उतपत्ती 10
10
देस अऊ जातिमन के बिबरन
1येह नूह के बेटा सेम, हाम अऊ येपेत के बंसावली अय। जल-परलय के बाद ओमन के ये बेटामन जनमिन।
येपेत के संतान
2येपेत के बेटामन#10:2 बेटामन एकर मतलब बंसज घलो हो सकथे। पद 3, 4, 6, 7, 20‑23, 29 अऊ 31 म घलो:
गोमेर, मागोग, मादै, यावान, तूबल, मेसेक अऊ तीरास होईन।
3गोमेर के बेटामन:
असकनज, रीपत अऊ तोगरमा होईन।
4यावान के बेटामन:
एलीसाह, तरसीस, कित्ती अऊ रोदानीमन होईन। 5(येमन ले समुंदर तीर के मनखेमन अपन-अपन छेत्र म अपन गोत्र, अपन जाति अऊ अपन भासा के मुताबिक अलग-अलग हो गीन।)
हाम के संतान
6हाम के बेटामन:
कूस, मिसर, पूत अऊ कनान होईन।
7कूस के बेटामन:
सबा, हवीला, सबता, रामा, अऊ सबतका होईन।
रामा के बेटामन:
सेबा अऊ ददान होईन।
8कूस ह निमरोद के ददा#10:8 ददा एकर मतलब पुरखा घलो हो सकथे; पद 13, 15, 24 अऊ 26 रिहिस; निमरोद ह धरती म पहिला बड़े बीर होईस। 9ओह यहोवा के नजर म एक बड़े सिकारी रिहिस; एकर खातिर ये कहे जाथे, “निमरोद के सहीं, यहोवा के नजर म एक बड़े सिकारी।” 10ओकर राज के पहिली केन्द्रमन सिनार#10:10 याने कि, बेबिलोनिया देस म बेबिलोन, ऊरूक, अक्कद अऊ कलने रिहिन। 11ओ देस ले, ओह निकलके अस्सूर देस म गीस, अऊ उहां नीनवे, रहोबोत-ईर अऊ कालह सहर बसाईस, 12अऊ नीनवे अऊ कालह के बीच म रेसेन सहर बसाईस—जऊन ह बड़े सहर अय।
13मिसर ह
लूदी, अनामी, लहाबी, नपतूही, 14अऊ पतरूसी, कसलूही (जेकर ले पलिस्तीमन आईन) अऊ कपतोरी मनखेमन के ददा रिहिस।
15कनान के बड़े बेटा
सीदोन रिहिस,#10:15 या सीदोनीमन के पुरखा तेकर पाछू हित्ती, 16यबूसी, अमोरी, गिरगासी, 17हिब्बी, अरकी, सीनी, 18अरवदी, समारी अऊ हमातीमन घलो होईन।
(बाद म कनानी कुल के मनखेमन बगर गीन 19अऊ कनानीमन के सीमना ह सीदोन ले लेके गरार के तरफ गाजा तक, अऊ फेर सदोम, अमोरा, अदमा अऊ सबोईम के तरफ लासा तक होईस।)
20येमन हाम के बंसज रिहिन, अऊ येमन अपन गोत्र अऊ भासा के मुताबिक अपन-अपन इलाका अऊ जाति म अलग हो गीन।
सेम के संतान
21सेम जऊन ह येपेत के बड़े भाई रिहिस, ओकर घलो बेटामन होईन, अऊ सेम ह जम्मो एबेर बंस के पुरखा रिहिस।
22सेम के बेटामन:
एलाम, अस्सूर, अर्पछद, लूद अऊ अराम होईन।
23अराम के बेटामन:
ऊस, हूल, गेतेर अऊ मेसेक#10:23 देखव सेप्टाजिन्ट अऊ 1 इति 1:17; इबरानी म मस होईन।
24अर्पछद ह सेलह के ददा
अऊ सेलह ह एबेर के ददा रिहिस।
25एबेर के दू झन बेटा होईन:
एक के नांव पेलेग#10:25 पेलेग के मतलब बंटवारा रखे गीस, काबरकि ओकर समय म धरती ह बंट गीस; ओकर भाई के नांव योकतान रिहिस।
26योकतान के बेटामन
अलमोदाद, सेलेप, हसरमावेत, येरह 27हदोराम, ऊजाल, दिकला, 28ओबाल, अबीमाएल, सेबा, 29ओपीर, हवीला अऊ योबाब रिहिन। ये जम्मो योकतान के बेटा रिहिन।
30(ओ जगह जिहां येमन रहत रिहिन, ओह पूरब दिग के पहाड़ी देस म मेसा ले लेके सपारा तक फईले रिहिस।)
31येमन सेम के बंसज रिहिन, अऊ येमन अपन गोत्र अऊ भासा के मुताबिक अपन-अपन छेत्र अऊ जाति म अलग हो गीन।
32अपन-अपन संतान अऊ जाति के मुताबिक, येमन नूह के बेटामन के बंसज अंय। जल-परलय के बाद, जाति-जाति के मनखेमन येमन ले निकलके धरती म बगर गीन।
Currently Selected:
उतपत्ती 10: एस सी ए
Highlight
Share
Copy
Want to have your highlights saved across all your devices? Sign up or sign in
पबितर बाईबल, समकालीन छत्तीसगढ़ी अनुवाद™ एस सी ए™
कापीराईट © 2012, 2016, 2021, 2024 Biblica, Inc.
Biblica, Inc. के अनुमति के दुवारा उपयोग। पूरा संसार म जम्मो अधिकार सुरछित।
Holy Bible, Chhattisgarhi Contemporary Version™ SCA™
Copyright © 2012, 2016, 2021, 2024 by Biblica, Inc.
Used by permission of Biblica, Inc. All rights reserved worldwide.
