Medheteththa Maxaafa 5
5
Addaame Zereth
1Addaame zereththi hayssafe kaallidi xaafettides; Xoossi as medhdhida gallas bana misatissidi medhdhides.#Medhe 1:27-28 2Addenne maccas ooththi medhdhidi istta anjjides. Istta medhdhidi as gi sunththides.#Mato 19:4; Mar 10:6
3Addaamey 130 layth de7idi bana misatiza attuma naa yelidi iza, «Seete» gi sunththides. 4Addaamey Seete yelidaappe guye 800 layth de7ides; hara attuma naytanne macca nayta yelides. 5Addaamey mulera 930 layth de7idi hayqqides.
6Seetey 105 layth de7idi Heenoose yelides; 7Seetey Heenoose yelidaappe guye 807 layth de7ides; hara attuma naytanne macca nayta yelides. 8Seetey mulera 912 layth de7idi hayqqides.
9Heenoosey 90 layth de7idi Qaynaane yelides; 10Heenoosey Qaynaane yelidaappe guye 815 layth de7ides; hara attuma naytanne macca nayta yelides. 11Heenoosey mulera 905 layth de7idi hayqqides.
12Qaynaaney 70 layth de7idi Malal7eele yelides; 13Qaynaaney Malal7eele yelidaappe guye 840 layth de7ides; hara attuma naytanne macca nayta yelides. 14Qaynaaney mulera 910 layth de7idi hayqqides.
15Malal7eeley 65 layth de7idi Yaareede yelides; 16Malal7eeley Yaareede yelidaappe guye 830 layth de7ides; hara attuma naytanne macca nayta yelides. 17Malal7eeley mulera 895 layth de7idi hayqqides.
18Yaareedey 162 layth de7idi Heenooke yelides; 19Yaareedey Heenooke yelidaappe guye 800 layth de7ides; hara attuma naytanne macca nayta yelides. 20Yaareedey mulera 962 layth de7idi hayqqides.
21Heenookey 65 layth de7idi Maatusaala yelides; 22Maatusaala yelidaappe guye Heenookey 300 layth Xoossa ufayssishe de7ides; hara attuma naytanne macca nayta yelides. 23Heenookey mulera 365 layth de7ides; 24Izi Xoossa ufayssishe diin Xoossi iza ekkida gishshas beettontta dhaydes.#Ib 11:5; Yuhu 14
25Maatusaalay 187 layth de7idi Laameeke yelides; 26Maatusaalay Laameeke yelidaappe guye, 782 layth de7ides; hara attuma naytanne macca nayta yelides. 27Maatusaalay mulera 969 layth de7idi hayqqides.
28Laameekey 182 layth de7idi attuma naa yelidi, 29«Ha naazi GODAY qanggida biitta bollan nuna nu daaburappe shempisana» giidi Nohe gi sunththides.#5:29 Nohe guussi Ibraaweta qaalara shempo guussa. 30Laameekey Nohe yelidaappe guye 595 layth de7ides; hara attuma naytanne macca nayta yelides. 31Laameekey mulera 777 layth de7idi hayqqides.
32Nohey 500 layth de7idi Seeme, Kaamenne Yaafeete yelides.
Currently Selected:
Medheteththa Maxaafa 5: GM
Highlight
Share
Copy
Want to have your highlights saved across all your devices? Sign up or sign in
The Word for the World International
