೊತ್ತಿ, ತೆನಿ ದೆವಾಚಿ ಬರಿ ಬಖರ್ ಪ್ರವಾದನ್ ಕರ್‍ತಲೆ ಹೊಲ್ಲೆ.

10ಅಮಿ ಥೈ ಜಾವ್ನ್ ಉಲ್ಲಿ ದಿಸಾ ಹೊಲ್ಯಾ ಮಾನಾ ಅಗಬ್ ಮನ್ತಲೊ ಎಕ್ಲೊ ಪ್ರವಾದಿ ಜುದೆಯಾಕ್ನಾ ಯೆಲೊ. 11ತೆನಿ ಅಮ್ಚ್ಯಾ ಜಗ್ಗೊಳ್ ಯೆವ್ನ್ , ಪಾವ್ಲುಚೊ ಖಬ್ರೆಚೊ ಪಟ್ಟೊ ಕಾಡುನ್ ಘೆವ್ನ್ ಅಪ್ಲಿ ಹಾತಾ ಪಾಯಾ ಭಾಂದುನ್ ಘೆವ್ನ್ ಹ್ಯೊ ಕಂಬ್ರೆಚೊ ಪಟ್ಟೊ ಕೊನಾಚೊ, ತ್ಯಾ ಮಾನ್ಸಾಕ್ ಜೆರುಜಲೆಮಾತ್ಲಿ ಜುದೆವಾಂಚಿ ಲೊಕಾ ಅಶೆ ಬಾಂಧುನ್ ಘಾಲ್ತಾತ್, ಅನಿ ತೆನಿ ತೆಕಾ ಜುದೆವ್ ನ್ಹಯ್ ಹೊತ್ತ್ಯಾ ಲೊಕಾಂಚ್ಯಾ ಹಾತಿತ್ ಒಪ್ಸುನ್ ದಿತ್ಯಾತ್, ಮನುನ್ ಪವಿತ್ರ್ ಆತ್ಮೊ ಸಾಂಗುಲ್ಲಾ ಮಟ್ಲ್ಯಾನ್.

12ಅಮಿ ಹಿ ಬೊಲ್ನಿಯಾ ಆಯ್ಕಲ್ಲ್ಯಾ ತನ್ನಾಚ್ ಪಾವ್ಲುಕ್ ಜೆರುಜಲೆಮಾಕ್ ಜಾತಲೆ ಅನಿ ಥೈ ಹೊತ್ತ್ಯಾ ಲೊಕಾನಿ ನಕ್ಕೊ ಮನುನ್ ಮಾಗುನ್ ಘೆಟ್ಲ್ಯಾಂವ್. 13ಖರೆ ಪಾವ್ಲುನ್ ತುಮಿ ಕಶ್ಯಾಕ್ ರಡುನ್ಗೆತ್ ಮಾಜೆ ಹಿರ್‍ದೆ ಫುಟಿ ಸಾರ್ಕೆ ಕರುಲ್ಲ್ಯಾಸಿ? ಮಿಯಾ ಜೆರುಜಲೆಮಾತ್ ಬಂಧಿಹೊವ್ಕ್ ಥವ್ಡೆಚ್ ನ್ಹಯ್ ಧನಿಯಾ ಜೆಜುಚ್ಯಾ ನಾವಾಸಾಟಿ ಮರುಕ್ಬಿ ತಯಾರ್ ಹಾಂವ್ ಮಟ್ಲ್ಯಾನ್.

14ತೆನಿ ಒಪ್ಪಿನಸ್ತಾನಾ ಹೊತ್ತ್ಯಾ ಸಾಟ್ನಿ ಧನಿಯಾಚ್ಯಾ ಇಚ್ಚಾ ಸಾರ್ಕೆ ಹೊಂವ್ದಿ ಮನುನ್ ಗಪ್ಪ್ ರಾಲ್ಯಾಂವ್.

