Байбихьи 14

Ибрамица ЛутӀ хвасар гьави

1Доб заманалда Шинаралъул хан Амрафелги, Элласаралъул хан Ариохги, Еламалъул хан Кедорлаомерги, Гойималъул хан ТидгӀалги 2рагъулел рукӀана Содомалъул хан БерагӀидаги, Гоморраялъул хан БиршагӀидаги, Адмаялъул хан Шинавидаги, Цевоималъул хан Шемеверидаги, БелагӀалъул (ай, ЦогӀаралъул) ханасдаги данде. 3Гьезул киналго боял данде ракӀарун рукӀана Сиддималъул расалъиялда (гьанже гьениб ЦӀамгӀалаб ралъад буго). 4АнцӀила кӀиго соналъ Кедорлаомерил лагълъиялда гъоркь рукӀана гьел, амма анцӀила лъабабилеб соналъ гьез дандечӀей гьабизе байбихьана. 5АнцӀила ункъабилеб соналъин абуни, жиндир рахъ ккурал ханзабигун цадахъ Кедорлаомерица гъурана Аштерот-Карнайималда рефаимал#14:5 Рефаимал – НекӀсияб КъотӀиялда гӀемер рехсарал, кӀудияб къаркъалаялъул ва къуватал, цӀар рагӀарал гӀадамал. Къанун абураб тӀехьалъул кӀиабилеб бетӀералъул 10, 11, 20, 21-абилел мухъазда хъваралда рекъон, гьезда гьоркьоре унаан: МогӀавиялде могӀавиял рачӀинегӀан гьенир рукӀарал «эмеял» ва Аммониялде аммониял рачӀинегӀан гьенир рукӀарал «замзуммеял» (гьелго «зузеял»)., Гьамалда – зузиял, Шаве-Кирятайималда – эмеял. 6Ва мугӀрузул улка Сеиралда чӀарал хориялги гъурана, гӀицӀаб авлахъалъул рагӀалда бугеб Эль-Параналде щвезегӀан гьезда хадурги лъугьун. 7Гьениса гьел сверана Эн-Мишпаталде (гьебго Кадеш) ва Хацецон-Тамаралда чӀарал амалекиязулги амориязулги киналго ракьал рахъана.

8Гьезда данде рахъана Содомалъул, Гоморраялъул, Адмаялъул, Цевоималъул ва БелагӀалъул (ай, ЦогӀаралъул) ханзаби. Сиддималъул расалъиялда гьез рагъ гьабуна 9Еламалъул хан Кедорлаомеридаги, Гойималъул хан ТидгӀалидаги, Шинаралъул хан Амрафелидаги, Элласаралъул хан Ариохидаги данде. Ункъго хан вагъулев вукӀана щугоясда данде. 10Сиддималъул расалъиялда рукӀана тӀабигӀияб пицӀил цӀурал гӀемерал гвендал. Содомалъул ва Гоморраялъул ханзаби лъутизе лъугьана. Лъутун унел рукӀарал гьезул гӀемерисел рагъухъаби пицӀил гвендазухъе рортана ва гьенир къан хутӀана, хутӀарал мугӀрузде лъутун ана. 11Тушбаби абуни, Содомалъул ва Гоморраялъул тӀолабго бечелъигун хазина-нахърателги хъамал гьабун, гьениса нахъе ана. 12Гьез цадахъ вачун ана Содомалда яшав гьабун вукӀарав Ибрамил вацасул вас ЛутӀги ва гьесул кинабго боцӀи-бечелъиги хъамал гьабуна.

13Лъутун хвасарлъараздасан цо чи вачӀана жугьутӀав Ибрамихъе ва гьесда кинабго бицана. Мамре абулев амориясул миккил гъутӀбузда аскӀоб чӀел гьабун букӀана гьеб заманалда Ибрамица. Мамрелгун ва гьесул вацал Эшколилгун ва ГӀанерилгун Ибрамил букӀана къотӀи-къаялъулаб бухьен. 14Вацасул вас асирлъун вачун ун вукӀин лъайдал, Ибрамица данде ракӀарана жиндирго гӀадамал – гьавураб къоялдасаго гьесул мулклъиялда вукӀарав лъабнусиялда анцӀила микьго рагъде вахъине ярагьунев чи, ва тушбабазда хадув лъугьана. Даналда гӀагарлъухъ, 15сардилъ, гьес жиндирго чагӀи къокъаби гьарун рикьана. Цинги гьел тушбабазде тӀаде кӀанцӀана ва тушбаби лъутизаруна: Дамаскалдаса шималалдехун бугеб Ховаялде щвезегӀан лъутизаруна гьел. 16Гьес тушбабазухъа кинабго нахъе бахъана. Гьединго лутӀги, гьесул боцӀи-бечелъиги, руччабиги ва цогидал киналго асиралги нахъе рачана.

17Кедорлаомерида ва гьесул рахъ ккурал ханзабазда тӀад бергьенлъиги босун, Ибрам нахъвуссун вачӀунеб заманалда, Шаве расалъиялде (ай, Ханасул расалъиялде) гьесда дандчӀвазе вачӀана Содомалъул хан.

Ибрамги Мелкицедекги

18Салималъул хан Мелкицедек вачӀана Ибрамида данде чедги чагъирги босун. ТӀадегӀанав Аллагьасе#14:18 ТӀадегӀанав Аллагь – ЖугьутӀ мацӀалда, «Эль-Эльон». гӀибадат гьабулев кашиш вукӀана гьев. 19Ва гьес Ибрамие дугӀа гьабун, абуна:

«Зобги ракьги бижарав ТӀадегӀанав Аллагьасул баракат рещтӀаги Ибрамиде!

20Дур тушбаби дур кверде кьурав ТӀадегӀанав Аллагьасе рецц!»

Ибрамица Мелкицедекие кьуна тӀолабго давлаялъул анцӀил бутӀа.

21Содомалъул ханас Ибрамида абуна:

«Дир гӀадамал нахъе кье, давла дуего те», – ян.

22Ибрамица жаваб кьуна:

«Зобги ракьги бижарав БЕТӀЕРГЬАНАСДА – ТӀадегӀанав Аллагьасда – цере кверал ккун гьедулев вуго дун, 23дур бечелъиялдасан цо кун-кваргицин яги хьитал рухьунеб чӀологицин дица диего босиларилан. Дица бечелъизавунин Ибрамилан цо къоялъ дуца абичӀого букӀине. 24Дие щибниги хӀажат гьечӀо, дир гӀадамаз кванараб жо хутӀизегӀан. Дида цадахъ рагъарал ГӀанерицаги, Эшколицаги, Мамрецаги босеян абе жидерго бутӀа».

Currently Selected:

Байбихьи 14: АварАК

Highlight

Copy