YOHANI 12

Yesu ikupakigwa inyemba nkaya ka Betania

(Mat 26.6-13; Mar 14.3-9)

1Lelo bo gasyele amasiku mahano nalimo ukufika iKyaka kya Pasa, Yesu alinkwisa nkaya ka Betania, muno alimo Lazaro uyu alinsyusisye mbafwe. 2Mo balinkumpiyila ifyakulya mumo; umwene Marta alinkubabombela, yope Lazaro ali yo yumo muli aba balyaga. 3#Luk 7.37-38Umwene Maria alinkwega ilitara yimo iya nyemba imbala fiyo inunga, isitakongania nakamo, alinkumpaka Yesu mmalundi, alinkumpyasila ninywili syake; uluma lwa nyemba lulinkutubama mosa nnyumba. 4Loli yumo mbafundigwa bake, Yuda gwa nkisu kya Karioti, uyu ayaga pakumbika mmaboko ga balugu, alinkuyoba alinkuti, 5“Fiki inyemba isi sikulisigwaga pa ndalama abamia batatu (300) ukuti syo babapege abalondo?” 6Umwene akasiyobaga sisisi ukubapakisya abalondo, loli papo ali nhiyi, kangi papo ayaga ninyambi ya ndalama, alinkuniya ifi basopangamo.

7Umwene Yesu alinkumbula alinkuti, “Ndeke, buno asibikile ukuti siyege sya pisiku lya kusyilila une. 8#Kukumbu 15.11Namanga abalondo bo muli nabo bwila, loli une mutikuyaga nanine bwila.”

Ukwitikana isya kungoga Lazaro

9Lelo abaYuda ikilundilo ikikulumba itolo, balinkupilika ukuti Yesu ali nkaya ka Betania, popapo balinkwisa mumo; bakalisile kukunketa Yesu mwene, loli balisile ukuti bakambone na Lazaro, uyu Yesu alinsyusisye mbafwe. 10Popapo abaputi abakulumba balinkwitikana ukuti bakangoge na yu Lazaro, 11papo panongwa yake, abaYuda ba bingi basokaga kumyabo, balinkumwitika Yesu.

Yesu ikwingila mu Yerusalemu nubuponjoli

(Mat 21.1-11; Mar 11.1-11; Luk 19.28-40)

12Ulwa kilabo, abandu ikilundilo ikikulumba aba balisile kuKyaka, balinkupilika ukuti Yesu ikwisa mu Yerusalemu. 13#Salimo 118.25-26Popapo balinkwega isamba sya mipiki gya tugindwa, balinkusoka ukubuka kukumwambilila; balinkukolela balinkuti,

“Hosana, nsayigwa uyu ikwisila mungamu ya Ntwa,

yo yu Malafyale gwa Israeli.”

14Popapo Yesu alinkuyaga imbunda, alinkwitogapo. Bo mumo lisimbigwe ili likuti,

15 # Zeka 9.9 “Mungatetemaga mwe ba nkaya ka Zioni,

keta, Umalafyale gwinu ikwisa,

itogile pambunda imwana.”

16Abene abafundigwa bake balinkusita nukusyagania sisisi pakabalilo kala, loli bo Yesu ingile mbukulumba, popapo balinkukumbuka ukuti sisisi syasimbigwe ukunjoba umwene, nukuti balimbombile sisisi.

17Ikyene lelo ikilundilo iki kyali nagwe, kilinkusifumusya isya kuti Yesu alimbilikile Lazaro ukufuma mwipumba, nukunsyusya mbafwe. 18Po apa ikilundilo kyabukaga kukumwambilila, papo bapilike ukuti apelile ikika kikiki. 19Popapo abaFarisai balinkuyobesania balinkuti, “Musibwene ukuti tuli ba itolo; keta ikisu kyosa kikulukile ku kumyake.”

AbaGriki bamo bikundonda Yesu

20Muli aba bafyukile kukwiputa kuKyaka, balimo nabaGriki bamo. 21Bo balinkwisa kwa Filipu ugwa nkaya ka Betisaida, nkisu kya Galilai, balinkunsuma balinkuti, “Malafyale, tukulonda ukunketa Yesu.” 22Umwene Filipu alinkwakumbula Andrea, popapo Andrea na Filipu balinkwakumbula Yesu. 23Umwene Yesu alinkubamula alinkuti, “Akabalilo kisile apa Nnyamundu ikuya pakwambilila ubukulumba. 24Naloli nikubabula une nikuti, linga uluseke lwa ngano lutikusopigwa mungunda nukufwa, po lukuya lwene itolo; loli linga lukufwa, po lukupa iseke si nyingi itolo. 25#Mat 10.39; 16.25; Mar 8.35; Luk 9.24; 17.33Uyu linga abuganile ubumi bwake, yo isakubutagaga; kangi uyu linga ikububenga ubumi bwake nkisu iki, yo isakububatilaga ukufika kubumi bwa bwila. 26Uyu linga ikumbombela une, yo angongege; kangi kuno ndiko une, ko kuno yope umbombi gwangu isakuyaga. Uyu linga ikumbombela une, yo Tata isakumwimikaga.