15ಉಲ್ಲಿ ದಿಸಾ ಕಳದಲ್ಲ್ಯಾ ಮಾನಾ ಅಮಿ ತಯಾರ್ ಹೊವ್ನ್ ಜೆರುಜಲೆಮಾಕ್ ಗೆಲ್ಯಾಂವ್. 16ಸೆಜಾರಾಕ್ನಾ ಉಲ್ಲಿ ಶಿಸಾಲೊಕಾ ಅಮ್ಚ್ಯಾ ವಾಂಗ್ಡಾ ಯೆವ್ನ್ ಅಮಿ ಜಾವ್ನ್ ರ್‍ಹಾತಲ್ಯಾ ಘರಾಪತರ್ ಅಮ್ಕಾ ಪಾವಸ್ಲ್ಯಾನಿ, ತ್ಯಾ ಘರಾತ್ಲೊ ಮಾನುಸ್ ಅದ್ದಿಚ್ಯಾ ಶಿಸಾತ್ನಿ ಎಕ್ಲೊ ಹೊವ್ನ್ ಹೊತ್ತೊ ಸೈಪುಸಾತ್ಲೊ ಮಾನುಸ್ ಮನ್ತಲೊ.

ಪಾವ್ಲು ಜಾಕೊಬಾಚಿ ಭೆಟ್ ಕರ್‍ತಾ

17ಅಮಿ ಜೆರುಜಲೆಮಾಕ್ ಯೆಲ್ಲ್ಯಾ ತನ್ನಾ ವಿಶ್ವಾಸಿ ಲೊಕಾನಿ ಅಮ್ಕಾ ಉಮ್ಮೆದಿನ್ ಸ್ವಾಗತ್ ಕರ್‍ಲ್ಯಾನಿ. 18ದುಸ್ರ್ಯಾಂದಿಸಿ ಪಾವ್ಲುನ್ ಅಮ್ಕಾ ಬಲ್ವುನ್ ಘೆವ್ನ್ ಜಾಕೊಬಾಕ್ ಭೆಟುಕ್ ನ್ಹೆಲ್ಯಾನ್, ತನ್ನಾ ಮುಖಂಡಾ ಸಗ್ಳಿ ಥೈ ಮಿಳುನ್ ಯೆಲ್ಲಿ ಹೊತ್ತಿ. 19ಪಾವ್ಲುನ್ ತೆಂಕಾ ನಮಸ್ಕಾರ್ ಕರುನ್ಗೆತ್, ದೆವಾನ್ ಕರಲಿ ಸಗ್ಳಿ ಕಾಮಾಬಿ ಜುದೆವ್ ನ್ಹಯ್ ಹೊಲ್ಲ್ಯಾ ಲೊಕಾಂಚ್ಯಾ ಮದ್ದಿ ಸಾಂಗುನ್ಗೆಟ್ಲ್ಯಾನ್. 20ತೆನಿ ಹೆ ಆಯಿಕ್ಲ್ಯಾನಿ ದೆವಾಕ್ ಸ್ತುತಿ ಕರ್‍ಲ್ಯಾನಿ, ಅನಿ ತೆನಿ ಪಾವ್ಲುಕ್ ಭಾವಾ, ಹಜಾರ್ಘಟ್ಲಿ ಜುದೆವಾಂಚಿ ಲೊಕಾ ವಿಶ್ವಾಸಿ ಹೊವ್ನ್ ಬದಲಲ್ಲೆ ತಿಯಾ ಬಗುಕ್ ಲಾಗ್ಲೈಯ್, ಅನಿ ಖಾಯ್ದ್ಯಾಂಚೆ ಪುಸ್ತಕ್ ದೆವಸ್ಪಾನ್ ವಾಚುಲ್ಲಾತ್. 21ಜುದೆವ್ ನ್ಹಯ್ ಹೊತ್ತ್ಯಾ ಲೊಕಾಂಚ್ಯಾ ಮದ್ದಿ ಜಿವನ್ ಕರ್‍ತಲ್ಯಾ ಜುದೆವಾಕ್ನಿ ತುಮ್ಚ್ಯಾ ಪೊರಾಕ್ನಿ ಸುನ್ನತ್ ಕರ್ಸುನಕಾಸಿ, ತೆಂಚಿ ಪದ್ದತಿಯಾ ಕರುನಕಾಸಿ ಮೊಯ್ಜೆಚ್ಯಾ ಖಾಯ್ದ್ಯಾಕ್ನಿ ಮಾನುನಕಾಸಿ ಮನುನ್ ತಿಯಾ ಶಿಕಾಪಾ ಕರುಲೈಯ್ ಮನುನ್ ತುಜ್ಯಾ ವಿಶಯಾತ್ ಸಾಂಗುಲ್ಲಾತ್. 22ಅತ್ತಾ ಅಮಿ ಕಾಯ್ ಕರುವಾ? ತಿಯಾ ಹಿತ್ತೆ ಯೆಲ್ಲಿಖಬರ್ ಜುದೆವ್ಯಾಚ್ಯಾ ವಿಶ್ವಾಸಿ ಲೊಕಾಕ್ನಿ ಕಳ್ತಾ. 23ಹೊಲ್ಯಾರ್ ಅತ್ತಾ ತಿಯಾ ಕಾಯ್ ಕರುಚೆ ಮನುನ್ ಅಮಿ ತುಕಾ ಸಾಂಗ್ತಾವ್ ಅಮ್ಚ್ಯಾ ಲೊಕಾತ್ನಿ ಚಾರ್ ಜನಾನಿ ದೆವಾಕ್ಡೆ ಆನ್ ಕರುನ್ಗೆಟ್ಲ್ಯಾತ್. 24ತಿಯಾ ತೆಂಕಾ ಬಲ್ವುನ್ ಘೆವ್ನ್ ಜಾವ್ನ್ ತೆಂಚ್ಯಾ ವಾಂಗ್ಡಾ ತುಕಾಬಿ ನಿತಳ್ ಕರುನ್ಗೆತ್ ತೆಂಚೆ ಹರಕೆ ಪಾವ್ಸು, ಅಶೆ ಕರ್‍ತಾನಾ ತುಜ್ಯಾ ವಿಶಯಾತ್ ತೆನಿ ಆಯ್ಕಲಿ ಖಬ್ರಿಯಾ ಖರೆ ನ್ಹಯ್ ಮನುನ್, ಅನಿ ತಿಯಾ ಮೊಯ್ಜೆಚ್ಯಾ ಖಾಯ್ದ್ಯಾಚ್ಯಾ ಸಾರ್ಕೆ ಚಲ್ತೈಯ್ ಮನುನ್ ಕಳ್ವುನ್ ಘೆತಾತ್.

