LUKA 12

Isya kubasoka abandu panongwa ya busyobi

(Mat 10.26-27)

1 # Mat 16.6; Mar 8.15 Nkabalilo kako, bo babungene abandu baelifu ba bingi, bikukanyana itolo, popapo Yesu alinkwanda ukuyoba nabafundigwa bake tasi alinkuti, “Mwandege unkese gwa baFarisai, ugu bo busyobi. 2#Mar 4.22; Luk 8.17Namanga kakayako kamo aka kikingile, aka katisakusetuligwaga, naka kafisigwe, aka katisakumanyigwaga. 3Fyobene syosa isi mukusiyobela mungisi, sisakupilikigwaga ndumuli; syosa isi linga muheheligwe mumbulukutu kusofu, sisakufumusigwaga pamwanya panyumba.

Ugwa kuntila

(Mat 10.28-31)

4“Mwe binangu, nikubabula une nikuti, mungabatilaga aba bikugoga umbili, loli panyuma pali isi batikuya nasyo simo isya kubomba ukukinda. 5Loli nisakubanangisya umwe ugwa kuntila. Amuntilege Kyala uyu ikugelela agogile, ali namaka ga kusopela mu Gehena. Ena, nikubabula une nikuti, yo muntilege. 6Bule kali twa batundulu tuhano tutikulisigwa ututalama utunandi fiyo tubili? Loli nakamo muli tututu aka Kyala ikukibwa. 7Syope na si nywili sya kuntu gwinu sibaligwe syosa. Mungatilaga lelo, buno umwe muli bapala ukutukinda twa batundulu tu twingi.

Ukumwitika nukunkana Yesu

(Mat 10.32-33; 12.32; 10.19-20)

8“Loli nikubabula une nikuti, gwesa uyu linga ikunyitika nkyeni mbandu, yo yope na Nnyamundu isakumwitikaga nkyeni mbandumi ba Kyala; 9loli uyu linga ikungana une nkyeni mbandu, yo yope na Nnyamundu isakunkanaga nkyeni mbandumi ba Kyala.

10 # Mat 12.32; Mar 3.29 “Uyu linga ikunjoba limo ilisyu ilibibi Nnyamundu, yo ikuswegigwaga; loli uyu linga ikunhelula Mbepo Mwikemo, yo atisakuswegigwaga.

11 # Mat 10.19-20; Mar 13.11; Luk 21.14-15 “Lelo linga bikubatwala umwe ukwakulongigwa nnyumba syakwiputilamo, na nkyeni mbalagili na kuba maka, mungisakwiyayaga muno mwisakwamulilaga, na isi mwisakuyobaga; 12buno Mbepo Mwikemo isakubamanyisyaga pa pakabalilo kako, sisyo mubagile ukusiyoba.” Ikifwanikisyo kya mundu unkabi uyu ali nkonyofu 13Popapo yumo ugwa nkilundilo alinkumbula Yesu alinkuti, “Mmanyisi, ulimbulaga ugwamyitu ukuti tuyabane ifya pakilingo.” 14Umwene Yesu alinkumbula alinkuti, “Gwe mundu ugwe, ywani uyu anyimike une ukuya ndongi, pamo ukuya gwakubayabania umwe?” 15Alinkubabula alinkuti, “Amuyege maso, mwandege nubunyonywatosa, namanga ubumi bwa mundu bukaya mbwingi bwa fyuma ifi ali nafyo.” 16Popapo alinkubabula ikifwanikisyo, alinkuti, “Ungunda gwa mundu yumo unkabi gwabotwile fiyo. 17Popapo alinkwinogona munda alinkuti, ‘Kali mbombe fiki, buno ngaya napo pabubunganikisyo ifyakulya fyangu?’ 18Alinkuti, ‘Nsyagile; nikupangulaga indamba syangu, nikuyengaga ingulumbapo, mo nisakubunganikisyaga mumo imbeyu yangu nifyuma fyangu fyosa. 19Po nisakuyobaga kumoyo gwangu nisakutigi, Gwe moyo gwangu, uli nafyo ifyuma ifingi itolo, ifi gwilundikile kufyinja fi fingi; utusyege lelo, ulyege, unwege, usekelege.’ 20Umwene loli Kyala alinkumbula alinkuti, ‘Gwe nkonyofu ugwe, ikilo kikiki bikugulonda umoyo gwako; lelo ifi gwitendekekesyaga fisakuyaga fyani?’ 21Mo ayilile lelo uyu linga ikwilundikila ikyuma, bo kwa Kyala akaya nkabi.”

