YOHANI 8

1Umwene Yesu yo alinkubuka kukyamba kya misyunguti. 2Nulubunju fiyo alinkubuka kangi ku Nyumba ya Kyala, popapo abandu bosa balinkwisa kumyake; umwene alinkwitugasya pasi alinkubamanyisya. 3Popapo abamanyandagilo nabaFarisai balinkuntwala unkikulu uyu balinkolile mbulogwe, balinkumbika pakati. 4Popapo balinkumbula Yesu balinkuti, “Mmanyisi, unkikulu uyu akoligwe pabulogwe. 5#Levi 20.10; Kukumbu 22.22-24Mundagilo atulagile Mose ukubatika namabwe aba bali bo bunobuno; ugwe lelo kuti fiki?” 6Sisisi syo bayobaga isya kungela, ukuti mo basyagilege isya kumohela. Loli Yesu alinkwinama, alinkusimba nulobe lwake pasi. 7Abene bo bumilisye ukundalusya, popapo alinkwinuka alinkubabula alinkuti, “Uyu akaya nubutulanongwa nabumo mmyinu, yo atalege ukuntika nibwe.” 8Umwene alinkwinama kangi, alinkusimba pasi. 9Abene lelo bo basipilike sisisi, popapo balinkusoka panja yumo yumo, balinkutala abakulumba; alinkusyala Yesu mwene, nunkikulu uyu alyimile pakati. 10Umwene Yesu alinkwinuka, alinkundalusya unkikulu alinkuti, “Gwe nkikulu, bali kugu? Nayumo akakutobesya?” 11Umwene alinkwamula alinkuti, “Nayumo Malafyale.” Popapo Yesu alinkumbula alinkuti, “Po nanine ndikukutobesyaga. Bukaga, loli ukwanda lilino ungatulaga inongwa kangi.”]#8.11Amasyu mu 7.53—8.11Gatagigwamo mmasimbo gamo amafumuke aga iyolo.

Yesu yo lumuli lwa kisu

12 # Mat 5.14; Yoh 9.5 Umwene Yesu alinkwandisya ukuyoba alinkubabula alinkuti, “Une ne lumuli lwa kisu; uyu linga ikungonga une, yo atisakwendaga mungisi, mma, isakuyaga nalo ulumuli lwa bumi.”

13 # Yoh 5.31 Popapo abaFarisai balinkumbula balinkuti, “Ugwe kwisisimikisya gwimwene, ulusisimikisyo lwako lukaya lwa naloli.” 14Umwene Yesu alinkubamula alinkuti, “Pope napa linga nikwisisimikisya nimwene, ulusisimikisyo lwangu lwa naloli; buno menye kuno mfumile nakuno nikubuka, loli umwe mukamanya kuno mfumile nakuno nikubuka. 15Umwe bo mukulonga mukulongela isya mbili, une ndikundonga yumo. 16Loli une linga nikulonga, ubulongi bwangu bwa naloli; buno ngaya nimwene, loli ndi na yuyo alindumile. 17#Kukumbu 19.15Kangi mundagilo syinu mo lisimbigwe ilya kuti, ‘Ubuketi bwa bandu babili, bo bwa naloli.’ 18Une ne nikwisisimikisya nimwene, yope Tata uyu andumile ikusisimikisya une.” 19Popapo balinkundalusya balinkuti, “Ali ko kugu uGuso?” Umwene Yesu alinkwamula alinkuti, “Une mukamanya, yope na Tata mukammanya; linga mwalimenye une, po angali mummenye yope na Tata.” 20Amasyu gagaga Yesu agayobile bo ikumanyisya Nnyumba ya Kyala, pabuyo bwa kusopelapo ifyabupe. Nayumo alinkusita nukunkola, namanga kakali akabalilo kake. Mukabagila ukubuka kuno nikubuka 21Yesu alinkwandisya kangi ukubabula alinkuti, “Une nsumwike, umwe mwisakundondaga, loli mwisakufwilaga mumbibi syinu; kuno nikubuka mukabagila ukwisako.” 22Popapo abaYuda balinkuyoba balinkuti, “Kali ikwigogaga mwene, apa ikuti, ‘Kuno nikubuka mukabagila ukwisako?’ ” 23Umwene alinkubamula alinkuti, “Umwe muli ba pasi apa, une ndi gwa kumwanya; umwe muli ba nkisu iki, une ngaya gwa nkisu iki. 24Po apa mbabulile ukuti mwisakufwilaga mumbibi syinu; papo linga mutikwitika ukuti une yo yuyune, mwisakufwilaga mumbibi syinu.” 25Abene balinkundalusya balinkuti, “Gwani lelo?” Umwene Yesu alinkubamula alinkuti, “Sikaya syo isi ngali nikubabula ukufuma mu mbwandilo? 26Ndi nasyo nyingi isya kubabula nukubalonga umwe; loli uyu andumile yo gwa naloli, na isi nsipilike kumyake syo nikukibula ikisu.” 27Abene bakasyagenie ukuti ayobaga nabo isya Gwise. 28Popapo Yesu alinkuyoba alinkuti, “Linga mumwinwile Nnyamundu, po mwisakusyaganiaga ukuti une yo yuyune; kangi nimwene ndikubomba fimo, loli mumo amanyikisye Tata, mo mumo nikuyobela. 29Umwene uyu andumile une, yo ali nanine; akandeka nimwene, papo nikubomba bwila sisyo sinkyelile.” 30Lelo bo ikusiyoba sisisi, ba bingi balinkumwitika. Abandu ababuke nabatumwa 31Popapo Yesu alinkubabula abaYuda aba balimwitike alinkuti, “Linga mukuya mu mmasyu gangu, bo muli bafundigwa bangu naloli; 32kangi mwisakubumanyaga ubwanaloli, ubwene ubwanaloli bo bwisakubapelaga umwe ukuya babuke.” 33#Mat 3.9; Luk 3.8Abene balinkumwamula balinkuti, “Uswe tuli luyungu lwa Abrahamu, tukayamo siku batumwa ba mundu yumo; lyo kuyoba bulebule ilya kuti, ‘Mwisakuyaga babuke?’ ” 34Popapo Yesu alinkubamula alinkuti, “Naloli nikubabule une nikuti, gwesa uyu ikubomba isya butulanongwa, yo ntumwa gwa butulanongwa. 35Untumwa atikuyamo nnyumba bwila, loli umwana yo ikuyamo bwila. 36Linga uMwana ikubabula, po mukuyaga babuke naloli. 37Menye ukuti umwe muli luyungu lwa Abrahamu, loli mukulonda ukungoga une, papo ilisyu lyangu likayamo mmyinu. 38Une nikuyoba isi nsiketile kwa Tata, nanumwe bububo mukubomba isi musipilike kugwisemwe.”