25ಜುದೆವ್ ನ್ಹಯ್ ಹೊತ್ತ್ಯಾ ವಿಶ್ವಾಸಿ ಲೊಕಾಕ್ನಿ ಅಮಿ ಎಕ್ ಚಿಟ್ ಅತ್ತಾ ಹಾಲಿ ಧಾಡುನ್ ಹೊಲಾ ಮುರ್ತಿಯಾಕ್ನಿ ಭೆಟ್ವಲ್ಲೊ ಖಾನ್ ಖಾವ್ನಕಾಸಿ, ರಗಾತ್ ಖಾವ್ನಕಾಸಿ, ಗಳೊ ಚಿರ್ಡುನ್ ಜಿವ್ ಕಾಡಲ್ಯಾ ಜನಾವರಾಂಚೆ ಮಾಸ್ ಖಾವ್ನಕಾಸಿ, ಕಸ್ಲೊಬಿ ಲೈಂಗಿಕ್ ಪಾಪ್ ಕರುನಕಾಸಿ, ಮನುನ್ ತ್ಯಾ ಚಿಟಿತ್ ಲಿವ್ನ್ ಹೊಲಾ ಮಟ್ಲ್ಯಾನಿ.

26ತನ್ನಾ ಪಾವ್ಲುನ್ ತ್ಯಾ ಚಾರ್ ಜನಾಕ್ನಿ ಅಪ್ನಾಂಚ್ಯಾ ವಾಂಗ್ಡಾ ಬಲ್ವುನ್ ಘೆವ್ನ್ ಗೆಲ್ಯಾನ್, ದುಸ್ರೆ ದಿಸಿ ಪಾವ್ಲುನ್ ಶುದ್ಧಾಚಾರಾಚ್ಯಾ ವ್ರತಾತ್ ಭಾಗ್ ಘೆಟ್ಲ್ಯಾನ್, ಮಾನಾಸರ್ ತೆನಿ ದೆವಾಚ್ಯಾ ಗುಡಿಕ್ ಜಾವ್ನ್ ಶುದ್ದಾಚಾರಾಚಿ ನೆಮಾ ಸಗ್ಳಿ ಸಾರ್‍ತಲೆ ದಿಸಾ ಪರ್ಗಟ್ ಕರ್‍ಲ್ಯಾನ್, ಆಕ್ರಿಚ್ಯಾ ದಿಸಾತ್ನಿ ಹರ್ ಎಕ್ಲೊ ಮಾನುಸ್ ಬಲಿ ದಿತಲ್ಲೆ ಹೊತ್ತೆ.

