Luqaasa 10

Laapun Tammanne Nam7u Tamaareti Kiitetidosona

1Hessafe guye, Goday hara laapun tammanne nam7u#10:1 Laapun tammanne nam7u: Issi issi maxaafati laapun tamma goosona; qassi paydo 17 xeella. asata dooris. I baanaw qopida katamanne guta ubba sinthatidi baana mela nam7a nam7a oothidi kiittis. 2Yesuusi entako, “Heko, shiiqana kathay daro shin oosanchoti guutha. Yaaniya gisho, katha goday oosanchota kiittana mela woossite.#Maato 9:37-38. 3Hiza, biite, taani hintena dorsatada suudhumeta giddo yeddana.#Maato 10:16. 4Hinte biya ogiyas aykoka oykofite, miishe gidin kathi gidin caamma oykofite. Oge bolla oonaka sarothofite.#Maato 10:7-14; Mar 6:8-11; Luqa 9:3-5. 5Hinte geliya keethe ubbaa koyrottidi, ‘Saroy ha keethaas gido’ yaagite. 6Saro dosiya asi he bessan de7iko, hinte saroy yan shempana; ixas giiko hinte saroy hintew simmana. 7Oosanchos damooze bessiya gisho, hinte gelida keethan hintew shiishidaba ubbaa mishenne uyishe yan gam7ite. Issuwa soope issuwa soo yuuyopite.#2 Qoro 9:14; 1 Ximo 5:8. 8Ay katamaka hinte geliya wode asay hintena mokidi, hintew shiishidaba ubbaa miite. 9He kataman de7iya harganchota pathishe, ‘Xoossaa kawotethay hinteko matis’ yaagidi odite. 10Shin issi katamaa geliya wode asay hintena mokonna ixiko dabaaba keyidi haysada giite:#Hawa 13:51. 11‘Nu tohuwa bolla de7iya hinte katamaa baana pittoos, shin Xoossaa kawotethi hinteko matatidaysa erite.’#Maato 10:7-14; Mar 6:8-11; Luqa 9:3-5. 12Pirda gallasan, ha katamaape Soodome katamaas pirdi kawushe gidanaysa ta hintew odayis” yaagis.#Medhe 19:24-28; Maato 10:15; 11:24.

Ammanonna Ixida Katamata

(Maato 11:20-24)

13Kaallidika, Yesuusi, “Neno Korazine, neno Beetesayda, ayye! Hintenan oosetida malaatati Xiroosaninne Sidoonan oosetidaako yan de7iya asay kayo ma7o ma7idi, bidintha bolla uttidi, beni maarotan geli agganashin.#Isa 23:1-18; Hiz 26:1-21; Iyyu 3:4-8; Amo 1:9-10; Zaka 9:2-4. 14Hessa gisho, hintefe aathidi Xiroosasinne Sidoonas Xoossa pirdi kawuyana. 15Neka Qifirnahooma, salo gakanaw nena dhoqu oothanaw koyay? Ne duge Si7oole holetana” yaagis.#Isa 14:13-15.

16Qassika Yesuusi ba tamaaretako, “Hintena si7ey tana si7ees, hintena ekonnay tana ekenna, tana ekonnay tana kiittidaysa ekenna” yaagis.#Maato 10:40; Mar 9:37; Luqa 9:48; Yoha 13:20.

17Laapun tammanne nam7u tamaareti kiitetida bessaafe daro ufaytishe simmidosona. Yesuusako shiiqidi, “Godaw, ne sunthan tuna ayyaanatika nuus kiitetidosona” yaagidosona.

18Yesuusi entako, “Xalahey salope wol7anthada wodhishin ta be7as. 19Heko, shooshinne korne yedhana melanne morkiya wolqa zaarana mela maata hintew immas. Hintena qohanabay aykoyka deenna.#Maz 19:13. 20Gidoshin, hinte sunthay salo mazgaben xaafetida gisho, ufaytitepe attishin, tuna ayyaanati kiitetida gisho ufaytofite” yaagis.

