Иоаннай 1-дэхи хандалга 1

Амидаралгын Үгэ

1Бидэ амидаралгын Үгэ#1:1 Амидаралгын Үгэ – иигэжэ Иоанн Иисүүсые нэрлэнэ. тухай иигэжэ мэдээсэнэбди: анханһаа нааша амидаралгын Үгэ оршожо байгаа, бидэ тэрэ Үгэ соносообди, нюдөөрөө хараабди, гараараа хүрэжэ үзөөбди. 2Тэрэ Амидарал бидэндэ харуулагдаа, тэрэ Амидаралые хараабди. Тэрэ Амидаралга тухай гэршэлнэбди. Хэтэ мүнхын тэрэ амидарал Эсэгэтэй хамта байжа, бидэндэ үзүүлэгдээ гээд бидэ таанарта мэдээсэнэбди. 3Бидэнтэй таанарай харилсахын тула хараһан, дуулаһан юумэеэ бидэ таанарта мэдээсэнэбди. Харин бидэнэр Эсэгэ Бурхантай, Тэрэнэй хүбүүн Иисүүс Христоостой харилсанабди. 4Ехэтэ баясахынгаа тула бидэ энээн тухай бэшэнэбди.

Бурхан хадаа гэрэл туяа мүн

5Тэрээнһээ дуулаһан мэдээсэлээ бидэ таанарташье дуулганабди: Бурхан хадаа гэрэл туяа мүн, харанхы ямаршье юумэн Бурханда байдаггүй! 6«Бидэ Бурхантай харилсанабди», – гэжэ хэлээд, урдынхяараал нүгэлэй харанхы соо һуугаа һаа, бидэ худалаар хэлэһэн болонобди, үнэн зүб бэшээр ажаһууна гээшэбди. 7Хэрбээ Бурхандал адляар гэрэл туяа соо байгаа һаа, хоорондоо бидэ эбтэйбди, тиин Бурханай Хүбүүн Иисүүсэй шуһаниинь маниие ямаршье нүгэл шэбэлһээ арюудхан сэбэрлэнэ.

8Нүгэл хилэнсэ хээгүйбди гээ һаа, бидэ өөһэдыгөө мэхэлнэбди. Энэнь манда үнэн зүб юумэн үгы гэһэн удхатай болоно. 9Хэрбээ нүгэл шэбэл хэһэнээ мэдэрээ һаамнай, үнэншэ зүб Бурхан нүгэл шэбэл хэһыемнай хүлисэхэ, бүхы муу юумэнһээ маниие арюудхан сэбэрлэхэ. 10«Бидэ нүгэл хээгүйбди», – гэжэ хэлээ һаа, Бурханиие бидэ худалша мэтээр харуулнабди, тиин Бурханай Үгэ бидэнтэй байнагүй.

Currently Selected:

Иоаннай 1-дэхи хандалга 1: BurBBL2024

Highlight

Copy