ಪಾವ್ಲುಕ್ ಗುಡಿತ್ ಬಂಧಿಕರಲ್ಲೆ

27ತಿ ಸಾತ್ ದಿಸಾ ಸರ್ತಲ್ಯಾ ಯೆಳಾರ್ ಹೊತ್ತಿ, ಖರೆ ಎಶ್ಯಾಕ್ನಾ ಯೆಲ್ಲಿ ಜುದೆವಾಂಚಿ ಲೊಕಾನಿ ಪಾವ್ಲುಕ್ ಗುಡಿತ್ ಬಗುನ್ ತೆಂಕಾ ಪಗ್ಳುನ್ ಧುರ್ ಕರುನ್ ತೆಕಾ ಧರುನ್ ಘೆವ್ನ್ ಗೆಲ್ಯಾನಿ. 28“ಜುದೆವಾಂಚ್ಯಾ ಲೊಕಾನು, ಮಾಕಾ ಮಜ್ಜತ್ ಕರಾ! ಮೊಯ್ಜೆಚ್ಯಾ ಖಾಯ್ದ್ಯಾಕ್ನಿ ಅಮ್ಚ್ಯಾ ಲೊಕಾಕ್ನಿ, ಅನಿ ಹ್ಯಾ ಗುಡಿಕ್ ವಿರೊದ್ ಹೊವ್ನ್ ಸಗ್ಳ್ಯಾ ಜಾಗ್ಯಾರ್ನಿ ಲೊಕಾಕ್ನಿ ಶಿಕಾಪಾ ಕರಿತ್ ಹೊತ್ತೊ ಹ್ಯೊಚ್, ಅತ್ತಾ ಹೆನಿ ಉಲ್ಲಿ ಲೊಕಾ ಗ್ರಿಕಾಕ್ನಿ ದೆವಾಚ್ಯಾ ಗುಡಿಕ್ ಬಲ್ವುನ್ ಹಾನ್ಲಾ! ಹ್ಯೊ ಪವಿತ್ರ್ ಜಾಗೊ ಹೆನಿ ಅಶುದ್ದ್ ಕರ್‍ಲಾ!” ಮನುನ್ ಬೊಬ್ ಮಾರುನ್ ಗದ್ದಲ್ ಉಟ್ವುಲ್ಯಾನಿ. 29ತ್ರೊಪಿಯ್ ಮನ್ತಲ್ಯಾ ಗ್ರಿಕಾಂಚ್ಯಾ ಮಾನ್ಸಾಕ್ ಜೆರುಜಲೆಮಾತ್ ಪಾವ್ಲು ವಾಂಗ್ಡಾ ಬಗಲ್ಲ್ಯಾನಿ, ತ್ರೊಪಿಮ್ ಎಫೆಸಾತ್ಲೊ, ತಸೆ ಹೊವ್ನ್ ಪಾವ್ಲುನ್ ತೆಕಾ ಪವಿತ್ರ್ ಜಾಗ್ಯಾರ್‍ನಿ ಬಲ್ವುನ್ ನ್ಹೆಲಾ ಮನುನ್ ಚಿಂತಾಲ್ಯಾನಿ.