39Abene balinkumwamula balinkuti, “Uswe tata yo Abrahamu.” Umwene Yesu alinkubabula alinkuti, “Linga mwali bana ba Abrahamu, po angali mukubomba sisyo abombaga Abrahamu.

40“Lilino loli umwe mukulonda ukungoga une ne mundu ne mbabulile isya naloli, isi nasipilike kwa Kyala; sisisi syo Abrahamu akabagile ukusibomba. 41Umwe mukubomba imbombo sya gwisemwe.” Popapo abene balinkuti, “Uswe tukaya sigwana; tuli nagwe Tata yumoywene, yu Kyala.” 42Umwene Yesu alinkubabula alinkuti, “Linga Kyala ali Gwisemwe, po angali munganile une, papo nisile ukufuma kwa Kyala. Namanga ngisa nimwene, loli yuyo yo alindumile une. 43Mutikusyagania fiki isi nikuyoba? Papo mukamanya ukupilika ilisyu lyangu. 44Umwe ugwisemwe yo mohesi, kangi mwiganile ukubomba ifinyonyo fya gwisemwe. Umwene ali ngogabandu ukufuma mu mbwandilo, kangi atikwimamo mbwanaloli, namanga ubwanaloli bukayamo mmyake. Apa linga ikuyoba isya butungulu, po ikuyoba isyake mwene, papo umwene yo ntungulu, kangi yo gwise gwa butungulu. 45Une loli papo nguyoba isya naloli, mutikunyitika. 46Kali alimo yumo mmyinu ugwa kunjoba ububibi? Linga nikuyoba isya naloli, po mutikunyitika fiki? 47Uyu linga afumile kwa Kyala yo ikugapilika amasyu ga Kyala; umwe loli mukafuma kwa Kyala fyobene mutikugapilika.”

Yesu na Abrahamu

48Popapo abaYuda balinkumwamula Yesu balinkuti, “Kali tutikutalusya apa tukuti uli nSamaria, napa tukuti uli mmbepo inyali?” 49Umwene Yesu alinkubamula alinkuti, “Une ngaya nayo imbepo inyali, une nikumwimika yu Tata, loli umwe mutikunyimika une. 50Une ndikwilondela ulwimiko, loli aliko uyu ikululonda, kangi umwene yo ikundongela une. 51Naloli nikubabula une nikuti, uyu linga ikugitika amasyu gangu, yo atisakububonamo siku ubunye.” 52Popapo abaYuda balinkumbula Yesu balinkuti, “Lilino po tumenye itolo ukuti uli nimbepo inyali. Abrahamu afwile, bope nabasololi bafwile, loli ugwe kuti, ‘Uyu linga ikugitika amasyu gangu yo atisakubunogelesyamo siku ubufwe.’ 53Kingamo uli nkulumbapo na kwa tata Abrahamu uyu afwile? Kangi bope nabasololi bafwile, gwe kwipela mfiki ugwe?” 54Umwene Yesu alinkwamula alinkuti, “Linga niyimikaga nimwene, po angali ulwimiko lwangu lwa itolo. Yo yu Tata uyu ikunyimika, uyu umwe mukuti yo Kyala gwitu; 55napa mukammanyamo, une loli nummenye. Linga natigi ngammanya, angali ndi ntungulu bo yuyumwe. Loli une nummenye, lyope nisyu lyake ndibikile. 56Umwene Abrahamu ugwisemwe alikyelile ukulibona ilisiku lyangu; bo alibwene, alinkusekela.” 57Popapo abaYuda balinkumbula Yesu balinkuti, “Gwe ukamala nifyinja amalongo mahano gwe gwati uyobege ukuti numbwene Abrahamu?” 58Umwene Yesu alinkubabula alinkuti, “Naloli nikubabula une nikuti, bo akali nukupapigwa Abrahamu, une bo ndiko.” 59Popapo balinkusala amabwe ukuti bantike; loli umwene Yesu alinkwibilila, alinkusokamo Nnyumba ya Kyala.

Currently Selected:

YOHANI 8: NNBII

Highlight

Copy