Лука 16
16
1Исусыс висьталіс Аслас велӧтчиссезлӧ: «Ӧтік морт олас ӧддьӧн бура. Сія керкуас видзас веськӧтлісьӧс. Сылӧ висьталасӧ веськӧтлісьыс йылісь, сія пӧ гусьӧн видзӧ сылісь пажытьсӧ. 2Мортыс корас веськӧтлісьсӧ да висьталас: "Мый ме кыла тэ йылісь? Висьтась аслат удж йылісь. Ӧнісянь веськӧтлісьнас уджавны тэ он понды". 3Сэк веськӧтлісьыс аслыс шуас: "Мый меным керны? Кӧзяинӧ менӧ оз лэдз уджавны гортас. Гарйыны ог вермы, корны ог лысьт. 4Тӧда, мый колӧ керны, медбы менӧ лэдзисӧ мӧдік керкуэзӧ, ог кӧ понды уджавны керкуас веськӧтлісьӧн". 5Сія кӧзяиныслісь одзӧсаліссесӧ ӧтікӧн корлас дынас. Одзза мортыслісь юалас: "Мымда тэ одзӧстін менам кӧзяинлісь?" 6Мортыс висьталас: "Сё#16:6 сё ─ 100 лыддян доз#16:6 лыддян доз ─ мера, одна мера = 30 литров ви". Сэк сія висьталас сылӧ: "Босьт ассит гижӧттӧ, тэрмасьӧмӧн гиж ─ витдас#16:6 витдас ─ 50". 7Мӧдіклісь юалас: "Тэ мымда одзӧстін?" Сія висьталас: "Сё лыддян доз шогді". Сылӧ висьталас: "Босьт ассит гижӧттӧ, гиж ─ кыкьямысдас#16:7 кыкьямысдас ─ 80".
8Кӧзяиныс ошкас умӧль веськӧтлісьсӧ адззисьӧмыс понда. Ӧння кадлӧн отирыс югытлӧн челядься чожажыка адззисьӧны, мый керны ас коддескӧт. 9Ме тіянлӧ висьтала: адззӧ аслыныт ёрттэзнытӧ му вылісь быд берсянас, медбы босьтісӧ тіянӧс пырся оланінӧ, кӧр тіян нем оз ло».
Кык кӧзяинлӧ уджалӧм йылісь
(Мт. 6:24)
10«Кин етшанас надейнӧй, сія надейнӧй и унанас. Кин абу надейнӧй етшанас, сія и унанас абу надейнӧй. 11Тійӧ кӧ му вылісь быд берсянас эдӧ вӧлӧ надейнӧйӧсь, кин тіянлӧ сетас былись дона берсясӧ? 12Тіян киӧ оз кӧ туй сетны мӧдіклісь, кин тіянлӧ сетас ассиныт? 13Некытшӧм кысъялісь оз вермы уджавны кык кӧзяинлӧ. Ӧтыс син вылӧ оз понды ковны, а мӧдсӧ пондас радейтны. Ӧтыслӧ быдӧс пондас бура керны, мӧдыс вылӧ и видзӧтны оз понды. Одӧ вермӧ уджавны Енлӧ да сьӧмлӧ».
14Сійӧ быдӧс кылісӧ и сьӧм радейтісь фарисейез. Нія сералісӧ Исусыс вылын. 15Исусыс нылӧ висьталіс: «Отир одзын тійӧ асьнытӧ мыччалат Ен сьӧрті веськыта оліссезӧн. Но Еныс эд тӧдӧ тіянлісь сьӧлӧммезнытӧ. Мый отирыслӧ дона, сія Еныслӧ сэрпӧсь».
Туйдӧт да Енлӧн Юралӧм
(Мт. 5:32; Мк. 10:11)
16«Туйдӧтлӧн да Енсянь юӧртіссеслӧн кадыс вӧлі Иоан локтӧмӧдз. Ӧння кадсянь Енлӧн Юраланін йылісь Бур Юӧр паськалӧ, и быдыс сэтчин вынсьӧтчӧ пырны. 17Туйдӧтас висьталӧмись эд ӧтік кырӧлок оз ӧш. Чожажык муыс да енӧжыс ӧшасӧ.
18Аслас инькӧт янсӧтчӧм мортыс гӧтрасяс кӧ мӧдік вылын, сія кыскасьӧ иньыс сайсянь. Аслас жӧниккӧт янсӧтчӧм инькасӧ кин босьтас кӧ ас саяс, сія кыскасьӧ».
Бура олісь да Лазар корись
19«Ӧтік морт оліс ӧддьӧн бура. Пасьтасис сія дона бур паськӧмӧ, быд луныс сылӧ вӧлі гажа вежалун. 20Сія кадӧ оліс и Лазар нима корись морт. Сія пукаліс бура олісь морт пыранін дынын. Сылӧн кучикыс быдсӧн вӧлі ӧдӧм. 21Поннэс нювлісӧ сылісь дойманіннэсӧ. Лазарыс корліс сёйны бура олісьыс пызан вылісь усьӧм сёян торресӧ.
22Корись мортыс куліс. Ангеллэс нуӧтісӧ сійӧ Авраам дынӧ. Куліс и бура олісьыс, сійӧ дзебісӧ. 23Адас маитчӧм коста сія лэбтіс синнэсӧ, ылісь казяліс Авраамсӧ да сыкӧт ордчӧн Лазарсӧ. 24Бура олісьыс горӧтіс: "Авраам айӧ! Небыт сьӧлӧмсянь бергӧтчы меланьӧ, иньдӧт ме дынӧ Лазарсӧ. Ась чуньпонсӧ кӧтӧтас ваас да сайкӧтас менчим кылӧс. Эстӧн би пытшкас ме ӧддьӧн маитча". 25Авраамыс сылӧ шуис: "Зонӧй, уськӧт тӧдвылат: тэ эд олікат босьтін ни ассит буртӧ. Лазарыслӧ дӧнзис умӧльыс. Ӧні сія эстӧн сьӧлӧмсӧ бурмӧтӧ, а тэ маитчан. 26Да и ӧні тіян коласын да миян коласын ыджыт пыдӧстӧмин. Сідзкӧ, кин бы мӧдіс татісянь вуджны тіян дынӧ, сія оз вермы. Сідз и тіян дынсянь татчӧ озӧ вуджӧ".
27Сэк мортыс шуис: "Сэк кора тэнӧ, айӧ, иньдӧт Лазарсӧ айӧ керкуӧ. 28Менам эд эмӧсь вит вон. Сія ась висьталӧ нылӧ: оз ков сюрны татчӧ мырсянінас". 29Авраамыс сылӧ висьталіс: "Нылӧн эмӧсь Моисей да Енсянь юӧртіссез, ась кывзӧны нійӧ". 30Сія висьталіс: "Озӧ нія кывзӧ, Авраам айӧ! Локтас кӧ кинкӧ кулӧммез коласісь, сэк нія умӧльсӧ керӧммезныс дынісь бергӧтчасӧ Енлань". 31Авраамыс сылӧ шуис: "Озӧ кӧ нія кывзӧ Моисейсӧ да Енсянь юӧртіссесӧ, сэк нія и кулӧммес коласісь ловзьӧмыслӧ озӧ веритӧ"».
Ылӧтлӧм йылісь
(Мт. 18:6-7,21-22; Мк. 9:42)
Currently Selected:
Лука 16: БЮ19
Highlight
Share
Copy
Want to have your highlights saved across all your devices? Sign up or sign in