30ತನ್ನಾ ಶಾರಾತ್ ಪುರಾ ಗದ್ದಲ್ ಶುರು ಹೊತಾ, ಸಗ್ಳ್ಯಾ ಕಡ್ಲಿ ಲೊಕಾ ಪಳುನ್ ಯೆವ್ನ್ ಪಾವ್ಲಿ ತೆಕಾ ಬಂಧಿ ಕರುನ್ ಗುಡಿತ್ನಾ ಭಾಯ್ರ್ ವಡುನ್ ಹಾನುನ್ ಹೊಲೆ, ಗುಡಿಚಿ ಸಗ್ಳಿ ದಾರಾಬಿ ಎಗ್ದಾಚ್ ಧಾಪುನ್ ಹೊಲಿ . 31ತೆನಿ ಪಾವ್ಲುಕ್ ಜಿವ್ ಕಾಡುಚೆ ಮನುನ್ ಕಟ್ಪಟ್ ಕರಿತ್ ರಾತಾನಾ ಸಗ್ಳ್ಯಾ ಶಾರಾತ್ ಗದ್ದಲ್ ಉಟ್ಲೊ ಮನ್ತಲಿ ಖಬರ್ ಜೆರುಜಲೆಮಾತ್ಲ್ಯಾ ರೊಮ್ ಸೆನಾಧಿಪತಿಕ್ ಗೊತ್ತ್ ಹೊಲೆ. 32ತಾಬೊಡ್ತೊಬ್ ತೆನಿ ಉಲ್ಲಿ ಸೆನಾಧಿಕಾರಿಯಾ, ಅನಿ ಸೈನಿಕಾಕ್ನಿ ಅಪ್ನಾ ವಾಂಗ್ಡಾ ಬಲ್ವುನ್ ಘೆವ್ನ್ ಲೊಕಾಂಚೊ ತಾಂಡೊ ಹೊತ್ತ್ಯಾಕ್ಡೆ ಗೆಲೊ ಸೆನಾಧಿಪತಿಕ್ ಅನಿ ತೆಚ್ಯಾ ಸೈನಿಕಾಕ್ನಿ ಬಗುನ್ ಲೊಕಾನಿ ಪಾವ್ಲುಕ್ ಮಾರ್‍ತಲೆ ಇಬೆ ಕರ್‍ಲ್ಯಾನಿ. 33ಸೆನಾಧಿಪತಿನ್ ಸೈನಿಕಾಕ್ನಿ ಜಾವ್ನ್ ಪಾವ್ಲುಕ್ ಧರುನ್ ದೊನ್ ಸರ್ಪೊಳಿಯಾನಿ ಭಾಂದುಕ್ ಸಾಂಗ್ಲ್ಯಾನ್, ಅನಿ ತೆನಿ ಹ್ಯೊ ಮಾನುಸ್ ಕೊನ್? ಹೆನಿ ಕಾಯ್ ಚುಕ್ ಕರ್‍ಲಾ? ಮನುನ್ ಇಚಾರ್‍ಲ್ಯಾನ್. 34ಥೈತ್ಲಿ ಉಲ್ಲಿ ಲೊಕಾ ಯೆವ್ನ್ ಎಕ್ ವಿಶಯಾತ್ ಬೊಬ್ ಮಾರುಕ್ಲಾಗಲಿ ಹುರಲ್ಲಿ ಲೊಕಾ, ಅನಿ ದುಸ್ರ್ಯಾ ವಿಶಯಾತ್ ಬೊಬ್ ಮಾರುಕ್ಲಾಗಲಿ, ಹ್ಯೊ ಗದ್ದಲ್ ಬೊಬ್ ಮಾರುಲಾಗಲ್ಯಾನ್ ಭರುನ್ ಹೊತ್ತ್ಯಾ ಸಾಟ್ನಿ ಕಾಯ್ ಚಲುಲ್ಲಾ ಮನ್ತಲೆ ಖರೆ ಕಳ್ವುನ್ಗೆವ್ಕ್ ಹೊವ್ಕ್ ನಾ, ತಸೆ ಹೊವ್ನ್, ಸೆನಾಧಿಪತಿನ್ ಪಾವ್ಲುಕ್ ಕೊಟೆತ್ ಘೆವ್ನ್ ಜಾವ್ಕ್ ಹುಕುಮ್ ದಿಲ್ಯಾನ್. 35ಪಾವ್ಲು ಪಾಯ್ರಿಯಾಂಚ್ಯಾ ಜಗ್ಗೊಳ್ ಪಾವಲ್ಲ್ಯಾ ತನ್ನಾ ಲೈ ಲೊಕಾ ಡಕ್ಳುಂಗೆತ್ ಹೊತ್ತ್ಯಾಸಾಟ್ನಿ ಸೈನಿಕಾಕ್ನಿ ತೆಕಾ ಉಕ್ಲುನ್ ಘೆವ್ನ್ ಜಾತಲೆ ಯೆಲೆ, ಲೊಕಾಂಚೊ ತಾಂಡೊ ಲೈ ರಾಗಾನ್ ಭರಲ್ಲೊ ಹೊತ್ತೊ. 36ತಾಂಡೊ ಹೊವ್ನ್ ಯೆಲ್ಲಿ ಲೊಕಾ ಅಮ್ಚ್ಯಾ ವಾಂಗ್ಡಾ ಯೆವ್ನ್ಗೆತ್ ತೆಕಾ ಜಿವ್‍ಕಾಡಾ! ಮನುನ್ ಬೊಬ್ ಮಾರಿತ್.