21He wode, Yesuusi Geeshsha Ayyaanan ufaytidi, “Saluwa sa7aa Godaw, haysa cincatapenne eranchotape genthada yalagatas qoncisida gisho galateta. Ee, ta aawaw, hessa ne oothanaw lo77o shene gidis.

22“Ubbabay ta aawape taw imetis. Na7ay ooneko aawape attishin, hari woyko na7ay qoncisanaw koyeysafe hari oonika aawa erey baawa” yaagis.#Yoha 3:35; 10:15.

23Kaallidika, Yesuusi ba tamaaretas dumma, “Hinte be7eysa be7eysati anjetidaysata. 24Tuma daro nabetinne kawoti hinte be7eysanne si7eysa be7anawunne si7anaw amotidosona, shin be7ibookona, si7ibookona” yaagis.

Tuma Siiqo

25Heko, issi gallas Muse woga eriya issi uray dendidi Yesuusa yaagidi paace oysho oychis. “Astamaariyaw, merina de7o laattanaw taani ay ootho?” yaagis.#Maato 22:35-40; Mar 12:28-34.

26Yesuusi, “Muse maxaafan xaafetidaysi woygii? Ne waata nabbabay?” yaagis.

27Addey zaaridi, “ ‘Ne Godaa ne Xoossaa, ne kumetha wozanape, ne kumetha shempofe, ne kumetha wolqaafenne ne kumetha qofaape dosa. Qassi ne shooruwa ne huupheda dosa’ yaagees” yaagis.#Leewe 19:18; Zaare 6:5.

28Yesuusi iyako, “Neeni like zaaradasa, neka hessada ootha. Neeni merinaw de7on daana” yaagis.#Leewe 18:5.

29Shin uray bana xillo oothanaw koyidi, “I ta shooroy oonee?” yaagis.

30Iya oyshaas Yesuusi yaagidi zaaro immis; “Issi ase de7eysi Yerusalaame katamape duge Iyaarko katama bishin, oge bolla pangati keyidi shocidosona. Iya ma7uwa qaari ekidi hayqopenne paxape giddon yeggidi bidosona. 31Guyepe, Ayhude kahine issoy he ogiyara ba buussu bishe uraa be7idi deshshi gidi aadhis. 32Qassi issi Leewe de7eysi he bessaa gakishe uraa be7idi, hara soora aadhidi bis. 33Shin, issi Samaare biitta ase de7eysi he ogiyara yishe uraa be7idi iyaw qadhetis#2 Taari 28:15. 34Iyako shiiqidi, iya maduntha bolla zaytenne woyne tigidi qachis. Ba hariya bolla utisidi imathi aqiya keethe efis. He bessan iyaw koshshiyaba ubbaa oothis. 35Wontethe nam7u dinaare kessidi imatha keetha aawas immidi, ‘Hayyana ha uraa loytha xeella. Taani new immidaysafe bollara ne kessiyaba ubbaa ta new ciggana’ yaagis.

36“Hiza, ha heedzu asatape pangati shocida uraas shoorotey new oona daanii?”

37Uray zaaridi, “Iyaw qadhetidaysaka” yaagis.

Yesuusi, “Neka bada hessada ootha” yaagis.

Yesuusi Martanne Mayraami Son

38Yesuusi ba tamaaretara oge bishe issi guta gakis. Yan Marta geetetiya issi maccasiya, iya ba son mokasu.#Yoha 11:1. 39Iwuka Mayraamo geetetiya michiya de7awusu, Mayraama qaala si7ashe Godaa tohuwa matan uttasu. 40Shin Marta daro ooson un7etada Yesuusako shiiqada, “Godaw, ta michiya oosuwa ta xalaalas yeggada utta aggin ta daaburiya wode neeni be7ashe si77i gay? Iya tana maaddana mela odikii” yaagasu.

41Shin Goday zaaridi, “Marta, Marta, neeni daroban un7etasaanne metootasa. 42Gidoshin, koyetey issiba xalaala. Mayraama lo77oba doorasu, hessika iipe eketenna” yaagis.

Currently Selected:

Luqaasa 10: GFBLVF

Highlight

Copy