Yesu ikuyoba isya kufwa kwake

27“Lilino umoyo gwangu gulalamwike; kali ndigi fiki? Kali ndigi, ‘Tata, ulimbokaga ku kabalilo aka?’ Mma, buno syo sisyo nisile nkabalilo kakaka. 28Gwe Tata, uyipege ubukulumba ingamu yako.”

Popapo ilisyu lilinkufuma kumwanya lilinkuti, “Njipele ubukulumba, kangi nikwandisyaga ukuyipa ubukulumba.”

29Popapo ikilundilo iki kyalyimile papo, kilinkulipilika, bamo balinkuti, “Ko kulunduma kwa njasi;” abangi balinkuti, “Gwandumi gwa Kyala ayobaga nagwe.” 30Umwene Yesu alinkubamula alinkuti, “Ilisyu ili likisa panongwa yangu une, loli lisile panongwa yinu. 31Aka ko kabalilo ka kulongigwa ikisu iki; lilino po unkulumba gwa kisu kikiki ikuya pakutagigwa panja. 32Nanine, linga ninuligwe pakisu, po nisakubakwabilaga kumyanu bosa.” 33Sisisi syo ayobaga ukunangisya ubufwe ubu ayaga pakufwa.

34 # Salimo 110.4; Yes 9.7; Eze 37.25; Dan 7.14 Popapo ikilundilo kilinkumwamula kilinkuti, “Indagilo sikutubula ukuti, Kristi ikuyako bwila itolo; lelo po kuyoba bulebule ukuti, Nnyamundu fikuti inuligwege? Nnyamundu yuyuyu yo aliku?” 35Popapo Yesu alinkubabula alinkuti, “Akabalilo kanandi itolo ulumuli luli nanumwe. Mwendege bo tasi muli nalo ulumuli, ukuti ingisi yingisakubambulaniaga; uyu linga ikwenda mungisi, yo atikumanya nakuno ikubuka. 36Amulwitikege ulumuli bo mukali muli nulumuli ukuti muyege bana ba lumuli.”

Ukusitakwitika kwa bandu

Umwene Yesu bo ayobile sisisi, popapo alinkusokapo, alinkwibilila ukuti bangambonaga. 37Napapo Yesu apelaga ifika fi fingi nkyeni mmyabo, loli abene balinkusita nukumwitika; 38#Yes 53.1ukuti mo lisilege ilisyu ili aliyobile unsololi Yesaya ilya kuti,

“Gwe Ntwa, ywani asitike isi tufumwisye?

Kangi ywani uyu kinsetukile ikiboko kya Ntwa?”

39Fyobene bakabagile ukwitika; namanga Yesaya ayobile kangi ukuti,

40 # Yes 6.10 “Abapupesye amaso gabo,

asipelile ngafu indumbula syabo,

ukuti bangisakuketaga namaso,

bangisakusyaganiaga nindumbula yabo,

bangisakupindukaga, ko kuti nisembabumbulusye.”

41Sisisi syo ayobaga Yesaya papo abubwene ubukulumba bwa Yesu, apa anjobaga yuyo. 42Loli napapo bo syali bunobuno, abakulumba ba bingi balinkumwitika; loli panongwa ya baFarisai, balinkusita nukwinangisya pabwelu, ukuti bangisakubasosyaga nkipanga kyabo. 43Namanga baliganile ukwimikigwa nabandu, ukulukinda ulwimiko lwa Kyala. Ubulongi bwa masyu ga Yesu 44Popapo Yesu alinkukolela alinkuti, “Uyu linga ikunyitika une, yo atikunyitika yo yuyune, loli ikumwitika uyu alindumile une. 45Yope na uyu ikumbona une, yo atikumbona yo yuyune, loli ikumbona uyu alindumile une. 46Une nisile nkisu bo lu lumuli, ukuti gwesa uyu ikunyitika une, angayaga mungisi. 47Uyu linga ikugapilika amasyu gangu loli atikugakonga, yo ndisakundonga; buno ngalisile nkukilonga ikisu, loli nkukipoka ikisu. 48Uyu linga ikunsyokela une, kangi atikugambilila amasyu gangu, yo ali nagwe ugwa kundonga. Ilisyu ili ndiyobile, lyo lisakundongaga pisiku lya kunsulo. 49Buno une ngayobamo isyangu nimwene, loli isya Tata uyu alindumile une, kangi yo andagile isi nisakusiyobaga, namuno nikusiyobelaga. 50Menye ukuti indagilo syake sikutwala ubumi bwa bwila. Isi nikusiyoba lelo, nikusiyoba bo mumo Tata alimbulile.”

Currently Selected:

YOHANI 12: NNBII

Highlight

Copy