Musubilege mwa Kyala

(Mat 6.25-34)

22Popapo Yesu alinkubabula abafundigwa bake alinkuti, “Po apa nikubabula umwe nikuti, komma ukwiyaya nisya bumi bwinu, ukuti mukulyaga fiki, pamo umbili gwinu, ukuti mukufwalaga fiki. 23Namanga ubumi bufikindile ifyakulya, gope numbili gufikindile ifya kufwala. 24Amwegelege kumakungulu, aga gatikusopa nukutondola, gakaya mfitembe, kangi gakaya nindamba, loli umwene Kyala ikugaswila; umwe musikindile ka kingi itolo injuni. 25Umwe muno muyilile nkwiyaya kwinu, ywani amenye ukwiyongelapo panandi ubutali bwake? 26Lelo linga mukabagila ukusibomba inandi sisisi, po mukwiyaya syaki nisingi? 27#1 Banyaf 10.4-7; 2 Syambu 9.3-6Amwegelege kubulenge muno bukukulila, buno butikwiyula kangi butikuluka; loli nikubabula une nikuti, Yope na yu Malafyale Solomoni mbukabi bwake bosa, akafwelemo imyenda igi gili bo ubulenge ubununu ubu. 28Lelo linga Kyala ikulifwika bunobuno ilisu lya ndisu, ili umusyugu liliko, ulwa kilabo likusopigwa nkigemo kya moto, po atikukindililaga lelo ukubafwika umwe, mwe ba lwitiko ulupepe umwe? 29Nanumwe mungalondaga ukuti tukulyaga fiki, tukunwaga fiki, kangi indumbula syinu singayaga mmwanya. 30Buno fyosa fififi fyo ifi abapanja aba bali nkisu muno bikulonda; namanga uGwisemwe afimenye ukuti fyo ifi mukufilonda. 31Loli umwe amubulondege ubutwa bwake, po lelo fyosa fififi mwisakongeligwangapo.

Ikyuma kya kumwanya

(Mat 6.19-21)

32“Ungatilaga lelo gwe katimo akanandi, buno uGwisemwe ikyelile ukubapa ubutwa. 33Amulisyege ifi muli nafyo, kangi mubapege ifyabupe abalondo. Amwitendekekesyege inyambi sya ndalama isi sitikukulupa, nikyuma kya kumwanya iki kitikwagamo, kuno nunhiyi atikunkako, nimbumbuli yitikonanga. 34Buno kuno kiliko ikyuma kyinu, ko kuno indumbula syinu sisakuyaga.

Umbombi uyu ali maso

35 # Mat 25.1-13 “Amwiyalilege itolo kangi nukwipinya ningwamba, syope ninyale syinu syakege. 36#Mar 13.34-36Nanumwe muyege bo abandu, aba bikungulila umalafyale gwabo bo ikugomoka ukufuma kubwegi; ukuti bo ikwisa ikukung'unda kulwigi, nakalinga itolo bamwigulilege. 37Basayigwa abatumwa bala, aba bo umalafyale ikwisa, isakwaga bali maso; naloli nikubabula une nikuti, isakwifundikililaga umpango nukubatugasya pakulya; ende nukubabombela yuyo. 38Basayigwa abandu aba, bo ikwisa nkabalilo ka kulindilila aka bubili pamo aka butatu, isakubagaga bitendekisye 39#Mat 24.43-44Loli musimanyege isya kuti, linga umwenenyumba akamanyaga akabalilo aka ikwisila angali atikuyileka inyumba yake ukuti yipanguligwege. 40Nanumwe lelo, amwiyalilege, buno Nnyamundu isakwisa pakabalilo aka mutikukinogona.”