ಪಾವ್ಲು ಸ್ವತಾಚೊ ಬಚಾವ್ ಕರುನ್ ಘೆತಾ

37ಸೈನಿಕಾನಿ ಪಾವ್ಲುಕ್ ಸೈನಿಕಾಂಚ್ಯಾ ಕೊಟೆತ್ ಘೆವ್ನ್ ಜಾತಾನಾ ಪಾವ್ಲುನ್ ಸೆನಾಧಿಪತಿಕ್ ಎಕ್ ಗೊಸ್ಟ್ ಸಾಂಗುಕ್ ಮಾಕಾ ಅವಕಾಸ್ ಹಾಯ್ ಕಾಯ್? ಮನುನ್ ಇಚಾರ್‍ಲ್ಯಾನ್

ತನ್ನಾ ಸೆನಾಧಿಪತಿನ್ ಹೊ ತುಕಾ ಗ್ರಿಕ್ ಬಾಶ್ಯಾ ಗೊತ್ತ್ ಹಾಯ್ ಕಾಯ್?

38ತಸೆ ಹೊಲ್ಯಾರ್, ಮಿಯಾ ಚಿಂತಲ್ಲೊ ಮಾನುಸ್ ತಿಯಾ ನ್ಹಯ್ ಉಲ್ಲ್ಯಾ ಎಳಾಚ್ಯಾ ಅದ್ದಿ ಗದ್ದಲ್ ಉಟ್ವಲ್ಲೊ ಇಜಿಪ್ತಾತ್ಲೊ ಮಾನುಸ್ ತಿಯಾಚ್ ಮನುನ್ ಮಿಯಾ ಚಿಂತಲೊ ತ್ಯಾ ಮಾನ್ಸಾನ್ ತರಾಸ್ ದಿತಲ್ಯಾ ಚಾರ್ ಹಜಾರ್ ಚೊರಾಕ್ನಿ ಡಂಗ್ಳಿಕ್ ಬಲ್ವುನ್ ನ್ಹೆಲ್ಲೊ ತಿಯಾಚ್ ನ್ಹಯ್ ಕಾಯ್? ಮನುನ್ ಇಚಾರ್‍ಲ್ಯಾನ್.

39ತೆಕಾ ಪಾವ್ಲುನ್ ಮಿಯಾ ಜುದೆವಾಂಚೊ ಸಿಲಿಸಿ ದೆಶಾಚ್ಯಾ ತಾರ್ಸಿಸಾತ್ ಉಪಾಜಲ್ಲೊ, ಮಿಯಾ ತ್ಯಾ ಶಾರಾಚೊ ಪ್ರಮುಖ್ ಮಾನುಸ್, ದಯಾ ಕರುನ್ ಲೊಕಾಂಚ್ಯಾ ವಾಂಗ್ಡಾ ಬೊಲುಕ್ ಅವಕಾಸ್ ಕರುನ್ ದಿವಾ ಮಟ್ಲ್ಯಾನ್ .

40ಸೆನಾಧಿಪತಿನ್ ತೆಕಾ ಅವಕಾಸ್ ದಿತಾನಾ ಪಾವ್ಲುನ್, ಪಾಯ್ರಿಯಾ ವೈನಿ ಇಬೆ ರ್‍ಹಾವ್ನ್; ಲೊಕಾಕ್ನಿ ಗಪ್‍ರಾವ್ಕ್ ಸಾಂಗುನ್, ಲೊಕಾ ಶಾಂತ್ ಹೊಲ್ಲ್ಯಾ ತನ್ನಾ, ಹಿಬ್ರು ಬಾಶೆನ್ ಬೊಲುಕ್ ಶುರು ಕರ್ಲ್ಯಾನ್.

Currently Selected:

ಅಪೊಸ್ತಲಾಂಚಿ ಕಾಮಾ 21: NTSii24

Highlight

Copy