UBWANDILO 10

Abisukulu ba Noa

(1 Syambu 1.5-23)

1Aba bo bandu aba bafumile nduyungu lwa bana ba Noa: Shemu, Hamu na Yafeti; abene bababa balinkupapa abana bo umwelesyo gumalike.

2Abana ba Yafeti bo aba: Gomeri, Magogi, Madayi, Yavani, Tubala, Mesheki nu Tirosi. 3Abana ba Gomeri bo aba: Ashikenazi, Rifati na Togarama. 4Abana ba Yavani bo aba: Elisha, Tarishishi, Kitimu na Dodanimi. 5Muli bababa mo muno bafumile abandu aba bikwitugala mu mbali mu nyanja. Bababa bo bana ba Yafeti, aba na aba nkisu kyabo, kangi aba na aba mu njobelo yabo, na mbukamu bwabo muno bayilile mfikolo fyabo.

6Abana ba Hamu bo aba: Kushi, Egiputi, Puti na Kanani. 7Abana ba Kushi bo aba; Seba, Havila, Sabita, Raama nu Sabiteka. Abana ba Raama bo aba: Sheba na Dedani. 8Kushi ali yo gwise gwa Nimrodi; ilindu ili lyali lyakwanda nkisu ukuboneka ukuya lya maka. 9Lyali lindu lifwimi lya maka nkyeni mwa Kyala. Bunobuno abandu balinkunjoba balinkuti, “Bo yu Nimrodi umfwimi ugwa maka nkyeni mu Ntwa.” 10Mbwandilo ubutwa bwake bwalyandile nkaya ka Babeli, Ereki na Akadi, utwaya tosa tututu twali nkisu kya Shinara. 11Bo afumile nkisu iki, Nimrodi alinkubuka ku kisu kya Asiria, ko alinkwakuyenga utwaya utukulumba utu: Ninive, Rehoboti-iri, Kala na Resini, 12akaya akakulumba aka kali pakati pa Ninive na Kala. 13Egiputi ali yo gwise gwa banya Ludi, Anami, Lehabi na Nafutuhi, 14Patirusi, Kasuluhi (mo muno bafumile abaFilisiti) kangi na Kafitori.

15Kanani ali yo gwise gwa Sidoni, uyu yo gwakipanda gwake, na Heti. 16Kangi na banya Yebusi, abanya Amori, abanya Girigashi; 17abanya Hivi, abanya Ariki, abanya Sini, 18abanya Aravadi, abanya Zemara, na banya Hamati. Panyuma po abandu aba bafumile mbakikolo kya Kanani balinkubalanila kosakosa. 19Ikisu kyabo kyalyandile pa kiloboko kya Sidoni kilinkwendelela ukubuka nkaya ka Gerara ku bupipi na kaya ka Gaza, nukwakufika ntwaya utu: Sodomu; Gomora, Adima na Zeboimu; kilinkwakufika ku buyo ubu bikuti Lasha. 20Bababa bo bana ba Hamu, ukufwana nubukamu bwabo muno bakonganile, ninjobelo syabo nifisu fyabo, kangi nikikolo kyabo.

21Mope na mwa Shemu unkulu gwa Yafeti, uyu ali nnyenya gwa banya-Eberi mwapapigwemo abana. 22Abana ba Shemu bo aba: Elamu, Ashuru, Aripakishadi, Ludu na Aramu. 23Aramu apapile abana aba: Uzu, Hulu, Geteri na Mashi. 24Aripakishadi ali yo gwise gwa Shela; yope Shela ali yo gwise gwa Eberi. 25Mwa Eberi mwapapigwemo abana babili: Ingamu ya mwana yumo ali yo Pelegi, namanga mmasiku gake ikisu kyatapukene, unnuguna ali yo Yokutani. 26Yokutani ali yo gwise gwa Alimadadi Shelefi, Hazaramaveti, Yera, na Hadoramu, 27Uzala, Dikila, 28na Obala, Abimayeli, Sheba, na Ofiri, 29Havila, na Yobabu; bosa bababa bali bana ba Yokutani. 30Bitugalaga nkisu kya mfyamba kubusokelo ilisuba, ukwanda pa buyo ubu bikuti Mesha, kulubafu lwa Sefara. 31Bababa bo bana ba Shemu muno bayilile mbukamu bwabo, mu njobelo syabo, mfisu fyabo, na mfikolo fyabo.

32Bababa bo ba nduyungu lwa Noa, ukufwana na muno bakonganile mfikolo fyabo; muli bababa mo fyafumile ifikolo fya bandu, fyo filinkubalanila mfisu fyosa bo umwelesyo gumalike.

Currently Selected:

UBWANDILO 10: NNBII

Highlight

Copy