Байбихьи 9
9
Аллагьас НухӀилгун гьабураб къотӀи
1НухӀидаги гьесул васаздаги баракат лъун, Аллагьас абуна:
«ГӀемерал лъимал гьаре, нужерго къадар цӀикӀкӀинабе ва гьаб ракь цӀезабе. 2Киналго ракьалда ругел жанаваралги, зобалаздасан роржанхъулел хӀанчӀиги, ракьалдасан шурулел жалги, ралъадазулъ ругел ччугӀбиги нужедаса хӀинкъизе риччанте: гьел нужер ихтияралде кьун руго. 3Кинабниги рухӀчӀаголъи нужее квание кьолеб буго Дица; цебе нужее квание ракьул нигӀмат кьун букӀараб гӀадин, гьеб кинабгоги кьолеб буго нужее кваназе. 4Амма жеги жиндилъ рухӀ бугеб, ай жиндилъ би бугеб#9:4 НекӀсияб КъотӀиялда рекъон, бидулъ букӀуна чӀагоябщиналъул гӀумру ва гӀумруялда тӀад ихтиярги цохӀо Аллагьасухъ букӀуна; Бал. Лев. 17:10-14 – бигун цадахъ гьан кваназе гьукъи. гьан кванаге.
5Нужер гӀодобе тӀураб бидухъ, ай нужер рухӀал рахъаралъухъ, инсан чӀвараб жанавар букӀаниги яги цогидав чи чӀварав инсан вукӀаниги, гӀайибиял Дица жавабалде цӀала.
6Лъицаниги пуланав чиясул би гӀодобе тӀуни, цогидас гьев бидуласул биги гӀодобе тӀела. Инсан вижун вугелъулха Аллагьасул сураталда!
7Нужеца гӀемерал лъимал гьаре, нужерго къадар цӀикӀкӀинабе ва гьаб ракь цӀезабе».
8Хадуб Аллагьас НухӀидаги гьесул васаздаги абуна:
9«Дица нужергун ва нужер наслуялъулгун къотӀи гьабулеб буго, 10гьединго гамидаса къватӀибе лъугьанщинаб рухӀчӀаголъиялъулгун: хӀанчӀазулгун, хӀайваназулгун ва жанаваразулгун, ай дунялалъул кинабго рухӀчӀаголъиялъулгун. 11Нужергун Дица гьадинаб къотӀи гьабулеб буго:
– Гьанжеялдаса хадуб, тӀупаналъул лъадалъ гъанкъун, тӀолабго чӀагоябщинаб хвезе гьечӀо. ТӀокӀалъ киданиги тӀупаналъ дунял хвезабизе гьечӀо».
12Аллагьас абуна:
«Дица нужергун ва кинабго чӀагоябщиналъулгун гьабулеб бугеб наслабазухъа наслабазухъе кьолеб абадияб къотӀиялъул гӀаламат гьале: 13Дица накӀкӀазда гьоркьоб нур#9:13 Нур – радуга. чӀезабуна. Гьеб букӀине буго Дида ва гьаб дунялалда гьоркьоб гьабураб къотӀиялъул гӀаламат.
14Дица зодир накӀкӀал данде ракӀарараб мехалъ, гьезда гьоркьоб нур чӀезе буго. 15Гьелдалъун Дида ракӀалда букӀина нужергунги чӀагоябщиналъулгунги гьабураб Дирго къотӀи, – тӀолабго чӀагоябщинаб хвезабулеб тӀупанги тӀокӀалъ букӀинаро. 16НакӀкӀазда гьоркьоб нур лъугьина ва, гьеб бихьарабго, Дида ракӀалде щвела дунялалда кинабго чӀагоябщиналъулгун гьабураб Дирго абадияб къотӀи».
17Аллагьас НухӀида абуна:
«Гьеб буго дунялалда бугеб тӀолабго чӀагоябщиналъулгун Дица гьабураб къотӀиялъул гӀаламат».
НухӀил васал
18Гьале гамидаса къватӀире лъугьарал НухӀил васал: Шем, Хам ва Яфет (Хам вуго Ханаанил эмен). 19Гьел лъабалго рукӀана НухӀил васал, ва гьездасан лъугьана дунялалъул киналго халкъал.
20НухӀица ракь хӀалтӀизабизе байбихьана ва цӀолбол ах чӀана. 21Цо къоялъ, цӀолбол чагъирги гьекъон, мехтана НухӀ ва, тӀад ретӀелги гьечӀого, чадиралъув вегун вукӀана. 22Гьедин гӀицӀго вугев эмен вихьана Хамида (Ханаанил инсуда) ва, чадиралъуса къватӀивеги вачӀун, гьеб вацазда бицана. 23Гьебмехалда Шемицаги Яфетицаги партал мугъалде рехана ва, нахъаса-нахъе ун, инсул чадиралда жанире лъугьана. ТӀаде парталги рехун, бахчана гьез инсул гӀицӀаб черх. Гьел инсул рахъалде ралагьичӀо, гьединлъидал гьезда инсул гӀицӀлъиги бихьичӀо. 24НухӀ мехталидасаги макьидасаги вигьаравго, жиндирго гьитӀинав васас гьабураб жоги лъан, 25гьес абуна:
«Ханаание нагӀана батаги!
Жиндирго вацазул бищун гӀодовегӀанав лагълъун вукӀина гьев».
26Цоги гьес абуна:
«Шемица гӀибадат гьабулев БЕТӀЕРГЬАН Аллагьасе рецц!
Ханаанин абуни, гьесул лагълъун вукӀина.
27Биччанте Аллагьас цӀикӀкӀинабизе Яфетил мал-мулк#9:27 Яфет – жугьутӀ мацӀалда гьаб цӀар релълъуна «цӀикӀкӀин» абураб рагӀуда.!
Яфет вукӀине виччанте Шемил чадразухъ!
Ханаанин абуни, гьесул лагълъун вукӀина».
28ТӀупаналдаса хадубги НухӀица бана жеги лъабнусиялда кӀикъоялда анцӀго сон. 29Кинабниги ичӀнусиялда кӀикъоялда анцӀго сонги бан, НухӀ хвана.
Currently Selected:
Байбихьи 9: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Videos for Байбихьи 9
EP 25. Why Do So Many Cultures Have Flood Myths? The Truth Behind the Stories
Under The Hood
Ep 34. Genesis 10: How Noah’s Sons Shaped the World & God's Redemption Story
The Bible Show
Episode 19: Feeding of Four thousand with the Syrophonecian woman
The Bible Show
Ep 34. Genesis 10: How Noah’s Sons Shaped the World & God's Redemption Story
The Bible Show