Umbombi unsubiligwa nunsita busubiligwa

(Mat 24.45-51)

41Popapo Peteri alinkundalusya Yesu alinkuti, “Gwe Ntwa, kali ikifwanikisyo iki kutubula yuyuswe, pamo nabangi bosa?” 42Umwene Untwa alinkumwamula alinkuti, “Kali ayege ywani undindililanyumba unsubiligwa, ugwa mahala, uyu umalafyale gwake ikumwimika pa bannyumba yake, ukuti abayabilege ifyakulya bo akabalilo kafikile? 43Yo nsayigwa umbombi yula, uyu bo umalafyale gwake ikwisa, isakwagaga ikubomba bo bunobuno. 44Naloli nikubabula une nikuti, isakumwimikaga pakyuma kyake kyosa. 45Loli linga umbombi yula ikuyoba mundumbula yake ikuti, ‘Umalafyale gwangu ikukabilaga ukwisa,’ po ikwanda ukubakoma ababombi abanyambala nababombi abakikulu, ikulya, ikunwa nukugala; 46umalafyale gwa mbombi yula isakwisaga pisiku ili akalilingenie na pakabalilo aka akakamenye, po isakuntumulaniaga pabili, ikiyabo kyake kisakuyaga nabasitakusubiligwa. 47Loli untumwa yula, uyu abumenye ubwigane bwa malafyale gwake, alinkusita nukwiyalila, pamo ukubomba ukufwana nubwigane bwake, yo isakukomigwaga fiyo. 48Loli uyu akamenye, uyu abombaga isya kumpelela ukukomigwa, yo isakukomigwaga panandi. Gwesa uyu linga apegigwe fingi, yo isakumeleligwaga fi fingi; yope uyu linga bamwimike ukulindilila fi fingi, yo bisakukindililaga ukulonda fi fingi kumyake.

Yesu uyu ikupela indapukano

(Mat 10.34-36)

49“Nisile nkukosya umoto nkisu; linga gwalyakile po angali nikusilonda siliku isingi? 50#Mar 10.38Loli ndi nulosyo lwa kuti nosigwege; kangi ndi mbukamandanigwa ukufika apa lukumalikilaga. 51Kali umwe mukwinogona ukuti nisile nkubika ulutengano nkisu? Mma, nikubabula une nikuti, ngisamo nkubika ulutengano loli lu lutapukano. 52Buno ukwanda lilino, bahano abannyumba yimoyene bisakusambukilanaga, batatu bisakubasambukilaga babili, kangi babili bisakubasambukilaga batatu; 53#Mika 7.6bisakusambukilanaga ugwise numwanake undumyana, kangi yope umwana undumyana nugwise; unna numwanake undindwana, yope umwana undindwana nunna; kangi nunna gwa ndume isakunsambukilaga unkamwana, yope nunkamwana isakunsambukilaga unna gwa ndume.”

Ukutulingisania utubalilo

(Mat 16.23)

54Popapo Yesu alinkufibula ifilundilo fya bandu alinkuti, “Linga mulibwene ilibingu likufyuka ukufuma kubuyongelo ilisiku, nakalinga itolo mukuti, ifula yikwisa; po lelo sikuya mo mumo. 55Kangi linga umbelo umfuma kwitongo gukukula, mukuti, ulumu lwisakuya lukali; po lelo sikuya mo mumo. 56Mwe basyobi umwe, ukufyagania ifya nkisu nifya kumwanya ko mumenye, loli muli nafiki ukukagania akabalilo aka?

Mwitikane nugwa nongwa yako

(Mat 5.25-26)

57“Muli nafiki ukulonga mwibene isya bugolofu? 58Buno linga usumwike nugwa nongwa yako kubulongi, fikuti ugele fiyo ukwitikana nagwe munjila, ukuti angisakukugutila kundongi, yope nundongi ukuti angisakukubikaga mmaboko ga nsikali, yope nunsikali ukuti angisakukutaga nnyumba ya bannyololo. 59Nikukubula une nikuti, utisakusokamo siku mumo, bo ukahomba akatalama ka bumalikisyo.”

Currently Selected:

LUKA 12: NNBII

Highlight

Copy