ሜቴ ማጻፋ 10
10
ኖሄ ናይታ ዜሬታ
1ኖሄ ናይታ፥ ሴሜ፥ ካሜኔ ያፌቴ ዬሌታይ ሃይሳፌ ካሊ ጻፌቲዳይሳ፤ ይሳ ሃፌ ጉዬ ኢስታስ ኣቱማ ናይቲ ዬሌቲዳ።
2ያፌቴ ኣቱማ ናይቲ ጎሜሬ፥ ማጎጌ፥ ማዳዬ፥ ያዋኔ፥ ቱባሌ፥ ሜሼኬኔ ቲራሴ 3ጎሜሬ ኣቱማ ናይቲ ኣሽኬናዜ፥ ኢራፋቴኔ ቶጋርማ። 4ያዋኔ ኣቱማ ናይቲ ኤሊሼ፥ ታርሴሴ፥ ኪቲሜኔ ኤሮዴ።#10፡4 ታርሴሴ ጌቴቲዛራ ሃኢ ዎዴ ኢስፔኔ ጌቴታዉስ፤ ኪቲሜ ጌቴቲዛራ ሃኢ ዎዴ ቆጲሮሴ ጌቴታዉስ፤ ኤሮዴ ጌቴቲዛራ ሃኢ ዎዴ ኤሮዴ ጌቴቲዛ ሃሩሮታ ዴሬኮ 5ሃይታንታፌ ኣባ ዶናን ዲዛ ኣሳይ ዉሪ ባ ቢታን ቢታን፥ ባ ቃላን ቃላን፥ ባ ቆሞን ቆሞኒኔ ባ ካዎቴን ካዎቴን ሻኬቲዴስ።
6ካሜ ኣቱማ ናይቲ ኩሼ፥ ጊብጼ፥ ፑጼኔ ካናኔ።#10፡6 ፑጼ ጌቴቲዛራ ሃኢ ዎዴ ሊቢያ ጌቴታዉስ
7ኩሼ ኣቱማ ናይቲ ሴባ፥ ሃዊላ፥ ሳቢቴ፥ ኤራኢሜኔ ሳቢቴካ።
ኤራኢሜ ኣቱማ ናይቲ ሳባኔ ዳዳኔ።
8ኩሼይ ናሙሩዴ ዬሊዴስ፤ ናሙሩዴይ ቢታ ቦላን ኮይሮ ዎልቃማ ኦላንቻ ጊዲዴስ፤ 9ጎዳ ሲንንካ ኢዚ ዎልቃማ ሻንካንቻ ጊዲዴስ፤ ሄሳ ጊሻስ፥ «ናሙሩዴ ማላ ጎዳ ሲንን ዎልቃማ ሻንካንቻ ጊዳ» ጌቴቴስ። 10ኢዛ ካዎቴን ኮይሮ ካታማቲ ሳናኦሬ ቢታን ዲዛ ባቢሎኔ፥ ኤሬኬ፥ ኣካዴኔ ካላናሄ። 11-12ኢዚ ሄ ቢታፌ ኣሶሬ ቢዲ ናናዌ፥ ኤራሆቦቴኔ ካላሄ ካታማታ ኦዴስ፤ ቃሴ ናናዌፔኔ ካላሄፔ ጊዶን ዲዛ ኤሬሴኔ ጌቴቲዛ ጊታ ካታማካ ኦዴስ።
13-14ጊብጼይ ሉዲሜታ፥ ኣናሜታ፥ ላሃቤታ፥ ናፍቱሄታ፥ ጳጺሮሴታ፥ ካሲሉሄታኔ ፊሊስጼሜታ ዬሊዳ ካፍቶሬታ ኣዋ። 15-16ካናኔይ ባ ባይራ ናዛ ሲዶና፥ ኬጼታ፥ ያቡሴታ፥ ኣሞሬታ፥ ጌርጌሴታ ኣዋ፤ 17ቃሴካ ሂዌታ፥ ኣርቄታ፥ ሲኔታ፥ 18ኣርዋዴታ፥ ጻማሬታኔ ሃማቴታ ኣዋ። ሄሳፌ ጉዬ ካናኔ ዜሬቲ ቢታ ቦላ ላሌቲዳ።
19ካናኔ ቢታ ዛዋይ ሲዶናፔ ዶሚዲ ጌራሬኔ ጋዛራ ካንዲ፥ ሶዶሜኔ ጋሞራ፥ ኣዳማኔ ጻቦይሜ ካን ቢዲ ላሻኤሬ ጋኬስ። 20ካሜ ኣቱማ ናይቲ ባ ቆሞን ቆሞን፥ ባ ቃላን ቃላን፥ ባ ቢታን ቢታኒኔ ባ ካዎቴን ካዎቴን ጻፌቲዳይቲ ሃይታንታ።
21ሴሜስ ናይቲ ዬሌቲዳ፤ ኢዚ ያፌቴስ ባይራ ኢሻኔ ኤቦሬ ናይታ ኡባስ ማይዛ። 22ሴሜ ኣቱማ ናይቲ ኤላሜ፥ ኣሶሬ፥ ኣርፋኪሲዴ፥ ሉዴኔ ኣራሜ።
23ኣራሜ ኣቱማ ናይቲ ኡጼ፥ ሁሌ፥ ጌቴሬኔ ሜሼ።
24ኣርፋኪሲዴይ ሼላሄ ዬሊዴስ። ሼላሄይ ኤቦሬ ዬሊዴስ።
25ኤቦሬስ ናምኡ ኣቱማ ናይቲ ዬሌቲዳ፤ ቢታን ዲዛ ኣሳይ ኢዛ ዎዴን ሻኬቲዳ ጊሻስ ኢሳ ሱን ፔሌጌ#10፡25 ፔሌጌ ጉሲ ኢብራዌታ ቃላራ ሻኬቴ ጉሳ ጌቴቲዴስ፤ ኢዛ ኢሻዛ ሱን ዮቂጻኔ ጌቴቴስ።
26ዮቂጻኔይ ናይታ ዬሊዴስ፤ ኢስቲካ ኣልሞዳዴ፥ ሼሌፌ፥ ሃጻርማዌቴ፥ ዬራሄ፥ 27ሃዶራሜ፥ ኡዛሌ፥ ዲቂሌ፥ 28ኦባሌ፥ ኣቢማኤሌ፥ ሳባ፥ 29ኦፊሬ፥ ሃዊላኔ ዮባቤ፤ ሃይታንቲ ዉሪካ ዮቂጻኔ ኣቱማ ናይታ።
30ኢስቲ ዴኢዳ ቢታይ ኣርሼይ ሞኪዛ ባጋራ ዲዛ ዙማ ሜሼፔ ቢዲ ሳፋሬ ጋኬስ። 31ሴሜ ኣቱማ ናይቲ ባ ቆሞን ቆሞን፥ ባ ቃላን ቃላን፥ ባ ቢታን ቢታኒኔ ባ ካዎቴን ካዎቴን ጻፌቲዳይቲ ሃይታንታ።
32ሃይታንቲ ባ ቆሞን ቆሞኒኔ ባ ካዎቴን ካዎቴን ጻፌቲዳ ኖሄ ኣቱማ ናይታ ዜሬታ፤ ይሳ ሃፌ ሲሚን ካዎቴቲ ሃይታንታፌ ቢታ ኡባ ቦላ ላሌቲዳ።
Currently Selected:
ሜቴ ማጻፋ 10: ጋሞመጽቅበፊደል
Highlight
Share
Copy
Want to have your highlights saved across all your devices? Sign up or sign in
The Word for the World International amp The Word for the World Ethiopia
